ཀན་ལྷོ་བོད་ཡིག་སློབ་འབྲིང་གི་སློབ་ཕྲུག་གཉིས་རྒྱ་ནག་གཞུང་གིས་སློབ་གྲྭ་ནས་ཕྱིར་འབུད་བྱས་འདུག
བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་ལ་གནས་ཚུལ་འབྱོར་བ་ལྟར་ན། ཕྱི་ཟླ་ ༦ པའི་ཚེས་ ༡༩ ཉིན་རྒྱ་གཞུང་གིས་ཀན་ལྷོ་བོད་རིགས་སློབ་འབྲིང་གི་སློབ་ཕྲུག་གཉིས་ལ་འདིའི་ཕྱི་ཟླ་ ༤ པའི་ཚེས་ ༢༤ ཉིན་གྱི་ངོ་རྒོལ་ནང་ཞུགས་མཁན་ཡིན་པར་བསྙད་ནས་ཕྱིར་འབུད་བྱས་འདུག
སློབ་ཕྲུག་དེ་གཉིས་ནི་རང་ལོ་ ༢༡ ལ་སོན་པའི་སྒྲོལ་མ་བཀྲ་ཤིས་དང་རང་ལོ་ ༢༢ ལ་སོན་པའི་སྒྲོལ་མ་འབུམ་གཉིས་རེད། ཁོང་གཉིས་ཀ་བསང་ཆུ་རྫོང་བསང་ཁོག་གྲོང་བརྡལ་ནས་འཇུས་ཡོད་འདུག
ལོ་འདིའི་ཕྱི་ཟླ་ ༤ པའི་ཚེས་ ༢༤ ཉིན་ཀན་ལྷོ་བོད་རིགས་སློབ་འབྲིང་གི་སློབ་མ་རྣམས་ཀྱིས་བསང་ཆུ་རྫོང་གི་ཁྲོམ་ནས་ཞི་བའི་ངོ་རྒོལ་གྱི་ལས་འགུལ་ཞིག་སྤེལ་ཡོད་ལ། གནས་ཚུལ་གྱི་ཡོང་ཁུངས་ཤིག་ནས་གོང་གསལ་ཚོགས་པ་འདིར་ངོ་སྤྲོད་བྱས་པ་ལྟར་ན། སྐབས་དེའི་ངོ་རྒོལ་ནི་བོད་རིགས་སློབ་ཕྲུག་ཚོར་མཐོ་རིམ་སློབ་གྲྭའི་ནང་ཟུར་བཅད་ཀྱི་རྐུབ་སྟེགས་ཡོད་པ་དེ་རྒྱ་རིགས་སློབ་ཕྲུག་ལ་སྤྲད་པའི་རྐྱེན་གྱིས་བྱུང་བ་རེད་ཟེར།
ཁོང་ཚོའི་ངོ་རྒོལ་གྱི་རྒྱུ་རྐྱེན་གཙོ་བོ་གཞན་ཞིག་ནི། ཡེ་རྡོར་ཟེར་བ་ཞིག་གིས་ཀན་ལྷོའི་ཉིན་རེའི་གསར་ཤོག་སྟེང་༧གོང་ས་མཆོག་ལ་གཞི་མེད་སྐྱོན་བརྗོད་བྱས་པར་བརྟེན་ནས་བྱུང་ཡོད་འདུག
ཁྱེད་བོད་རིགས་སློབ་ཕྲུག་ཅིག་ཡིན་ན་མནར་གཅོད་དེ་འདྲ་ཞིག་ཁུར་ནུས་སམ། མ་ནུས་ན་ཇི་ལྟར་བྱེད་དགོས་སམ། བསམ་གཞིགས་ཕྲག་ཏུ་བབས་པའི་ལས་འགན་ཞིག་རེད་སྙམ།་
ཀན་ལྷོ་ཁུལ་བོད་རིགས་སློབ་འབྲིང་དང་བསང་ཆུ་རྫོང་བོད་རིགས་སློབ་འབྲིང་གཉིས་རྦད་དེ་ཁ་ཁ་རེད། ད་ཐེངས་ཀྱི་སློབ་ཕྲུག་འདི་གཉིས་བསང་ཁོག་ནས་བཟུང་བ་དང་བསང་ཆུ་རྫོང་ཐོག་ནས་ངོ་རྒོལ་བྱེད་མཁན་ཡིན་ན། དེ་ཀན་ལྷོ་བོད་རིགས་སློབ་འབྲིང་རྩ་བ་ནས་མ་རེད་ཞུ་རྒྱུ་ཡིན། འདི་དྲ་བ་དོ་དམ་པ་ནོར་བ་མིན་པར་འགྲོ་བ་མིའི་ཐོབ་ཐང་ནོར་བ་ཡིན་ངེས་སྙམ་ལ། རྗེས་ཕྱོགས་འདིའི་རིགས་ལ་གཟབ་གཟབ་དང་ཞིབ་འཇུག་ནན་མོ་མ་བྱས་ཚེ། གསར་འགྱུར་རྫུན་མ་དང་གནས་ཚུལ་རྫུན་མ་ཆགས་ཏེ་རྒྱལ་སྤྱིའི་བརྒྱུད་ལམ་སོགས་སུ་མཐོང་ཆག་རྒྱུའི་ཉེན་ཁ་འདུག་ཞུ་རྒྱུ་ཡིན། Ș
རྒྱ་གཞུང་གིས་བྱེད་སྟངས་དེ་ནི་ཐུབ་ཚོད་རང་ཡིན་པ་ལས་གོ་བ་གཞན་གང་ཡང་ལེན་རྒྱུ་མེད།
ཁ་དཔེར་་་མུ་གེའི་སྟེང་ལ་ཟླ་ལྷག།། ཟེར་བ་ལྟར་བོད་མི་རེ་ཟུང་གིས་ཀྱང་གོ་སྐབས་དམ་འཛིན་གྱི་རང་གཞུང་དང་དབུ་ཁྲིད་རྣམས་ལ་ཐུབ་ཚོད་གཏོང་གི་འདུག
གྲོགས་གནས་ཚང་ལགས་ཁྱེད་རང་མཐོ་རིམ་དབུ་ཁྲིད་ལ་སུ་དང་གང་ལ་དོགས་པ་ཡོད་ཁ་གསལ་རོགས། གནས་ཚང་ཞེས་པ་འདི་ཁྱོད་ཀྱིས་མིང་དངོས་མིན་པས་སྐྲག་མི་དགོས་ཨ་ཕོ་ང་ཁྱེད་ཀྱི་རྒྱབ་རྩར་ལང་ཡོད
དེང་སྐབས་རྒྱ་ནག་ལ་ངོ་ཚ་རྒྱུ་ཕར་ཞོག་དྲིན་ཆེན་དུ་རློམ་བཞིན་པས། སྐད་འབོད་ཙམ་དང་ཁ་རླངས་ཙམ་གྱིས་ཕན་ག་རེ་ཐོགས་ཀྱི་ཡོད་དམ། དེ་ལས་ཀྱང་ཉེན་ཁ་ཚ་ཤོས་ནི་བོད་གཞུང་གི་མཐོ་རིམ་སྐུ་ངོ་ཁ་ཤས་རྒྱ་མིས་ཉོས་ཟིན་པ་འདྲ་བོ་འདུག་པས། བོད་ལ་རེ་བ་ཡོད་དམ། དཀའ་ལས་རྒྱག་དགོས་དོན་འདུག་གམ། རང་གཞན་གཉིས་ཀར་དཀའ་ལས་གཏད་པ་ལས་སྔ་སེ་ནས་ཁ་གསལ་ན་མི་འགྲིག་གམ།
གནས་ཚང་ལགས་ནས་གསུངས་པ་ལྟར། བཙན་བྱོལ་བོད་གཞུང་ནས་སློབ་ཕྲུག་འདི་རིགས་ལ་ཐད་ཀར་རོགས་པ་བྱ་ཐུབ་རྒྱུ་ཟེར་བ་དེ་ད་ལྟའི་ཆར་གནས་སྟངས་ཀྱི་ཆ་ནས་ཧ་ཅང་དཀའ་ལས་ཁག་ཙམ་རེད། ཡིན་ནའང་ང་ཚོས་ཐུན་མོང་ནས་ཐོག་ནས་གྲུབ་ཐུབ་པ་འདི་གདུང་སེམས་མཉམ་སྐྱེད་མཚོན་ཆེད་མི་རེ་ངོ་རེས་ལས་འགན་བླངས་ཏེ་བོད་དོན་གསལ་བཤད་བྱ་རྒྱུ་དེ་རེད་བསམ་གྱི་འདུག བཙན་བྱོལ་བོད་གཞུང་ངོས་ནས་ཀྱང་ཏན་ཏན་གནས་སྟངས་དེ་དག་སྐབས་མཚམས་སོ་སོར་འབྲེལ་ཡོད་ཁག་ལ་གསལ་བཤད་ཆ་ཚང་གནང་རྒྱུར་བཀོད་མངགས་གནང་དགོས་ཀྱི་རེད་བསམ་གྱི་འདུག
གོང་གསལ་སློབ་ཕྲུག་དེ་གཉིས་ཕུདུ་པའི་གནས་ཚུལ་དེ་གཅིག་པུ་ཨེ་ཡིན། ཏན་ཏན་ལས་བྱེད་དགེ་རྒན་ལའང་བོད་རང་སྐྱོང་ལྗོངས་ཀྱི་ས་ཁུལ་ལྟར་རྒྱུ་མ་ཕུ་འདེད་ལྟར་བྱས་ཏེ་བསུན་གཙེར་བཟོ་སྲིད། དེ་ནི་རྒྱ་ནག་གཞུང་ངོ་ཚ་དགོས་པ་དང་ཐབས་སྐྱོ་བའི་བྱེད་སྟངས་ཤིག་རེད། སློབ་ཕྲུག་གཉིས་པོའི་ཕུགས་ཀྱི་མདུན་ལམ་ལ་གནོད་སྐྱོན་ཐེབས་ཡོད་ཀྱང་། ཁོང་གཉིས་ཏན་ཏན་ན་ཚོད་ཆུང་ཆུང་ཞིག་མིན་སྟབས་སོ་སོ་རང་ཉིད་ལའང་ཐོག་མ་ནས་བསམ་་ཚུལ་ཞིག་ཡོད་སྲིད་པས་ང་ཚོའི་ཁོང་ཚོའི་ཐོག་མའི་སྐུལ་སློང་དང་དམིགས་ཡུལ་བཟང་པོ་བཟུང་ཡོད་སྟབས་ཏན་ཏན་བར་་ཆར་ཆེན་པོ་མི་ཡོང་བ་དང་། མ་འོངས་པའི་ལམ་བུའི་སྟེང་དཀའ་ངལ་ ཆེན་པོ་མི་འཕྲད་པའི་སྨོན་ལམ་འདེབས་རྒྱུ་དེ་རེད། ཡིན་ནའང་བོད་ནང་ལུས་སྲོག་ལོངས་སྤྱོད་དངོས་སུ་བློས་གཏོང་བྱ་མཁན་ཚོར་ཉམས་པ་མེད་པའི་སྙིང་སྟོབས་ཤིག་ཡོད་པས་ཁོང་ཚོས་ཏན་ཏན་དཀའ་ངལ་གང་ཞིག་བྱུང་ཡང་གདོང་ལེན་གནང་་གི་རེད། ཡིད་ཆེས་ཡོད་ལ་རེ་བ་འང་ཡོད། མཆོག་གསུམ་བྱིན་མཐུས་ཁྱེད་གཉིས་གཙོས་བོད་ཆོལ་གསུམ་དུ་གནས་པའི་རྒྱལ་གཅེས་དཔའ་བོ་དཔའ་བོ་རྣམས་ལ་བར་ཆད་ཀྱི་གཡའ་ཕྲ་མོ་ཙམ་ཡང་མེད་པར་མ་ཡོང་བའི་སྨོན་ལམ་ཞུ།།
བཙན་བྱོལ་བོད་གཞུང་གིས་སློབ་ཕྲུག་འདི་རིགས་ལ་རོགས་པ་ག་ཚད་རྒྱག་ཐུབ་ཀྱི་ཡོད་དམ།
ཕྲན་སློབ་ཕྲུག་ཅིག་ཡིན་པས་ཆ་ནས་འདི་ལྟ་བུ་བོད་མི་སློབ་ཕྲུག་ཅིག་ལ་ཁུར་དུ་མི་ནུས་པའི་མནར་བཅོས་དེ་ནི་ངའི་སེམས་སུ་ཇི་ལྟར་བཟོད་ཐུབ་མོད། འོན་ཏེ་རྣམ་དཔྱོད་དང་ཤེས་རིག་གི་གྲོགས་སུ་བསྟེན་ཏེ་ཅི་ནས་ཀྱང་ཤ་ཁྲག་གཅིག་གི་སྤུན་སློབ་རྣམས་ཤེས་རིག་གི་ར་བ་གཅིག་ནང་ཡོན་ཏན་གྱི་བྲོ་བ་མཉམ་དུ་རོལ་ཐུབ་པའི་ཉྀན་མོ་མྱུར་དུ་འཆར་ཐུབ་པའི་འབད་པ་ཧུར་ཐག་བྱེད་ཀྱིན་ཡིན།
དུས་ལྟར་ཏུ་ཀློག་པ་ཡིན། ཡིན་ཡང་། སྡུག་སྨྲེ་རེ་འདོན་རྒྱུ་ལས་ཀློག་མཁན་ཞིག་བྱས་དེ་འབུད་སོང་བ་ཡིན། འོན་ཀྱང་། དུས་བབ་ཁྱེད་ཚང་གི་གཙོ་འགན་པའི་བསམ་ཚུལ་དེ་མཐོང་ནས་ལན་འདི་ཙམ་ཞིག་བཞག་པ་ཡིན། ཕྱོགས་གཅིག་ནས་དོན་སྣང་མེད་སོང་བ་ནི་མ་རེད་སྙམ། གནས་ཚུལ་འདིའི་རིགས་ངེད་ཅག་གི་གོ་དགོས་པ་ལས། ངེད་ཅག་གི་བསམ་ཚུལ་འབྲི་མིན་དེ་ནི་གཙོ་བོ་མ་རེད་སྙམ། གང་ཡིན་ཟེར་ནས་ངེད་ཅག་གིས་བསམ་ཚུལ་དེ་ནི་འབྱོར་དགོས་ས་དེར་འབྱོར་གྱི་ཡོད་པ་མ་རེད། བྱེས་ཀྱི་གནས་ཚུལ་ཞིག་ཡིན་ན་བསམ་ཚུལ་བྲིས་ཀྱང་གནས་ཚུལ་འབྱོར་དགོས་ས་དེར་འབྱོར་གྱི་ཡོད་སྟབས་ལོས་ཡིན་འདོད་ལགས། དེ་འདྲ་ཞིག་སྙམ་སོང་། ང་རང་གིས་དེ་ལྟར་བསམ་པ་འདི་ནས་ཞུས་པ་ཡིན།
བཀླགས་ཟིན་ཀྱང་། དམིགས་བསལ་གྱི་བསམ་འཆར་འབུལ་རྒྱ་གང་ཡང་མི་འདུག སེམས་ལ་དྲན་འོང་བ་ནི་ཐུབ་ཚོད་ཅེས་པ་དེ་རེད།