མཛངས་མའི་དབུ་རྒྱན་བསྟན་འཛིན་ཆོས་འཛོམས་ལ་ཐོབ།

ཡ་ད་ཡིན་ན་ཚང་མས་ཀློག་ཚར་པ་འདྲ། ཧ་་་་་ ངས་ཚོད་དཔག་དེ་ནོར་མི་འདུག་ག ཡག་པོ་འདུག་མཛེས་མ་ཡིན་ན་མཛངས་མ་ཡིན་ན་གང་ལྟར་དབུ་རྒྱན་ཐོབ་མཁན་བསྟན་འཛིན་ལ་རྟེན་འབྲེལ་ཞུ། བོད་དོན་ལ་མཛངས་མིན་རྗེས་ནས་བལྟ་རྒྱུ་ལས་ད་ལྟ་ཚོད་དཔག་ཐུབ་པ་ཞིག་མ་རེད།
ལྷག་པར་དུ་བློ་བཟང་དབང་རྒྱལ་ལ་རྗེས་སུ་ཡིད་རིང་དང་ཐུགས་རྗེ་ཆེ་ཞུ། ངས་བསམ་ན་འདི་ལྟར་སྤྱི་ཚོགས་ལ་ཁ་ཕྱོཊ་ནས་ཞབས་འདེགས་ཀྱི་བྱ་པ་སྣེ་གཅིག་སྒྲུབ་ཐུབ་མཁན་ཡོད་ན་ཡག་པོ་འདུག་བསམ་གྱིན་འདུག
གོང་དུ་འགའ་རེས་ཁོའི་ལྟོ་རྒྱབ་གྱི་ཆེད་དུ་ཡིན་ཚུལ་ཤོད་ཀྱིན་འདུག་དེ་ནི་མི་དེ་ཚོའི་བསམ་བློའི་འཇུག་སྒོ་དོག་སོང་པའི་ནོར་འཕྲུལ་རེད་བསམ་གྱིན་འདུག

མཛངས་མ་མ་རེད་གླེན་མ་རེད། །
གླེན་རྟགས་གར་སྟེགས་སྟེང་ནས་བསྟན། །
འདུ་ཚོགས་འུར་སྒྲ་ཆིལ་ལེ་བཏང་། །
དགའ་ཉེ་སྐྱོ་བ་ལྷོག་སེ་བཏང། །

ཨ་རིག་གླེན་རྒན་ལགས་ད་ཐེངས་ཁྱོད་ཀྱིས་སྙན་མོ་ཞིག་བྲིས་འདུག བོད་ཀྱི་མཛེས་མའི་གདོང་དེ་གློག་སྙན་ཁ་ཤས་ནང་གི་འདྲེ་དང་གཤིན་པོ་ཁྲབ་མཁན་འདྲ་བོ་འདུག་གསུངས་པ་དེ་དངོས་གནས་བདེན་པ་འདྲ་བོ་འདུག ཕྱིན་ཆད་འདི་བཞིན་རྒྱུ་མཚན་བདེན་པ་རེ་བྲིས་ན་དགེ་མཚན་ཤིན་ཏུ་ཆེའོ། གཞན་ཡང་ཁྱོད་ཀྱིས་བོད་ཀྱི་མཛེས་མར་རྒྱབ་སྐྱོར་ཤུགས་དྲག་བྱེད་ཚུལ་ལ་ལྟོས་ན་།
ཁྱོད་འདོད་ཆགས་ཅན་གྱི་མི་རྒན་ཞིག་ལོས་ཡིན་སྙམ། ད་ཀུ་རེ་ཡིན་ད།
དགོངས་པ་མ་འཚོམས་རོགས། །

བོད་ལ་མཛངས་མ་ ༧ ཡོད། དེ་དག་གི་ཕལ་ཆེ་བ་གང་དུ་ཡོད་མེད་མ་ཤེས། ཡིན་ཡང་། གཅིག་གིས་ལྡི་ལིར་ཚོང་ཁང་ཞིག་བཟུང་འདུག མཛངས་མ་ཚེ་རིང་སྐྱིད་ཀྱིས་ཉིན་ཤས་སྔོན་གསར་འགོད་ཀྱི་ལས་ཀ་བཞག་ནས་བུད་མེད་ལྷན་ཚོགས་སུ་འཛུལ་སོང་། ཁ་སང་གི་མཛངས་མ་གསར་པ་བསྟན་འཛིན་ཆོས་འཛོམས་ཀྱིས་མོ་རང་གསར་འགོད་པ་ཞིག་བྱ་འདོད་འདུག་ཅེས་ཁ་ཉིན་དགོང་མོ་མཛེས་མའི་དབུ་རྒྱན་རག་ཁར་བརྗོད་སོང་ཟེར། བུ་མོ་མཛེས་མ་ཚོ་གསར་འགོད་ཀྱི་ལས་ལ་ཞུགས་ན་ཧ་ཅང་ཡག་པོ་རེད། ཆབ་སྲིད་པ་ཚོའི་ཁ་ནང་ནས་གང་དགོས་དགོས་ལོན་གི་རེད། དེའི་ཁར་བུད་མེད་ཚོ་སྐྱེས་པ་ལས་ཅུང་སེམས་གཉོམ་པོ་ཡིན་སྟབས། གསར་འགྱུར་གྱི་ནང་ལ་ཆག་སྒོ་ཆེན་པོ་སློང་གི་མ་རེད། དེང་སྐབས་ BBC དང་ CNN དང་། རྒྱ་གར་གྱི་ NDTV སོགས་ཀྱི་ནང་དུ་གསར་འགོད་པ་ཕེལ་ཆེ་བ་བུད་མེད་རེད། ཨ་མའི་བུ་མོ་ཚོ། ཁྱེད་ཚོ་གསར་འགོད་ཀྱི་ལས་ལ་ཞུགས་ཐུབ་ན་རྒྱབ་སྐྱོར་ཆེན་པོ་ཡོད།

miss དང་mouse ཧ་གོ་གི་མེད། གང་ལྟར་ང་རང་གི་ཆུ་གྲང་མོ་ཅིག་དང་བྱ་ཤ་སྡེར་མ་གང་ཟ་ཐུབ་སོང་། དེང་སང་མཛེས་མ་བསྟན་འཛིན་ཆོས་སྒྲོན་དང་སྦྲ་དཔལ་སྨྱོན་པ་གཉིས་ལ་རླུང་རྟ་རྒྱུགས་འདུག ཨ་ལ་ཀུ་རེ་ཡིན། མཛེས་མ་བསྟན་འཛིན་ཆོས་འཛོམས་ལ་བཀྲ་ཤིས་བདེ་ལེགས་དང་སྐུ་ཞབས་བློ་བཟང་དབང་རྒྱལ་ལ་དམིགས་བསལ་གྱི་ཐུགས་རྗེ་བླ་མེད་ཞུ་མ་གཏོགས་འུ་ཚོའི་བུ་མོ་དེ་ཚོ་འགུལ་ས་ཞིག་དངོས་ནས་མི་འདུག་གི

miss Tibet བོད་ཀྱི་བུ་མོར་འཇུག་པ་བདེན་ཀྱང་སྐབས་དོན་བོད་ཀྱི་མཛེས་མར་གོ་དགོས།
བུ་མོ་བསྟན་ཆོས་ཀྱི་གདོང་ལ་བྱུག་རྫས་མང་སྐྱོན་མི་འདུག་གློག་བརྙན་འགའི་ནང་གི་འདྲེ་དང་གཤིན་པོ་འཁྲབ་མཁན་མིང་གྲགས་ཅན་རྣམས་འདྲ་བས་དགེ་ལས་སྐྱོན་མ་མཆིས།
དོན་མེད་སྐྱོན་མ་འཚོལ་རྟ་བདུན་པ་ཁོ་རེ།

ངས་འདི་ཀར་སྐད་ཆ་མདོར་བསྡུས་ཤིག་ཞུ་འདོད་བྱུང་། ངས་བུ་མོ་བསྟན་འཛིན་ཆོས་འཛོམས་རྣམ་པ་ཡོད་མེད་གླེང་གི་མིན། ཡིན་ནའང་མོའི་གདོང་ལ་ཚོས་བྱུག་མང་དྲག་མི་འདུག་གམ། ལྷག་པར་དུ་མོའི་མིག་ལ་ཚོས་མང་དྲག་འདུག་སྙམ། ཡིན་ནའང་འདི་ནི་ང་གཅིག་བུས་མཐོང་སྣང་ཡིན་ནམ་མི་ཚང་མས་འདི་ལྟར་མཐོང་གིན་འདུག དྲ་གྲོགས་ཚོས་ལྟོས་ན་ག་འདྲ་འདུག་བསམ་འཆར་ཁོད་རོགས་ཞུ།

“Miss Tibet” ཞེས་པ་དེ་ནི་བོད་ཀྱི་བུ་མོ་ཞེས་པ་རེད་དྲན། མཛེས་མ་དང་མཛངས་མ་གང་སྤྱད་ཀྱང་། རིམ་གྱིས་དོན་ལ་འབྱར་འགྲོ་གི་རེད། སྐད་གཞན་དུ་ཡང་དེ་ལྟར་འགྱུར་བ་རེད་དྲན། དཔེ་མཚོན་སྟབས་བདེ་ཤོས་ཤིག་ནི། mouse/ཙི་ཙི་ཟེར་བ་འདི་རེད། མིང་ཚིག་འདི་གློག་ཀླད་མ་ཐོན་གོང་གི་མིང་ཚིག་རེད། ད་ཆ་འདི་ལ་གོ་བ་གཉིས་པ་གློག་ཀླད་ཀྱི་ཆ་དེ་ལ་མི་གོ་མཁན་ཉུང་བ་རེད། དེ་འདྲ་རེད། ཚིག་ལ་མ་རྩོད་དོན་ལ་རྩོད། ཀུ་ཅི།

ར་ལོ་ལགས། མཛངས་མས་གནོད་ཀྱིས་ཞུ་རྒྱུ་མ་བྱུང༌། ཐ་སྙད་བཏགས་སྟངས་ཀྱི་ཆ་ནས་རན་པོ་མི་འདུག་སྙམ་པ་ཡིན། ཁྱེད་ལ་གནོད་མེད་པ་ཤོག

བོད་ཀྱི་མཛངས་མ་བསྟན་འཛིན་ཆོས་འཛོམས་ལ་བཀྲ་ཤིས་བདེ་ལེགས་ཞུ།

བསྟན་འཛིན་ཆོས་འཛོམས་ལ་མཛེས་མའི་དབུ་རྒྱན་ཐོབ་པར་བཀྲ་ཤིས་བདེ་ལེགས་ཞུ། ལོ་རྗེས་མ་ནས་མཛེས་མ་བརྒྱ་ཕྲག་ཁ་ཤས་འཛོམས་རྒྱུ་རེ་བ་ཡོད། མཛེས་ལྡན་དུ་གྲགས་པ་ཚང་མས་སེམས་ཤུགས་བསྐྱེད་དེ་འགྲན་སྡུར་ལ་ཞུགས་རྒྱུ་ཅིས་ཀྱང་གལ་ཆེན་པོ་འདུག དུས་རབས་ཉེར་གཅིག་དུས་སྐབས་བཟང་བོ་འདིར། གཟུགས་དང་རྣམ་དཔྱོད་ལེགས་པའི་ལུས་ཕྲ་རྣམས། རང་གཞན་ཀུན་ལ་སྨན་ཕྱིར་འགྲན་སྡུར་ལ། ཅིས་ཀྱང་སྤོབས་པ་བསྐྱེད་དེ་ཞུགས་པར་འཚལ། །

དེང་སང་དངོས་གནས་རྡ་རམ་ས་ལ་ལ་རྒྱ་མིའི་སོ་པ་སླེབས་ཡོད་ས་རེད།

ག་ས་ག་ལ་འཛིངས་རེ་བྱས་ཤག་ལབ་ཀྱི་འདུག།

ངས་བལྟས་ན་རྒྱ་ནག་གི་བཙན་བྱོལ་ནང་དཀྲུགས་རྒྱུའི་སྲིད་བྱུས་ཤིག་སྤེལ་གྱི་ཡོད་པ་འདྲ། ལྷག་པར་་གཞིས་ཆགས་ཁག་ཏུ་ཡང་སྤེལ་གྱི་ཡོད་ཚོད་འདུག

གྲོགས་པོ་ཚོ།

བུ་མོ་ཡེ་ཤེས་ལྷ་མོ་ལ་རྣམ་པ་དང་གཟུགས་པོ་གཉིས་ཆར་ཡག་པོ་དེ་འདྲ་འདུག་ཀྱང་། ཨང་བཞི་པ་ལ་མ་རགས་པ་ག་རེས་བྱས་པ་ཡིན་ནམ།

བསྟན་འཛིན་ཆོས་འཛོམས་ཀྱི་གདོང་ནི་ཞེ་སྣང་ཚ་པོ་འདུག།

མཛངས་མ་ཞེས་བཏགས་ན་ཅི་ཞིག་ལ་གནོད་འགྲོ་གི་འདུག གཞུང་ལུགས་ནས་བཤད་པའི་མཛངས་མ་ཚད་ལྡན་ཞིག་དགོས་དུས་ས་སྟེང་འདིར་མཛངས་མ་ཞེས་པའི་ཐ་སྙད་འདིའི་གོ་དོན་གྱི་ཐོག་ནས་ལངས་ཐུབ་མཁན་ཞིག་འབྱོན་ཐག་རྒྱུ་རེད། རྨི་ལམ་དུའང་དེ་འདྲ་ཞིག་རྨི་ཤེས་ཀྱི་མི་འདུག

མཛངས་མ་བསྟན་འཛིན་ཆོས་འཛོམས་ལགས། ཁྱོད་དེ་རིང་ནས་བཟུང་བོད་ཀྱི་མཛངས་མ་ཡིན། མཛངས་མ་བདུན་གྲས་ཀྱི་གཅིག་ཡིན། ད་ངུང་མཛངས་མ་ཁྲི་ཕྲག་འབྱུང་བའི་གྲས་ཀྱི་སྔ་མའི་རིགས་ཡིན། བློ་བདེ་བོའི་ངང་མཚན་གནས་དེར་གཅེས་ཉར་བྱོས། ཇོ་ཇོ་ཁྱོད་ཀྱི་རྒྱབ་རྩར་ལངས་ནས་བསྡད་ཡོད།

མཛེས་མ་བསྟན་འཛིན་ཆོས་འཛོམས་ལགས་ལ་བཀྲ་ཤིས་བདེ་ལེགས་ཡོད།

ངས་མཛངས་མ་ཞེས་པའི་ཚིག་དེ་བེད་སྤྱོད་འདོད་མེད། རྒྱུ་མཚན་ནི་ད་ཕན་གྱི་བོད་ལོ་རྒྱུས་ནང་ཆོས་ཕྱོགས་ལ་མཁས་པའི་མཛངས་མ་བྱུང་མྱོང་ཡོད་པ་འདྲ། འོན་ཀྱང་ཆོས་སྲིད་གཉིས་ལྡན་གྱི་མཛངས་མ་ཞིག་དཀའ་བར་བསམ། སྐུ་ཉིད་ནས་མཛེས་མའི་དབུ་རྒྱན་བླངས་རྗེས་ནམ་་མཁར་འཇའ་ལྟར་མི་ཡལ་བར་བོད་དང་བོད་དོན་བསམ་པར་སྨོན། མ་འོང་པའི་མཛེས་མ་ཚོར་དཔེ་སྟོན་འོས་པའི་དོན་གྱི་མཛེས་མ་ཞིག་གནང་རོགས།

མཛེས་མ་བསྟན་འཛིན་ཆོས་འཛོམས་ལགས་ལ་བཀྲ་ཤིས་བདེ་ལེགས།
ངས་མཛངས་མ་ཞེས་པའི་ཚིག་དེ་བེད་སྤྱོད་འདོད་མེད། རྒྱུ་མཚན་ནི་ད་ཕན་གྱི་བོད་ལོ་རྒྱུས་ནང་ཆོས་ཕྱོགས་ལ་མཁས་པའི་མཛངས་མ་བྱུང་མྱོང་ཡོད་པ་འདྲ། འོན་ཀྱང་ཆོས་སྲིད་གཉིས་ལྡན་གྱི་མཛངས་ཤིག་དཀའ་བར་བསམ།
སྐུ་ཉིད་ཀྱིས་མཛེས་མའི་དབུ་རྒྱན་བླངས་ནས་ནམ་མཁར་འཇའ་ལྟར་མི་ཡལ་བར་བོད་དང་བོད་དོན་དང་བསམ་པ་དང༌། མ་འོང་པའི་མཛེས་མ་ཚོར་དཔེ་སྟོན་འོས་པའི་དོན་གྱི་མཛེས་མ་ཞིག་བྱེད་རོགས།

ང་རྭ་ལོས་བཤད་པ་བདེན་འདུག་ག ད་ལོའི་བུ་མོ་ཚོའི་ནང་དུ་བུ་མོ་འདི་ལས་ལྷག་ཅིག་མི་འདུག

བློ་བཟང་དབང་རྒྱལ་དང་ཀླུ་མཁར་བྱམས། བསྟན་འཛིན་བརྩོན་འགྲུས་གསུམ་ནི་ང་ཚོ་ངྷ་སའི་དམིགས་བསལ་གྱི་མི་སྣ་གསུམ་ཡིན། འདི་གསུམ་གྱི་ངོ་སོ་ཡར་ལ་བསྟོད། ཁོང་ཚོ་ཕྱི་རྒྱལ་ལ་ཡོང་ན་འདུག་གི་མ་འཇུག ཕྱིར་ངྷ་སར་མངགས་རོགས། ཁོང་ཚོ་མེད་ན་བོད་དོན་གྱི་དོན་དག་ཆེན་པོ་གསུམ་གྱི་མགོ་ཡལ་བ་རེད།

བོད་ཀྱི་མཛེས་མ་བསྟན་འཛིན་ཆོས་འཛོམ་ལགས་ལ་བཀྲ་ཤིས་བདེ་ལེགས་ཞུ། བློ་བཟང་དབང་རྒྱལ་ལགས་ལ་ཐུགས་རྗེ་ཆེ་རྒྱུན་སྐྱོང་གནང་རོགས་ཞུ་རྒྱུ་ཡིན། འོན་ཀྱང་འདི་ནི་བོད་ཀྱི་མཛེས་མའི་འགྲན་བསྡུར་ཞིག་ཡིན་པ་ལས་མཛངས་མའི་འགྲན་བསྡུར་གཏན་ནས་མིན་པ་ཤེས་དགོས། གང་ལྟར་འདི་ནི་ང་ཚོར་ཡོད་འོས་པ་ཙམ་མིན་པར་ཡོད་དགོས་པ་ཞིག་ཡིན་པས་བློ་བཟང་དབང་རྒྱལ་ལ་རྒྱབ་སྐྱོར་ཡོད།།