བུ་ཆུང་ཁྱེད་རང་ཐག་རིང་ས་མཐའ་ལ་ཡོད་ཀྱང་། ཨ་མས་ཁྱེད་རང་ལ་རེ་བ་གཉིས་བཤད་རྒྱུ་ཡོད་པ་སེམས་སུ་བཟུང་། དང་པོ་ཁྱེད་རང་གང་དུ་སོང་ཡང་རེད། གང་དུ་བསྡད་ཀྱང་ཆོག རང་གི་སྐད་བརྗེད་མི་ཉན། རང་སྐད་་བརྗེད་དུས་རང་མིས་འཕྱ་དམོད་བྱེད་ངེས་རེད།
གཉིས་པ་དེ་ནི་རང་ཉིད་བསྡོད་སའི་ས་ཆ་དེའི་སྐད་ཤེས་དགོས། མ་ཤེས་ན་མི་རྗེས་མི་ཟིན། མི་གཞུག་མི་ཆོད། རབ་ཡིན་ན་ལོ་ངོ་མང་བོ་མི་འགོར་བར་ཡུལ་ཏུ་ལོག་ཕྱོགས། ཁྱེད་རང་ལ་ཕ་མ་དང་ཕ་ཡུལ་ཟེར་བ་ཞིག་ཡོད་པ་རེད།
ས་མཐའ་ནས་ལས་ཀ་བྱེད་ལོས་དགོས། ཡིན་ཡང་། རང་གི་ལུས་ཕུང་ལས་གལ་ཆེ་བ་ཞིག་ཡོད་པ་མ་རེད། མི་གསོན་བསྡད་ན་སྒོར་མོ་གང་ནས་ཡིན་ཡང་བཙལ་ན་འགྲིག་ནི་རེད་ཟེར་ནས་ཚིག་མཇུག་མ་བསྡུས་གོང་གི་ངུ་སྐད་ཀྱིས་བུ་ངའི་སེམས་པ་གྲང་ཤུར་ཤུར་ཏུ་བཏང་སོང་། ངས་ཡ་ཡ་ཡ་ཟེར་ཞོར་ཨ་མའི་སྐད་ཆ་འདི་སེམས་སུ་བཟུང་བ་ཡིན། ངས་ཨ་མ་ནི་ཡི་གེ་ཤེས་མཁན་ཞིག་མིན་ན་ཡང་། ཨ་མ་ལགས་ཀྱིས་སྐད་ཆ་ནི་ཡི་གེ་ཤེས་མཁན་དག་གི་བསམ་ཚུལ་ལས་བརྒལ་འདུག་པ་འདི་ནི་ཨ་མའི་བྱམས་བརྩེ་ཡིན་པ་རྟོགས། ས་མཐའ་ནས་ཨ་མའི་སྐད་ཆ་རེ་རེ་བཞིན་ཁ་པར་བརྒྱུད་དེ་ཉན་ཐེངས་རེར། ཨ་མ་ནི་དུས་རྟག་ཏུ་འགྱུར་མེད་ཀྱི་སློབ་དཔོན་ཐོག་མ་དེ་ཉིད་ཡིན་པ་ཡང་ཡང་དྲན་ཏུ་བཅུགས།
༡༡།༦།༠༩
བརྩེ་དུང་གི་མཁན་པོ་ལགས་ ཁྱོད་རང་ངེད་ཚང་ལ་ཡོང་བ་ཐུགས་རྗེ་ཆེ་ཞུ རྗེས་མ་ནས་ལམ་སྟོན་གནང་རོགས
རེད་ལགས། ངེད་ཅག་གི་གཏམ་དཔེ་དེ་ནི་དེང་སང་བུ་ལོ་ཁྲེལ་མེད་ངེད་ཅག་ལ་དངོས་ནས་འཚམ་པོ་འདུག དམིགས་གསལ་གྱིས་བོད་སེམས་ལ་ལྷད་ཞུགས་པའི་བུ་ཕྲུག་དེ་དག་ལ་དངོས་ནས་འཚམ་པོ་འདུག
མ་སེམས་བུ། བུ་སེམས་རྡོ།
བརྩེ་སེམས་ཆེ་བའི་ཨ་མ།
བྱང་སེམས་ཅན་གྱི་ཨ་མ།
བཀའ་དྲིན་ཆེ་བའི་ཨ་མ།
སྙིང་རྗེ་བའི་ཨ་མ་རྒན་མོ།
ངས་ཁྱེད་རང་ལ་ང་ཚོའི་སྡེ་བའི་ནང་གི་བུ་མོ་ལོ་ན་ཉི་ཤུ་ནས་སུམ་བཅུ་ལ་སོན་མ་ཐག་པས་བུ་མོ་ཞིག་ལྷ་ས་ལ་འཇལ་བསྐོར་ཏུ་སོང་དེ་ཟླ་ངོ་ཁ་ཤས་ཀྱི་རྗེས་སུ་ཕྱིར་རང་ཡུལ་ཏུ་ཡོང་དུས་ཁོ་མོས་སྐད་ཆ་བཤད་དུས་ནམ་རྒྱུན་ལྷ་སའི་ཁ་སྐད་ནང་དུ་བསྲེས་དེ་བཤད་བཞིན་ཡོད་པ་རེད། གནས་ཚུལ་དེ་ནི་ང་ཚོའི་སྡེ་བའི་ནང་གི་མི་ཚང་མས་འཕྱ་དམོད་བྱེད་སར་གྱུར་བ་རེད། དེའི་སྟབས་ཀྱིས་ངས་དྲིན་ཆེན་མ་ལོ་ནི་ཡི་གེ་མི་ཤེས་པ་ཞིག་ཡིན་པས་གནས་ཚུལ་་དངོས་ཡོད་དེ་འདྲ་ལ་ཐུག་ནས་གསུང་བ་ལོས་ཡིན། ད་དུང་རྒྱ་གར་ཏུ་སོང་དེ་ལོ་ངོ་ཁ་ཤས་འགོར་ནས་ཕྱོར་ཡོང་མཁན་དག་གིས་སྐད་ཆ་བསྲེས་མ་ཞིག་བཤད་བཞིན་ཡོད་པ་དེ་དག་མཐོང་བས་ཀྱང་ཡིན་རྒྱུ་རེད། རྒྱུ་མཚན་དེ་དག་གིས་རྐྱེན་གྱིས་བཤད་པ་ལོས་ཡིན་སྙམ། ཨོ་རེད། སྤོབས་པ་ལགས། ཉིད་ཀྱིས་མི་ཤེས་ན་ཐང་། ལོ་ན་བཅུ་བདུན་བཅོ་བརྒྱད་སྟེང་ནས་རྒྱ་གར་ཏུ་ཡོང་མཁན་གང་མང་ཞིག་གིས་ཕ་ཡུལ་ཏུ་ཁ་བརྡ་བྱེད་སྐབས་རང་གི་ནང་མིས་ཁོས་སྐད་ཆ་ཡག་པོ་ཞིག་གོ་ཐུབ་ཀྱི་མེད་པ་དེ་ནི་དངོས་ཡོད་གནས་ཚུལ་ཞིག་ཆགས་ཀྱི་ཡོད་པས་ལོས་ཡིན་འདོད། རེད་ལགས། ལྷག་པར་ཏུ་དེང་སང་ཤེས་ཡོན་ཅུང་ཙམ་ཡོད་ཟེར་མཁན་དེ་དག་གི་ལྷན་ཏུ་སྐད་ཆ་རེ་བཤད་དུས་ཁྱེད་ཀྱིས་ཐུགས་སྙམ་བཞོག་དང་རང་སྐད་གཙང་མའི་ནང་དུ་རྒྱ་གར་གྱི་མིང་ཚིགས་ཐར་ཐོར་རེ་དང་དབྱིད་སྐད་མི་ཤེས་ཀྱང་དབྱིན་སྐད་ཀྱི་མིང་ཚིག་ཐར་ཐར་རེ་རྒྱག་བཞིན་ཡོད་པ་དེ་དག་ལ་ཁྱེད་རང་ཡང་འཕྲད་མྱོང་ཡོད་ངེས་ཡིན་ལ། སྐུ་ཉིད་ཀྱིས་ཐུགས་སྙམ་མ་བཞག་པ་ཡིན་ཤས་ཆེ། དེ་འདྲ་ཞིག་རེད་དམ་ལགས།
ཁྱོད་ལོ་ན་དེ་ཙམ་ཆུང་ཆུང་མིན་པ་དང་སྐད་ཡིག་གི་ཤེས་ཚད་རྨངས་གཞི་ཡོད་མཁན་ཞིག་ལ་རང་སྐད་བརྗེད་མི་རུང་བའི་སློབ་གསོ་བཏང་བ་དེ་ཁྱད་མཚར་རེད། མ་མཐའ་ཡང་ལོ་ན་ཉི་ཤུ་བརྒལ་ཟིན་པའི་མི་ཞིག་གིས་རང་སྐད་བརྗེད་ག་ལ་སྲིད། ང་ཚོས་རང་སྐད་བརྗེད་མི་སྲིད་མོད་གཞན་སྐད་ཚད་ལྡན་ཞིག་ཤེས་པ་དེ་ཡང་ཁག་ཙམ་རེད་མི་འདུག་གམ། ད་ནི་བསྲེགས་བཅད་བརྡར་གསུམ་གང་བྱས་ཀྱང་མི་གཞན་ཞིག་ལ་འགྱུར་ཁག་པོ་རེད།