ཨི་ཕོ་ཆི་དུས་བབ་དྲ་རྒྱས་གནས་ཚུལ་སྤེལ་བ་ལྟར་ན། ལོ་འདིའི་ཕྱི་ཟླ་བཞི་བའི་ནང་རྒྱ་རིགས་སློབ་ཆེན་སློབ་མ་ལོའུ་ཅང་ཡོན་ཞུ་བ་ཞིག་ཨ་རི་ནས་༧གོང་ས་མཆོག་དང་གནད་ཡོད་མི་སྣ་གཞན་པ་བཅས་ལ་མཇལ་བར་བརྟེན། ཁོང་སློབ་གྲྭ་ནས་ཕྱིར་འབུད་བཏང་འདུག
རང་ལོ་ ༣༡ ལ་སོན་པའི་ལོའུ་ཅང་ཡོན་ནི་སི་ཁྲོན་སྤྱི་ཚོགས་ཚན་རིག་སློབ་གླིང་གི་སློབ་ཕྲུག་ཡིན་པ་དང་། ཨ་རིའི་པེན་རྩོམ་པ་པོའི་མཐུན་ཚོགས་ཀྱི་མགྲོན་འབོད་ལྟར་ཨ་རིར་ཕྱིན་ཞིང་སྐབས་དེར་༧གོང་ས་མཆོག་ལ་མཇལ་ཡོད་འདུག
ལོའུ་ཅང་ཡོན་གྱིས་བཤད་པ་ལྟར་ན། ཁོང་ཕྱིར་འབུད་བྱེད་དོན་ནི་ཞིང་ཆེན་ཉེན་རྟོག་ཚན་པས་གནོན་ཤུགས་སྤྲད་པ་ལྟར་སློབ་གླིང་དེས་ཆབ་སྲིད་ཀྱི་གནད་དོན་འོག་ནས་ཕྱིར་འབུད་བྱས་པ་རེད་ཟེར། ཡིན་ཡང་སློབ་གླིང་དེས་ཁོང་ཕྱིར་འབུད་བྱེད་དུས། དགོངས་འཁྲོལ་མེད་པའི་ཚོགས་ཆད་ཅེས་པའི་ཉེས་མིང་འོག་ཕྱིར་འབུད་བྱས་ཡོད་འདུག
ལོའུ་ཅང་ཡོན་གྱིས་བཤད་དོན། ཁོང་སློབ་གྲྭ་ནས་ཨ་རིར་མ་ཕྱིན་གོང་དུ་སློབ་གྲྭའི་དགོངས་འཁྲོལ་ཐོབ་ཡོད་ཟེར།
ལོའུ་ཅང་ཡོན་གྱིས་ཁ་པར་བརྒྱུད་ཏོ་ཝེ་དྲ་རྒྱར་བཤད་པ་ལྟར་ན། ཁོང་གིས་གོང་རིམ་ལ་ཞུ་གཏུགས་བྱ་རྒྱུ་ཡིན་ལ། ཐ་ན་སྲིད་གཞུང་ཡང་ཁྲིམས་ཁང་ལ་སྐྱེལ་རྒྱུ་ཡིན་ཟེར་ལ། འདི་ནི་གནས་ལུགས་དང་མཐུན་པ་ཞིག་མ་རེད། ངས་མགོ་ཚོད་ཀྱི་མི་འདུག མཚན་ཉིད་རིག་པའི་སློབ་མ་ཞིག་ཕྱི་རྒྱལ་དུ་ཡོད་པའི་སྲིད་དོན་མི་སྣ་ཞིག་ལ་ཐུག་པ་ཙམ་གྱིས་ཕྱིར་འབུད་བྱེད་པ་ནི་གནས་ལུགས་དང་མཐུན་པ་ཞིག་མ་རེད། ལས་ནས་ང་ཕྱིར་ཡོང་བ་ནས་མཇལ་འཕྲད་དེའི་སྐོར་གྱི་རྩོམ་ཡིག་སྣ་གཅིག་ཀྱང་སྤེལ་མྱོང་མེད་ཅེས་བཤད་ཡོད་པ་རེད།
དགྱ་ནག་ལ་གནས་ལུགས་ག་ལ་ཡོད། འདིའི་སྟེང་ནས་ཀྱང་ང་ཚོས་བོང་ལི་ཞོན་ཐེངས་གཅིག་མཐོང་ཐུབ་སོང༌།