བཅོས་ མའི་འབག་གི་འོག་ན་ང་ཡི་གཟུགས་བརྙན་ཡོད་པ་ཁྱེད་ཉིད་གཅིག་བུས་མ་གཏོགས་སུས་ ཀྱང་མ་མཐོང་། དེ་ནི་ནམ་ཕྱེད་ཡོལ་ནས་མི་ཚང་མ་ཉལ་ཟིན་པའི་མཚན་མོ་འདི་རེད། ངས་གློ་བར་ཏུ་རང་གིས་སྔར་བྱས་ཀྱི་བསམ་བློའི་རྨང་གཞི་དེ་ཉིད་གློ་བར་བའི་ཆོ་ འཕྲུལ་ཞིག་གིས་ཁ་ཟས་སུ་བཏང་དེ། སྐར་ཆ་ཁ་ཤས་ཀྱི་རང་ཉིད་དེ་ནི་བཅོས་མའི་གཟུགས་བརྙན་འོག་གི་རང་ཉིད་ལ་ཞིབ་ རྩིས་བརྒྱབ། ནམ་རྒྱུན་ཏུ་རང་ཉིད་ནི་ཁྱེད་ཉིད་ལ་ཡིད་ཆེས་ཡོད་མཁན་ཞིག་ཡིན་ལ། ཁྱེད་ཉིད་ལ་དུངས་པའི་སེམས་པ་དེ་ནི་ཆེས་དག་གཙང་ལྷད་མེད་ཀྱི་སེམས་གཤིས་ཤིག་ལ་ ངོས་འཛིན་བྱེད་ཀྱི་ཡོད། འོན་ཀྱང་། དོ་ནུབ་མཚན་ཡོལ་རྗེས་སུ་ངས་ཉིད་ཀྱི་འདྲ་དཔར་མདུན་ནས་རང་གིས་བཞག་པའི་སེམས་ གཏིང་གི་དམ་བཅའ་དེ་ཉིད་ཆུ་བུར་བློ་ཡི་སྲེད་ཤུགས་དེའི་དབང་ལ་མགོ་བོ་སྒུར་ནས་ སྐར་ཆ་ཁ་ཤས་ཀྱི་བདེ་སྣང་དེའི་ངས་ང་རང་ཉིད་ཀྱིས་འདྲ་དཔར་མདུན་ཏུ་གཅིག་བུར་ བསྡད་ཡོད་པ་གཏིང་ནས་བརྗེད། དེ་ནི་ཆོ་འཕྲུལ་ཐུན་གཅིག་གི་ཚོར་བ་དེའི་དབང་ལ་ཤོར་བས་ལོས་ཡིན། ཚོར་བ་དེ་ལས་རང་ཉིད་ཕྱིར་སད་དུས། ད་གཟོད་རང་ཉིད་ནི་སྐར་ཆ་ཁ་ཤས་ཀྱི་སྔོན་གྱི་མི་དེ་ནི་འབད་དེ་མིན་པ་རྟོགས་ སོང་། དེ་དུས་ང་རང་མཐོང་མཁན་ནི་ཁྱེད་རང་ཡིན་ལ། ང་རང་གིས་ནག་ཉེས་དེའི་རྩ་བ་རིག་མཁན་ཡང་ཁྱེད་ཉིད་ཡིན་པ་གཞིར་བཅས་ངས་ཉིད་ཀྱི་ འདྲ་དཔར་ཕྱོགས་སུ་བལྟ་མ་འཕོད་པར། རང་གི་མལ་ཁྲིའི་ཕྱོགས་སུ་ཤོར་ཟིན་དམ་བཅའ་དེ་ལ་ཕྱིར་འདང་མི་ཉུང་བ་ཞིག་རྒྱག་ ཞོར་ཏུ། མི་ཡུལ་འདི་ན་ང་དང་འདྲ་བའི་མི་འབག་གྱི་གཟུགས་བརྙན་འོག་ཏུ་འཚོ་མཁན་ག་ཚོད་ ཅིག་ཁྱེད་ཀྱི་སྔ་གཞུག་དང་ཁྱེད་ཀྱི་མདུན་ནས་རང་གིས་ཁས་བླངས་པའི་དམ་བཅའ་ཆེས་ མང་བོ་ཞིག་འདི་ལྟར་དོར་བཞིན་ཡོད་པ་རེད་ཨང་སྙམ་ཞོར་ཏུ། འཁྱག་སྒམ་ནང་ནས་ཆུ་འཁྱག་འགྱིག་དམ་བཀང་ཕྱི་རུ་བླངས་དེ་འཐུང་ཞོར་ཏུ། སང་ཉིན་གྱི་ང་རང་ནི་ཁྱེད་ཀྱི་འདྲ་དཔར་མདུན་གྱི་དམ་བཅའ་འཇོག་མཁན་གྱི་མི་སྣ་ དེ་རུ་འགྱུར་ཐུབ་མིན་ལ་བསམ་བློ་གཏོང་མ་འཕོད་པར། བཅོས་མའི་འབག་ལ་འཐིམ་པས་རང་ཉིད་ལ་འཁང་དགོད་ཅིག་བྱེད་ཞོར་ཏུ། མི་ཟེར་བ་ནི་གདོན་འདྲེ་རེད་ལ། མི་ལས་ལྷག་པའི་འཇིགས་སུ་རུང་བ་ཞིག་གང་དུ་ཡང་མི་འདུག ངོ་གཉིས་ཡོད་པའི་མི་ནི་འཇིག་རྟེན་གྱི་འཕོང་འདྲེ་ལས་འཇིག་རྟེན་ལ་སྲུ་ཞུ་ སྒྲུབ་མཁན་གྱི་ཁྱེད་ཀྱི་རྗེས་འགྲེང་བ་ཞིག་མི་རུང་བ་ཞོར་ཏུ་དང་ལེན་བྱས་པ་ ཡིན། འོན་ཀྱང་། ཁྱེད་ཀྱི་རྗེས་འགྲེང་བ་ཞིག་མི་ཉན་རུང་། ཁྱེད་ཀྱི་མཚན་ཉེས་བཟོ་མཁན་གྱི་བཅོས་མའི་མི་འབག་གྱོན་མཁན་མ་བྱས་ན་དེ་བས་ འགྲིག་འདུག་ཨང་བསམ་སོང་། འདི་ལྟར་ངས་རང་ཉིད་ལ་མུ་མཐུད་དུ་བལྟ་མ་འཕོད་པར་ཁ་རོག་གེར་མལ་ཁྲིའི་སྟེང་དུ་ རོ་དང་ཁྱད་པར་མེད་པས་རང་གི་ལུས་པོ་འདོམ་བཀང་དེ་ལ་ངལ་གསོ་བྱེད་ཀྱིས་གྲ་ སྒྲིག་བྱས་པ་ཡིན། ཁྱེད་ཀྱི་འདྲ་དཔར་ནི་སྐབས་རེ་ང་རང་ལ་སྐྲག་སྣང་སྐུར་བྱེད་ཅིག་དང་སྐབས་རེར་ང་ རང་ལ་གཞལ་ཏུ་མེད་པས་ཚོར་བ་ལྷད་མེད་ཅིག་འཁུར་ནས་ཡོང་མཁན་དེ་ཡིན་དུས། ང་རང་ཁྱེད་ལ་དུངས་པ་དེ་ནི་ལྷད་མེད་པ་ཞིག་ཡིན་ནམ་ཅི། གླལ་རྒྱངས་བྱེད་ཞོར་ཏུ་མེལ་མགོ་ཚུར་ལ་བླངས། གློག་སྒྲོམ་མ་གཟིམ་པའི་སྔོན་དེར་སླར་ཡང་རང་གི་བཅོས་མའི་འབག་ལ་ཞིབ་དུ་ཐེངས་ ཤིག་བལྟས་དེ་དགོད་ཁ་ཤོར། འདི་སྲུང་དེ་ཚེ་གཅིག་བསྐྱེལ་དགོས་དུས་ལས་སླ་བོ་ཞིག་མ་རེད་ཨང་ཟེར་བཞིན་རང་ གིས་རང་ལ་ཆིག་ལབ་རྒྱབ། སྒེའུ་ཁུངས་ལས་སྐར་ཚོགས་དང་གློག་འོད་ཆེམ་ཆེམ་འཕྲོ་བས་འོད་དག་མཐོང་།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
ཤ་སྦྲང་བཞིན་བའི་ ཤ་སྦྲང་བཞིན་འཁོར་བའི་བཅོས།
གྲོགས་ཤ་ཁྲག་རུས་གསུམ་ལགས། དེང་སང་ཁྱེད་ཀྱི་སྒོ་འགྲན་ན་ཤ་སྦྲང་བཞིན་བའི་ཁྱུ་ཚོགས་ཧ་ཅང་མང་གི་། མུ་མཐུད་འབད་པར་འཚལ། ང་ཡང་ཁྱེད་ཀྱུ་ཞུགས་ན་ཡོང་གི་ཡོད།
སྤུན་གྲོགས་ཁྱེད་ཅག་འདི་ལྟར་ཕེབས་ནང་རང་རང་གི་གང་བཤད་འདོད་པ་དེ་དག་གླེང་བ་དེར་ཐུགས་རྗེ་ཆེ་ཞུ། ངས་ཀྱང་རང་གིས་ཚོད་ཀྱིས་ཤུ་རེ་བྱེད་ཀྱི་ཡོད་ལ་སྤུན་གྲོགས་ཁྱེད་ཅག་གིས་ཀྱང་རང་རང་གི་ཚོད་ཀྱིས་ཤུ་རེ་བྱེད་རོགས་ཞུ།
ཇིང་སྲས་ལགས། ཉིད་ཀྱིས་རྩོམ་ཡིག་འདི་ལ་གོ་བ་ལེན་ཐུབ་ཀྱི་མི་འདུག་ཟེར་བ་ནི་བདེན་ཤས་ཆེ། གང་ཡིན་ཟེར་ན་ཀློག་མཁན་རེ་རེ་ལ་རང་རང་གིས་ཚོད་ཀྱི་ཀློག་པའི་མྱོང་ཚོར་རེ་ཡོད་པ་རེད། སྐུ་ཉིད་ལ་ཐུགས་ཁག་མི་འདུག
བོད་མང་ཅན་ལགས་ཐེངས་གཉིས་ཙམ་བཀླགས་པ་ཡིན། གོ་བ་ལེན་ཤེས་མ་སོང་། གཡུ.དུག་སྤྲང་ལགས་ངས་ཁྱོད་སུ་ཡིན་པ་མ་ཤེས་མོད་ང་དང་ཐག་ཉེ་ཞིག་རེད་བསམ་བྱུང་། ད་དུང་ཁྱོད་ཀྱི་བྲིས་པའི་སྙན་ངག་དེ་[ངས་ཁྱོད་གྱི་འགྲམ་ཆང་འཐུང་ན་འདོད]ཞེས་པ་ཧ་ཅང་དགའ་བོ་བྱུང་། རྗེས་མ་ནས་ཀྱང་དེ་ལྟར་འབྲི་བའི་རེ་བ་ཡོད།
རེད་ཡ་་་་་ཁྱོད་དང་འུ་གཉིས་གའི་འཇིག་རྟེན་འདིར་གནད་འགག་ཆེན་པོ་གསུམ་ལ་རྒྱབ་འགལ་བྱས་ཡོད་།
སྐུ་ཞབས་ཤ་ཁྲག་རུས་གསུམ་ལགས། བཀའ་དྲིན་ཆེ།ངོ་མ་ཡག་གི
རྒན་རབས་པ་ལགས།ང་ཁྱེད་ཀྱི་མཛེས་སྡུག་གི་ལྡུམ་རྭ་ནང་དུ་བསླེབ་ཐང་རེ་ལ།་ཁྱེད་ཀྱི་སྙན་འཇེབས་ཀྱི་དབྱངས་རྟ་རེ་ཁྱེར་ནས་ལོག་འགྲོ་་་་་
༊༊༊༊༊༊༊༊༊༊༊༊༊༊༊༊༊༊༊༊༊༊༊༊༊༊༊༊༊༊༊༊༊༊༊༊༊༊༊༊༊༊༊༊༊
ཡོན་ཏན་ལགས་དང་གཡུ.དུག་སྤྲང་ཁྱེད་གཉིད་འདི་རུ་ཕེབས་པ་ཐུགས་རྗེ་ཆེ། ངས་འབད་བརྩོན་ཆེན་པོས་འབྲི་བཞིན་ཡོད། དུག་སྤྲང་ལགས། འུ་གཉིས་ལྟ་བའི་ལས་དབང་གཅིག་པ་ཅི་འདྲའི་མང་བོ་ཞིག་ཡོད་ངེས་རེད།
ཨ་ཧ་བོ་་་དང་སྒྲ་ཟིག་ཆད་འདུག
ངས་ཀློག་བཞིན་ཡོད་། ཕྱོགས་གང་ཐད་ནས་ཁྱོད་ངའི་ལས་གཅིག་པ་ཡིན་།
གྲོགས་པོ་ལགས་་་་་་་་་་མུ་མཐུད་ནས་སྤེལ་རོགས་་་་་་སྙན་མོ་འདུག