སྤྱིར་ རང་ཉིད་བོད་ཡུལ་ནས་སྐྱེ་བའི་བོད་ཀྱི་བུ་ཞིག་ཡིན་སྟབས། མཚོ་དང་ཁ་ཐག་རིང་བོ་ཡོད་ཅེས་བཤད་ཀྱང་འགྲིག་པ་མ་ཟད། དེ་ལས་ཀྱང་མཚོ་འོག་ཏུ་སོང་དེ་ཉའི་གྲོང་ཁྱེར་ལ་བལྟ་འདོད་ཀྱི་རྨི་ལམ་ཡང་རྨིས་ མྱོང་མེད་ཚོད་ཡིན། རེད་དེ། དེ་རིང་ཞོགས་པ་སྔ་བོ་ང་དང་ངའི་དགའ་རོགས་ཀྱི་གྲོགས་མོའི་རྒད་པོ་ངེད་གཉིས་ ཁོའི་སྐྱེ་སྐར་གྱི་ལག་རྟགས་ལ་ངའི་དགའ་རོགས་ཀྱིས་ངེད་གཉིས་ལ་མཚོ་འོག་ཏུ་ལྟ་ བསྐོར་ལ་འགྲོ་བའི་ཐོ་འགོད་བདུན་ཕྲག་གཅིག་གི་སྔོན་ཏུ་བྱས་འདུག ངའི་དགའ་རོགས་ཀྱི་གྲོགས་མོའི་རྒད་པོ་ཡང་མི་ལོ་བཞི་བཅུའི་རིང་དུ་མཚོ་འགྲམ་ འདི་ནས་འཚར་ལོངས་བྱུང་ན་ཡང་། མཚོ་ཞབས་དུ་གཏན་ནས་སོང་མྱོང་མི་འདུག་ལ་མཚོ་ཞབས་དུ་འགྲོ་བའི་སློབ་ཁྲིད་དུ་ ཡང་སོང་མྱོང་མི་འདུག གང་ལྟར། དེ་རིང་ངེད་གཉིས་མཚོ་ཞབས་དུ་འཁྲིད་མཁན་གྱི་མི་གཉིས་ཀྱིས་ངེད་གཉིས་རེ་རེ་ བྱས་དེ་མཚོ་ཞབས་དུ་འགྲོ་བྱེད་ཀྱི་གོན་པ་ཆ་ཚང་རེ་གོན་རྗེས། མཚོ་ཞབས་ནས་དབུགས་ལེན་སྟངས་དང་མཚོ་ཞབས་ནས་གདོང་ཤེལ་ནང་དུ་ཆུ་འཛུལ་ན་ཕྱི་རུ་ འཕུད་སྟངས་སོགས་ངོ་སྤྲོད་བྱས་རྗེས་ང་རང་མི་གཅིག་གིས་འཁྲིད་དེ་ཆུ་ཞབས་དུ་ འགྲོ་རྒྱུའི་མགོ་བཙུགས་ནས་སྐར་མ་ཁ་ཤས་ཀྱི་རྗེས་སུ་ང་རང་ལ་འཇིགས་སྣང་ཞིག་ཤར་ ནས་ལག་བརྡ་བྱས་དེ་མཚོ་མཁའ་རུ་འགྲོ་བར་ཕྱོགས་པ་ཡིན།
འཇིགས་སྣང་དེ་ནི་ ནམ་རྒྱུན་ཆུ་རྐྱལ་བྱེད་དུས་རྣའི་ནང་ནས་དབུགས་ལེན་པ་ལས་ཁ་ནས་དབུགས་ལེན་གྱི་ ཡོད་པ་མ་རེད། དེ་རིང་མཚོ་ཞབས་ནས་ཁའི་ནང་ནས་དབུགས་ལེན་དགོས་པ་ལས་རྣའི་ནང་ནས་དབུགས་ལེན་ སྟངས་ཤིག་མེད་སྟབས་དཀའ་ངལ་དང་འཇིགས་སྣང་གཉིས་གཅིག་འཆར་ཏུ་ཤར་བ་རེད།
དེ་ ནས་སླར་ཡང་འཁྲིད་མཁན་གྱི་བཤད་པ་ལྟར་མཚོ་ཞབས་དུ་འཛུལ་བ་ཡིན། སླར་ཡང་། སེམས་འཚབ་འཚུབ་དུ་གྱུར་ནས་ཁའི་ནང་གི་དབུགས་ཡག་པོ་ཞིག་ལེན་མི་ཤེས་པར་གྱུར་ སྐབས། མཚོ་མཁའ་རུ་འབུད་རྒྱུར་ལག་བརྡ་བསྟན་པ་ཡིན། དེ་ནས་ཁོང་གིས་ང་རང་ལ་སེམས་གནད་དུ་འབབ་དགོས་པ་མ་ཟད། རང་གིས་གང་འདོད་ཀྱིས་ཨུ་ཚུགས་རྒྱག་མི་ཉན། ལྷག་པར་ཏུ་ང་རང་ཁྱེད་ཀྱི་འཁྲིས་སུ་ཡོད་སྟབས། མ་བདེ་བ་ག་རེ་བྱུང་ན་ལག་བརྡ་སྟོན་ཟེར་ནས་ངེད་གཉིས་མཚོ་ཞབས་དུ་འཛུལ་བ་ཡིན།
དེ་ ནས་ང་རང་གིས་ཁོང་གང་ལག་བརྡ་གནང་བ་དེའི་ཚུགས་ཀར་བལྟ་ཞོར་ཏུ། མཚོ་ཞབས་ཀྱི་ཉའི་གྲོང་ཁྱེར་ལ་བལྟས་པ་ཡིན། དེ་ནི་དངོས་ནས་ཧ་ལས་པའི་ཡག་པོ་ཞིག་འདུག་པ་མ་ཟད། རྒྱ་མཚོ་ནང་གི་རྡོ་ཆགས་དེ་ཚོ་བོད་པ་ཚང་གི་རྩ་ཆེན་ཏུ་འདོད་ནས་རང་གི་སྐེ་དང་ རྣ་རྒྱན་ཏུ་འདོག་བཞིན་པ་དེའི་རིགས་ཁ་ཤས་ཤིག་ཡང་མཐོང་བ་མ་ཟད། རིགས་མི་འདྲ་བའི་ཉ་མང་བོ་ཞིག་དང་ཚོན་ཁྲ་ལྡན་པ་མི་ཉུང་བ་ཞིག་ཀྱང་མཚོ་ཞབས་དུ་ འཛུལ་ནས་ལྟ་རྒྱུ་བྱུང་།
དངོས་ནས་ཧ་ལས་པའི་ཉམ་མྱོང་ཐེངས་ཤིག་རེག་སོང་། དེ་ནི་དངོས་ནས་རྒྱ་མཚོའི་འགྲམ་ཏུ་བསྡོད་མཁན་ཞིག་ཡིན་ན་དངོས་ནས་ཤེས་དགོས་པ་ ཞིག་རེད་ལ། དེ་བས་ཀྱང་སློབ་འཁྲིད་ལ་ཉན་རྒྱུ་ནི་དེ་བས་ཀྱང་གལ་ཆེན་པོ་རེད།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
ངས་དག་བཅོས་བྱས་ཏེ་དྲ་ལམ་གྱི་མི་གཅིག་ལ་ཕན་ན་ཡང་དེ་རང་ཉིད་ཀྱི་དམིགས་ཡུལ་ཡིན། དྲ་གྲོགས་ལགས། ང་ནི་ཉམ་ཆུང་གི་བྱིས་པ་ཞིག་ཡིན་པས་ངས་བྱིས་པའི་ལས་ཀ་འདི་ལ་འཐམ་བཞིན་ཉིད་ཀྱི་རྩོམ་ཡིག་ནང་གི་དག་ནོར་རྣམས་ཟུར་འདོན་གྱིས་ནོར་བཅོས་བྱ་རྒྱུར་སྤྲོ་བ་བརྟས།
ཉིད་ཀྱིས་ད་བར་སྤེལ་ཟིན་པའི་ཟིན་བྲིས་ཁག་ལས་ཁོ་བོས་ཁྱེད་ཀྱི་རང་གཤིས་ངོ་མ་དེ་ཕལ་ཆེར་རྟོགས་ཟིན་པས་ངས་འཛེམ་གཟོན་མེད་པར་ཡོ་བསྲང་བྱེད་ཀྱིན་ཡོད།
འཛུབ་སྟོན་མ་རེད། མཛུབ་སྟོན་རེད་ཤ་ཁྲག་རུས་གསུམ་ལགས།
ཁོ་བོའི་ཟིན་བྲིས་སུ་བཏགས་པའི་མཆན་བུ་དེ་བཀླགས་ཟིན་ཐུགས་རྗེ་ཆེ།
འཇམ་མགོན་ལགས། འདི་ནི་དངོས་ཡོད་ཅིག་ལས་རྫུན་མ་མིན་ལགས། ཁ་སང་ཡང་མཚོ་འགྲམ་གཞན་ཞིག་ནས་ཆུ་ངོགས་ཀྱི་འཇིག་རྟེན་ལ་རོལ་མྱོང་བྱེད་སྐབས་ཉ་རིགས་སྟོང་ཕྲག་མང་བོ་ཞིག་མཐོང་སོང་བ་མ་ཟད། མཚོ་ངོགས་ཀྱི་མཛེས་སྡུག་ཀྱང་བརྗོད་དུ་དཀའ་བ་ཞིག་རེད་འདུག
བསེ་རུ་ལགས། ཡུན་རིང་ཞིག་ལ་མཐོང་རྒྱུ་མ་བྱུང་མོད། དེ་རིང་སྐུ་ཉིད་ལ་ཁོམ་ལོངས་ཤིག་བྱུང་བ་དང་ལྷན་ཏུ་འདི་རུ་ཕེབས་ནས་བསམ་ཚུལ་དང་དག་བཅོས་གནང་བ་སེམས་ཁོང་རུས་པའི་གཏིང་ནས་ཐུགས་རྗེ་ཆེ་ཞུ། སླར་ཡང་དུས་ཚོད་ཁོམ་ལོངས་ཡོད་དུས་ཡིག་ནོར་ཤོར་བ་དག་ལ་འཛུབ་སྟོན་རེ་གནང་རྒྱུ་ཐུགས་རྗེ་གཟིགས། ཁ་ཤས་ནི་ཉིད་ཀྱིས་འདི་ལྟར་འཛུབ་སྟོན་གནང་དེ་འོང་དུས་རང་གིས་སྣང་མེད་ཤོར་བ་ལྟ་བུ་རེ་ཟུང་ཡང་བྱུང་འདུག་པའི་ནོར་འཁྲུལ་ཡང་ངོས་ཟིན་ཐོབ་སོང་། བཀའ་དྲིན་ཆེ།
དྲ་གྲོགས་ལགས།
འདི་ལྟར་སྐུ་ཉིད་ཀྱིས་མཚོ་འོག་ཏུ་ཡུལ་སྐོར་ལ་ཕེབས་པའི་བརྒྱུད་རིམ་འདི་ཀློག་སྐབས། སྐུ་ཉིད་ཨོ་སི་ཁྲོ་ལི་ཡའི་གྲོང་ཁྱེར་སི་ཊི་ནིའི་འགྲམ་དུ་ཡོད་པའི་མཚོ་འོག་ཡུལ་སྐོར་བྱ་སའི་ལྟེ་གནས་དེར་ཕེབས་ཡོད་པའི་སྣང་བ་ཤིག་ངའི་མིག་ལམ་དུ་ཤར་བྱུང་།
དྲ་གྲོགས་ལགས་ཡུན་རིང་མཆན་དང་ཟིན་བྲིས་སྤེལ་མ་ཐུབ་པར་དགོངས་འགལ་མེད་པ་ཞུ།
ཁོ་བོས་བྲེལ་འཚུབ་ངང་ཉིད་ཀྱི་རྩོམ་ཡིག་ནང་མཐོང་བའི་དག་སྡེབ་ནོར་བ་ཁག་ཅིག་ཟུར་འདོན་ཞུས་ཡོད་པས་ཐུགས་ཕན་གསོ་བའི་རེ་བ་ཡོད།
ཡང་བསྟན་འཛིན་ཚེ་དཔག་གཉིས་པ་ཞིག་སླེབས་འདུག་མ་དགོངས་རོགས།
མ་དག་པ། དག་པ།
སྐྱེ་བའི། སྐྱེས་པའི།
སོང་དེ། སོང་སྟེ།
ལྟ་བསྐོར། ལྟ་སྐོར།
སྔོན་ཏུ། སྔོན་དུ།
ཞབས་དུ་ ཞབས་སུ།
འཁྲིད་མཁན་ ཁྲིད་མཁན།
སེམས་གནད་དུ་ སེམས་རྣལ་དུ།
འདོག་བཞིན་ འདོགས་བཞིན།
ཉམ་མྱོང་ ཉམས་མྱོང་།
བསྡོད་མཁན་ སྡོད་མཁན།
དྲ་གྲོགས་ལགས་དགོངས་ཚུལ་ཞིག་གསུངས་དང་།
བོད། ཤ་ཁྲག་རུས་གསུམ་ལགས། འཆར་ཡན་དང་རྟོགས་བཟོ་གང་ཡིན་ཡང་དེ་ལ་དངོས་འབྲེལ་གྱི་ཆ་ཡང་ཧ་ཅང་མང་། བྲིས་བ་ལེགས། ང་ནི་ཁྱེད་ལ་འཁེན་པའི་ཀློག་པ་པོ་ཞིག་ཡིན།