དེ་རིང་ཕྱི་དྲོ་ཞིན་ཅང་གི་ཉེན་རྟོག་པས་ཝུ་རུ་མུ་ཆི་ནས་ཡུ་གུར་བ་གསུམ་བསད་འདུག
ཧོང་ཀོང་གི་རླུང་འཕྲིན་ཁང་ཞིག་གིས་གནས་ཚུལ་སྤེལ་བ་ལྟར་ན། དེ་རིང་ཕྱི་དྲོ་ཝུ་རུ་མུ་ཆི་ནས་ཡུ་གུར་བ་གསུམ་གྱིས་ལག་ལ་གྲི་བཟུང་སྟེ་རྒྱའི་ཉེན་རྟོག་པ་ཚོའི་ཐོག་བརྒྱུགས་སྐབས། ཉེན་རྟོག་པས་མེ་མདའ་བརྒྱབས་ཏེ་མི་གསུམ་པོ་དེ་བསད་ཡོད་འདུག དོན་རྐྱེན་དེ་དངོས་སུ་མཐོང་མཁན་གྱིས་བཤད་དོན། ཉེན་རྟོག་པས་མེ་མདའ་ཐེངས་ ༡༠ ལྷག་ལ་བརྒྱབས་སོང་ཟེར། ཡུ་གུར་བ་གསུམ་བསད་ས་དེ་ནི་ཝུ་རུ་མུ་ཆི་རུ་ཡོད་པའི་ལྷ་ཁང་དཀར་པོ་ཞིག་ཡོད་པའི་འགྲམ་གྱི་ཁྲོམ་ར་དེ་ཡིན་པ་དང་། ཁོང་ཚོ་བསད་ས་དེར་ཁྲག་དམར་འཁྱིལ་ནས་བསྡད་འདུག་ཟེར།
ཚང་མའི་བསམ་ཚུད་ཡག་པོ་རེད།
ཤེས་ལ་མ་ཤེས་པའམ།་མགོ་འཚོས་ལ་མ་འཚོས་པར་བཤད་རྒྱུར་དགའ་བ་འདི་བོད་པའི་གཞོན་སྐྱེས་ཚོའི་གཤིས་ཀ་ལྟ་བུ་ཞིག་ཆགས་ཡོད། བོད་དང་ཤར་ཏུར་ཀི་སི་ཐན་གཉིས་ཀྱི་གནས་སྟངས་འདྲ་མཚུངས་རེད་ཟེར་བ་ལྟ་བུ། ལོ་རྒྱུས་གཅིག་མཚུངས་རེད་ཟེར་བ་ལྟ་བུ། ང་ཚོས་གདུང་སེམས་མཉམ་སྐྱེད་བྱེད་དགོས་པ་རེད་ཟེར་བ་ལྟ་བུ། ཇི་འདྲའི་དགོད་བྲོ་བ་ཞིག་རེད་ཨང་།
ཐེངས་འདིའི་ལས་འགུལ་ལ་མཚོན་ནའང་དོན་རྐྱེན་ཁྲོད་ཤི་རྨས་ཐེབས་མཁན་བརྒྱ་ཆ་བརྒྱད་ཅུ་ཙམ་ནི་རྒྱ་རིགས་ཆགས་ཡོད་ལ། དཔལ་འབྱོར་གྱི་གྱོང་གུན་ཐེབས་མཁན་མང་ཆེ་བ་འང་རྒྱ་རིགས་རེད་ཟེར། བྱས་ཙང་ང་ཚོས་མི་རིགས་རང་གི་རྩ་དོན་རྩོད་པ་ལས་དོན་མེད་སར་སྐེ་མ་བསྲིངས་ན་ཡག་ཤོས་རེད།
སེམས་ཅན་དེ་དག་གི་ཆེད་དུ་སྨོན་ལམ་ཞིག་གསུང་་་་་་་་་་་་་་་་་་་
བྱང་ཆུབ་སེམས་མཆོག་རིན་པོ་ཆེ། །མ་སྐྱེས་བར་དུ་བསྐྱེད་གྱུར་ཅིག །སྐྱེས་པ་ཉམས་པར་མེད་པ་ཡིས། །གོང་ནས་གོང་དུ་འཕེལ་བར་ཤོག །ཨོྃམཎིཔདྨེཧཱུྃཿ
ཡུ་གུར་བའི་ཡིད་སྐྱོ་བའི་གནས་ཚུལ་འདི་འདྲ་བྱུང་ཡོད་ན་ཡང་། བོད་མི་རིགས་ཀྱིས་གདུང་སེམས་མཉམ་སྐྱེད་ཀྱི་རྣམ་འགྱུར་མ་བསྟན་ན་ཡག་པོ་འདུག་བསམ་སོང་། གང་ཡིན་ཞེས་ན་ང་ཚོས་ཀྱང་ད་ལྟའི་རྒྱལ་སྤྱིའི་སྤྱི་ཚོགས་དང་བསྟུན་མཁས་ཀྱིས་ཆོས་ལུགས་ཀྱི་དབྱེ་བའི་གནད་དོན་ལ་ཕྱོགས་ཞེན་དེ་འདྲ་བྱས་ན་ཡག་པོ་མ་རེད། སྤྱིར་ཡུ་གུར་དང་བོད་གཉིས་བསྡུར་ཐབས་ཡོད་པ་མ་རེད། བོད་ལོ་རྒྱུས་ཐོག་ནས་ཀྱང་རྒྱལ་ཁབ་གཙང་མ་གཅིག་ཡིན་པ་ཀུན་གྱིས་ཤེས་གསལ་རེད། འོན་ཀྱང་ཡུ་གུར་ལ་མཚོན་ན་ཁོ་ཚོ་བོད་པའི་ས་ཐོག་ཏུ་ཡོད་པ་མ་གཏོགས་རྒྱའི་ས་ཐོག་ཀྱང་མ་རེད། ཁོང་ཚོའི་རྩོད་གཞི་དང་ང་ཚོའི་རྩོད་གཞི་ཅུང་ཙམ་འདྲ་གི་མི་འདུག་བསམ་བྱུང་།
ཞི་བའི་ངོ་རྒོལ་བྱེད་མཁན་ལ་མེ་མདའ་རྒྱག་རྒྱུར་ཡ་ང་མེད་ས་ནས་འདི་འདྲའི་ངོ་རྒོལ་བྱས་པ་ཡིན་ན་ཁོང་ཚོས་འདོད་ཐོག་ལ་སོང་བ་མ་ཡིན་ནམ། ཤི་མཁན་དེ་ཚོ་སྙིང་རེ་རྗེ།
ཡུ་གུར་མི་མང་གི་ཡིད་སྐྱོ་བའི་བདེ་སྡུག་ལ་བསམ་བློ་ཞིག་བཏང་སྟེ་ང་ཚོ་བཙན་བྱོལ་བོད་མི་རྣམས་ཀྱིས་ཀྱང་གདུང་སེམས་མཉམ་སྐྱེད་དུ་མ་ཎི་འདོན་ཞོར་མར་མེ་ཁྲོམ་སྐོར་ཞིག་བྱ་ཐུབ་ན་ཡག་པོ་འདུག་སྙམ།