ཨ་རིའི་མཁའ་དབྱིངས་ཚོགས་པ་ NASA ན་ས་ཡིས་མཁའ་དབྱིངས་གནམ་གྲུ་ Endeavour ཨེན་ཌེ་ཝོར་ཞེས་པ་ཐེངས་དྲུག་ལ་བཏང་བར་འབད་པའི་མཐར་བདེ་ལགས་ངང་མཁའ་དབྱིངས་སུ་སྐྱོད་འདུག གནམ་གཤིས་ཡག་པོ་མ་བསྟན་པ་དང་སྣུམ་ཟེགས་པའི་དཀའ་ངལ་གྱི་དབང་གིས་ཐེངས་སྔོན་མ་རྣམས་ཕྱིར་འཐེན་བྱ་དགོས་བྱུང་འདུག
མཁའ་དབྱིངས་གནམ་གྲུ་བ་འདི་དག་རྒྱལ་སྤྱིའི་མཁའ་དབྱིངས་འབབ་ཚིགས་སུ་ཉིན་བཅུ་གཅིག་ལ་འདུག་རྒྱུ་ཡིན་ཞིང་། ཁོང་རྣམས་ཀྱིས་ཉི་ཧོང་གི་ཞིབ་འཇུག་ཚོད་ལྟ་ཁང་འགྲུབ་པར་བྱ་རྒྱུ་ཡིན་འདུག གལ་སྲིད་མཁའ་དབྱིངས་གནམ་གྲུ་འདི་གཟའ་ཕུར་བུའི་བར་དུ་ཐོན་ཐུབ་མེད་པ་ཡིན་ན། ར་ཤི་ཡའི་ཅ་ལག་སྐྱེལ་འདྲེན་གྱི་མཁའ་གྲུ་ལ་ལམ་ཁ་གཏོང་ཆེད་ཟླ་འདིའི་ཟླ་མཇུག་བར་སྒུག་དགོས་ཀྱི་ཡོད་འདུག མཁའ་གྲུ་ནམ་མཁའ་ལ་གཏོང་བའི་སློབ་སྟོན་པ་ Pete Nickolenko ཕེ་ཊེ་ ནི་ཁོ་ལེན་ཁོ་ཡིས་གནམ་གཤིས་ཀྱིས་མཐའ་མར་མཁའ་གབྱིངས་གནམ་གྲུ་གཏོང་བར་གྲོགས་བྱེད་ཀྱི་འདུག་ཟེར།
མཁའ་དབྱིངས་གནམ་གྲུ་འདིས་མི་བདུན་མཁའ་དབྱིངས་སུ་འཁུར་ཡོད་པ་དང་ཁོང་ཚོ་ནི་ཨ་རི་བ་དྲུག་དང་ཁེ་ན་ཌ་ནས་ཡིན་པ་གཅིག་བཅས་ཀྱིས་གྲུབ་འདུག ཁེ་ན་ཌ་ནས་ཡིན་པའི་ Julie Payette ཇུ་ལིའེ་ ཕ་ཡེ་ཊེ་ཡིས་མཁའ་གྲུའི་འཕྲུལ་ཆས་ཀྱི་ལག་པའི་སྟེང་དུ་ལས་ཀ་བྱ་རྒྱུ་ཡིན་འདུག ཁོང་ཚོ་གཟའ་པ་སངས་ཉིན་རྒྱལ་སྤྱིའི་མཁའ་དབྱིངས་འབབ་ཚིགས་སུ་སླེབས་པ་དང་། ཐག་རིང་བའི་རི་གྲོང་དེ་ལ་སྡོམ་པའི་མི་བཅུ་གསུམ་འཛོམས་རྒྱུ་ཡིན་འདུག འདི་ནི་རྒྱལ་སྤྱིའི་མཁའ་དབྱིངས་འབབ་ཚིགས་ཀྱི་ལོ་རྒྱུས་ནང་དུ་དེ་འདྲའི་མི་སྣ་མང་པོ་འཛོམས་པ་ཐེངས་དང་པོ་ཡིན་འདུག
དང་པོ་ཁོང་ཚོས་ཞིབ་འཇུག་དང་ཚོད་ལྟའི་ཆེད་མཁའ་དབྱིངས་ཀྱི་ཁོར་ཡུག་ལ་སྟོན་དགོས་པའི་དངོས་པོ་རྣམས་ཀྱི་ཆེད་དུ་ཉི་ཧོང་གི་ཞིབ་འཇུག་ཚོད་ལྟ་ཁང་ Kibo ཁི་བྷོ་ཞེས་པར་སྡིངས་ཆ་ཞིག་འདོགས་རྒྱུ་ཡིན་པ་རེད། དེ་ནས་ཁོང་ཚོས་གློག་ཡོང་ཆེད་དང་ལས་འགན་གཞན་དག་མང་པོ་ཞིག་བསྒྲུབ་ཆེད་ཉི་འོད་བསྡུ་བའི་གློག་མེ་འགའ་ཡང་འཇོག་རྒྱུ་ཡིན་འདུག དེས་མི་ཚད་མཁའ་དབྱིངས་གནམ་གྲུ་ Endeavour ཨེན་ཌེ་ཝོར་གྱིས་རྒྱལ་སྤྱིའི་མཁའ་དབྱིངས་འབབ་ཚིགས་སུ་ཡུན་རིང་དུ་འདུག་རྒྱུ་ཡིན་པའི་ཨ་རིའི་ལས་བཟོ་བ་འགའ་སྐྱེལ་རྒྱུ་ཡིན་པ་དང་། རྒྱལ་སྤྱིའི་མཁའ་དབྱིངས་འབབ་ཚིགས་སུ་ཟླ་གསུམ་ལྷག་ཏུ་བསྡད་པའི་ཉི་ཧོང་བ་ Koichi Wakata ཁོའི་ཆི་ ཝ་ཁ་ཊ་ཕྱིར་འཁུར་ཡོང་རྒྱུ་ཡིན་འདུག
ལོ་རབས་གཅིག་ལྷག་ཏུ་བཟོས་པའི་མཁའ་དབྱིངས་འབབ་ཚིགས་འདི་ནི་ད་ལྟ་ཉལ་ཁང་བཞི་ཅན་གྱི་ཁང་པའི་ཆེ་ཆུང་ཙམ་ཞིག་ཡོད་འདུག འདི་བཟོས་པའི་འགྲོ་གྲོན་ནི་ཨ་སྒོར་ཐེར་འབུམ་ ༡༠༠ ཡིན་པ་དང་འདི་རྒྱལ་ཁབ་བཅུ་དྲུག་གིས་མཉམ་འབྲེལ་གྱིས་བཙུགས་པ་ཞིག་ཡིན་འདུག འདི་ནི་མཁའ་དབྱིངས་གནམ་གྲུ་འཕུར་བ་ཐེངས་ ༡༢༧པ་ཡིན་ཞིང་། རྒྱལ་སྤྱིའི་མཁའ་དབྱིངས་འབབ་ཚིགས་སུ་འཕུར་པ་ཐེངས་ ༢༩ པ་ཡིན་འདུག Endeavour ཨེན་ཌེ་ཝོར་འཕུར་བ་ཐེངས་ ༢༣ པ་ཡིན་པ་དང་། ༢༠༠༩ ནང་དུ་ཐེངས་གསུམ་པ་ཡིན་འདུག ༢༠༡༠ ནང་དུ་མཁའ་དབྱིངས་གནམ་གྲུ་འདིས་ལས་མཚམས་འཇོག་རྒྱུ་ཡིན་པ་དང་དེའི་བར་དུ་ཐེངས་བདུན་ལ་འཕུར་རྒྱུ་ཡིན་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
༡༩༩༨ ལོར་ངས་གནས་ཚུལ་འདི་ལ་དི་སྣང་ཅུང་ཙམ་ཞིག་སྤྲད་མྱོང་། སྐབས་དེ་དུས་གཙོ་བོ་འདྲ་པོ་དེ་ཉི་ཧོང་གིས་འགན་འཁྱེར་ཏེ་ལས་གཞི་འདི་ལོ་ལྔ་བཅུའི་ནང་དུ་ལེགས་གྲུབ་ཟིན་ཐུབ་པར་ཡིད་བྱེད་བྱས་ཡོད།
འོན་ཏང་རང་བྱུང་རླུང་གི་རིམ་པར་དབྱིན་སྐད་དུ་ ” Ozone layer” ཟེར་བ་དེའི་རླུང་རིམ་གི་གོ་ལ་དེར་ཕོག་ཐུག་སོང་དྲགས་ན་མཐར་རླུང་རིམ་གོ་ལ་སྲབ་ཏུ་ཕྱིན་ཏེ་དེར་བུ་ག་ཆགས་ནས་ཕྱིས་འབྱུང་ང་ཚོའི་རང་བྱུང་གི་སྐྱེ་དངོས་དག་ལ་གནོད་པ་ཆེན་པོ་ཞིག་ཡོང་རྒྱུར་ཚན་རིག་མཁས་པ་ཚོས་གསུང་སྐད་སྐྱོན་བཞིན་ཡོད།
ང་རང་གི་བསམ་ཚུལ་ལ་རང་བྱུང་གི་ཁམས་ཆེན་པོར་གནོད་ཚེ་ཚབས་ཆེ་ཞིག་ཕོག་ཚེ་སླར་ཡང་ང་ཚོས་དེར་བཟོ་བཅོས་བྱེད་ཐབས་བྲལ་བས་མཐར་ང་ཚོས་རང་ཉིད་འཕུང་དྲོ་སྐྱིད་ལྡན་པའི་འཛམ་གླིང་ཁྱིམ་ཚང་ཆེན་པོ་འདི་བདག་སྤྲོད་བྱེད་པར་འཛམ་གླིང་མི་མང་ཡོངས་ལ་བདག་དབང་དང་། འགན་ཁྲི་ངེས་པར་ཡོད།།
དྲྭ་གྲོགས་མཁར་རྔ་དང་ནད་པ་ལགས། ཨ་མེ་རི་ཁ་དང་། ར་ཤི་ཡ། ཁ་ན་དྲ་སྒ་སོགས་ཀྱིས་༡༠༩༨ ལོ་ཡིན་ནམ་ཞིག་ནས་རྒྱལ་སྤྱིའི་མཁའ་དབྱིངས་འབབ་ཚུགས་འདི་བཟོ་མགོ་ཚུགས་པ་རེད། ད་ལྟ་ཡང་རྒྱ་སྐྱེད་པ་དང་གྲ་རྒྱས་པོ་བཟོ་བཞིན་ཡོད་འདུག མཁའ་དབྱིངས་ལ་རླུང་གི་འཐེན་ཤུགས་འདྲ་བོ་དེ་མེད་པས་སྐྱག་པ་གཏོང་བ་ལ་དཀའ་ངལ་ཆེན་པོ་ཡོད་སྟབས་དམིགས་བསལ་གྱི་གསང་སྤྱོད་ཅིག་བཟོ་བར་ཨ་སྒོར་ས་ཡ་༢༣ དང་འབུམ་བཞིའི་འགྲོ་སོང་བཏང་ནས་གསང་སྤྱོད་བཟོས་འདུག
རྒྱ་ནག་འདིའི་གྲས་སུ་ཚུད་མེད་པ་རེད། དེའི་སྐོར་ལ་རྒྱ་ནག་རང་གིས་མཁའ་དབྱིངས་འབབ་ཚུགས་ཤིག་བཟོ་རྒྱུ་ཡིན་ཞེས་བཤད་པ་རེད། སྤྱིར་བཏང་ཨུ་རུ་སུ་ཁ་འཐོར་དུ་ཕྱིན་པའི་རྗེས་ནས་གྲང་དམག་ཟེར་བའི་འགྲན་རྩོད་དེ་མེད་པར་གྱུར་སྟབས་མཁའ་དབྱིངས་འགྲུལ་སྐྱོད་ཀྱི་ལས་ཀའི་མྱུར་ཚད་དེ་དལ་དུ་སོང་ཡོད་པར་ཤོད་མཁན་འདུག
ང་ཚོ་བོད་པ་ཚང་མཁའ་གྲུ་མེད་ན་འགྲིག་འདུག་གི། གང་ཡིན་ཟེར་ན་གཡག་སྣ་དེ་ཚོ་ད་དང་ལོ་གྲངས་མི་ཉུང་བ་ཞིག་ལ་ རྫོགས་ས་མི་འདུག་གོ །
ང་ཚོ་བོད་པས་ཀྱང་མཁའ་གྲུའི་པ་སི་ཞིག་ཉོས་ན་མ་རེད་པས།ཁ་ནས་བཤད་ན་ང་ཚོས་ཚང་མ་བམཡས་ཐུབ་ཀི་ཡོད་པ་མ་རེད་པས།སྐུ་རྩེད་ཞུས་པ་ཡིན།བར་རོལ་ནས་ང་ཚོ་ལ་ཅི་ཞིག་བྱུང་སོང་ངམ།
སྟོབས་ཆེན་ཨ་རིས་གཙོས་པའི་རྒྱལ་ཁབ་ཁག་བཅུ་དྲུག་གིས་མཇམ་འབྲེལ་ཐོག་ད་ཆ་གཞི་ནས་རྒྱལ་སྤྱིའི་མཁའ་དབྱིངས་འབབ་ཚུགས་ཤིག་གསར་གཏོད་བྱས་པ་འདི་དངོས་གནས་ཧ་ལས་པ་ཞིག་རེད།
འཛམ་གླིང་འདིར་དེང་རབས་འོད་སྟོང་འཕྲོ་བའི་ཚན་རིག་དར་བ་ནས་བཟུང་མོ་ཊ་དང་། གནམ་གྲུ་སོགས་བཟོས་ཏེ་ས་སྟེང་དུ་རླངས་འཁོར་འབབ་ཚུགས་དང་གནམ་གྲུའི་འབབ་ཐང་སོགས་ལེགས་གྲུབ་ཟིན་ཏེ་རྒྱ་ཆེ་བའི་འཛམ་གླིང་འདི་དོན་དངོས་སུ་སྟབས་བདེ་བའི་ཆུང་ཆུང་ཞིག་བསྐྲུན་ཡོད།
ད་གཟོད་འགྲོ་བ་མིའི་ཀླད་པའི་ཚད་གཞི་ཡར་རྒྱས་ཕྱིན་པར་སོང་ཚན་རིག་དང་། འཕྲུལ་ལས་གིས་འཇིག་རྟེན་གསར་པ་ཞིག་ཏུ་འགྱུར་ཐུབ་ཡོད་ལ་ད་ཆ་བར་སྣང་གི་དུས་རབས་ངོགམཚར་ཅན་ཞིག་ཏུ་བསྒྱུར་རྒྱུའི་དུས་ཀྱི་ཚད་གཞི་ལ་སླེབས་ཡོད།
ད་ལྟ་ང་ཚོའི་བསམ་བློར་འཁོར་མ་མྱོང་བའི་བྱ་དངོས་ཡ་མཚན་མང་པོ་ད་དུང་འཇིག་རྟེན་འདིར་མ་འོངས་མངོན་འགྱུར་ཡོང་རྒྱུ་ཉག་གཅིག་ཡིན།
འོན་བཏང་འཛམ་གླིང་འདིར་འགྲོ་བ་མིའི་རིགས་ཀྱིས་རང་བྱུང་ཁམས་ཀྱིས་ར་བ་ལས་ཡོངས་སུ་བརྒལ་ཟིན་པའི་དུས་དེར་འཇིག་རྟེན་འདིར་བཟློག་ཏུ་མེད་པའི་ཆག་སྒོ་ཆེན་པ་པོ་ཞིག་ཀྱང་ཡོང་རྒྱུར་ཐེ་ཚོམ་མེད།།
ངོ་མཚར་ཆེ། རྒྱལ་ཁབ་བཅུ་དྲུག་གིས་བྱ་བཞག་འདིས་འཛམ་གླིང་འདིར་ཁེ་ཕན་དང་། དགོས་དམིགས། མཐའ་འབྲས་སོགས་གྲུབ་དོན་ཇི་ཞིག་ཇི་ཞིག་འཇོག་རྩིས་ཡིན་ནམ། སྔོན་པོ་ཐེར་འབུམ་ཆེན་མོ་དེ་དག་ལ་ཕང་སེམས་ཤོར། ངོ་ནས་བྱས་ན། ཨ་ཕི་རི་ཁའི་གཙོས་འཇིག་རྟེན་གྱི་མི་སྡེ་ཁྲི་འབུམ་ཁྲི་འབུམ་ལྟོག་ཤི་ཐེབས་བཞིན་པའི་ཉམས་ཐག་རྣམས་ཀྱི་ཟས་གོས་གནས་མལ་ཆེད་མཐུན་འགྱུར་བྱུང་ན་ཅི་མ་རུང་། མཁའ་དབྱིངས་འགྲུལ་སྐྱོད་པ་དག་ལ་ཚེ་གེགས་མེད་པར་ཤོག