ཟ་ལེ་རྒྱལ་ལགས། ཁྱེད་དང་ང་ཚོ་ནི་འདི་འདྲ་རེད།

ཨ་རོགས་དུག་སྤྲང་ལགས། དགོང་ནུབ་ཚ་བསྐོལ་ནི་ཡིན་མིན་མི་ཤེས་ར། རྒད་མོའི་ནུབ་རིམ་བྱས་ནས་མ་ཁོམ་པ་ཡིན་རྒྱུ་རེད། ཧཧཧ

ཀུན་གྱིས་སེམས་སུ་བོད་འདི་ཡོད།
ཁ་བ་ཅན་གྱི་སྤྱི་འབངས་ཚོ།
གར་བསྡོད་ས་ནས་མི་བརྗེད་པར།
ངེད་ཅག་སྐྱིད་སྡུག་འདི་རུ་འབྲི།

ཅ་ཅོ་མང་བོའི་བར་གསེང་དུ།
ཆ་རྒྱུས་མེད་པའི་ཁོར་ཡུག་ནས།
ཇ་ཆང་འཐུང་རྒྱུར་བོས་པ་དེ།
ཉེ་སར་བཅར་ནས་ཡོང་གི་ཡོད།

ཏ་ལེན་འཁུར་ནས་མི་ཡོང་བར།
ཐ་མག་རྐང་གཅིག་མེ་སྤར་ནས།
ད་དུང་རིམ་གྱིས་བགྲོ་གླེང་བྱེད།
ན་ནིང་དོ་ཚིགས་གཉིས་ཀ་གླེང་།

པན་ཆེན་བླ་མས་གཟི་བྱིན་དང་།
ཕ་མེས་ཡང་མེས་བཀའ་དྲིན་ལ།
བན་ཕྲུག་ཡིན་དུས་བོད་ཡིག་སྤྱངས།
མ་གྱུར་སེམས་ཅན་ཡིད་ལ་བསྒོམ།

ཙན་དན་མེ་ལ་ཤོར་ཉིན་ནས།
ཚ་བའི་ཡུལ་གྱི་མགོན་པོ་མཆོག
ཛ་དྲག་ཆེ་བའི་དུས་སྐབས་སུ།
ཝ་ལེར་ཡིད་ལ་འཆར་ནས་ཡོང་།

ཞ་སྨྱུག་སྐྱུར་ནས་ལྕགས་སྨྱུག་བཟུང་།
ཟ་ཞོར་འཐུང་ཞོར་བོད་ཡིག་བྲིས།
འུ་ཅག་བོད་མིས་བདེན་དོན་ཏུ།
ཡ་རབས་ལུགས་ལ་བརྩེ་ཞེན་ཆགས།

རལ་བ་ཅན་གྱི་གདོང་རྒྱུད་དེ།
ལར་ཞེན་ཅན་གྱི་སྤུན་གྲོགས་ཁྱོད།
ཤ་དང་བརྩེ་བའི་དངས་མ་འདི།
ས་མཐའི་གྲུ་ནས་གློད་ཀླད་བྲིས།

ཧན་ཚང་མི་རིགས་སྟོབས་ཆེ་ཡང་།
ཨ་མའི་བུ་ལ་སྙིང་ཡོད་ན།
ཧན་ལ་སྐྲག་དགོས་གཏན་མེད་པས།
ཨ་རོགས་སེམས་སུ་བཟུང་ནས་བསྡོད།

ཝ་མ་ཝོལ་ལ་ལམ་ནས་ཐུག
ཛ་དྲག་ཆེ་བ་མིན་ན་ཡང་།
ཚ་བའི་ལུང་གི་དུག་སྤྲང་ལགས།
ཙ་རིའི་ཡུལ་ནས་ནམ་ཡོང་ཡིན།

ཡ་རབས་གོམ་གཤིས་ཡོད་པ་དང་།
འ་འུར་གཏམ་ལ་མི་གཡེང་བས།
ཟ་ཧོར་དམག་གིས་མ་གསད་ཀྱང་།
ཞ་སེར་བསྟན་པའི་ཞབས་འདྲེན་མིན།

ས་མཐའི་ཡུལ་གྱི་དགའ་སྐྱོའི་ཁྲོད།
ཤ་ཁྲག་གཅིག་པའི་སྤུན་ཟླ་ཁྱོས།
ལ་ལུང་མང་བོའི་ཕ་རོལ་ནས།
རེ་བས་འབོད་པ་བདག་གིས་ཐོས།

ཨ་མདོའི་ཡུལ་སྐད་བཤད་ཐེངས་རེ།
ཧ་ཧ་ཟེར་ནས་འཕྱ་མཁན་མང་།
ཨ་མའི་བུ་ལོ་ཁྱེད་རང་གིས།
ཧང་ཧང་ཟེར་ནས་མ་ཉེས་བསྟོད།

ཆུ་ཐིགས་སྔོན་མོ་ལགས། དེ་རིང་དབྱིན་ཡིག་གིས་བཟང་གི་ཟེར་ནས་བྲིས་དེ་བཞག་འདུག ཁྱེད་རང་འགྲོ་སའི་དྲ་ཁང་དུ་བོད་ཡིག་མེད་སོང་བ་རེད་དམ། ཡང་ན། བོད་ཡིག་གི་དྲ་ཚིགས་ཀྱི་མཐུན་རྐྱེན་མེད་ས་ཞིག་ན་བཞུགས་ཡོད་ལགས། རྗེས་ཕྱོགས་གཏན་ནས་འདི་རུ་དབྱིན་ཡིག་མ་འབྲི་རོགས།

ཀ་བཤད་ཤར་མར་འབྲི་བའི།།
ཁ་ལས་རླུང་རྟ་ཅན་པོ།།
ག་ས་ག་ལ་ཐོན་ནས།།
ང་གཉིས་ཐུག་ནོ་སྐྱིད་པ།།
ཅ་ཅོའི་སྐད་ཆ་མང་བོ།།
ཆ་མེད་མི་ལ་བཤད་ན།།
ཇ་ཁ་ཆང་ཁ་བཞིན་དུ།།
ཉ་ཉོག་མང་གི་མ་འཇུག།