དཔལ་ལྡན་༧མི་དབང་བཀའ་ཡི་མདུན་ན་འདོན་ཁྲི་བ་ཟམ་གདོང་རིན་པོ་ཆེ་རྗེ་བཙུན་བློ་བཟང་བསྟན་འཛིན་དཔལ་བཟང་པོ་མཆོག་གི་ཞབས་པད་དགེ་ལེགས་འདབ་སྟོང་བཞད་པའི་ཁྲིའི་དྲུང་དུ།
སྒོ་གསུམ་རབ་གུས་ཧུན་སུར་རབ་རྒྱས་གླིང་སེར་སྐྱ་མི་མང་སྤྱི་མགྲིན་ནས་གསོལ་བ་ཕུར་ཚུགས་སུ་འདེབས་སྙིང༌། དེ་ཡང་བགྲང་བྱ་གཉིས་ཙམ་གྱི་རྗེས་གང་ཉིད་བཀའ་ཁྲིའི་མཛད་འགན་ནས་འཁྱུར་རྒྱུ་ཡིན་ཡང༌། བདག་ཅག་མི་མང་ནི་གང་ཉིད་ཀྱི་སྐུ་གསུང་ཐུགས་ཀྱི་ཡོན་ཏན་དང༌། གངས་ཅན་བོད་ཀྱི་བསྟན་པ་ཆབ་སྲིད་ཐོག་མཛད་འཕྲིན་སྐྱོང་ཚུལ་ལ་བསམས་ན་བློས་ཐོངས་ཐབས་མི་འདུག་ལ། ལྷག་པར་བདག་ཅག་ཆབ་འབངས་རྣམས་ཀྱང་ཟུངས་ཟད་ཀྱི་ནད་པ་ལྟར། ཆབ་སྲིད་ཀྱི་དཀའ་རྙོག་འོག་གནས་ཡོད་སྟབས། སྐྱོབ་རོགས་སུ་སྐྱེས་བུ་ཁྱེད་ལྟ་བུ་༧གོང་ས་མཆོག་གི་ཕྱག་རོགས་མེད་དུ་མི་རུང་བར་འདུག་པས། སྐྱེས་མཆོག་གང་ཉིད་སླར་ཡང་བཀའ་ཁྲིར་འོས་འདེམས་དགོས་ལུགས་སྐོར། བདག་ཅག་ཧུན་སུར་རབ་རྒྱས་སེར་སྐྱ་མི་མང་སྤྱི་མགྲིན་ནས་བོད་མི་མང་སྤྱི་འཐུས་ལྷན་ཚོགས་ལ་༧སྙན་ཞུ་ཞིག་འབུལ་ལམ་ཞུས་པའི་ངོ་བཤུས་བཀའ་ཤག་ཏུ་ཡང་འབུལ་ལམ་ཞུས་དོན་བཞིན། བདག་ཅག་མི་མང་གི་དགོས་འདུན་ལ་རྒྱལ་ཁ་ཐོབ་ན། བཀའ་ཁྲི་རིན་པོ་ཆེ་གང་ཉིད་སླར་ཡང་བཀའ་ཁྲི་སྐབས་བཅུ་བཞི་པའི་འོས་གཞིར་ཕེབས་བཞུགས་མཛད་གནང་ཐུགས་རྗེ་བཀྲིན་ཆེ་བ་ཞེས་སྙིང་ཁོང་རུས་པའི་གཏིང་ནས་གསོལ་བ་ཕུར་ཚུགས་སུ་འདེབས་པ་ལགས་ན། ཉི་མའི་འོད་ཟེར་ལ་སྲིན་བུ་མེ་ཁྱེར་ལྟར་བདག་ཅག་གིས་རྒྱས་བཤད་ཞུ་ག་ལ་དགོས་ཀྱང༌། མདོར་ན་གང་ཉིད་རང་གི་མཁན་པོའི་དྲུང་ནས་བྱང་ཆུབ་མཆོག་ཏུ་ཐུགས་བསྐྱེད་པ་དོན་ལ་གནས་ན། བྱང་ཆུབ་སེམས་པའི་སྤྱོད་པ་བསླབ་ཚུལ་༧རྒྱལ་བསྟན་ཆབ་སྲིད་ཀྱི་སྲི་ཞུ་འདི་ལས་ལྷག་པ་ཁྱེད་ཀྱིས་གཟིགས་སམ། མ་གཟིགས་ན་བདག་ཅག་གིས་རེ་བའི་མིག་འབུར་གཏད་ཅིང་ལག་གཉིས་ཐལ་མོ་སྦྱར་ཏེ་གདུང་ཤུགས་དྲག་པོས་གསོལ་བ་ཕུར་ཚུགས་འདེབས་པའི་གདུང་དབྱངས་འདི་འབྲས་མེད་དུ་མ་མཛད་པར། རེ་བའི་དོན་འབྲས་གཡུར་དུ་ཟ་བའི་སྐྱབས་འཇུག་ཐུགས་རྗེས་འཛིན་པ་མཁྱེན། མཁྱེན། ཅེས་གསོལ་བ་འདེབས་པ་ལགས། ཧུན་སུར་རབ་རྒྱས་གླིང་སེར་སྐྱ་མི་མང་སྤྱི་མགྲིན་ནས་ཕྱི་ལོ་ ༢༠༠༩ ཟླ་ ༦ ཚེས་ ༡༢ ལ་གུས་འདུད་ཀྱིས་བརྒྱན་ཏེ་ཕུལ། །
ད་རེས་ང་ཚོས་བཀའ་ཁྲི་བུད་མེད་ཞིག་འདེམས་ཐུབ་ཡིན་ན་བོད་པའི་མི་སྐྱ་དེ་ཚོ་སྨྲ་རྒྱུ་བཤད་རྒྱུ་གང་ཡང་མེད་པ་ཆགས་ངེས་རེད། སོ་སོས་མི་འགྱོན་པར་ད་དུང་བླ་མ་དང་གྲྭ་པ་དེ་ཚོ་ཞེས་ཁ་ནས་ཐོན་པར་བལྟས་ན། ཁྱོད་རང་བློ་ཤིག་ཙམ་ཞིག་ལྡན་པའི་བློ་ལྡན་དེ་ཡིན་ས་རེད།
ཧ་ཧ་ཀུ་རེ་ཡིན། དགོངས་པ་མ་ཚོམས་རོགས། ང་ནི་བུད་མེད་ཞིག་བཀའ་ཁྲིར་འདེམས་ངེས་ཡིན། དེས་ཆུང་ས་ནས་འཛམ་གླིང་སྟེང་དུ་བག་ཆགས་གསར་པ་ཞིག་དང་། དོ་སྣང་གསར་པ་ཞིག་སླེབས་ཐུབ་ངེས་རེད།
ཧུན་སུར་རབ་རྒྱས་གླིང་གི་མི་མང་ཚོའི་མིག་རྒྱང་དེ་འདྲའི་ཐུང་བ་ལ། ལེགས་ཉེས་མི་ཤེས་ན་སྨྲ་བ་ཉུང་རུ་བཏང་ན་མཛེས་སྙམ། བླུན་པོ་སྨྲ་བ་ཉུང་ངུ་བྱས་ན་མཛེས་ཞེས་པའི་ལེགས་བཤད་དེ་རབ་རྒྱས་གླིང་གི་རྩིག་ངོས་ཡོད་ཚད་ལ་སྦྱར་ཐུབ་ན་མ་འོངས་པར་༧གོང་ས་མཆོག་གི་ཐུགས་རེ་དང་མཐུན་པའི་བཀའ་བློན་ཞིག་རེག་པར་ཕན་ཐོག་ཆེན་པོ་ཡོང་ངེས།
ཟམ་གདོང་བླ་མ་ལ་སྐྱབས་སུ་མཆིའོ། འདི་ཧུན་སུར་གཞིས་ཆགས་དང་ཡི་གེ་འབྲི་མཁན་ཚོས་རིམ་གྲོ་ཡིན།
འོན་ཀྱང་། ང་ཚོ་བོད་གཞུང་གི་བཅའ་ཁྲིམས་ནང་ཁོང་ལ་ཡང་བསྐྱར་བཀའ་ཁྲི་སྡོད་པའི་ཐོབ་ཐང་མེད་པས་ད་དུང་ལྐུགས་པ་ཨུ་ཚུགས་རྒྱག་དགོས་དོན་ཡོད་དམ།
ཁྱེད་ཚོ་ཟམ་གདོང་བླ་མ་དད་གུས་ཡོད་མཁན་ཡིན་ན་ཁོང་ཉིད་ཀྱིས་ནམ་རྒྱུན་གསུང་བཞིན་པའི་ཁྲིམས་ཀྱི་དབང་བསྒྱུར་ཟེར་བ་དེའི་གོ་དོན་ལ་སློབ་སྦྱོང་བྱེད་རྒྱུ་གལ་ཆེ་བར་བསམ།
ཡི་གེ་འདི་འབྲི་མཁན་ཕལ་ཆེར་སྤྱི་ཟུར་ཐུབ་བསྟན་འོད་ཟེར་ཡིན་ལགས་ཡིན་ལེ་རེད་གོ
བྱེད་སྟངས་འདིའི་རིགས་ནི་འགོ་མ་འཚོས་པའི་གཞི་མི་རེ་ཟུང་གིས་རྒྱུན་ལྡན་བྱེད་སྟངས་དང་སེམས་ཤུགས་མངོན་སྟངས་ཤིག་ཡིན་པ་རེད། འདིའི་རིགས་ད་དུང་ཆབ་སྲིད་འཁྲབ་སྟོན་ཞེས་པའི་ཆུ་ཚད་ལ་སླེབས་མེད་པ་རེད། མདོ་དོན་སྙིང་པོ་བྱིས་པའི་རྩེད་མོ་ལྟ་བུ་ཞིག་ལས་ནང་དོན་ནི་མི་འདུག
ཆབ་སྲིད་པ་རེ་ཟུང་གི་འཁྲབ་སྟོན་འོག་ཏུ་འགྲོ་བཞིན་མེད་ན་ཡག་པོ་འདུག
ད་འདིའི་སྐོར་ལ་མང་པོ་བཤད་མི་དགོས་འབྱུང་འགྱུར་གྱི་བཀའ་ཁྲི་ལ་ཟམ་གདོང་རིན་པོ་ཆེ་འདེམས་རྒྱུ་མིན་པ་ཐག་བཅད་ནི་ཡིན།
ཧུན་སུར་རབ་རྒྱས་གླིང་གི་ཐུགས་འཁུར་གནང་བ་དེ་ཡག་པོ་རེད་དེ་ཡིན་ནའང་མི་རེ་ངོ་རེ་ནས་ཆབ་སྲིད་ཀྱིས་ཐོག་ལ་གནམ་དཔྱོད་ཀྱི་རྩད་ཐོན་པས་ལས་འགན་བཏང་དུ་་མ་བླང་པར་ལོ་ངོ་ལྔ་བཅུ་འགྲོ་ཟིན་པའི་པསམ་བློ་སྙང་བ་དང་ལམ་བསོལ་ངན་པ་དེ་དག་གི་༧གོང་ས་མཆོག་གི་སྐུ་ཚེ་འཕྲོད་ལྷག་ཏུ་བཏང་བ་མ་གཏོགས་དེང་གི་སྤྱི་ཚོགས་ལ་ཕེན་ཐོག་མེད་པ་གསལ་བོ་རེད། ད་བོད་མི་རྩམ་བཟན་རྣམས་ཀྱི་ད་ལྟའི་དུས་ཚོད་གསར་ལས་ལྷག་པར་འདི་ནང་ཉི་མ་ཆོལ་ཐབས་དང་ཙམ་གྱི་འགྲིག་གི་མེད་པ་དང་བོད་མི་གཞོན་སྐྱེས་ཤེས་ལྡན་པ་དེ་ཚོ་ལ་ཉམས་མྱོང་གི་གོ་སྐབས་ཞིག་ཐུབ་ན་དུས་ལ་བབ་ཡོད་རེད།
འདིའི་ཐད་སྔར་རྒྱལ་ལོ་དོན་འགྲུབ་ཀྱིས་འདི་འདྲ་ཞིག་བཤད་པ་རེད་ང་ལ་མཚོན་ན་ནམ་ཡང་བོད་དོན་དོར་གི་མ་རེད་ལ་བོད་དོན་བསྒྲུབ་པ་ལ་བཀའ་ཁྲིའི་མིང་ཡོད་པ་ལས་མེད་པ་ཡག་གི་རེད། ཅེས་བཤད་མྱོང་བ་རེད། འདི་དངོས་གནས་ལྟ་བུ་རེད་ཅེས་བཤད་ཀྱང་ཆོག་པ་འདྲ། དེས་ན་ད་ཡང་ང་ཚོས་ཟམ་གདོང་ལ་ཨུ་ཚུགས་བྱེད་དགོས་དོན་མི་འདུག་ཁོ་ལ་ནུས་པ་ཞིག་ཡོོད་ན་བོད་ཀྱི་ཆེད་ལོས་འདོན། དེས་ཕྱིར་ང་ཚོའི་ནམ་ཡང་གང་ཟག་གཅིག་གི་ཆེད་དུ་བཅའ་ཁྲིམ་བཅོས་མི་འོས། ང་ཚོ་ལ་ད་དུང་མི་ནི་འདུག་བཀའ་ཁྲིའི་འོས་གཞིར་མི་བཅུ་དང་ཉི་ཤུ་བྱས་ཏེ་བསྟོན་ཡོང་གིན་འདུག
གངོས་གནས་་མི་མང་གིས་བསམ་ཚུལ་གནང་བ་ཡིན་ན་ཡག་པོ་རེད་ལ་རྩ་ཆེན་འང་རེད། འོན་ཏང་མི་གཅིག་ལ་བལྟས་ནས་ཁྲིམས་ལ་འགྱུར་བ་གཏོང་རྒྱུ་འདི་ལེགས་ལམ་ཞིག་མ་རེད། ད་ལྟ་བཙན་བྱོལ་བོད་མའི་ཁྲོད་ན་བླ་མ་ཟམ་གདོང་མ་གཏོགས་དངོས་གནས་བཀའ་ཁྲིའི་འགན་ཐེག་མཁན་ཞིག་མེད་པ་ཡིན་ན་འབྱུང་འགྱུར་ལོ་ལྔའི་ནང་ལ་བཀའ་ཁྲི་ཐེག་མཁན་གཞན་གཅིག་ཐོན་མི་ཐུབ་པ་ཚིགས་ཐག་བཅད་ཆོག་ལ་དེ་ལྟར་ཡིན་ན་རྒྱ་མིས་ཚོད་དཔག་དེ་ཏག་ཏག་ཐིག་པ་རེད། བོད་མི་རིགས་ཆགས་འཇིག་གི་དུས་ཚོད་འདི་ལྟ་བུ་ལ་བཀའ་ཁྲིའི་གོ་ས་དེ་སྦྱོང་བརྡར་བྱེད་ས་བྱེད་མི་འོས་ཀྱང་ཁ་དཔེར་་མི་སྡུག་ལ་ཐུག་ན།། ཕྱག་ཁྱི་ལ་འཚལ།།་་་ཟེར་ལྟར་ད་རེབ་གོ་ས་འདི་མི་གསར་བ་ཞིག་ལ་བྱིན་ནས་སྦྱོང་བརྡར་བྱེད་ན་ཡང་བྱེད་བཅུག་རྒྱུ་རེད།
དངོས་གནས་དོན་མེད་ཅ་ཅོ་མང་སོང་།
ཁང་གསར་རྡོ་རྗེ་ལགས་སུ་རྒྱབ་བསྐྱོར་ཡོད། ཏཱ་ལའི་བླ་མ་སྐུ་བཞུགས་ཐོག་བཀའ་ཁྲི་འདྲ་མིན་ཐོན་འོས་པ་དང་དེ་ལྟར་མི་མང་པོ་སྦྱོང་བརྡར་རེག་གི་རེད། དེ་གལ་ཆེན་མ་རེད་དམ།
དངོས་གནས་བསམ་བློ་ཡག་པོ་བཏང་ན། བླ་མ་གྲྭ་པས་ཆོས་སྲིད་གཉིས་ཀར་བྱུས་གཏོགས་མ་བྱས་ན་མི་སྐྱ་ཡིས་ཁག་པོ་རེད་མིན་འདུག་གམ།
བོད་ལ་མི་རྫོགས་པ་ནི་ཡིན་རྒྱུ་མ་རེད། དངོས་ནས་ཐབས་སྐྱོ་བ་ལ།
ཧོན་སུར་མི་མང་གི་འདི་འདྲའི་སྐད་ཆ་ཆོ་མེད་བོད་ཀྱི་ལོ་རྒྱུས་ནང་འཁྱེར་མ་ཡོང་རོགས། གང་ཟག་གི་ཆེད་དུ་རྩ་ཁྲིམས་འགྱུར་བ་གཏོང་མི་ཉན་པའི་གནད་དོན་དེ་ཤེས་པར་གྱུར་ཅིག ཟམ་གདོང་བ་མཁྱེན་རབ་ཡོད་ན་རྩ་དོན་བསྒྲུབ་ཕྱོགས་མང་བོ་ཡོད་པ་རེད། ད་དངོས་གནས་བླ་མ་དང་གྲྭ་བའི་རིགས་སྲིད་ཀྱི་ནང་ཁྲིད་མ་ཡོང་རོགས།
ནང་དོན་དང་མཇུག་ཏུ་ཕུལ་ཞེས་གསལ་བར་གཞིགས་ན། འདིའི་ཁ་བྱང་ལ་བཀའ་ཁྲིལ་ཕུལ་བ་ལྟ་བུར་བཅོས་འོས། དེ་བཞིན་གྲོས་ཚོགས་ལ་སྤྲིངས་པ་ཞེས་པ་དེ་ཡང་གྲོས་ཚོགས་ལ་ཕུལ་བ་ལྟ་བུར་བཅོས་འོས་སྙམ།
༡། ད་ལྟའི་བཀའ་ཁྲིས་ལོ་བཅུ་བཀའ་ཁྲི་གནང་ནས་ད་དུང་ལོ་ལྔ་བྱེད་དགོས་ཟེར་ན་རྒྱུ་མཚན་ལྡན་པར་མ་མཐོང་། མི་གཅིག་གིས་མང་མཐའ་བསྟུད་མར་ལོ་བཅུ་ལས་ལྷག་པ་བཀའ་ཁྲི་བྱས་མ་ཆོག་པ་བཟོས་པར་རྒྱུ་མཚན་མང་པོ་ཡོད།
༢། ད་ལྟའི་བཀའ་ཁྲིས་འདས་པའི་དུས་ཡུན་ནང་ཕྱག་ལས་གསར་པ་མང་པོ་གནང་ཡོད། ཕྱག་ལས་དེ་དག་ལ་གཞིགས་ན། ཕལ་མོ་ཆེ་ཐོག་མའི་ལོ་ལྔའི་ནང་གནང་བ་ཞིག་རེད། དེའི་རྗེས་ཀྱི་ལོ་ངོ་འདི་དག་རིང་ཕྱག་ལས་གསར་པ་འགོ་འཛུགས་གནང་བ་ཅང་མེད། དེའི་ཐོག་ནས་རྣམ་དཔྱོད་བཏོན་ཚར་བ་དང་། ད་འདོན་རྒྱུར་ལྷག་པ་ཅང་མེད་པ་དེ་མཚོོན་པ་རེད། ད་དུང་ལོ་ལྔ་ཕུལ་ན་འཕྲོ་བརླག་རེད།
༣། ༸གོང་ས་མཆོག་ཞལ་བཞུགས་དུས། ང་ཚོས་མི་ཟད་ཐེབས་པ་ལྟ་བུ་མ་བྱས་པར། མི་གཞན་ལ་བཀའ་ཁྲི་བྱེད་འཇུག་དགོས་པ་གལ་ཆེན་རེད། འདི་ལྟར་བྱས་ན་གཞི་ནས་མ་འོངས་པར་ང་ཚོས་རང་གི་གཞུང་འཛིན་སྐྱོང་བྱེད་ཐུབ་ཀྱི་རེད་མ་གཏོགས། ༸གོང་ས་མཆོག་བཞུགས་རིང་མི་གཞན་དང་ལྷག་པར་གཞོན་སྐྱེས་ཚོར་གོ་སྐབས་མ་སྤྲད་ཚེ། ལོ་ཉི་ཤུ་སུམ་ཅུའི་རྗེས་ལ་དཀའ་ངལ་ཆེན་པོ་ཆགས་ཀྱི་རེད།