འཇིག་རྟེན་དཀར་འོག་གི་མི་ཚེ།།
ནད་བདག་རྐུན་པོ་ཡིས་བཟུང་དེ།།
ལོ་ན་དྲུག་བཅུ་ཡི་ནང་དུ།།
གཅེས་པའི་བུ་ཕྲུག་གི་གཙོ་བའི།།
བཟའ་མི་ཉེ་འབྲེལ་ཀུན་བཞག་ནས།།
འདོད་ཀྱང་མི་འདོད་ཀྱི་འདམ་ཀ།
ཁྱེད་ཀྱི་རང་ལག་ཏུ་མེད་པར།།
གནས་དེར་འགྲོ་གྲབས་ཀྱི་སྐབས་འདིར།།
ཁྱེད་ལ་འཇིག་རྟེན་གྱི་མི་ལ།།
གྱེས་ཁའི་ཁ་ཆེམས་རེ་ཡོད་དམ།།
ངེད་ཅག་ཤུལ་ལུས་ཀྱི་མི་ཚོས།།
ནུས་པའི་བྱ་བ་རེ་ཡོད་ན།།
ཁ་ཐག་རིང་མིན་ལ་མི་བལྟ།།
རྒྱུ་འབྱོར་ཡོད་མེད་ལ་མི་བསམ།།
ཉིད་ཀྱིས་ཐུགས་འདོད་དེ་སྐོང་ཆོག།
དེ་རིང་གྲོགས་པོ་ཞིག་ལ་ཁ་བརྡ་བྱས་པའི་ཁ་པར་ལས་རྨ་ཆུའི་མགོན་པོ་དོན་འགྲུབ་ལགས་ནད་མནར་གྱིས་གྲོངས་གྲབས་ཡོད་པ་ཐོས་རྗེས་སུ། ལས་གསེང་དུ་ཤོག་བུ་སྟོང་བ་ཆུང་ཆུང་ཞིག་གི་སྟེང་དུ་ཤར་མར་འདི་ཙམ་བྲིས་པ་ཡིན། ༨།༧།༠༩
ཨརྱ་ལགས། ངས་ཁོང་ཉིད་གྲོངས་རྐྱེན་གསལ་བོ་ཞིག་ཤེས་མ་སོང་ལགས། ལྷག་པར་ཏུ་སྒོ་མང་གི་གྲ་བ་ཞིག་གིས་ཁོང་ལ་མཁལ་མའི་སྤྱིན་པ་བཏང་བ་ཡང་གོ་མ་སོང་། ངས་ཐོས་པ་ནི་ཁོ་རང་མཁལ་མའི་ནང་གི་རྡོ་ཡིས་རྐྱེན་པས་ནད་གཞི་བཅོས་ཐབས་མ་བྱུང་བར་གྲོངས་པ་ཡིན་རབས་ཤིག་ལས་གྲོངས་རྐྱེན་དངོས་ནས་ང་ལ་ཡང་བཤད་རྒྱུ་མེད་ལགས།
ཉིད་ཀྱིས་གནས་ཚུལ་འདི་གང་ནས་ཐོས་པ་ཡིན། གྲ་བ་ཞིག་གི་སྤྱིན་པ་གནང་བའི་བསྐོར་དང་གྲ་བ་དེ་དེང་སང་གང་དུ་ཡོད་མེད་སོགས་ཉིད་ལ་བཤད་རྒྱུ་འདྲ་མེད་ན། ང་རང་ལ་དངོས་ནས་གསལ་ཆ་མེད་ལགས།
སྙིང་རྗེ་ཁོ་ཇི་ལྟར་ཤི་སོང་བ་ཡིན་ནམ། ཁོ་ལ་སྒོ་མང་གི་གྲྭ་རྐྱང་ཞིག་གིས་མཁལ་མའི་སྦྱིན་པ་གནང་ཡོད་པ་རེད་ཟེར་བ་དེ་མ་འགྲིག་པ་ཡིན་ནམ་གང་ཡིན་བླ་མ་མཁྱེན་གྲྭ་བ་དེའང་དེང་སང་གང་འདྲ་ཡིན་ནམ། གཤགས་བཅོས་བྱས་ན་དྲག་ཅེས་སྨན་པས་བཤད་པ་མ་ཡིན་ནམ། ཡང་ན་གཤགས་བཅོས་མ་བྱས་པ་རེད་དམ། གང་ལྟར་ཁོ་བཞུད་སོང་བ་རེད་ཨོཾ་མ་ནི་པད་མེ་ཧྰུཾ་་་་་་་་་་་
གཉའ་འབྲོང་ཐུ་བུ་དང་ཟ་ལེ་རྒྱལ། འཇམ་མགོན་བཅས་ཕེབས་པར་བཀའ་དྲིན་ཆེ་ཞུ། ངེད་ཅག་གིས་ཆོས་ཉིད་འདི་ཙམ་ཞིག་གླེང་གི་ཡོད་ཀྱང་། སྡུག་བསྔལ་འདི་མགོ་ཐོག་ཏུ་ཡོང་མཁན་གྱི་བཟའ་མི་དག་ལ་སྙིང་རེ་རྗེ།
འདི་ནི་ཆོས་ཉིད་ཡིན་པས་བཟློག་ཐབས་མེད། ང་ཚོ་ཚང་མ་གནས་མལ་འདི་ལ་མི་འདོད་བཞིན་དུ་འགྲོ་དགོས། དེ་བས་ཤི་གསོན་ཚང་མའི་ཆེད་དུ་མཆོག་གསུམ་ལ་སྨོན་ལམ་འདེབས་བཞིན་ཡོད།
བྱེད་འབྲེལ་ཞིག་ནོར་འདུག་པས་དགོངས་དག་ཞུ
རང་ཉིད་ཀྱིས་གང་འཇོན་པ་དེ་བསྒྲུབས་རྗེས་མྱི་ཁའི་བཙན་འཛུལ་ལས་ག་ལེར་ཕེབས་ཟིན་པའི་ཁྱོད་ཀྱིས་ཕྱི་མ་ན་འཇིགས་སྐུལ་བ་མེད་པའི་སྨོན་འདུན་ཞུ།
ཤ་ཁྲག་ལགས། ང་ཡང་ཐོན་ཡོད། དངོས་གནས་སྙིང་རྗེ་ངས་དེ་རིང་སེར་བྱེས་གྲྭ་ཚང་དུ་བསྔོ་སྨོན་ཞིག་ཞུ། དེ་མ་གཏོགས་ཐབས་ཤེས་ཅང་མི་འདུག
གངས་རིའི་གླིང་བུ་ལགས། ངས་འདི་ནས་གླེང་བའི་བོད་རིགས་སྤུན་ཟླ་འདི་ནི་བལ་ཡུལ་སྣེ་ལེན་ཁང་ནས་ལོ་མང་རིང་ཕྱག་ལས་གནང་བས་མི་ཞིག་ཡིན། བོད་ནས་གསར་ཏུ་འབྱོར་མཁན་ཞིག་ཡིན་ན་ཁོ་རང་དང་ཐུག་འཕྲད་བྱས་མ་མྱོང་མཁན་མེད་ཟེར་ན་འགྲིག མི་ཡང་ཧ་ཅང་བཟང་བོ་ཞིག་ཡིན། ཡིན་ཡང་། ད་ནི་འུ་ཅག་དང་ཁ་བྲལ་བ་རེད་ཟེར། དཀོན་མཆོག་མཁྱེན་བདེ་བ་ཅན་ཏུ་སྐྱེ་བར་ཤོག
ལྷ་ཆབ་ལགས། ཉིད་ཀྱིས་ང་རང་ལ་བརྡ་ལན་འདི་སྤྲད་པ་ཐུགས་རྗེ་ཆེ། དེ་རིང་ངས་ལག་ཏུ་ཁ་པར་ཨང་གྲངས་ཤིག་རེག་ནས་ངས་ཁོ་རང་གི་ནང་མི་ལ་ཁ་པར་ཞིག་གཏོང་རྩིས་བྱས་ཀྱང་ཁ་པར་བྲེལ་འཚུབ་ཀྱི་སྒང་དུ་འདུག ཐེངས་མང་བོར་ཚོད་ལྟ་བྱས་ཀྱང་འགྲོ་མ་སོང་། སྙིང་རེ་རྗེ་གྲོངས་མཁན་དང་རྗེས་ཀྱི་ནང་མི་གཉིས་ཀ གྲོངས་མཁན་དེའི་ཆེད་དུ་གསོལ་བ་རེ་འདེབས་ཀྱི་ཡོད།
གྲོགས་ཤ་ཁྲག་ལགས། ཁོང་ད་ནངས་ཞོགས་ཀར་འཇིག་རྟེན་དང་གཏན་ཏུ་བྲལ་སོང༌། ཁོང་ལ་གསོལ་བ་སྨོན་ལམ་རེ་ཐོབས།
རྒན་རབས་པ་ལགས་ང་ཚོའི་སྤུན་ཟླ་དག་གི་མནར་གཅོད་དང་དཀའ་སྡུག་དེ་དག་ཡིད་ལ་འཁོར་དུས་ཞེ་ནས་སྨྲེང་གི་