བཀའ་ཁྲི་འཚོལ་བ །

ཟམ་གདོང་བཀའ་ཁྲི་བསྐྱར་དུ་ཡོང་བའི་སྒོ་ཞིག་གནས་ལུགས་དང་རྒྱུ་མཚན་གང་གི་ཐོག་ནས་ལྟོས་ན་རྩ་ནས་མེད་ལ། བོད་ཞེན་ཆེ་མདོག་གི་སྐབས་འཚོལ་བ་ཁ་ཤས་ཀྱིས་སྲིད་ན་མེད་པའི་ཞབས་འདྲེན་གྱི་ལས་ཀ་འདི་འདྲའི་ཐད་ལ་འདྲེ་ལག་མ་བརྐྱང་རོགས། འབྱུང་འགྱུར་བཀའ་བློན་ཁྲི་བ་དེ་ཐེངས་དང་བོ་བླ་མ་དང་གྲྭ་བ་ཡིན་མི་ཉན་ལ། ཐེངས་གཉིས་པ་དེ་སྐུ་དྲག་ཡིན་མི་ཉན། དེ་ཚོ་དངོས་གནས་འདིའི་ཐད་སེམས་ཁུར་ཡོད་མཁན་ཚེ་ཤེས་དགོས་སོ།

ནུས་ཤུགས་དང་འཇོན་ཐང་ཟད་ཚར་བའི་མི་ཞིག་ལ་་་ད་དུང་་བརྒྱ་ཆའི་བརྒྱ་བློ་བཀལ་བྱས་ནས་སྡད་པའི་མི་དེ་དང་གཞུང་དེ་ནི་ལྐུག་པ་རེད།

རེན་པོ་ཆེ་ཡང་སྐྱར་བཞུགས་པ་དང་སློབ་སྟོན་གནང་ནས་བཞུགས་པ་གཉིས་གང་དགའ་བསམ་བློགབཏང་རྒྱུ་རེད་

བསྟན་འཛིན་ཡོན་ཏན་གྱི་བསམ་ཚུལ་འདིར་རྒྱབ་སྐྱོར་ཡོད། གཙོ་བོ་ཆོས་ཕྱོགས་མ་ཡིན་པར་ཁོང་གི་སྲིད་ཕྱོགས་ཀྱི་འཛིན་སྐྱོང་དང་མི་ཆོས་ཀྱི་ཕྱོགས་ནས་གསུང་རྩོམ་རེ་སྤེལ་ཐུབ་ན་དངོས་གནས་ཕན་ཐོགས་ཆེན་པོ་ཡོང་གི་རེད། ང་ཚོར་ཁ་ཚ་དགོས་གཏུགས་འདྲ་ཞིག་ཆགས་འདུག

ང་ཚོའི་ཁྲིམས་ཞིབ་ཁང་འདིར་ནག་ཅན་གྱི་ཁྲིམས་ཐག་གཅོད་པའི་དབང་ཚད་ཡོད་པ་མ་རེད། བཙོན་ཐག་གཅོད་པའི་དབང་ཚད་ཀྱང་ཡོད་པ་མ་རེད། ཡིན་ཡང་། དམངས་ཁྲོད་ཀྱི་རྩོད་རྙོག་འདུམ་སྒྲིག་བྱེད་རྒྱུའི་དབང་ཚད་འདྲ་ཞིག་ཡོད་པ་རེད། ཡིན་ཡང་། དེ་ལ་གུས་བརྩི་བྱེད་ཀྱིན་ཡོད་པ་མ་རེད། དེ་བས་རིན་པོ་ཆེ་དངོས་གནས་གངས་སྐྱིད་དུ་མུ་མཐུད་བཞུགས་འདོད་ཡོད་ཚེ། ཁྲིམས་ཞིབ་ཁང་འདི་ལའང་བོད་མི་ཚོས་གུས་བརྩི་བྱ་ཐུབ་པ་ཞིག་བཟོས་ན་འགྲིག་གི་རེད། ཁོང་ལས་ལྷག་པའི་མི་ཞིག་ཕལ་ཆེར་ཁག་པོ་རེད། ང་ཚོའི་འདི་གཙོ་བོ་གུས་བརྩི་ལ་ཐུག་ཡོད་པ་མ་གཏོགས། ཁྲིམས་ཀྱི་ངོ་བོར་ཐུག་ཡོད་པ་མ་རེད།

ངས་བལྟས་ན་༸གོང་ས་མཆོག་བཞུགས་པའི་སྐབས་འདིར་བཀའ་ཁྲི་གསར་པ་ཞིག་བདམས་ན་དགེ་མཚན་ཆེ། ཟམ་གདོང་རིན་པོ་ཆེས་སྤྱི་འཐུས་ཚོགས་གཙོ་དང་བཀའ་ཁྲི་བཅས་ཐེེངས་དུ་མར་གནང་སྟེ་ཕྱག་ལས་གལ་ཆེན་མང་པོ་ཞིག་གནང་ཚར་བ་རེད། དེ་ལས་ལྷག་ཅིག་གནང་རྒྱུ་མེད་པ་ནི་ཁོང་གི་བཀའ་ཁྲི་ཐེངས་གཉིས་པའི་སྐབས་ཀྱི་ད་ལྟའི་གནང་སྟངས་འདིས་གསལ་པོ་ཤེས་ཐུབ། གནང་རྒྱུ་མེད་ཟེར་བ་ཁོང་གིས་མི་འཇོན་ཟེར་བའི་དོན་མིན་པར། ང་ཚོའི་གནས་སྟངས་དབང་གིས་འདི་ལས་ལྷག་ཅིག་གནང་ཐབས་མེད་པ་ཆགས་ཡོད། ད་ཁོང་ཁྲིམས་ཞིབ་པར་ཕེབས་ཀྱང་ཁྲིམས་ཞིབ་ཁང་དུ་ཁྲིམས་ཀྱི་འགྲོ་སྟངས་བཟོ་རྒྱུ་འདྲ་མང་པོ་ཡོད་ན་མ་གཏོགས། བོད་གཞུང་དམངས་ལ་ཐད་ཀར་ཕན་གནོད་འབྲེལ་བའི་ཕྱག་ལས་རྒྱ་ཆེན་པོ་ཞིག་གནང་རྒྱུ་ཡོད་ཚོད་མི་འདུག ཁྲིམས་ཀྱི་འགྲོ་སྟངས་ནི་ཁྲིམས་ལུགས་མཁས་པ་ཚོས་རིམ་པས་བཟོས་ན་འགྲིག་སྙམ། དེ་བས་ངའི་བསམ་ཚུལ་བྱས་ན། རིན་པོ་ཆེས་ང་ཚོའི་ཆབ་སྲིད་ཀྱི་དབུ་ཁྲིད་གནང་ཚར་བ་རེད། ད་ནི་ཆོས་ཕྱོགས་ཀྱི་དབུ་ཁྲིད་ཅིག་གནང་ན་ལེགས་སྙམ་པས། གདན་སར་ཕེབས་ཏེ་རིམ་པས་དགའ་ལྡན་གསེར་ཁྲིར་བཞུགས་ན་ཆོས་ཕྱོགས་ཀྱི་ལས་དོན་རྒྱ་ཆེན་པོ་གནང་རྒྱུ་ཡོད་ངེས་རེད་ལ། ཕན་ནུས་ཀྱང་གཞན་ལས་ལྷག་པ་ཞིག་ཏན་ཏན་ཐོན་ངེས་རེད་སྙམ། ༸གོང་ས་མཆོག་ལའང་ཆོས་ཕྱོགས་ཀྱི་ལས་དོན་ནུས་ལྡན་སྒྲུབ་མཁན་གྱི་ཕྱག་རོགས་ཤིག་དགོས་ཀྱི་ཡོད། ད་ལྟའི་དགའ་ལྡན་ཁྲི་པ་ལྟ་བུ་ནི་རྒྱུན་དུ་ཕྱི་རྒྱལ་ལ་བཞུགས་ཏེ་གདན་སའི་འཆད་ཉན་སློབ་གཉེར་དང་། འགྲིག་ལམ་ཀུན་སྤྱོད། འཛིན་སྐྱོང་སོགས་ཀྱི་ཐོག་གཟིགས་རྟོག་གནང་ཐུབ་ཀྱི་མེད། དེར་བརྟེན། ཟམ་གདོང་རིན་པོ་ཆེ་ལྟ་བུ་ཞིག་གིས་གདན་སར་བསྟན་པའི་ཁུར་ཆེན་བཞེས་རྒྱུ་ན་དངོས་གནས་བསྟན་པ་སྤྱི་སྒེར་ལ་ཕན་ཆེན་པོ་ཐོགས་ངེས་རེད་སྙམ།

སྤྱིར་འཇོན་ཐང་གི་ཐད་ནས་ཁོང་གི་ལྷག་ཅིག་ང་ཚོ་ལ་རེག་དཀའ་ཡང་། ཁོང་ཡང་འཆི་མེད་རྒས་མེད་མིན་པས། ད་ངལ་གསོ་བརྒྱབ་བཅུག་ན་ཡག་གི་རེད། རྒྱ་ནག་ལ་ཡང་ཅུང་ངོ་ཚ་ཤེས་ན་ཡག་གི་རེད། ཅིའི་ཕྱིར་ཞེ་ན། བཙན་བྱོལ་ཚང་ལ་བླ་རྒན་འདི་མ་གཏོགས་ཅང་མེད་ཟེར་བ་འདྲ་བོ་ཞིག་བྱེད་དགོས་པ་ཡོད་པ་མ་རེད། གཞོན་སྐྱེས་ཚོ་ལ་གོ་སྐབས་སྤྲད་ན་འཇོན་མི་མེད་པ་སུས་ཐག་གཅོད་ཐུབ། གལ་སྲིད་ཡག་པོ་ཞིག་སྲིད་སྟེགས་སྟེང་མ་སླེབས་ན་ཡང་ད་ལྟ་༸གོང་ས་མཆོག་བཞུགས་ཡོད་པས་དེ་ཙམ་གནད་འགག་ཡོད་པ་མ་རེད། ད་རེབ་ཀྱི་འདི་གཅིག་བྱས་ན་ང་ཚོ་ལ་ཉམས་མྱོང་བསག་སའི་གོ་སྐབས་ཤིག་ལ་ངོས་འཛིན་བྱས་ནའང་འགྲིག་གི དེའི་ཕྱིར་ད་རེབ་ངེས་པར་དུ་གཞོན་སྐྱེས་ཤིག་ལ་བསམ་བློ་གཏོང་དགོས།

རྩ་བའི་ཆ་ནས་གྲོ་གླེང་འདི་འདྲ་གནང་བ་དེ་ཡག་པོ་འདུག ཡིན་ནའང་ད་དཡང་མི་མང་པོས་ཟམ་དོང་རིན་པོ་ཆེ་ཡང་སྐྱརའདེམས་རྒྱུའི་བསམ་ཚུལ་བཏོན་པ་དེ་ནོར་འཁྲུལ་ལྟ་བུར་སྣང་།

ང་ཚོའི་མང་གཙོའི་གཞུང་འདི་བརྟན་པོ་ཞིག་ཆགས་ཐབས་དང་། དེ་བཞིན་མང་གཙོའི་རྩ་ཁྲིམས། རིན་པོ་ཉིད་ཀྱི་དགོངས་པ། མི་རབས་གསར་པ་གཞན་ཚོའི་གནས་བབ། ཕྱིས་འབྱུང་མུ་མཐུད་དེ་གཞུང་མང་གཉིས་ཀྱི་རྨང་གཞི་སྲ་བརྟན་གཏོང་ཐབས་སོགས་ལ་གཞིགས་ཏེ་ད་གཟོད་བཀའ་ཁྲི་གསར་པ་གཅིག་ངེས་པར་དུའང་འདེམས་དགོས།

མི་མང་ཚོས་ཕུགས་རྒྱང་རིང་པོའི་བསམ་བློ་གཏོང་དགོས་པའི་དུསཚོད་ཅིག་ཡིན།

རྩ་བའི་ལས་འགུལ་ཆེ་ཆུང་ཅི་ཞིག་རྩོམ་ནའང་དུས་ཀྱི་གནས་བབ་ལ་མནོ་བསམ་གཏོང་དགོས།ཐེངས་འདིའི་བགྲོ་གླེང་ལྟ་བུ་ལ་མཚོན་ན་སེམས་ཁུར་ཡིན་དུ་འཆུག་ཀྱང་བཀའ་ཁྲིའི་སྐོར་ནས་ཟམ་གདོང་རིན་པོ་ཆེ་གླེང་བ་ནི་རིན་པོ་ཆེའི་དགོངས་པ་དང་།དེ་བཞིན་བོད་གཞུང་གི་རྩ་ཁྲིམས་སོགས་གང་ཅི་ལ་རྒྱུས་ལོན་བྱས་མེད་པའི་སྐྱོན་ཞིག་རེད།གང་ཞེ་ན།་ཁྲིམས་ཕྱོགས་ནས་དུས་ཐེངས་གཉིས་ལས་བཀའ་ཁྲིར་བཞུགས་མི་ཆོག་པ་དང་།གཞན་དུ་ན་རིན་པོ་ཆེ་ཁོང་ཐེངས་གསུམ་པར་ཕེབས་འདོད་ཀྱི་དགོངས་པ་མེད་པས་སོ།།དེས་ན་ཐེངས་འདིའི་ལས་འགུལ་འདི་འདྲ་ཅིའི་ཕྱིར་རྩོམ་དགོས་མིན་ནི་འགྲེལ་བཤད་མ་དགོས་སོ།་།