རྒན་པ་ཚོའི་སྐྱོན་བརྗོད་དང། གཞོན་པ་ཚོའི་བསྟོད་བསྔགས་ཁྲོད་ནས་ ༢༠༠༩ ལོའི་བོད་ཀྱི་མཛངས་མ་འགྲན་བསྡུར་དེ་དངོས་སུ་མགོ་བཙུགས་ཏེ། ཕྱི་ཚེས་ ༢༨ ཀྱི་ཞོགས་པར་བོད་རིགས་གཞོན་ནུ་མ་བཞི་བཞུགས་སྒར་དུ་འཛོམས་ཡོད། ད་ལོ་ནི་བོད་ཀྱི་མཛངས་མ་འགྲན་བསྡུར་ཐེངས་བརྒྱད་པ་དེ་ཆགས་ཡོད་ལ། ན་གཞོན་བློ་བཟང་དབང་རྒྱལ་གྱི་དཀའ་སྤྱད་འབད་འབུངས་ཁྲོད། ལོ་རེ་བཞིན་རྣམ་པ་ཇེ་རྒྱས་དང༌། སྤུས་ཀ་ཇེ་ལེགས་ཀྱི་སྣང་ཚུལ་འདུག་མོད། ལོ་རེ་རེའི་མཛངས་མ་རང་ངོས་ནའང་བཟང་ངན་ལེགས་ཉེས་ཀྱི་གནས་སྟངས་ཅི་རིགས་ཤིག་ཡོང་གིན་ཡོད།
དེ་རིང་སྔ་དྲོའི་ཆུ་ཚོད་ ༡༡ དང་ཕྱེད་ཀའི་སྟེང༌། བཞུགས་སྒར་ངྷ་རམ་ས་ལར་ ༢༠༠༩ ལོའི་བོད་ཀྱི་མཛངས་མ་འགྲན་བསྡུར་གྱི་སྔོན་འགྲོའི་གསར་འགོད་གསལ་བསྒྲགས་དེ་བསྐྱངས་ཡོད་པ་དང། ད་ལོའི་བོད་ཀྱི་མཛངས་མ་འགྲན་བསྡུར་ཁྲོད་བུ་མོ་ ༤ མཉམ་ཞུགས་གནང་ཡོད་པ་དང། དེ་དག་རྡེར་རྡུན་ནས་ཡིན་ཞིང་རང་ལོ་ ༢༤ ཡིན་པའི་སྒྲོལ་དཀར་དང༌། རྡོ་རྗེ་གླིང་ནས་ཡིན་ཞིང་རང་ལོ་ ༡༨ ཡིན་པའི་ངག་དབང་ཆོས་དབྱངས། ངྷ་རམ་ས་ལ་ནས་ཡིན་ཞིང་རང་ལོ་ ༢༠ ཡིན་པའི་བསྟན་འཛིན་ཆོས་འཛོམས། སྦིར་གཞིས་ཆགས་ནས་ཡིན་ཞིང་རང་ལོ་ ༢༤ ཡིན་པའི་ཡེ་ཤེས་ལྷ་མོ་བཅས་ཡིན།
སྐབས་དེར་བོད་ཀྱི་མཛངས་མ་འགྲན་བསྡུར་གྱི་སྤྱི་ཁྱབ་བཀོད་འདོམ་པ་བློ་བཟང་དབང་རྒྱལ་ལགས་ཀྱིས་ ༢༠༠༩ ལོའི་བོད་ཀྱི་མཛངས་མ་འགྲན་བསྡུར་གྱི་ལས་རིམ་ངོ་སྤྲོད་གནང་དོན། ད་ལོའི་བོད་ཀྱི་མཛངས་མ་འགྲན་བསྡུར་འདི་ཐེངས་བརྒྱད་པ་དེ་ཆགས་ཡོད། སྔོན་མ་ལོ་ལྟར་སྤྱི་ཟླ་ ༡༠ བའི་ནང་ཚུགས་ཀྱི་ཡོད་ཀྱང༌། སྐབས་དེར་གནམ་གཤིས་གྲང་བ་དང། བོད་པའི་གཞིས་ཆགས་ཁག་སུལ་ཚོང་གི་སྐབས་ཡིན་པ། ཕྱི་རྒྱལ་ཁག་ཏུ་སློབ་གྲྭ་མགོ་འཛུགས་བྱས་ཡོད་པ་བཅས་ལ་འཁེལ་ཡོད་སྟབས། ད་ལོ་དུས་ཚོད་སྔ་ནུར་བྱས་པ་ཡིན། ཟེར།
ད་ལོའི་བོད་ཀྱི་མཛངས་མ་འགྲན་བསྡུར་ལ་སྙན་ཞུ་ ༧ འབྱོར་བ་ལས། གཅིག་ཨ་རི་དང་གཞན་དག་རྒྱ་གར་ནས་རེད། བུ་མོ་ ༣ ལ་སྒེར་གྱི་དཀའ་ངལ་ཞིག་གི་དབང་གིས་འགྲན་བསྡུར་ལ་ཞུགས་ཐུབ་མ་སོང། ཉིན་འགའི་སྔོན་ལ་བུ་མོ་གཉིས་ཀྱིས་གསར་དུ་མཛངས་མ་འགྲན་བསྡུར་ནང་ཞུགས་རྒྱུའི་རེ་འདུན་བཏོན་སོང་མོད། དེ་གཉིས་ང་ཚོས་ངོས་ལེན་བྱ་ཐུབ་ཡོད་པ་མ་རེད། གང་ཡིན་ཟེར་ན། གྲ་སྒྲིག་དང་སྦྱོང་བརྡར་མང་པོ་ཞིག་ཡོད་སྟབས། ཉུང་མཐར་ཟླ་གཅིག་གཉིས་གོང་ནས་སྙན་ཞུ་འབྱོར་དགོས་པ་རེད།
ཁོང་གིས་མུ་མཐུད་དེ། ད་ལོ་དམིགས་བསལ་ཞུ་རྒྱུ་ཞིག་ལ། ད་ལོ་བོད་ཀྱི་མཛངས་མ་འགྲན་བསྡུར་འདི་ནི། གཅིག་ནས་ང་ཚོ་རྒྱ་གར་ནང་བཙན་བྱོལ་བ་ཆགས་ཏེ་མི་ལོ་ ༥༠ འཁོར་གྱིན་ཡོད། ལོ་ངོ་ལྔ་བཅུའི་རིང་བོད་པ་ཚོ་རྒྱལ་སྤྱིའི་སྡིངས་ཆར་གཟི་བརྗིད་དང་བཅས་འཚོ་གནས་བྱས་ཡོད་པ་སྟོན་ཆེད་ཡིན་ལ། གཉིས་ནས་རྒྱ་གར་གཞུང་དམངས་གཉིས་ཀྱིས་ལོ་ ༥༠ རིང་བོད་པ་སྐྱབས་བཅོལ་བར་རོགས་རམ་གནང་ཡོད་སྟབས། དེ་རིང་བོད་ཀྱི་མཛངས་མ་འགྲན་བསྡུར་གྱི་གོ་སྐབས་འདི་བརྒྱུད་དེ་རྒྱ་གར་གཞུང་དམངས་ལ་ཐུགས་རྗེ་ཆེ་ཞུ་རྒྱུ་ཡིན། ཅེས་ཀྱང་ཟེར།
བློ་དབང་གིས་བཤད་དོན། ད་ལོའི་འགྲན་བསྡུར་ནང་ཞུགས་མཁན་བུ་མོ་ཚོའི་ཆེད་དུ། ང་ཚོ་གོ་སྒྲིག་ཞུ་མཁན་གྱི་ངོས་ནས་ཆེད་ལས་མཁས་པ་གདན་འདྲེན་ཞུས་ཏེ། སྦྱོང་བརྡར་དང་སློབ་སྟོན་ཁག་ཁ་ཤས་གྲ་སྒྲིག་བྱས་ཡོད། དེང་དུས་ཀྱི་གླུ་གཞས་འཁྲབ་སྟོན་དང་སྒོམ་རྒྱག་སྟངས། བོད་པའི་ཁྱད་ཆོས་ལྡན་པའི་བཀའ་མོལ་གནང་སྟངས་དང་འགྲོ་འདུག་སྤྱོད་གསུམ། དེ་བཞིན་མཛེས་ཆོས་སྤྲས་སྟངས། བོད་པའི་ཆོས་དང་རིག་གཞུང༌། བོད་ནང་གི་འགྲོ་བ་མིའི་ཐོབ་ཐང་དང་ཁོར་ཡུག་གི་གནས་སྟངས། ད་ལྟའི་བོད་ཀྱི་ཆབ་སྲིད་གནས་བབ་སོགས་ངོ་སྤྲོད་ཞུ་རྒྱུ་ཡིན་ལ། གཞུང་དང་གཞུང་འབྲེལ་མིན་པའི་ཚོགས་པ་སྒྲིག་འཛུགས་ཁག་དང༌། ངྷ་སའི་གཡས་གཡོན་གྱི་སློབ་གྲྭ་དང་དགོན་སྡེ་ཁག་ལ་གཟིགས་སྐོར་ལ་འཁྲིད་རྒྱུ་ཡིན། ཟེར།
བློ་དབང་ལྟར་ན། འགྲན་བསྡུར་དངོས་གཞི་དེ་ཟླ་དྲུག་པའི་ཚེས་ ༥ ནས་ ༧ བར་ཉིན་གསུམ་རིང་ཡིན་ལ། ཉིན་དང་པོར་ཆུ་རྐྱལ་དང༌། ཉིན་གཉིས་པར་བོད་དོན་དང་འབྲེལ་བའི་ཆོས་དང་རིག་གཞུང་ཐོག་ལ་བཀའ་མོལ་གནང་རྒྱུ་དང་ལུས་རྩལ་ཁག་ཅིག ཉིན་གསུམ་པར་ལས་རིམ་ཁ་ཤས་ཡོད་ཅིང་དེ་དག་གྲུབ་རྗེས། ༢༠༠༩ ལོའི་བོད་ཀྱི་མཛངས་མ་འགྲན་བསྡུར་གྱི་མཐའ་མའི་སྟེང་བརྩོད་ཞུ་རྒྱུ་ཡིན། འགྲན་བསྡུར་ཁྲོད་ཀྱི་ཨང་དང་པོར་ཧིན་སྒོར་འབུམ་གཅིག་ ༡༠༠༠༠༠ དང༌། ཨང་གཉིས་པར་ཧིན་སྒོར་ལྔ་ཁྲི་ ༥༠༠༠༠ ། ཨང་གསུམ་པར་ཧིན་སྒོར་ཉིས་ཁྲི་ལྔ་སྟོང་ ༢༥༠༠༠ བཅས་ཡོད་ལ། ཨང་གྲངས་ནང་མ་ཚུད་པ་དེར་ཧིན་སྒོར་ལྔ་སྟོང་ ༥༠༠༠ བཅས་སྤྲོད་འཆར་ཡོད་འདུག
ལོ་ལྟར་བོད་ཀྱི་མཛངས་མ་འགྲན་བསྡུར་ལ་སྦྱིན་བདག་རག་རྒྱུ་ཁག་པོ་ཆགས་ཡོད་མོད། ཐེངས་འདིར་རྒྱ་གར་མུམ་བྷེ་གྲོང་ཁྱེར་གྱི་ཁ་པར་བཟོ་གྲྭ་ཆེན་པོ་ཞིག་གིས་སྦྱིན་བདག་གནང་ཡོད་འདུག དེ་བཞིན་ཐེངས་འདིར་རྒྱན་ཤོག་ཅིག་གྲྭ་སྒྲིག་བྱས་ཡོད་པ་དང༌། རྒྱ་ཤོག་རེ་ལ་ཧིན་སྒོར་ ༥༠ དང༌། རྒྱན་ཤོག་དེ་སུ་ལ་ཐོབ་པ་ཡིན་ན། རོགས་པ་གཞན་ཞིག་དང་བཅས་ཟླ་དྲུག་པའི་ཚེས་ ༨ ཉིན་གསར་དུ་བདམས་མ་ཐག་པའི་ ༢༠༠༩ ལོའི་བོད་ཀྱི་མཛངས་མ་དང་ལྷན་དུ་ཞལ་ལག་ཐུན་གཅིག་གོ་སྒྲིག་ཞུ་རྒྱུ་ཡིན་འདུག
སྒྲོལ་དཀར། རྡེ་ར་རྡུན་ནས་ཡིན་ཞིང་ད་ལྟ་རང་ལོ་ ༢༤ ཡིན། གློག་ཀླད་མཉེན་ཆས་དང་འཕྲུལ་ལས་བ། མོ་རང་གི་དགའ་ཕྱོགས་དཔེ་དེབ་ཀློག་རྒྱུ་དང་རྩོམ་ཡིག་འབྲི་བ། འགྲུལ་བཞུད་བཅས་ཡིན་འདུག གསར་འགོད་པས་ཁོ་མོར། བོད་ཀྱི་མཛངས་མ་འགྲན་བསྡུར་ནང་ཞུགས་རྒྱུའི་ཐོག་མའི་ཀུན་སློང་ཇི་ལྟར་འཁོར་ཚུལ་དྲིས་པའི་ལན་དུ་ཁོ་མོས། བོད་ཀྱི་མཛངས་མ་འགྲན་བསྡུར་དེ་བློ་བཟང་དབང་རྒྱལ་ཀྱིས་གསར་འཛུགས་གནང་བ་རེད། ང་རང་གི་བསམ་པར་ལས་དོན་དེ་ཧ་ཅང་ཡག་པོ་ཞིག་རེད་སྙམ་ཡོད། དམིགས་བསལ་གྱིས་བོད་པའི་བུ་མོ་ཚོར་གལ་ཆེན་པོ་རེད། རྒྱ་གར་ནང་གི་བོད་པ་སྐྱབས་བཅོལ་བ་ཚོ་ཕྱི་རྒྱལ་དག་དང་བསྡུར་བ་ཡིན་ན་རྗེས་ལུས་ཆེན་པོ་ཐེབས་ཡོད། སྔོན་མ་ནས་བོད་དོན་ཐོག་ལ་ལས་ཀ་ཞིག་བྱ་དགོས་སྙམ་ཡོད་ལ། གོ་སྐབས་འདི་འདྲ་ཞིག་རག་མ་ཐག་འཛུལ་ཞུགས་བྱས་པ་ཡིན། དེ་རིང་གསར་འགྱུར་བརྒྱུད་ལམ་མང་པོ་ཞིག་གི་མདུན་དུ་སླེབས་སྐབས། དངོས་སུ་ལག་ལེན་བསྟར་རྒྱུའི་དུས་ལ་སླེབས་པ་རེད་དྲན་གྱིན་འདུག གལ་སྲིད་ང་ལ་བོད་ཀྱི་མཛངས་མ་ཐོབ་པ་ཡིན་ན། སྐྱབས་བཅོལ་བོད་པའི་སྤྱི་ཚོགས་ནང་གི་དབང་བོ་སྐྱོན་ཅན་དག་ལ་རོགས་རམ་བྱ་འདོད་ཡོད་ཟེར།
ངག་དབང་ཆོས་དབྱངས། ད་ལྟ་རང་ལོ་ ༡༨ དང་རྡོ་རྗེ་གླིང་གི་འཛིན་རིམ་བཅུ་གཉིས་ཀྱི་སློབ་མ་ཡིན་ཞིང༌། མོ་རང་གི་དགའ་ཕྱོགས་ལག་རྩེད་སྤོ་ལོ་ཡིན། གསར་འགོད་པས་ཁོ་མོར། བློ་བཟང་དབང་རྒྱལ་གྱི་བོད་ཀྱི་མཛངས་མ་འགྲན་བསྡུར་ཐད་ལྟ་སྟངས་གང་འདྲ་ཡོད་པ་དང༌། ཁྱེད་ལ་ཐེངས་འདིར་ཨང་དང་པོ་ཐོབ་རྒྱུར་གདེང་ཚོད་ཡོད་དམ། ཞེས་དྲིས་པའི་ལན་དུ་ཁོ་མོས། ང་ཚོའི་བོད་པའི་སྤྱི་ཚོགས་ནང་བློ་བཟང་དབང་རྒྱལ་ལྟ་བུ་དགོས་ཀྱིན་འདུག གང་ཡིན་ཟེར་ན། བོད་པའི་བུ་མོ་ཚོ་འདི་འདྲའི་བྱ་འགུལ་ནང་ཞུགས་འདོད་ཡོད་ཀྱང༌། སྤྱི་ཚོགས་དང་ཁོར་ཡུག་གི་དབང་གིས་སྤོབས་པས་འདང་གིན་ཡོད་པ་མ་རེད། དེང་རབས་ཀྱི་གྱོན་ཆས་འདྲ་མིན་གྱོན་ཏེ། གཟུགས་པོ་ངོམ་རྒྱུར་འཚེར་གྱིན་ཡོད་པ་རེད། ང་ཚོར་རྒྱལ་ཁབ་མེད་ཀྱང་བོད་ཀྱི་མཛངས་མ་འགྲན་བསྡུར་ཟེར་བ་ཞིག་ཡོད་པ་འདི་ཧ་ཅང་གལ་ཆེན་པོ་རེད། ཐེངས་འདིར་ང་རང་ལ་བོད་ཀྱི་མཛངས་མ་ཐོབ་རྒྱུར་གདེང་ཚོད་གང་ཡང་མེད་མོད། རྒྱལ་སྤྱིའི་སྡིངས་ཆར་བོད་པའི་བུད་མེད་ཟེར་བ་ཞིག་ཡོད་པ་སྟོན་ཆེད་དང༌། འཛམ་གླིང་རྒྱལ་ཁབ་གཞན་གྱི་བུད་མེད་དག་དང་དཔུང་བ་མཉམ་གཤིབ་བྱ་ཆེད་ལས་འགུལ་འདིའི་ནང་འཛུལ་ཞུགས་བྱས་པ་ཡིན་ཟེར།
བསྟན་འཛིན་ཆོས་འཛོམས། ངྷ་རམ་ས་ལ་ནས་ཡིན་ཞིང་ད་ལྟ་རང་ལོ་ ༢༠ དང་འཛིན་རིམ་བཅུ་གཉིས་ཐོན་པའི་སློབ་མ་ཡིན། མོ་རང་གི་དགའ་ཕྱོགས་རྩེད་རིགས་དང་ཞབས་བྲོ། རོལ་དབྱངས་བཅས་ཡིན། གསར་འགོད་པས་ཁོ་མོར། ༢༠༠༩ ལོའི་བོད་ཀྱི་མཛངས་མ་འགྲན་བསྡུར་ནང་ཞུགས་རྒྱུའི་སྤོབས་པ་ཇི་ལྟར་སྐྱེས་པ་ཡིན། ཞེས་དྲིས་པའི་ལན་དུ་ཁོ་མོས། ང་རང་ཆུང་ངུའི་དུས་ནས་སི་ཇཱ་སློབ་གྲྭའི་སློབ་མ་ཡིན། སི་ཇཱ་སློབ་གྲྭ་ནས་ང་ལ་ཤེས་ཡོན་ཡག་པོ་རག་སོང༌། ད་ལྟ་ང་ལ་ཡོན་ཏན་གང་ཡོད་པ་དེ་སི་ཇཱ་སློབ་གྲྭའི་བཀའ་དྲིན་ཡིན། ཐེངས་འདིར་བོད་ཀྱི་མཛངས་མ་འགྲན་བསྡུར་ནང་ཞུགས་དོན་གཙོ་བོ། ང་དང་ང་ལྟ་བུའི་བོད་པའི་བུ་མོ་གཞོན་སྐྱེས་མང་པོ་ཞིག་གིས་རྒྱལ་ཁབ་གཞན་དང་མི་རིགས་གཞན་ལ་ལྟད་མོར་བལྟ་རྒྱུ་ཙམ་ལས། སོ་སོ་འདི་ལྟ་བུའི་འགྲན་བསྡུར་ནང་ཞུགས་ཐུབ་ཀྱིན་ཡོད་པ་མ་རེད། སྡིངས་ཆའི་སྟེང་གི་འཁྲབ་སྟོན་ལ། ང་ཚོས་འོག་གི་མི་དམངས་དང་མཉམ་དུ་ལག་པ་བརྡབ་ནས་བསྡད་པ་ཡིན་ན། སོ་སོས་གང་ཡང་མ་འཇོན་པ་རེད། ང་རང་གི་རེ་བར་ངོ་ཚ་ནས་འདུག་རྒྱུ་མ་ཡིན་པར། གོ་སྐབས་རག་ན་སོ་སོ་དངོས་སུ་འཛུལ་ཞུགས་བྱས་ཏེ། འཛམ་གླིང་རྒྱལ་ཁབ་གཞན་གྱི་བུད་མེད་ཚོ་དང་དཔུང་པ་མཉམ་གཤིབ་ཀྱིས་བསྐྱོད་དགོས་ཟེར།
ཡེ་ཤེས་ལྷ་མོ། སྦིར་གཞིས་ཆགས་ནས་ཡིན་ཞིང་ད་ལྟ་རང་ལོ་ ༢༤ ཡིན། ད་ལྟ་རྒྱ་གར་གྱི་རྒྱལ་ས་ལྡི་ལིར་སྨན་ཞབས་མའི་ལས་ཀ་བྱེད་ཀྱིན་ཡོད། མོ་རང་གི་དགའ་ཕྱོགས་ཞབས་བྲོ་འཁྲབ་རྒྱུ་དང་དཔེ་དེབ་ཀློག་རྒྱུ་ཡིན། གསར་འགོད་པས་ཁོ་མོར། གལ་སྲིད་ཁྱེད་ལ་བོད་ཀྱི་མཛངས་མ་ཐོབ་པ་ཡིན་ན། བོད་དོན་ལ་ཕན་པའི་ལས་ཀ་གང་འདྲ་ཞིག་བྱ་ཐུབ་པ་རེད་དྲན་ཡོད། ཅེས་དྲིས་པའི་ལན་དུ་ཁོ་མོས། སྤྱིར་ཐེངས་འདིར་ང་ལ་བོད་ཀྱི་མཛངས་མ་ཐོབ་པའི་གདེང་ཚོད་གང་ཡང་མེད། འགྲན་བསྡུར་གང་འདྲ་ཞིག་ཡིན་རུང༌། ཐོབ་པ་དང་ཤོར་བ་རྒྱུན་ལྡན་ལྟ་བུ་རེད། ང་ལ་བོད་ཀྱི་མཛངས་མ་ཐོབ་མ་ཐོབ་ལ་ཁྱད་པར་མེད། སོ་སོས་སོ་སོའི་ངོ་ཚབ་བྱས་ཏེ་འགྲན་བསྡུར་འདིའི་ནང་ཞུགས་ཐུབ་པ་ཙམ་གྱིས་དགའ་བོ་བྱུང༌། ཐེངས་གཅིག་ལ་གོ་སྐབས་རག་པ་དེ་བེད་སྦྱོད་གཏོང་ཐུབ་ཡོད་སྟབས། མ་འོངས་པར་འགྱོད་པ་མེད་པ་ཞིག་ཆགས་ཡོད། གལ་སྲིད་ང་རང་ལ་བོད་ཀྱི་མཛངས་མ་ཐོབ་པ་ཡིན་ན། ཆུང་ས་ནས་བཤད་ན། སློབ་སྦྱོང་མུ་མཐུད་བྱ་རྒྱུ་ཡིན་ལ། བོད་དོན་ཐོག་ལ་ལས་ཀ་བྱ་རྒྱུ་དང་བོད་པའི་རྩ་དོན་ཐད་སྐད་ཆ་བཤད་རྒྱུའི་གོ་སྐབས་རག་སོང་བ་རེད་ཟེར།
བཀྲ་རྒྱམ་ལགས། འདྲ་པར་ཞིག་ལ་བལྟས་ནས་མཛེས་མའི་ཁྱད་ཆོས་འབྱེད་ཐུབ་རྒྱུ་མ་རེད་ལ། ནང་གི་ཡོན་ཏན་དེ་བས་ཀྱང་དཔག་པར་དཀའ། དེའི་ཕྱིར་མཆོག་ནས་བྲིས་པའི་སྙན་ཚིག་དེ་ཅུང་ཟད་ཐལ་དྲག་མི་འདུག་གམ། འདི་ནི་བློ་གཟུ་བོར་གནས་གཏམ་ཞིག་བཤད་འདོད་བྱུང་བ་ལས་རྒྱུ་མཚན་གཞན་གང་ཡང་མེད་དོ། ངེད་ཀྱི་བསམ་བློར་ཡང་གལ་ཏེ་བུད་མེད་འདི་ཚོར་ནང་གི་ཡོན་ཏན་མེད་ཀྱང་ཕྱི་ཡི་རྣམ་པ་མེད་ན་འགྲན་སྡུར་འདིར་འཛོམས་རྒྱུ་ཧ་ཅང་གི་ཁ་སྐྱེངས་དགོས་པའི་གནས་སུ་མཆིས་མོད། འོན་ཀྱང་ཕྲན་ནས་ལུས་ཕྲ་མ་འདི་ཚོའི་འདྲ་པར་ཞིག་ལ་བལྟས་ནས་འཕྱ་སྨོད་བྱེད་རྒྱུ་འདུན་པ་གང་ཡང་མེད་དོ། སླད་ཆར་མཛེས་མ་བརྒྱ་ཕྲག་ཁ་ཤས་འཛོམས་པར་ཤོག །
སྟོང་ལོ་དགུ་ཡི་མཛངས་མའི་མིང་ཞིག་སྟོང་སེམས་ཁྲོད་ནས་ཐོབ་ན་འདོད།
སྟོང་ལོ་དགུ་ཡི་མཛངས་མ་འདོད་ན་ཕྱི་ནང་གཉིས་ལ་རྒྱན་ཞིག་དགོས།
སྟོང་ལོ་དགུ་ཡི་མཛངས་མའི་ཁྲོད་ན་ཕྱི་ནང་གཉིས་ཀ་སྟོང་བ་རེད།
ཕྱི་ནང་གཉིས་ཀ་ལྟ་སྲོལ་མེད་པའི་ཁྱེད་ཚའི་རྣམ་པ་གོར་ཐིག་ཉིད།
གང་ལྟར་ཡང་བོད་ཀྱི་མཛངས་མ་དང་མཉམ་དུ་ཞག་པོ་གཅིག་གི་ཉལ་པོ་བརྟེན་ཡ་རག་ན་རྒྱན་ཤོག་རེ་ལ་སྒོར་མོ་༥༠ མ་ཚད་འབུམ་ཡིན་ན་སྤྲོད་ན་ཡང་སྤྲོད་ཐུབ་མདོག་ཁག་པོ་ཞིག་འདུག
ཨ་ཨ་ཨ་ཨ་ཨ་ཨ་ཨ་་་་ད་ངོ་མའི་མོ་དྲི་བྲོ་ས་ལ་འཚང་ཁ་ཆེ་ག།
མྱི་འདི་འདོད་ཆགས་མེད་མཁན་ཞིག་མེད་ན་ཡང་འདི་ལྟར་འཚང་ཁ་རྒྱག་དགོས་དོན་ཅི་ཡིན་ནམ་་་་་ངས་ད་རུང་མི་ཤེས་གི་་་་
བོད་ཀྱི་མཛངས་མའི་འགྲན་བསྡུར་ལ་ཕེབས་པར་དགའ་བསུ་དང་བཅས་བཀྲ་ཤིས་བདེ་ལེགས་ཞུ་གི་ཡིན། གྲོགས་པོ་ཚོས་མཛངས་མའི་སྐོར་གྱི་ལོ་རྒྱུས་འདྲ་མིན་མང་པོ་བཤད་འདུག། ཇི་སྐད་དུ་ལེགས་པའི་ཕྱོགས་སུ་རྟེན་འབྲེལ་བཟང་པོ་སྒྲིགས། །ཕུན་སུམ་ཚོགས་པ་རང་གིས་བྱས་པས་ཆོག །ཟེར་གསུངས་ཡོད་པ་ལྟར་རྟེན་འབྲེལ་བཟང་པོའི་སྐད་ཆ་བཤད་ན་བོད་སྤྱི་ལ་པུན་སུམ་ཚོགས་ཀྱི་རེད་མ་གཏོགས་དེ་མིན་འཛམ་གླིང་ཁག་ཏུ་ཁ་འཐོར་ནས་ཡོད་པའི་བོད་མི་རྣམས་ལ་ཕུན་སུམ་ཚོགས་པ་ཁག་པོ་ཡོང་བསམ་མདོག་ཁག་པ་ཞིག་འདུག
ངས་བསྟན་འཛིན་ཆོས་འཛོམས་ཡིན
བསྟན་འཛིན་ཆོས་འཛོམསᨋᨑ᪄
མཛངས་མ་བཞིའི་ནང་ནས་འདོད་ཆགས་ཀྱི་སྒྱུ་རྩལ་ལ་ཨང་དང་པོ་སུ་ཡིན་མིན་བློ་བཟང་དབང་རྒྱལ་ནས་བཤད་ཐུབ། བློ་བཟང་དབང་རྒྱལ་ཁོ་རང་ལམ་འགྲོ་རེད། ཡིན་ནས་ཚང་མ་སྙིང་པ་རེད། ཧཧཧ།
བགྲོ་གླེང་བྱས་ནས་བསམ་ཚུལ་ཡོད་ན་བཤད་ཆོག་གི་རེད། ཡིན་ཡང་། མི་གཞན་པ་ལ་ཞོར་དུ་ཁ་གཏོང་བ་དང་ནག་པོ་བཟོ་བ། མཚང་འདྲུ་བ་འདི་དག་ཡག་པོ་མ་རེད། སྐབས་ཐོག་གི་བགྲོ་གླེང་གང་ཡིན་དེ་ལ་འཐམ་རོགས།
ང་རང་རྩ་བའི་བུ་མོ་ལ་དགའ་པོ་ཡོད་དེའི་ཕྱིར་བུ་མོ་ཡིན་ཚད་ང་ལ་མཛེས་མ་མཐོང་གི་འདུག ཡིན་ནས་ད་རེ་ངས་ཨ་ལགས་འཇིགས་མེད་ཁོས་འདམས་པ་ལ་ཆ་འཇོག་བྱེད་ཀྱི་ཡིན།