འཇམ་དབྱངས་ནོར་བུས་སླར་ཡང་བོད་རང་བཙན་ཁུངས་སྐྱེལ་བྱས།

སྐལ་བུ་ལགས། མཆན་བཏབ་པར་རྗེས་སུ་ཡི་རངས་ཡོད།
ང་ནི་ཉེན་རྟོག་པ་ཆུང་ཆུང་ཞིག་ཡིན་པས་ཁྱེད་ཀྱིས་ཡིག་ནོར་གང་འཚམ་སྤེལ་འདུག་པས་རྗེས་སུ་གཟབ་གཟབ་གནང་རོགས།
དཔེར་ན།
མ་དག་པ། དག་པ།
ིརིད། རེད།
སྔགས་བརྗོད། བསྔགས་བརྗོད།
ར་ཁྲོད། ར་སྤྲོད།
བློ་ཟུར་ཅན། བློ་གཟུར་ཅན།
སུ་ལྟས་ན། སུས་བལྟས་ན།
ཡིད་ཆད། ཡིད་ཆེས།
ཕེལ་ངས། ཕེར་ངེས།
མཁས་ཕེན། ཁེ་ཕན།
ཏེ་འབྲུས། ཏིལ་འབྲུ།
འདི་རྣམས་ཡིན་པས་དེ་དོན་ངེས་གནང་ཡོད་པ་ཞུ་རྒྱུ་དང་།
ད་དུང་ཁ་སྐད་རིགས་གང་ཐུབ་ཀྱིས་མི་འགོད་པ་གཙོ་འདོན་གནང་དགོས་པར་མཐོང་།

གང་ཡིན་ན་དྲི་བ་དེ་ལ།

y

ཕྱི་ལོ་ ༡༤༩༢ ལོར་སའི་གོ་ལའི་དབྱིབས་གཟུགས་ཀྱི་ས་ཁྲ་རྙིང་ཤོས་ཟེར་པ་དེར། བོད་ཀྱི་ས་མཚམས་ཁག་གསལ་བ་རེད་དམ་ཡང་ན་མིང་ཙམ་གསལ་པ་རེད། གལ་ཏེ་སྔ་མ་ཡིན་ན་དེར་ཆོལ་གསུམ་ཡོངས་སུ་ཚུད་ཡོད་མེད་དང་།
ཅིག་ཤོས་མིང་ཙམ་ཡིན་ན་དེ་ནི་ས་ཁྲ་ཀུན་ལ་དེང་སེང་ཡང་བཀོད་ཡོད་པས་དགེ་མཚན་དེ་ཙམ་རེད། བལ་ཡུལ་རང་བཙན་སྒྲུབ་བྱེད་དུ་བོད་དང་ཆིངས་ཡིག་བཞག་པ་བཀོད་པ་བདེན་ན་མཉམ་འབྲེལ་རྒྱལ་ཚོགས་ནས་ཅིའི་ཕྱིར་བོད་རྒྱ་ནག་གི་ཆ་ཤས་སུ་ཁས་བླངས་པ་ཡིན་ནམ། དེ་ལ་སོགས་པའི་ཁུངས་ཚན་རིགས་རང་པཞིན་ལྡན་མིན་དོགས་གནས་མང་དུ་འདུས་ད།
བུ་མེད་ཚེ་མིང་ཅན། རང་བཙན་རང་སྐྱོང་གང་དུ་འགྲོ་མིན་ཞེ་འདོད་མཐུན་མིན་འུ་ཚང་ལ་ཡོད་ཀྱང་། གཞན་དུ་ཆོལ་གསུམ་གཅིག་སྒྲིལ་གྱི་གནད་དོན་བསམ་པ་གྲུ་ནང་ཡིན་པས་དེ་འདྲ་མ་གླེང་ན་བཟང་སྙམ།
ཡང་ཉིད་ཀྱིས་ཁོ་པའི་བགྲོ་གླེང་ཐོག་བཀའ་ཟུར་དང་སྤྱི་འཐུས་ཡོད་ཚུལ་བྲིས་ཤ་དེ་དག་སུ་སུ་རེད། དེ་དག་གིས་དེ་འདྲ་ཙམ་ཡང་མ་མཁྱེན་པ་མེད་འགྲོ།

ཚེ་རིང་སྐྱིད་ལགས་དང་གསར་བརྗེ་སྐྱབས་ལགས་གཉིས་ཀྱི་སྐད་ཆ་ལ་རྒྱུ་མཚན་འདུག ཨ་ཁུ་འཇམ་ནོར་དང་ད་དུང་ཁྱེད་རང་གཉིས་ཀ་བཅས་ང་ཚོ་ལ་དགོ་བའི་མི་ཡིན། ཁྱེད་ཅག་ཚང་མའི་རང་རང་ས་ནས་སྤྱི་དོན་ལ་ཐུགས་ཁུར་གནང་འདུག བཀའ་དྲིན་ཆེ། བག་ལེབ་བཙོང་མཁན་ཟེར་དུས་སུ་ཡིན་ཡང་གྲལ་རིམ་དམའ་ཤོས་ལ་རྩི་བཞིན་འདུག དེ་ནི་ནོར་འཁྲུལ་ཞིག་ཏུ་སྣང། ཆེ་ས་ནས་ཆོལ་ཁའི་བར་དང་ཆུང་ས་ནས་མི་སྒེར་གྱི་བར་དུ་གཅིག་གིས་གཅིག་ལ་བརྩི་འཇོག་གུས་ཞབས་གནང་རྒྱུ་གལ་ཆེ་སྙམ།

ཚེ་རིང་སྐྱིད་ལགས། ངས་ང་ཚོར་རང་བཙན་ཁུངས་སྐྱེལ་གྱིས་མ་འདང་བའི་དཀའ་ངལ་མིན་པར་ངོས་ལེན་བྱེད་མཁན་ཉིན་རེ་བཞིན་ཇེ་ཉུང་དུ་འགྲོ་བཞིན་འདུག་ཅེས་པ། ཁྱོད་ནང་བཞིན་རྒྱ་ནག་དང་རྒྱལ་སྤྱིའི་སྤྱི་ཚོགས་ཙམ་ལ་གཟས་ནས་བཤད་པ་མིན། འདི་ངོས་ལེན་མི་བྱེད་མཁན་བོད་མི་ཚོའི་ནང་ནའང་ཉིན་རེ་བཞིན་ཇེ་མང་དུ་འགྲོ་བཞིན་འདུག ངའང་དེ་ནང་གི་གཅིག་ཡིན། ངས་གོང་གི་མཆན་བུ་ནང་གསལ་བཤད་བྱས་པ་ལྟར་མཁས་དབང་འཇམ་དབྱངས་ནོར་བུས་ཁུངས་སྐྱེལ་དུ་དྲངས་པའི་དཔང་རྟགས་ཁག་བདུན་པོས་དེ་སྔའི་བོད་སྡེ་བ་གཞུང་གི་སྒྲིག་འཛུགས་ཁྱབ་ཁོངས་ཁག་ལས། ཁྱོད་དང་ངའི་ཕ་ཡུལ་སྟེ། རིག་གཞུང་གི་བོད་ཁོངས་སུ་འདུས་པའི་ཡུལ་ལུང་ཁག་རང་བཙན་ཁུངས་སྐྱེལ་མི་ཐུབ། བོད་མི་མང་པོ་ཞིག་གིས་འཇམ་དབྱངས་ནོར་བུའི་ཁུངས་སྐྱེལ་འདིས་བོད་རང་བཙན་ཁུངས་སྐྱེལ་གནང་སྐབས་དེའི་ནང་ཆོལ་ཁ་གསུམ་འདུས་ཡོད་པར་དགོངས་ཀྱིན་ཡོད་ནའང་། ཁོང་གི་དྲངས་པའི་ཁུངས་སྐྱེལ་རེ་རེ་ལ་ཞིབ་མོ་གཟིགས་དང་། ས་ཁྲའི་ནང་དུ་མདོ་ཁམས་ཀྱི་ཡུལ་ལུང་མང་པོ་ཞིག་འདུས་མེད་ལ། བོད་ཀྱི་དངུལ་ལོ་དེ་ཡང་དབུས་ཁུལ་ཙམ་ལས་མདོ་ཁམས་ཀྱི་ཡུལ་ལུང་མང་པོ་ན་བཀོལ་སྤྱོད་མི་བྱེད། གཞུང་གི་ཁྲིམས་གཞི་བོད་སྡེ་བ་གཞུང་གི་ཁྱབ་ཁོངས་ལས་མདོ་ཁམས་ཀྱི་ཡུལ་མང་པོར་ཁྱབ་མེད། ཆབ་སྲིད་ཀྱི་བོད་ཁོངས་སུ་མ་འདས་པའི་བོད་ཁུལ་གྱི་རིག་གཞུང་དང་ཚོང་བསྒྱུར་སོགས་ཀྱི་ཆེད་སྡེ་བ་གཞུང་གི་རྒྱལ་ཁབ་གཞན་མཉམ་གྲོས་མཐུན་བཞག་མྱོང་མེད། རིག་གཞུང་གི་བོད་ཁུལ་གྱི་བོད་མི་ཞིག་ཕྱི་སྐྱོད་སྐབས་སྡེ་བ་གཞུང་གིས་ཐོངས་མཆན་གནང་མྱོང་མེད་ཐོག དེ་ལས་ལྡོག་སྟེ་མཚམས་ལ་ལར་རིག་གཞུང་གི་བོད་ཁོངས་ཀྱི་བོད་མི་ཞིག་དབུས་སུ་བསྐྱོད་སྐབས་ལམ་ཡིག་སྤྲོད་ཀྱི་ཡོད། དེར་བརྟེན་མཁས་དབང་ཁོང་གིས་དྲངས་པའི་ཁུངས་སྐྱེལ་གྱི་རང་བཙན་དེ་ཐོབ་པའི་དབང་དུ་བཏང་ཡང་བོད་མི་མང་པོ་ཞིག་གིས་ངོས་ལེན་བྱེད་ཁག་པོ་ཞིག་རེད་མི་འདུག་གམ། ཁྱོད་ཀྱིས་ངོས་ལེན་བྱེད་ཐུབ་བམ།

ངས་བསམ་ཚུལ་འདི་དག་ཀློག་པ་ན་འཇམ་དབྱངས་ནོར་བུ་ནི་བོད་མིའི་སེམས་ཁམས་སུ་མཚམས་རེར་ནག་པོ་ཞིག་དང་མཚམས་རེར་དཀར་པོ་ཞིག། ཡང་ན་ལན་རེར་་་་་་་། ཡིན་ན་ཡང་གང་ལྟར་ང་ཚོས་འཇམ་དབྱངས་ནོར་བུའི་ལྟ་གྲུབ་དང་ལངས་ཕྱོགས་ཕར་བཞག་ནས་ཁོང་རང་གི་སྐུ་ཚེ་ཧྲིལ་བོར་གང་གནང་བ་དེ་ཤེས་ན་ངོ་མ་དགའ་གུས་འོས་པའི་མི་བུ་ཞིག་རེད་ལ། བོད་དོན་བཤད་ནས་རྒྱ་ཁ་སོས་ཡོད་པ་འགར་བོད་མི་ཚོས་ཧ་ཅང་བཀུར་ཞིང་ལྷག་པར་བཀའ་ཤག་ལ་སོགས་པ་གདོང་ལ་བུད་ནས་སྣེ་ལེན་བྱེད་པའི་གོ་སྐབས་རིང་ལུགས་པ་དེ་ཚོ་ལས་བོད་རང་ཉིད་ཀྱི་འཇམད་བྱངས་ནོར་བུ་འདི་དོན་དངོས་ཐོག་ནོར་བུ་ལ་བརྩི་ཆོག་པར་འདོད།
གཞན་མི་མང་པོ་ཞིག་གིས་རང་བཙན་ཁུངས་སྐྱེལ་དང་བདེན་དཔང་གིས་མ་འདང་བ་མིན་ཡང་ངོས་ལེན་བྱ་མཁན་མེད་པའི་དཀའ་ངལ་བཤད་ཀྱིན་འདུག རྒྱ་ནག་དང་རྒྱལ་སྤྱིའི་སྤྱི ཚོགས་ཀྱི་ངོས་ལེན་བྱ་མིན་དེ་དུས་ཚོད་དང་ང་ཚོའི་འཐབ་རྩོད་ཀྱི་དུས་ཡུན་སོགས་ལས་ཁ་གྲགས་ངེས་ལ་ང་ཚོ་སུ་ཞིག་གིས་ག་དུས་དང་དེ་དུས་ལ་སོགས་པ་གང་ཡང་བརྗོད་ཐུབ་པ་མེད་ཀྱང་། ད་སྐབས་བོད་མིའི་ནང་དུ་ཡང་བོད་རང་བཙན་ལ་འཐབ་རྩོད་ལ་བྱ་འོས་དང་དབུ་མའི་ལམ་ལ་ཡིད་ཆེས་མེད་ཟེར་ན་ཁྱེད་འཁྲིས་སུ་ཡོད་པའི་མི་དེ་ཚོས་ཁྱེད་ལ་མིག་ཟུང་གང་འདྲ་ཞིག་གིས་ལྟ་གིན་འདུག བོད་མི་རང་ཉིད་ཀྱིས་ཀྱང་བོད་རང་བཙན་བཤད་ན་མ་འོས་པར་བརྩི་བའི་མཚམས་འདི་འདྲ་ཞིག་ལ་བོད་མི་ཞིག་གིས་དཀའ་ལས་གང་མང་བརྒྱབ་ནས་ཡུན་རིང་འཇམ་ཅག་གེར་ལུས་པའི་སེམས་ཀྱི་རེ་བ་ཞིག་དྲན་གསོ་གནང་བར་ང་ཚོས་བཀའ་དྲིན་ཅི་ནས་ཀྱང་ཞུ་འོས།
ཡང་མི་ཁ་ཤས་ཀྱིས་རང་བཙན་ཁ་ནས་བཤད་ནས་ག་རེ་གནང་དགོས་པ་རེད། ལག་ལེན་ལ་བསྟར་དགོས་ཟེར། དྲི་བ་འདི་ཏག་ཏག་རང་གིས་རང་ལ་འདྲི་དགོས། ང་ཚོ་མི་སྒེར་སོ་སོ་ནས་རང་བཙན་གྱི་ལྟ་གྲུབ་དང་་ལངས་ཕྱོགས་བཟུང་ནས་སྤྱི ཚོགས་དང་ཚོགས་པ་ཁག་གི་ཁྲོད་དུ་སྐད་ཤུགས་ཆེན་པོས་བཤད་ཀྱིན་ཡོད་དམ། རང་ཉིད་ཀྱིས་རང་བཙན་གྱི་ལྟ་གྲུབ་ལས་གཞན་ལངས་ཕྱོགས་གཞན་པར་མཉམ་ཞུགས་བྱེད་ཀྱིན་ཡོད་དམ། རང་བཙན་སླར་གསོའི་ལྟ་གྲུབ་ཅིག་གི་འོག་ནས་ཆབ་སྲིད་པ་ཚོས་སྣེ་གང་ཁྲིད་ལ་ལངས་ཤག་ཤག་བྱ་མཁན་དེ་ང་ཚོ་མ་རེད་དམ། འཇམ་དབྱངས་ནོར་བུའི་སྐུ་ཚེ་གང་བོར་ལྟ་གྲུབ་གཅིག་དེ་ལ་འགྱུར་བ་གང་ཡང་བཏང་མེད་ལ་འཇམ་དབྱངས་ནོར་བུ་མ་ཤི་བར་དུ་ཡང་འགྱུར་བ་མི་གཏོང་བར་སྣང་། འདི་ནི་མི་བུ་སྒེར་ཞིག་གིས་གང་བྱ་ཐུབ་པ་དེ་རེད་ལ། མི་བུ་སྒེར་ཞིག་གིས་སྤྱི ཚོགས་ཁྲོད་རང་ཉིད་ཁེར་རྐྱང་དུ་ལྷག་་ཀྱང་རང་གིས་ལྟ་གྲུབ་དང་ལངས་ཕྱོགས་གསལ་བོ་བཟོས་ཡོད་པ་དེ་རེད། ང་ཚོ་སྒེར་སོ་སོ་ནས་ཀྱང་ལག་ལེན་འདི་ལྟར་བྱ་དགོས་པ་ལས་གྲི་དང་མེ་མདའ་བཟུང་ནས་རྒྱུག་དགོས་པ་གཏན་ནས་མ་རེད། རང་བཙན་འཐབ་རྩོད་ལབ་དུས་ལམ་སེང་དྲག་པོ་ལྟ་བུའི་སྣང་ཚུལ་ཡོང་གི་ཡོད་པ་ནི་བག་ཆགས་སམ་སྤྱི་ཚོགས་རང་བཞིན་གྱི་སྣང་ཚུལ་རེད།
ད་དུང་ཡང་མི་ཞིག་གིས་འཇམ་ནོར་གྱིས་རྡ་སར་ཡོང་ནས་ཟ་ལེ་རྒྱ་སྐོར་ཞིག་དང་བག་ལེབ་འཚོང་མཁན་ཚོར་བོད་རང་བཙན་བདེན་དཔང་བྱས་པ་དེས་དོན་དངོས་ཐོག་ང་ཚོར་ཕན་ཐོག་ཅི་ཞིག་ཡོད ། དངོས་གནས་བྱས་ན་ཁ་བྱང་འདི་གཞིས་ལུས་མི་མང་གི་མཐོང་ན་ངོ་ཚ་རེད་ལ་སེམས་ཤུགས་གཅོག་བྱེད་ཀྱང་མ་རེད་དམ། ཞེས་བྲིས་འདུག ཁྱེད་ཀྱིས་རྡ་སའི་ཟ་ལེ་རྒྱལ་ཚོ་དང་བག་ལེབ་ཚོང་མཁན་ཚོར་བོད་རང་བཙན་གྱི་འཐབ་རྩོད་པར་རན་པོ་མེད་པར་བཤད་པ་ཡིན་ནམ། ཡང་ན་ཁྱེད་ཀྱིས་རྡ་ས་རུ་ཟ་ལེ་རྒྱལ་དང་བག་ལེབ་ཚོང་མཁན་མ་གཏོགས་མི་འདུག་ཟེར་བ་ཡིན། ཁྱེད་ཀྱི་སྐད་ཆ་འདི་དག་་ད་གཟོད་མགོ་ནག་བོད་མི་སུས་གོ་ན་ཡིད་སྐྱོ་ཞིང་མིག་ཆུ་ཤོར་དགོསཔ་ཞིག་རེད་འདུག རྡ་ས་རུ་༧གོང་ས་མཆོག་གཙོས་པའི་བོད་གཞུང་གི་མཐོ་རིམ་མི་སྣ་ཁག་དང་། རྒྱལ་སྤྱིའི་ཡུལ་སྐོར་བ། མེ་རླབས་ལྟར་འཕྱུར་བཞྀན་པའི་བོད་ཀྱི་ན་གཞཽན་ཚཽ་ཡོད། འཇམ་དབྱངས་ནོར་བུ་གཏམ་བཤད་དེར་སྤྱི་འཐུས་དང་བཀའ་ཟུར། ལས་བྱེད། གཞུང་འབྲེལ་མ་ཡིན་པའི་ཚོགས་པ་ཚོའི་ཚོགས་གཙོ། རང་དབང་གི་ན་གཞཽན་འཐབ་རྩོད་པ་ཚོ། རང་དབང་ཚོ། ་རྩོམ་པ་ཚོ། རྡ་སའི་རི་ངོས་ཀྱི་མི་མང་ཚོའི་ཁ་རུ་གྲགས་པའི་རྒྱ་རྒན་ཝང་ཟེར་བ་དེ་ལ་སོགས་པ་སླེབས་འདུག ཡིན་ཡང་ང་ཚོས་ངེས་པར་དུ་ཤེས་དགོས་པ་ནི་ཟ་ལེ་རྒྱལ་དང་བག་ལེབ་ཚོང་མཁན་ཚོ་ནི་འདི་དག་ལས་གལ་ཆེ་བ་མེད་ན་གལ་ཆུང་བ་གཏན་ནས་མ་ཡིན། བག་ལེབ་བཙོང་མཁན་ཚཽའི་ནང་དུ་ང་ཚོ་ལྟ་བུའི་བོད་ཡིག་འབྲི་ཀློག་ཤེས་མཁན་མང་པོ་ཡོད་ལ་ཟ་ལེ་རྒྱལ ཚོའི་ནང་དུ་ཡང་དེ་བཞིན་ཡིན། ང་ཚོ་ལས་ཁོ་ཚོས་ཉིན་རེ་རེ་ལ་རང་ཉིད་སྐྱབས་བཅོལ་བ་ཡིན་པ་དང་རང་ཉིད་ལ་ཕ་ཡུལ་དགོས་པ་དྲན་གྱིན་ཡོད། ཁོ་ཚོ་ནི་གཞི་ནས་ང་ཚོའི་བོད་དོན་ཤི་རུ་མི་འཇུག་མཁན་དག་ཡིན། བོད་དོན་འཐབ་རྩོད་ཐད་ཟ་ལེ་རྒྱལ་དང་བག་ལེབ་ཚོང་མཁན་ལ་སོགས་བོད་མི་ཚང་ལར་གཅིག་མཚུགས་ཀྱི་འགན་ཡོད་པ་རེད།
ང་ཚོ་སུ་ཡིན་ཡང་སྐད་ཆ་བཤད་སྐབས་ཚད་ལས་བརྒལ་ན་དེ་ནི་རང་ཉིད་མི་རུ་མ་བགྲངས་པའི་ནག་ཉེས་ཡིན།

སྤྱིར་རླབས་ཆེན་གྱི་མི་བུ་ཁོས། གཏན་ཚིགས་རང་བཞིན་གྱིས་སྐད་ཆ་དེས་མི་བུ་གསར་བ་སྟོང་ཁྲག་མང་བོའི་སེམས་ནང་ལ་བག་ཆགས་བཞག་པ་ངོ་མ་ཡིད་རེ་མཚར། སྐུ་ཞབས་འཇམ་དབྱངས་ནོར་བུ་ལྟ་བུ་ལ་མཚོན་ན། ཁོའི་མི་ཚེ་རིང་བོ་བོད་མི་རིགས་ཀྱི་བདེ་སྡུག་ཁོ་ནའི་ལམ་ནས་རང་གི་ཡོད་ཚད་བློས་བཏང་བ་དེ་ཡང་ང་ཚོ་བོད་མི་ཚོའི་གཟི་བརྗིད་དུ་མཐོང་།

དེ་འདྲ་རེད་

ཧ་ཧ་ཧ་ཧ་ཧ་ཧ ང་ཚོ་བོད་མི་རིགས་ལ་བསམ་བློ་རྣལ་མ་གཏོང་མཁན་ཞིག་ཡིན་ན་བོད་རང་བཙན་ཡིན་མིན་ལ་དོགས་པ་ཟ་མཁན་ཞིག་ཡོད་མི་སྲིད་ལ། གལ་ཏེ་དེ་འདྲ་ཞིག་ན་བོད་དོན་ལ་བསམ་བློ་རྣལ་མ་གཏོང་མཁན་ཞིག་མིན་པར་ངོས་འཛིན་བྱས་ཆོག ད་ལྟ་ང་ཚོར་དགོས་པ་ནི་སྔར་རང་བཙན་ཡིན་པ་དེ་རྩོད་ལེན་ཅི་ལྟར་བྱེད་རྒྱུ་དེ་རེད། གལ་སྲིད་ང་ཚོས་བོད་རང་བཙན་ཡིན་པའི་དཔང་རྟགས་གསར་བ་ཞིག་རེག་ནས་སུ་ལ་སྟོན་དགོས། མཉམ་འབྲེལ་རྒྱལ་ཚོགས་ལ་སྟོན་རྒྱུ་ཡིན་ནམ། ཡང་ན་རྒྱ་ནག་ལ་སྟོན་རྒྱུ་ཡིན། བསྟན་ན་ཕན་ཐོགས་ཅི་ཞིག་ཡོད། མཉམ་འབྲེལ་རྒྱལ་ཚོགས་ནས་ང་ཚོ་རང་བཙན་ཡིན་པ་མ་ཤེས་པར་ང་ཚོསརང་བཙན་མ་རེག་པ་རེད་དམ། གལ་སྲིད་བོད་དོན་འདི་དགོན་པའི་ཆོས་གྲྭ་ནང་གི་རྟགས་གསལ་གཏོང་བ་ཅི་བཞིན་རྩོད་རྒྱུ་ཞིག་ཡིན་ན་དཔང་རྟགས་མང་ན་ཕན་ཐོགས་འབྱུང་སྲིད་པ་ཡིན། དེ་མིན་དཔང་རྟགས་བཙལ་ནས་ཕན་ཐོགས་ཅི་ཡང་མེད། ང་ཚོར་བོད་རང་བཙན་ཡིན་པའི་དཔང་རྟགས་གྲངས་ལས་འདས་པ་ཡོད་མོད། དེས་ད་ལྟའི་བར་དུ་ཕན་ཐོགས་ཅི་ཞིག་བྱུང་ཡོད། དུས་བབ་གསར་ཁང་ནས་ འཇམ་དབྱངས་ནོར་བུས་སླར་ཡང་བོད་རང་བཙན་ཁུངས་སྐྱེལ་བྱས་ཟེར་བའི་ཁ་བྱང་དེ་བརྗེས་ན་ལེགས་སྙམ།
འཇམ་ནོར་གྱིས་རྡ་སར་ཡོང་ནས་ཟ་ལེ་རྒྱ་སྐོར་ཞིག་དང་བག་ལེབ་འཚོང་མཁན་ཚོར་བོད་རང་བཙན་བདེན་དཔང་བྱས་པ་དེས་དོན་དངོས་ཐོག་ང་ཚོར་ཕན་ཐོག་ཅི་ཞིག་ཡོད ། དངོས་གནས་བྱས་ན་ཁ་བྱང་འདི་གཞིས་ལུས་མི་མང་གི་མཐོང་ན་ངོ་ཚ་རེད་ལ་སེམས་ཤུགས་གཅོག་བྱེད་ཀྱང་མ་རེད་དམ།

ཚེ་རིང་སྐྱིད་ལགས། ངས་འདིར་རིན་ཐང་ཞིག་མཐོང་བ་ནི་ཁུངས་སྐྱེལ་དཔུང་རྟགས་ཁག་བདུན་པོ་མ་ཡིན་པར། བོད་མི་ཞིག་གི་ངོས་ནས་ཐེངས་དང་པོར་ཁུངས་སྐྱེལ་བསྡུ་རུབ་གནང་བ་དེ་གཅིག་བུ་ཡིན། འདིའི་ཐད་ནས་ངས་འཇམ་དབྱངས་ནོར་བུ་ལ་དགའ་གུས་བརྩི་གསུམ་ཞུས་ཡོད་པ་ལས་ཁྱེད་ཀྱིས་གསུངས་པ་ལྟར་གཞན་གྱི་དཀའ་ལས་བརྒྱབ་པར་སྣང་མེད་དང་གུས་མེད་གང་ཡང་བྱས་མེད། འདི་ངེད་གཉིས་བར་གྱི་གོ་ལོག་ཅིག་རེད་འདོད།

བོད་རང་བཙན་ཁུངས་སྐྱེལ་གྱི་དཔུང་རྟགས་འདི་དག་གསར་བ་གང་ཡང་མིན་པ་བདེན་པ་ཡིན། ཕྱི་ལོ་དྲུག་ཅུའི་ནང་རྒྱལ་སྤྱིའི་ཁྲིམས་དོན་མཁས་པའི་ལྷན་ཚོགས་ཀྱིས་བོད་འདི་རང་བཙན་གཙང་མའི་རྒྱལ་ཁབ་གཅིག་ལ་ཁྲིམས་ཐོག་ནས་བདེན་དཔང་གནང་ཡོད་ལ། སྐབས་དེའི་ཁུངས་སྐྱེལ་ལ་གོང་གི་དོན་ཚན་རྣམས་བགྲངས་ཡོད། གལ་སྲིད་ཁྱེད་ཉིད་དཔེ་ཀློག་གནང་མཁན་ཞིག་ཡིན་ཚེ་ང་ལས་གསལ་བོ་མཁྱེན་ཡོད་རྒྱུ་རེད། དྲང་མོར་བཤད་ན། ང་ཚོར་རང་བཙན་ཡིན་པའི་ཁུངས་སྐྱེལ་གྱི་མ་འདང་བའི་དཀའ་ངལ་དེ་མེད་འདོད། ཁུངས་སྐྱེལ་ངོས་ལེན་བྱེད་མཁན་ཉིན་རེ་བཞིན་ཉུང་དུ་འགྲོ་བཞིན་པ་འདི་གནད་དོན་རེད་འདོད། འདི་དང་མཉམ་དུ་དོན་གནད་གལ་ཆེན་གཞན་ཞིག་གླེང་དགོས་ངེས་ཆགས་ཡོད། རང་བཙན་སྒྲུབ་བྱེད་འདི་དག་གིས་དེ་སྔ་བོད་སྡེ་བ་གཞུང་གི་སྒྲིག་འཛུགས་ཁྱབ་ཁོངས་ཁག་རང་བཙན་ཡིན་པ་སྒྲུབ་ཐུབ་ནའང་། སྒྲིག་འཛུགས་ཁྱབ་ཁོངས་ནང་མ་ཚུད་པའི་མདོ་ཁམས་ཀྱི་ཡུལ་ལུང་གང་མང་ཞིག་རང་བཙན་ཕར་ཟད། སྡེ་བ་གཞུང་གི་སྒྲིག་འཛུགས་ཁྱབ་ཁོངས་ཡིན་པ་ཙམ་ཡང་སྒྲུབ་མི་ཐུབ། ལོ་རྒྱུས་ཉམས་ཞིབ་གནང་མཁན་ཞིག་ཡིན་ཚེ་འདིའི་ཐད་ཀྱི་ཁུངས་སྐྱེལ་གསར་བ་རེ་འཚོལ་ཞིབ་དང་བསྡུ་རུབ་གནང་ཐུབ་ན་དེ་ནི་ད་གཟོད་ཁུངས་སྐྱེལ་གསར་བ་ཞིག་ཆགས་པ་རེད།

དྲ་གྲོགས་ན་གཞོན་ཚོ་སྐུ་ཁམས་བཟང་། མཁྱེན་དགོས་པ་ཞིག་ལ་ང་ཚོའི་དམིགས་ཡུལ་ངོ་མ་དེ་བོད་རང་བཙན་མ་རེད། ཆོལགགསུམ་གཅིག་ཏུ་སྒྲིལ་བའི་མི་དོན་མཚུངས་པའི་རང་སྲིད་རང་སྐྱོང་ཁོ་ན་རེད།

རང་བཙན་ཟེར་ན་བད་དེ་རྒྱ་མི་ཚོ་འདྲོགས་འགྲོ་གི་རེད་པ། དེ་འདྲ་སོང་ཙང་ང་ཚོས་ཁོང་ཚོའི་དངོས་ཡོད་གནད་ལུགས་ལ་རྒྱུས་ལོན་མང་ཙམ་བྱས་ཏེ་སྐབས་བབ་ཀྱི་རང་དོན་མ་འཕྱུགས་པ་ཞིག་བྱེད་དགོས་ཡ།

མཁས་དབང་འཇམ་དབྱངས་ནོར་བུ་ལགས།
ཉིད་ནས་བོད་རང་བཙན་གྱི་ཐལ་འབད་བརྩོན་གནང་བར་བཀའ་དྲིན་ཆེ།
རྗེས་སུ་ཡི་རངས་ཡོད།

ང་ཚོ་བོད་པ་ཚོར་འདི་འདྲའི་གསོན་ཤུགས་དང་སྙིང་སྟོབས་ལྡན་པའི་མི་བུ་རེ་རེ་ཡོད་ན་ངོ་མ་རེ་བ་འདུག།

མཁས་དབང་འཇམ་དབྱངས་ནོར་བུ་ལགས་ཀྱིས་གསལ་འདོན་གནང་བའི་རང་བཙན་སྒྲུབ་བྱེད་ཁག་བདུན་པོ་འདི་གསར་བ་གང་ཡང་མ་རེད་འདོད། འདིའི་སྐོར་བོད་ཀྱི་གནས་བབ་ཅེས་པའི་དཔེ་དེབ་ནང་གསལ་བོ་འཁོད་ཡོད་སྙམ། ཡིན་ནའང་བོད་མི་ཞིག་གི་ངོས་ནས་གསལ་འདོན་གནང་བ་ཐེངས་དང་པོ་མི་འགྲོ།
ཁོང་གིས་གསལ་འདོན་གནང་བའི་རང་བཙན་ཁྱབ་ཁོངས་ནང་དེ་སྔའི་བོད་གཞུང་གི་སྒྲིག་འཛུགས་ཁྱབ་ཁོངས་ལས་མདོ་ཁམས་ཀྱི་ཡུལ་ལུང་ཁག་ཅིག་ཚུད་མེད། བོད་དོན་ཉམས་ཞིབ་མང་པོས་བོད་ལ་ཆབ་སྲིད་ཀྱི་བོད་དང་རིག་གཞུང་གི་བོད་ཅེས་གཉིས་སུ་ཕྱེ་བཞིན་འདུག་ལ། ཆབ་སྲིད་ཀྱི་བོད་ནི་དེ་སྔའི་བོད་སྡེ་བ་གཞུང་གི་སྒྲིག་འཛུགས་ཁྱབ་ཁོངས་ཁག་དང་། རིག་གཞུང་གི་བོད་ནི་ཆབ་སྲིད་ཀྱི་སྒྲིག་འཛུགས་ནང་མ་ཚུད་པའི་མདོ་ཁམས་ཀྱི་ཡུལ་ལུང་དག་ལ་གོ་དགོས་འདུག གནད་འདི་གཞིར་བཞག་ནས་བཤད་ན་བོད་རང་བཙན་སྒྲུབ་ཐུབ་ཀྱང་ང་ཚོའི་ངོས་ནས་རྩོད་ཐུབ་མིན་དང་ཐོབ་ཐུབ་མིན་ནི་ད་དུང་བཤད་དཀའ་བ་ཞིག་རེད་འདོད། མ་གཞི་ད་ལྟ་ང་ཚོས་རྩོད་བཞིན་པ་ནི་བོད་རིགས་ཡོངས་ལ་གཅིག་གྱུར་གྱི་ཚད་མཐོའི་རང་སྐྱོང་ཙམ་མ་ཡིན་ནམ།

ཕ་བཟང་བུ་ཡིན་
རླབས་ཆེན་གྱི་བྱ་བ་ཞིག་སྒྲུབ་འདུག་དེ་འདྲ་མུ་མཐུད་དེ་སྒྲུབ་རྒྱུ་གུས་པའི་རེ་བ་

ཡིན་ལ་རང་བཙན་རྩོད་སྒྲུབ་པ་ཡོང་ཀྱི་རེ་བ་ཡང་ཡིན་

ད་ཡིན་ན་རང་བཙན་གཙང་མ་ཡིན་པའི་ཁུངས་སྐྱེལ་གནང་ཚར་སོང་།ད་རང་བཙན་རེག་ཚར་བ་དང་གཅིག་པ་མ་རེད་པས།ག་རེ་བྱས་ནས།ད་བར་དུ་ང་ཚོས་རང་བཙན་གཙང་མ་ཡིན་པ་མ་ཤེས་པ་དང་དེ་ལ་ཁུངས་སྐྱེལ་བྱེད་མ་ཐུབ་ནས་ལུས་པ་མ་རེད་པས།

མཁས་དབང་འཇམ་དབྱངས་ནོར་བུ་ལགས་ནས་དཔང་རྟགས་གང་མང་གཅིག་དང་ལྷན་དུ་བོད་འདི་རང་བཙན་གཙང་མའི་རྒྱལ་ཁབ་ཅིག་ཡིན་པའི་གསུང་བཤད་གནང་བ་འདིས་བོད་པའི་གཞོན་སྐྱེས་ཚོར་སེམས་ཚོར་དྲག་པོ་ཞིག་དང་། ཕྱིས་འབྱུང་ཕན་ཐོགས་ཆེན་པོ་ཡོང་ངེས་རེད།

ད་ཆ་ང་ཚོས་དེའི་ཐད་ལ་ཐབས་ལམ་གང་འདྲ་ཞིག་བཙལ་རྙེད་ཐུབ་རྒྱུར་ཁོང་ཙམ་མ་ཟད་ཚང་མས་བསམ་བློ་མང་ཙམ་གཏོང་དགོས་པའི་དུས་ལ་བབ་ཡོད་སྙམ།

ཁོང་གིས་འདིའི་ཐད་ལ་སྐུ་ལས་གང་ཙམ་སྐྱོན་ནས་གང་སར་གསལ་བཤད་གནང་བཞིན་ཡོད་པ་དེར་སྙིང་ཐག་པ་ནས་བསྔགས་བརྗོད་དང་རྗེས་སུ་ཡི་རངས་ཞུ། ཁོང་དང་འདྲ་བར་ང་ཚོ་གཞོན་སྐྱེས་ཚང་མས་གང་ཐུབ་ཀྱིས་བོད་ཀྱི་རྩ་དོན་ཐད་ལ་འགན་འཁུར་ལེན་དགོས་པའི་དུས་བབ་ཞིག་ལས་ཡིན།

ལོ་རྒྱུས་ཡག་པོ་བཤད་འདུག་ལ་བདེན་པ་དེ་དག་ང་ཚོར་ཡོད་པ་ཞིག་ཀྱང་རེད། འོན་ཀྱང་ད་ལྟའི་འཛམ་གླིང་གི་ཁྲིམས་སྟེང་ནས་བོད་རང་བཙན་ལ་ཁུངས་སྐྱེལ་ཚད་ལྡན་བྱེད་རྒྱུར་འདང་གིན་ཡོད་དམ། ཁྲིམས་ཐོག་ནས་དག་འབུད་བྱེད་ཕྱོགས་སྐོར་ཞིབ་གསལ་ཞིག་གསུང་ན་སྤྱི་ཚོགས་ཡོངས་དང་ལྷག་དོན་ཁྲིམས་མི་ཤེས་པ་བདག་ལྟ་བུ་ལ་ཧ་ཅང་ཕན་ཐོག་ཆེ་ངེས་ལགས་ན་དེ་དོན་དགོངས་འཇག་ཡོང་བར་ཞུ།།

ད་ཡིན་ན་ཡག་པོ་ཞེ་དྲག་གསུང་འདུག ཡིན་ནའི། གཟི་བརྗིད་འདིར་བདག་པོ་ཇི་ལྟར་རྒྱག་གི་ཡིན་ནམ། བདག་པོ་རྒྱག་མཁན་ཡོད་དམ།

མ་ཧྰ་གན་དེས་བྱམས་དང་སྙིང་རྗེས་ས་ཆེན་གོ་ལ་ཡང་ཡང་བསྒུལ།།
སུའུ་བྷ་ཅན་དྷར་བྷོ་ཡི་སྙིང་སྟོབས་ཨེ་ཤར་གླིང་གི་ཡུལ་ལ་ཁྱབས།།
གང་གིས་ཞི་བའི་དར་ཆ་བསྒྲེངས་ཤིང་སྐྲ་སེར་དཔོན་པོའི་སེམས་པ་ཞུམ།།
ཁོང་གིས་རྣོན་པོའི་མཚོན་ཆ་བཟུང་ནས་དབྱིན་དམག་སྡར་མའི་སྙིང་རྩ་བྲེགས།།

འཇམ་དབྱངས་ནོར་བུ་ལགས། ཉིད་ནས་བོད་རང་བཙན་གྱི་ཁུངས་སྐྱེལ་ཡིག་ཆ་སྔ་རྗེས་སུ་ཐབས་འཚོལ་གནང་བར་སྙིང་ཐག་པ་ནས་ཐུགས་རྗེ་ཆེ། ད་དུང་མུ་མཐུད་རྒྱུན་ཁྱོང་ཡོང་བ་ཞུ། བོད་ཀྱི་བདེན་དཔང་དང་མི་མང་ནམ་དུ་ཡང་ཉིད་ཀྱི་རྒྱབ་ཏུ་ཡོད།

ཨ་མའི་བུ་རྒོད། ངོ་མ་མཉན་ཤེས་མཁན་ཞིག་ཡོད་ན། འདི་རང་གིས་ཆོག་ག་བསམ་པ་རེ་བཤད་འདུག རྒྱུ་མཚན་ལྡན་ལ་རྣོ་ངར་ཆེར་བའི་དཔང་པོ་རེ་བཀོད་འདུག རྗེས་མ་མུ་འཐུད་ནས་ཞིབ་འཇུག་གནང་རོགས། ཡར་རྒྱས་ལ་མཐའ་མེད་པ་དང་གཅིག རྒྱ་མི་ལ་ཁྲེལ་མེད་པ་གཉིས་ལ་བསམས་ནས་འབད་བརྩོན་གནང་རོགས་ཞུ།།

འཛམ་བུ་གླིང་ལ་འདི་འདྲ་དྲི་སྒྲགས་བྱེད་པ་རྗེས་སུ་ཡི་རངས་ཡོད།

འཇམ་དབྱངས་ནོར་བུས་རང་བཙན་ཁུངས་སྐྱེལ་གྱི་ངོ་སྤྲོད་ཡག་པོ་བྱས་འདུག
འགན་ཁུར་ནས་ལས་དོན་བསྒྲུབ་འདུག
རྗེས་སུ་ཡི་རངས་ཡོད།
ཨ་མའི་བུ་ད་དུང་མུ་མཐུད་དུ་དཔང་རྟགས་འདི་འདྲ་འཚོལ་བསྒྲུབ་གནང་རོགས།
རྗེས་མ་ཞིག་ལ་ཕན་ངེས་ཡིན་ནི་རེད།