གཞུང་ཕྱོགས་ནས་ས་གནས་ཕྱིའི་ཁྲིམས་རྩོད་པར་གྱོད་དོན་ཐག་གཅོད་ཀྱི་བདག་དབང་སྤྲོད་ཀྱིན་མེད་པར་གཞིགས་ན་ཁོང་ཚོའི་ས་གནས་ཁྲིམས་རྩོད་པ་ཞིག་བསྐོ་བཞག་གིས་ཁྲིམས་ཆད་ལྗིད་མོའི་ཐག་གཅོད་བྱེད་སྲིད་པ་རེད། ཅེས་དོན་འགྲུབ་དབང་ཆེན་གྱི་ཁྲིམས་རྩོད་པས་བཤད་འདུག
ཕྱི་ཚེས་ ༡༦ ཉིན་བརྒྱུད་ལམ་ཁག་ཏུ་གནས་ཚུལ་སྤེལ་བ་ལྟར་ན། ལོ་སྔོན་མའི་པེ་ཅིན་ཨོ་ལིམ་པིག་རྩེད་འགྲན་གྱི་ཡར་སྔོན་དུ་རང་གི་གཅེས་བའི་སྲོག་ལ་མ་འཛེམས་པར་བོད་ཀྱི་ས་ཁུལ་གང་སར་སོང་སྟེ་བོད་ནང་གི་བོད་མི་ཚོས་༧གོང་ས་མཆོག་དང་ཕྱི་སྡོད་བོད་མིར་བཅངས་བའི་རེ་བ་དང་ཡིད་ཆེས་གློག་བརྙན་གྱི་གཟུགས་སུ་འགོད་མཁན་དང་ ༼འཇིགས་བྲལ༽ གློག་བརྙན་ཕབ་སྐྲུན་བྱེད་མཁན་དོན་འགྲུབ་དབང་ཆེན་དང་ཁོང་གི་ཕྱག་རོགས་རྣམ་གཉིས་ལོ་སྔོན་མའི་ནང་རྒྱ་གཞུང་གིས་འཛིན་བཟུང་བཙོན་འཇུག་བྱས་ཏེ་ལོ་ངོ་གཅིག་གི་རིང་གར་ཡོད་དང་ཅི་བྱུང་གི་གནས་ཚུལ་གཅིག་ཀྱང་ཤེས་རྟོགས་ཐུབ་མེད་ནའང་། ཉེ་ཆར་དོན་འགྲུབ་དབང་ཆེན་གྱི་ནང་མིས་ཁོང་མཚོ་སྔོན་ཞིང་ཆེན་ཟི་ལིང་གྲོང་ཁྱེར་གྱི་ཉེས་ཅན་དོ་དམ་ཁང་དུ་བཀག་ཉར་བྱས་ཡོད་པ་ཤེས་རྟོགས་བྱུང་ཡོད་འདུག་ལ། ནང་མི་ཚོས་དྲང་པོ་དང་ཚུལ་ལྡན་གྱི་ཐག་གཅོད་ཅིག་བྱ་དགོས་པའི་རེ་འདུན་གྱིས་འགྲོ་གྲོན་ཅི་འབྱུང་ལ་མ་ལྟོས་པར་རྒྱ་རིགས་ཁྲིམས་རྩོད་པ་ལིས་ཏོན་ཡོན་པེ་ཅིན་ནས་གདན་ཞུ་གནང་སྟེ་བཙོན་པ་དང་ཐེངས་གཅིག་ཐུག་འཕྲད་ཀྱི་གོ་སྐབས་ཐོབ་ཡོད་ནའང་། མཚོ་སྔོན་ཞིང་ཆེན་ཁྲིམས་འཛིན་ལྷན་ཁང་དང་པེ་ཅིན་ཁྲིམས་འཛིན་ལྷན་ཁང་གཉིས་མཉམ་འབྲེལ་ཐོག་ཁྲིམས་རྩོད་པ་ལིས་ཏོན་ཡོན་ལ་གནོན་ཤུགས་སྤྲད་དེ་གྱོད་དོན་འདིའི་ཐད་ཐེ་གཏོགས་མི་བྱེད་པའི་བཀའ་རྒྱ་བཏང་ཡོད་པ་མ་ཟད། གྱོད་དོན་འདིའི་ཐད་ས་གནས་ཁྲིམས་རྩོད་པས་ཐག་གཅོད་བྱ་ཆོག་པའི་སྐོར་བཤད་དེ་ཁྲིམས་རྩོད་པ་ལིས་ཏོན་ཡོན་ཕྱིར་པེ་ཅིིན་དུ་མངགས་གཏོང་བྱས་ཡོད་པ་རེད།
གནས་ཚུལ་འདིའི་ཐད་ཁྲིམས་རྩོད་པ་ལིས་ཏོན་ཡོན་གྱིས་བརྗོད་དོན། གྱོད་དོན་འདིའི་ཐད་དོན་འགྲུབ་དབང་ཆེན་རང་ལ་ཁྲིམས་འགལ་དང་ཉེས་མེད་ཀྱི་བཙོན་འཇུག་ཞིག་ཡིན་པར་ཡིད་ཆེས་ཡོད་སྟབས། ཁོང་གི་གྱོད་དོན་འདི་དྲང་བདེན་གྱིས་ཐག་གཅོད་ཐུབ་པ་ཞིག་རེད་ལ། རྒྱུ་མཚན་ནི་ཁོང་གིས་ཕབ་པའི་གློག་བརྙན་དེ་ལས་ང་ཚོས་ཁྲིམས་འགལ་གྱི་གནད་དོན་ཞིག་མཐོང་མི་ཐུབ་སྟབས། ཁྲིམས་ཆད་གཅོད་མི་རུང་བ་ཞིག་རེད། ཡིན་ཡང་། གཞུང་ཕྱོགས་ནས་ཕྱིའི་ཁྲིམས་རྩོད་པར་གྱོད་དོན་ཐག་གཅོད་ཀྱི་བདག་དབང་སྤྲོད་ཀྱིན་མེད་པར་གཞིགས་ཚེ་ཁོང་ལ་ས་གནས་ཁྲིམས་རྩོད་པ་ཞིག་བསྐོ་བཞག་གིས་ཁྲིམས་ཆད་ལྗིད་མོའི་ཐག་གཅོད་བྱེད་སྲིད་པ་ཞིག་རེད། ཅེས་བརྗོད་ཡོད་པ་རེད།
ཁྲིམས་རྩོད་པ་ལིིས་ཏོན་ཡོན་ནི་ལོ་སྔོན་མའི་བོད་མིའི་ཞི་རྒོལ་ཐད་རྒྱབ་སྐྱོར་མཚན་རྟགས་བཀོད་མཁན་རྒྱ་རིགས་ཁྲིམས་རྩོད་པ་ ༢༠ ཁྲོད་ཀྱི་གཅིག་ཡིན་པ་དང་། ཁོང་གིས་ལོ་སྔོན་མའི་བོད་མིའི་ཞི་རྒོལ་ཁྲོད་འཛིན་བཟུང་བྱས་པའི་བོད་མི་རྣམས་ལ་དྲང་བདེན་གྱི་ཁྲིམས་ལུགས་རྒྱབ་རྟེན་བྱས་ཏེ་རོགས་སྐྱོར་བྱ་རྒྱུའི་ཁྱབ་བསྒྲགས་བྱས་ཡོད་འདུག
ངོ་མ་ཁོང་ནི་བོད་མི་རིགས་ལ་ཅི་འདྲའི་ཤ་ཞེན་ཆེ་ཡང་།རྡ་སའི་རི་ངོགས་ཀྱི་མི་གང་མང་ཞིག་ཁོང་གློད་གྲོད་ཡོང་ཆེད་མར་མེ་ཁྲོམ་སྐོར་ཙམ་་བྱེད་དུ་མི་ཡོངས་བ་ཅི་ཞིག་ཡིན་ནམ།
རྒྱ་ནག་གི་ཁྲིམས་ཀྱི་སྔོན་ཏུ་འདྲ་མཉམ་ཟེར་བ་ཞིག་གཏན་ནས་མེད་པ་རེད། གལ་ཏེ། དེ་འདྲ་ཞིག་ཡོད་པས་དབང་དུ་བཏང་ན་དེ་ནི་རྒྱུ་ཡོད་དང་དཔོན་ཆེན་དག་གི་ཆེད་དུ་ཡིན་པ་ལས་དྲང་བདེན་ཁོ་ན་སྐྱོང་མཁན་གྱི་དབུལ་བོ་དག་གི་ཆེད་དུ་མེད་པ་རེད་ཅེས་བཤད་ཐུབ་པ་ཞིག་རེད། དམིགས་གསལ་གྱིས་བོད་རིགས་གཙོ་བའི་གྲངས་ཉུང་མི་རིགས་ཀྱི་དབུལ་བོ་དག་ལ་འདྲ་མཉམ་དེ་གཏན་ནས་ཐོབ་ཀྱི་མེད།
ཁྲིམས་ཀྱི་མདུན་སར་སྐྱེ་བོ་ཚང་མ་འདྲ་མཉམ་ཞིག་ཡིན་ཀྱང་། རྒྱ་ནག་གི་གནས་བབ་འདི་འདྲ་ཞིག་གི་འོག་ལ་དྲང་བདེན་གྱི་ཐག་གཅོད་གཅིག་ག་ལ་ཡོང་ཐུབ། རྒྱགརིགས་ཁྲིམས་རྩོད་པ་ལི་ཏིནཡོན་གྱིས་གསུངས་པ་དེ་དངོས་གནས་རེད་ཁོང་ལ་ཁྲིམས་གཅོད་ནན་མོ་ཞིག་ཕོག་ངེས་རེད།
དྲག་གནོན་དང་། མེ་མདའི་འོག་ནས་བཙན་ཤེད་བྱེད་པའི་དུས་བབ་ཞིག་ལ་ག་དུས་ཡིན་ནའང་དྲང་པོ་དང་། བདེན་པ་ཟེར་བ་དེ་ལ་ནུས་པ་མེད་ལ་དེ་བས་ཁྲིམས་ཀྱི་ཐག་གཅོད་ཡག་པོ་གཅིག་རྩ་བ་ནས་ཡོང་ཐབས་མེད།
འོན་ཏང་དཀའ་ཚེགས་ཆེན་པོ་ཞིགགི་ལམ་འཕྲང་བརྒྱུད་དེ་མཐར་དཀའ་ངལ་ཐ་དག་ལ་གདོང་ལེན་བྱེད་ནུས་མཁན་གྱི་གངས་རིའི་དཔའ་རྒོད་གཅིག་ཏུ་འགྱུར་ཐུབ་པའི་སྨོན་འདུན་ཞུ།།
ཁྲིམས་རྩོད་པ་ཁོང་གི་བློ་སྟོབས་ལ་རྗེས་སུ་ཡི་རངས་ཡོད། ཡིན་ནའང་ད་བར་གྲུབ་འབྲས་ཐོན་པའི་ལས་ཀ་གང་བྱ་ཐུབ་ཡོད་དམ། རོགས་པ་བྱ་གི་ཡིན་ཅེས་ཁ་གཏམ་གྲགས་ཙམ་བྱས་ན་ཡག་པོ་མི་འདུག སྔ་ལོའི་དོན་རྐྱེན་བྱུང་སྟེ་ལོ་གཅིག་ཡོལ་ཟིན་ཏེ་ཁྲིམས་གཅོད་་མང་ཆེ་བ་ཚར་ཏེ་ང་ཚོས་ཤེས་རྟོགས་མེད་པའི་བཙོན་ཁང་མང་པོ་ཞིག་ནང་བསྒྱུར་བཀོད་བྱ་བཅུག་བཞིན་ཡོད།
ལྷག་པར་དུ་དོན་གྲུབ་དབང་ཆེན་ལགས་ད་ལྟ་བཙོན་ཁང་ཞིག་ནང་ཡོད་པ་ཤེས་རྟོགས་བྱུང་བ་ཙམ་མ་ཟད། ཁྲིམས་གཏུགས་བྱ་བཞིན་ཡོད་ཚེ་དེ་ལས་་ལྷག་པའི་བརྙན་འཕྲིན་དེའི་ནང་སྐད་ཆ་བཤད་ཕོད་མཁན་དེ་དག་ལ་ཉེན་ཁ་འཕྲད་སྲིད་ཀྱི་རེད་དམ། དེ་ནི་ཕྲན་གྱི་བསམ་ཚུལ་ཙམ་ཡིན། ཁོང་ནས་དཔར་ལེན་བྱས་པ་ཙམ་ལས་དེ་་འདྲ་བྱ་དགོས་པའི་མི་སྣ་ཚོར་བསྐུལ་སློང་བཏང་ཡོད་ཀྱི་མ་རེད། ཁོང་ཚོ་རང་སོ་སོས་བསམ་བློ་བཏང་སྟེ་གསུངས་པ་ཤ་སྟག་ཡིན་སྟབས་ཁོང་ཚོར་ཁྲིམས་ཐོག་ནས་ཉེས་པ་ཕོག་སྲིད་་པ་རེད་དམ། ཉེས་པ་གཏོང་་རྒྱུའི་གོམས་གཤིས་དེ་འདྲ་ཞིག་རྒྱ་ནག་ལ་རྒྱུན་འཇམས་སུ་གནས་ཡོད།
ཁྲིམས་ཡིག་ནི་འགྱིག་སྐུད་ནང་བཞིན་གང་དུ་འཐེན་ནའང་ཆོག་པ་ཞིག་ཡོད་པ་ལྟར། རྒྱ་ནག་གི་ཁྲིམས་ཡིག་དེ་བས་ཀྱང་བེད་སྤྱོད་མེད་པའི་ཤེལ་སྒོའི་ནང་གི་མོག་མོག་་ལྟ་བུ་ཡིན་པས་ང་རང་གི་སེམས་ཁྲལ་མང་ཤོས་་ཤིག་ནི་བརྙན་འཕྲིན་དེའི་ནང་སྐད་ཆ་བཤད་མཁན་དེ་དག་གི་མ་འོངས་པའི་མདུན་ལམ་ཐད་རིམ་པས་དཀའ་ང་ལ་སྤྲད་སྲིད་པ་དེར་ང་ཚོས་བློ་ཚབས་དང་གདུང་སེམས་མཉམ་སྐྱེད་ཞུ་དགོས་་ཀྱི་འདུག་བསམ་གྱི་འདུག