རྒྱུ་མཚན་གཞིར་བཞག་གིས་བརྟག་དོན་འཚོལ་གྱིན་ཡོད།

སངས་རྒྱས་བཀྲིས་ཀྱིས་ཚན་རིག་ཟབ་སྦྱོང་སྐད་སྒྱུར་བྱེད་ཐུབ་ཀྱི་ཡོད་ན། ང་ཚོའི་སྤྱི་ཚོགས་ནང་ཚད་ལྡན་གྱི་ལོ་རྩ་བ་གང་མང་ཡོད་པ་སྣང༌། བོད་ཀྱི་དཔེ་མཛོད་ཟེར་དུས་ཚད་མཐོའི་ངོས་འཛིན་བྱེད་མཁན་མི་ཉུང་ཡོད་ཅིང༌། ཁོང་ཚན་རིག་ཟབ་སྦྱོང་གི་སྐད་སྒྱུར་བྱེད་བཅུག་དགེ་བཤེས་ལྷ་རྡོར་ལ་བྱེད་ཀྱི་མེད་པ་འུ་ཐུགས་ཡོད་པ་མཚོན།

༼ གཤམ་དུ་སྐུ་ཞབས་ཕ་བོང་ལགས་ཀྱི་ཟིན་བྲིས་ཀྱི་ནང་དོན་ཞིག་འདྲེན་བཀོད་བྱ་ཆོག་པར་གྱིས། ༽

ཕྱི་སོག་རྒྱལ་ཁབ་ཀྱི་མཁས་པ་ཆེན་མོ་གནམ་ལྕགས་དཔའ་བོའི་འཆད་ཁྲིད།
ཕ་བོང༌། （པེ་ཅིན）
དུས་ཚོད། 2009。5。18ཉིན་གྱི་མཚན་མོ།
ས་གནས། ཀྲུང་དབྱང་མི་རིགས་སློབ་ཆེན་གྱི་ཚོགས་ཁྲིད་ཁང་ག་གེ་མོ།
འཆད་ཁྲིད་མཁན། གནམ་ལྕགས་དཔའ་བོ།
ཉན་མཁན། བོད་རིག་པའི་ཞིབ་འཇུག་གླིང་གི་སློབ་མ་དང་དགེ་རྒན་སྐོར་ཅིག

འཆད་ཁྲིད་ཀྱི་ནང་དོན་གནད་བསྡུས། ད་སྐབས་ཕྱི་སོག་རྒྱལ་ཁབ་ཏུ་བོད་ཡིག་བ ཀོལ་སྤྱོད་ཀྱི་ཐད་ནས་བརྗོད་ན་ཆོས་སྐད་དང་ཕལ་སྐད་གཉིས་སུ་དབྱེ་ཆོགཆོས་ལུགས་ཀྱི་བྱེད་སྒོ་སྣ་ཚོགས་སྤེལ་སྐབས ་ཆོས་སྐད་དམ་བོད་ཀྱི་ཡིག་སྐད་བཀོལ་སྤྱོད་ བྱེད་བཞིན་ཡོད་པས་ཆོས་སྐད་ནི་ཕྱི་སོག་རྒྱལ་ཁབ་ཀྱི་སྐད་རིགས་གཉིས་པ་ལྟ་བུར་གྱུར་ཡོད་པ་དང༌།ཕལ་སྐད་དེ་ དང་བསྡུར་ན་ཁྱབ་ཆུང་བར་འདུག ཕྱི་སོག་ཏུ་སངས་རྒྱས་ཆོས་ལུགས་ཀྱི་དགོན་པ་བདུན་བརྒྱ་ལྷག་དང་གྲྭ་པ་ཁྲི་གཅིག་ལྷག་ཡོད།དེ་དག་གི་དུས་རྒྱུན་དུ་བཀའ་འགྱུར་དང་བསྟན་འགྱུར་གཉིས་ཀྱི་གཞུང་ལ་བསྟེན་ནས་ཆོས་ལུགས་སྤེལ་བཞིན་ཡོད་པ་དང༌། ཐབས་ཀྱི་ཐད་ནས་ཐོས་བསམ་སྒོམ་གསུམ་དང་འཆད་རྩོད་རྩོམ་གསུམ་ལ་བོད་ནང་བཞིན་མཐོང་ཆེན་བྱེད་བཞིན་ཡོད།ཁོ་ཚོས་ཆོས་ཀྱི་རྩ་བར་འགྲེལ་རྒྱག་སྐ བས་གནའ་བོའི་བོད་ཀྱི་དགོངས་འགྲེལ་དང་ མཆན་འགྲེལ། དོན་འགྲེལ། དཀའ་འགྲེལ་སོགས་སྲོལ་རྒྱུན་བཟང་བོ་སྔར་བཞིན་རྒྱུད་འཛིན་བྱེད་བཞིན་ཡོད་ཟེར།

ཕྱི་སོག་གི་ཆོས་ལུགས་བརྩམས་ཆོས་ཀྱི་རྩོམ་སྟངས་ཀྱི་ཐད་ནས་མང་ཆེ་བ་ཚིགས་བཅད་ལྟར་བྲིས་ཡོད་པ་དང༌། བྱེ་བྲག་ཏུ་མགུར་མ་དང༌།བསླབ་བྱ། ལེགས་བཤད། འཕྲིན་ཡིག་སོགས་དར་ཡོད་ལ། བཅད་ལྷུག་སྤེལ་མའི་རྩོམ་ཚུལ་ཀྱང་ཡོད། དེ་མིན་ད་དུང་ལོ་རྒྱུས་དང་ཆོས་འབྱུང་སོགས་ཀྱི་བརྩམས་ཆོས་སུམ་བརྒྱ་ཙམ་དར་ཡོད་པར་བརྗོད།
ནང་སོག་ཏུ་བོད་ཀྱི་གེ་སར་གྱི་སྒྲུང་དང་མ་ཎི་བཀའ་འབུམ།མདོ་མཛངས་བླུན། རོ་སྒྲུང༌། དཔེ་ཆོས་རིན་ཆེན་སྤུངས་པ་སོགས་བསྒྱུར་ཡོད་པ་དང༌། དེ་ལས་ཀྱང་མིང་དུ་གྲགས་པའི་འགྱུར་རྩོམ་གྱི་སྐོར་ལ་བྱ་མགྲིན་ཟླ་བའི་ཟླ་བའི་རྟོགས་བརྗོད་དང༌། མི་ལ་རས་པའི་རྣམ་ཐར། མི་ལའི་མགུར་འབུམ། ས་སྐྱ་ལེགས་བཤད། དགེ་ལྡན་ལེགས་བཤད། ཆུ་ཤིང་གི་བསྟན་བཅོས་སོགས་ཡིན་པར་བརྗོད། གནམ་ལྕགས་དཔའ་བོ་ཁོ་རང་ཉིད་ལ་མཚོན་ན་སྙན་ངག་མེ་ལོང་དང༌། ས་སྐྱ་ལེགས་བཤད་གཙོ་གནད་དུ་བཟུང་ནས་བསླབ་བྱ་དང་བསྟན་བཅོས་ཀྱི་སྐོར་ལ་ཞིབ་འཇུག་བྱེད་བཞིན་ཡོད་པ་དང༌། ས་སྐྱ་ལེགས་བཤད་ཕྱི་སོག་ཏུ་དར་ཁྱབ་ཆེན་པོ་ཡོད་པར་བརྗོད། ཁོང་གིས་ཆུང་མ་ངན་དང་མཛའ་བོ་ངན།། རྒྱལ་པོ་ངན་པ་སུ་ཞིག་བསྟེན།། ཞེས་པ་སོག་ཡིག་ཏུ་ཇི་ལྟར་བསྒྱུར་ཡོད་པ་གསལ་བོ་གསུངས་སོང༌།

1981ལོར་ཕྱི་སོག་ནས་རྟ་མགྲིན་སྲུང་ཞེས་པའི་མཁས་པ་ཞིག་གིས་བོད་རིག་པ་ཞིབ་འཇུག་ཁང་བཙུགས་པ་དང་མཁས་པ་དེ་འདས་རྗེས་གནམ་ལྕགས་དཔའ་བོ་ཁོང་རང་གིས་ཞིབ་འཇུག་ཁང་དེའི་མགོ་ཁྲིད་ཀྱི་འགན་ཁུར་ཡོད་ཟེར།
དེ་མིན་ད་དུང་ཕྱི་སོག་ཏུ་རིན་ཆེན་དང་བེ་ར།ཡོན་ཏན་སོགས་བོད་རིག་པའི་ཞིབ་འཇུག་པ་ཡོད་ཅིང༌། ཕྱི་སོག་ཏུ་ནང་བསྟན་སློབ་གླིང་ཞིག་ཀྱང་བཙུགས་ཡོད་པར་འདུག དེ་མིན་ད་དུང་ཕྱི་སོག་ཏུ་བོད་ཀྱི་གསོ་རིག་དང་རྩིས་ཀྱི་སྐོར་ལ་ཞིབ་འཇུག་བྱེད་མཁན་མང་ལ་དར་ཁྱབ་ཆེན་པོ་ཡོད་པར་འདུག དེ་ལྟར་དུས་ཚོད་གཅིག་རིང་ལ་འཆད་ཁྲིད་བྱས་རྗེས་སློབ་མའི་བཀའ་འདྲི་བྱས།

དྲི་བ། ཁྱེད་རང་སངས་རྒྱས་ཆོས་ལུགས་ལ་དད་པ་ཨེ་ཡོད།
ལན། ང་ལ་མཚོན་ན་སངས་རྒྱས་ལུགས་ལ་དད་པ་ཡོད་པར་མ་ཟད། དུས་རྒྱུན་དུ་སེམས་ནས་སྒོམ་བཞིན་ཡོད་ཅིང་ངས་བལྟས་ན་སངས་རྒྱས་ཆོས་ལུགས་ནི་ཚན་རིག་རེད།

དྲི་བ། ཕྱི་སོག་ཏུ་གྲྭ་པ་རྣམས་ཀྱིས་ཆོས་རྩོད་བྱེད་སྐབས་སོག་ཡིག་གི་ལམ་ནས་རྩོད་པ་བྱེད་བཞིན་ཡོད་དམ་བོད་ཡིག་གི་ལམ་ནས་རྩོད་བྱེད་བཞིན་འདུག
ལན། བོད་ཡིག་གི་ལམ་ནས་རྩོད་པ་བྱེད་བཞིན་ཡོད་ཅེས་ཁོ་རང་གིས་དཀར་པོ་ཡིན་ན་ཁ་དོག་ཡིན་པའི་མ་ཁྱབ་ཅེས་ལག་པས་ཆོས་རྩོད་བྱེད་པའི་ཕྱག་བརྒྱ་བསྟན་ནས་ལན་བཏབ་བྱུང༌།

དྲི་བ། སོག་པོ་རྒྱལ་ཁབ་ཀྱིས་བོད་ཀྱི་ལོ་གསར་ལ་རོལ་བཞིན་པའི་གནས་ཚུལ་གསུང་རོགས།
ལན། ངོ་མ་རེད། ང་ཚོས་སྤྱི་ལོ་ལྟར་བོད་ཀྱི་ལོ་གསར་ལ་རོལ་བཞིན་ཡོད།

དེ་མིན་ད་དུང་གནམ་ལྕགས་དཔའ་བོས་བོད་ཀྱི་དེང་རབས་ཀྱི་མཁས་པ་དུང་དཀར་བློ་བཟང་འཕྲིན་ལས་སྐུ་འཚོ་གཞེས་ཀྱི་སྐབས་སུ་ངོ་ཤེས་ལ་ད་སྐབས་དུང་དཀར་ཚིགས་མཛོད་སོགས་དཔེ་སྐོར་ཞིག་ནི་ཁོང་གི་དཔེ་ཆའི་ལག་ཆ་ལྟ་བུར་གྱུར་ཡོད་ཅེས་བརྗོད་བྱུང༌།

རང་གི་མྱོང་དཔྱད།
ང་ལ་མཚོན་ན་དུས་ཚོད་ཇི་འདྲ་དཀོན་ན་ཡང་འཆད་ཁྲིད་ལ་ཉན་རྒྱུ་ནི་རང་གི་སློབ་སྦྱོང་འཚོ་བའི་ཁྲོད་ཀྱི་གྲུབ་ཆ་གལ་ཆེན་ཅིག་ཡིན་པ་དང་ནམ་རྒྱུན་དུས་ལྟར་བཀོད་སྒྲིག་འོས་འཚམས་བྱས་པ་ཡིན། 2009﹒5﹒18ཉི ན་གྱི་མཚན་མོའི་འཆད་ཁྲིད་ལ་དུས་ལྟར་ཉན་དུ་སོང༌། ཆུ་ཚོད་བདུན་གྱི་ཐོག་འཆད་ཁྲིད་དུས་ལྟར་མགོ་བརྩམས་སོང༌། དགོངས་ལོ་ལྔ་བཅུ་ཚར་ལ་ཉེ་བའི་བགྲེས་པོ་དབུ་དཀར་ཞིག་གིས་སྒོ་སམ་དུ་བོད་ཡིག་འགའ་ཤར་མར་བྲིས་པའི་ཚེ་ ན་ངའི་རྣམ་རིག་ཇེ་གསལ་དང་འདུ་ཤེས་ཇེ་དྲག་ཏུ་བཏང༌། ངོ་མ་སོག་རིགས་བགྲེས་པོ་ཞིག་གི་བོད་སྐད་དང་བོད་ཡིག་ལ་བཅངས་པའི་བརྩེ་སེམས་དང་གཟབ་ནན་གྱིས་ང་ལ་དགའ་བ་ཚད་མེད་སྤྱིན་ཅིང་སྟོང་བསམ་གང་མང་སྤྱིན། འཆད་ཁྲིད་ཧྲིལ་བོའི་གོ་རིམ་ཁྲོད་ནས་ངས་ནན་ཏན་གྱིས་ཉན་ཅིང་ནན་ཏན་གྱིས་ཟིན་བྲིས་བཏབ། འཆད་ཁྲིད་མཇུག་རྫོགས་རྗེས་དྲི་བ་གང་མང་ཞིག་བསྐྱོན་འདོད་ཀྱང་དྲི་བ་གཅིག་ཀྱང་འདྲི་མ་ཕོད།ཡིན་ན་ཡང་ངས་ཁྱེད་ཀྱི་ངོ་མཚར་བའི་འཆད་ཁྲིད་ལ་ངས་སེམས་བསམ་པའི་སྟེང་ནས་བཀའ་དྲིན་ཞུས་པ་ཡིན་ཞེས་བརྗོད་འདོད་ཀྱང་ངག་ནས་མ་འཁྲོལ།

ངོ་མ་ང་ཚོ་བོད་པ་ཚང་གིས་ཀྱང་མ་མཐའ་ཡང་བོད་རང་གི་ལོ་གསར་ལ་གཅིག་གྱུ ར་སྒོས་རོལ་རྒྱུ་དང༌། བོད་ཡིག་བོད་སྐད་ལ་འབད་བརྩོན་སྔར་ལས་ལྷག་པ་བྱེད་རྒྱུ་སོགས་ནི་ང་ཚོ་བོད་མི་རྣམས་ཀྱི་བསམ་གཞིག་གཏང་རྒྱུ ་དང་འབད་བརྩོན་བྱེད་རྒྱུའི་ཁུར་གཡོལ་དུ་མེད་པ་ཞིག་ཡིན་ནོ།།
གཡོ་མེད་སྙིང་རྗེའི་དབང་ཕྱུག་སྤྱན་རས་གཟིགས།།
ཡུད་ཙམ་ཁྲོས་པའི་སྤྱན་གྱི་སྡང་མིག་གིས།།
གསེར་འབྲུག་སྡེར་ལྔའི་ཁྲི་ལ་འགྱིངས་པ་ཡི།།
མཐུ་ལྡན་གནམ་གྱི་བུ་ཡང་འདར་བར་བྱས།། （དགེ་ཆོས）ཞེས་པའི་མཛེས་སྡུག་ གི་འདས་ཟླ་དང་རྟ་དམག་ཁྲི་སྟོང་གི་རྨིག་སྒྲའང་དྲན་པར་བྱས་སོ།།

འབྲས་སྤུངས་སྒོ་མང་ཁང་ཚན་གྱི་གྲྭ་འཇིགས་མེད་ལགས་སུ།

ཐུགས་སྣང་བྱེད་དགོས་ས་ཞིག་ལ་རྗེས་ཕྱོགས་གོང་གི་འདི་འདྲ་མ་འབྲི་རོགས། གང་ཡིན་ཟེར་ན་འབྲས་སྤུངས་སྒོ་མང་གྲ་ཚང་ཟེར་གྱི་ཡོད་པ་ལས་ཁང་ཚན་ཟེར་གྱི་ཡོད་པ་མ་རེད། འབྲས་སྤུངས་ལ་གྲ་ཚང་གཉིས་ཡོད་པ་རེད། གཅིག་ནི་སྒོ་མང་དང་གཞན་དེ་ནི་བློ་གསལ་གླིང་ཞེས་སུ་གྲགས་པ་རེད། གྲ་ཚང་རེ་རེའི་ནང་དུ་ཁང་ཚན་མི་ཉུང་བ་རེ་ཡོད།