ཁམས་གསུམ་འཁོར་བའི་ལྕི་ཐག་སྙི་མོ་འདིས།།
ཁྱེད་རང་དྲན་པའི་སྣང་བ་འགོག་མ་ཐུབ།།
དུས་ཀྱི་ལོ་ཟླ་རླུང་ནག་འཚུབ་མ་བཞིན།།
ངེས་མེད་ཡུག་པའི་གྲོང་གི་བུ་ལོ་ངས།།
རྒྱང་རིང་ཡུལ་ནས་སྤྲིངས་པའི་འཕྲིན་ཡིག་འདི།།
སྙིང་སྡུག་དགའ་མའི་མཐོང་ན་ལན་ཞིག་མཛོད།།
ཞལ་ངོ་མ་འཇལ་མི་ལོ་དྲུག་ཙམ་བྱིན།།
སྐད་ངག་མ་ཐོས་མི་ལོ་དྲུག་ཙམ་འགོར།།
མི་ལོ་དྲུག་གི་དུས་ནི་ཐུང་ཐུང་མིན།།
དུས་ཚོད་འགྲོ་བ་དཀའ་ཡང་མི་ཁོག་པར།།
རང་དབང་མེད་པའི་སེམས་ཀྱི་གཤིས་ལུགས་འདི།།
དྲན་པའི་འཕྲིན་དུ་སྤྲིངས་འདོད་ཆེ་ན་ཡང་།།
མི་ཁའི་ཚེར་མ་ནག་པོས་ན་ཟུག་གྱིས།།
ཁྱེད་ཉིད་བརླན་པར་སོང་ན་ཡ་རེ་ང་།།
དེ་ལྟར་བསམ་བཞིན་སྐུ་ཉིད་བདེ་ཐང་དང་།།
བསམ་དོན་འགྲུབ་ཞིང་རེ་སྐྱིད་རེ་སྡུག་གི།
འཚོ་བར་གོད་ཆག་མེད་པའི་སྨོན་ལམ་བཅས།།
རྒྱང་རིང་ཁྲེལ་མེད་བུ་ལོས་བྲིས་དེ་སྤྲིངས།།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
སྙིང་ནས་གཅེས་པའི་གཏམ་ལན་གྲོགས་ངར་གསུང་།།
གསུང་བའི་ཚིགས་ཀྱི་རི་མོ་དཀར་པོ་འདི།།
སྙི་བའི་མེ་ཏོག་གཅིག་གི་ཚབ་བྱས་དེ།།
བདག་གི་སྙིང་ལ་དམ་པོར་འཛིན་ངེས་ཡིན།།
ཤ་ཁྲག་རུས་གསུམ་མ་བཙིར་ལོ་དྲུག་འགོར།།
བཙིར་ནས་ཨག་སྐད་ཤོར་བ་དེ་རིང་ཡིན།།
དེ་འདྲའི་སྐད་ངན་མ་ཤོར་ཨ་མའི་བུ།།
མི་ཁའི་དུག་རླངས་ཕོག་ན་དེ་ལས་སྡུག།
གླེན་པས་གླེན་བཤད་གནང་བ་ཐུགས་རྗེ་ཆེ་ལགས། རྒྱབ་སྐྱོར་འདི་འདྲ་གནང་བ་ཡིན་ན་མི་གཞན་དག་གིས་འདྲ་མིན་བཤད་རྒྱུར་མི་སྐྲག་ནོ་འདི་ཡང་ཁྱེད་ཀྱི་ཁ་སྐད་བཤད་སྟབས་ཡིན་ནི་ཨེ་རེད་ཀོ ཡ་ཡ་ ད་འདི་མོ་ཟིག་བྱོས་ཡ ཁོམ་པ་ཡོད་ན་ཇ་རེ་འཐུང་གི་ལོས་ཡོང་། འབྲི་མར་སེར་རོའི་འོ་ཇ་ཅ་ནེ་བཀང་གྲ་སྒྲིག་བྱོས་ནས་བཞོག ཡོང་གི་ཡིན།
ཤ་ཁྲག་ལགས། གླེན་པ་ངས་དྲང་མོར་བཤད་ན་ཡིག་ནོར་ལ་སྐྱོན་ཡོད་ནི་མ་རེད། ག་་ལེར་ཡ་རྒྱས་གཏོང་ཆོག་གི་རེད། བསེ་རུ་རྭ་གཅིག་གིས་ར་ལ་བཤད་གོ་ནི་རེད། ཁུ་རྒེ་ར་དག་ཆ་ལ་མི་ཧྲ། ཡིན་ནའང་ཚིག་སྦྱོར་ལ་ཧྲ། བརྗོད་བྱ་འདེམས་ཤེས་ནི་ཟིག་ཡིན།དེ་མ་གཏོགས་ཅང་ར་མེད་ཡ། ངས་ཁ་སྐད་འབྲི་རྒྱུ་དམ་བཅའ་བཞག་ཡོད།དེ་མིིན་ཁྱོད་བསྲེག་འདྲི་བསམ་ནས་བྲིས་པ་མིན་པ་ཐུགས་འཇགས་འཚལ། ཁོམ་པ་རེ་ཡོད་དུས་གླེན་བཤད་གླིང་དུ་ཇ་འཐུང་རུ་ཤོག ཕལ་ཁྱེར་ཁྱོད་དཱ་ཁོམ་ས་རེད།
དགོངས་དག ཡིག་དྲུག་ཡི་དྲུག་ཟེར་ནས་བྲིས་ནོར་ཤོར་འདུག ད་དུང་ཡོད་ངེས་ཡིན།
བསེ་རུ་ལགས། རྗེས་ཕྱོགས་ཀྱང་དུས་ཚོད་ཁོམ་ལོངས་རེ་བྱུང་ན་དག་བཅོས་རེ་གནང་རྒྱུར་སེམས་གཏིང་ནས་འབོད་སྐུལ་ཡོད། དངོས་ནས་དྲང་ནས་ཀྱི་ང་རང་ལ་ཕན་ཐོག་ཡོད་ཁོ་ཐག་རེད། འདི་ལྟར་ངས་ཀྱང་རང་གིས་གང་ནོར་བཞིན་ཡོད་པ་ཤེས་པར་འབད་བརྩོན་གང་ཐུབ་བྱེད་ཆོག
སྤུན་གྲོགས་སུས་ཡིན་ཡང་འགྲིག འཛུབ་སྟོན་གང་ཐུབ་རེ་གནང་རྒྱུར་རེ་བ་དང་འབོད་སྐུལ་ཡོད།
སྤུན་གྲོགས་དག་གིས་རང་རང་བསམ་ཚུལ་སྒྲོགས།།
བུ་ངས་ཐོས་དང་མཐོང་བས་རྗེས་སུ་ལ།།
ཡིད་ཀྱི་ཤེས་པ་དབང་མེད་ཡིད་འགུལ་ཐེབས།།
ཟ་ལེ་རྒྱལ་ནས་སྙན་ཚིགས་ཤོ་ལོ་གཅིག།
བསེ་རུ་ལགས་ཀྱིས་ལྷག་བསམ་ཟོལ་མེད་གཅིག།
གཉའ་འབྲོང་ཐུ་བས་སྐུལ་བས་ཡི་དྲུག་དང་།།
མདོ་ལའི་འཁྱམས་པོའི་སེམས་ཀྱི་འབོད་སྐུལ་སོགས།།
བོད་མིང་ང་ཡིས་རྗེས་སུ་ཡི་རུང་དང་།།
ཡང་ཡང་དྲ་ཐོག་འདི་ནས་ཐུག་འཕྲད་དང་།།
མ་བཅོས་སེམས་ཀྱི་སྐད་ངག་གཉོམ་པོའི་ཁྲོད།།
དྲི་མེད་དངས་པའི་གཏམ་དག་མི་ཆད་པར།།
གཅིག་གིས་གཅིག་ལ་སྤྲིངས་པའི་ཕན་ཚུན་དུ།།
བསམ་ཚུལ་ལྷུག་པོར་གནང་རྒྱུར་འབོད་སྐུལ་ཡོད།།
དགའ་སྐྱོའི་ཚོར་བ་ཕྱི་རུ་ཐོན།
ནང་དུ་བཅུག་ན་སྡུག་གྱོང་ཡིན།
ཡིག་དྲུག་འདོན་པའི་ཨུ་ཚུགས་དེ།
བོད་པ་ཚང་གི་གླེན་རྟགས་ཡིན།
ཚོགས་དྲུག་སྣང་བ་མེ་ཏོག་ཐང་ལ་ཤོར། ། ལོ་དྲུག་དཀའ་བ་སྤྱད་ནས་གཞས་ཤིག་བཏང་། ། རིགས་དྲུག་འཁོར་བའི་གནས་ལ་ཡིད་འབྱུང་ན། ། སེམས་ཀྱི་གཏིང་ནས་མ་ཎི་ཡིག་དྲུག་ཐོན། །
དྲ་གྲོགས་ལགས་མ་མཇལ་ཡུན་རིང་འགོར་སོང་།
དེ་རིང་འདིར་ཕྲན་གྱིས་སྐུ་ཉིད་ཀྱི་ཟིན་བྲིས་ཀློག་སྐབས་དག་སྡེབ་ནོར་བ་ཁག་ཅིག་ཟུར་འདོན་བྱས་ཏེ་ཕུལ་ཡོད་པས་དེ་དོན་ཡིད་འཇགས་ཡོད་པ་ཞུ།
ཐིག་ཕྲེང་དང་པོ་སྐུ་ཉིད་དང་།
ཐིག་ཕྲེང་གཉིས་པ་དེ་ཕྲན་གྱིས་བཅོས་པ་དེ་ཡིན།
སྙིང་སྡུག་དགའ་མའི་མཐོང་ན་ལན་ཞིག་མཛོད།།
སྙིང་སྡུག་དགའ་མས་མཐོང་ན་ལན་ཞིག་མཛོད།།
ཞལ་ངོ་མ་འཇལ་མི་ལོ་དྲུག་ཙམ་བྱིན།།
ཞལ་ངོ་མ་མཇལ་མི་ལོ་དྲུག་ཙམ་ཕྱིན།།
མི་ཁའི་ཚེར་མ་ནག་པོས་ན་ཟུག་གྱིས།།
མི་ཁའི་ཚེར་མ་ནག་པོའི་ན་ཟུག་གིས།།
རྒྱང་རིང་ཁྲེལ་མེད་བུ་ལོས་བྲིས་དེ་སྤྲིངས།།
རྒྱང་རིང་ཁྲེལ་མེད་བུ་ལོས་བྲིས་ཏེ་སྤྲིངས།།
བོད་ཡིག་བེད་སྤྱོད་བྱེད་མཁན་གྱིྱི་ཁྲོད་ནས་ཕྲད་ནོར་ཉེན་ཆེ་ཤོས་གཉིས་ནི་བྱེད་
སྒྲའི་ཕྲད་དང་འབྲེལ་སྒྲའི་ཕྲད་གཉིས་ཡིན་པར་ཁོ་བོས་མཐོང་བས། སྐུ་ཉིད་ཀྱི་ཚིགས་བཅད་སྙན་ངག་དེའི་ནང་དུ་ཡང་དེ་ལྟའི་ནོར་འཁྲུལ་བྱུང་འདུག་སྙམ།
དཔེར་ན། གོང་དུ་བཅོས་པ་ལྟར།
ནོར། བཅོས།
དགའ་མའི། དགའ་མས།
ནག་པོས། ནག་པོའི།
འདི་ནི་སྐུ་ཉིད་ལ་ཕན་དུ་རེ་བའི་ཀུན་སློང་གིས་བཅོས་པ་ལགས་པས་དེ་དོན་ཡིད་འཇགས་ཡོད་པ་ཞུ།
གསུམ་གཉིས་དྲུག་གི་ལོ་ཟླ་རིང་མོ་ཞིག། ས་མཐའི་ཡུལ་ནས་ཤོར་བ་ཆུང་ཆུང་མིན།།
མ་བཅོས་སེམས་ཀྱི་བརྩེ་བ་གྲངས་མེད་ཅིག། ས་མཐའི་ཡུལ་ནས་རུལ་བ་ཉུང་ཉུང་མིན།།