བོད་མིའི་བཀའ་བློན་ཁྲི་པ་གང་འདྲ་ཞིག་དགོས་སམ། བུ་ཆུང་ཚེ་རིང་།

དག་བཅོས། བཙན་བྱོལ་བོད་པའི་སྤྱི་ཚོགས་ནང་ལ།

བཙན་བྱོལ་གཞུང་གི་ལས་རིགས་སྒྱུར་བཅོས་བྱས།།
གཞིས་ཆགས་སྲ་བརྟན་རྒྱ་བསྐྱེད་སྣ་མང་བསྐྲུན།།
མཁས་དབང་བཀའ་ཁྲི་ཟམ་གདོང་བླ་མ་རྗེ།།
བཀའ་བློན་གཞན་གྱི་འགྲན་པའི་ཟླ་དང་བྲལ།།

འགན་ཁུར་བའི་ཐོག་ལས་དོན་འདིའི་སྟེང་དགོངས་ཚུལ་འདོན་རྒྱུ་ཤིན་ཏུ་གལ་ཆེ།དང་པོ་བཀའ་ཁྲིའི་འོས་ཆོས་ངོ་འཕྲོད་པའི་ཐོག་ནས་གཉིས་པ་བཀའ་ཁྲིའི་འོས་དམིགས་འདོན་རྒྱུ་ཡིན་ན་དཔྱད་བསྡུར་བྱེད་སྟངས་སྟབས་བདེ་རུ་སོང་བ་ཡིན།
དེས་ན་གླེང་བརྗོད་སྤེལ་སྟངས་ཀྱི་ཆ་ནས་འོས་ཆོས་དང་འོས་དམིགས་གཉིས་རེ་རེ་བའི་ཐོག་དགོངས་ཚུལ་འདོན་པ་མ་ཡིན་པར་དེ་གཉིས་ཡ་བྲལ་དུ་མ་གྱུར་བ་ཞིག་ངེས་པར་དགོས།མདོར་ན་རྗེས་མའི་བཀའ་ཁྲི་དེར་འོས་ཆོས་ཚང་དགོས་པ་དག་གང་ཡིན་གསལ་པོ་གསལ་པོ་བཟོས་ཏེ།དེ་དག་ཚང་བ་ཞིག་དང་ཚང་བ་མང་ཤོས་འདེམས་རྒྱུ་ལས།སྐྱ་སེར་དང་རིགས་རུས།ཕོ་མོ།རྒན་གཞོན་གྱི་ཁྱད་འབྱེད་སྟངས་འདི་དམངས་གཙོའི་ཁྲིམས་དང་འགལ་བ་ཡིན།

ཡང་སྐྱར་་་་་ སྤྱིར་བཀའ་ཁྲིའི་འོས་གཞི་འདེམས་རྒྱུ་དེ་ནི་མ་འོངས་པའི་གནས་བབ་ལ་བསམ་ནས་འབྱུང་འགྱུར་བོད་ཀྱི་ཕུགས་འདུན་སྒྲུབ་ཐུབ་མཁན་ཞིག་ལ་བསམ་རྒྱུ་ལས། ང་འདི་ལ་དགའ་རབ་དང་ཁོ་ངའི་ཉེ་གནས་ཞིག་ཡིན་རབ། ཁོས་ང་ལ་ཡག་པོ་ཞིག་བྱས་སོང་། ད་དུང་ཆོལ་ཁ་དང་ཆོས་ལུགས། ཐ་ན་ཡུལ་ལུང་དང་སྡེ་ཁག་གཅིག་པ་ཡིན་རབ་གླེང་ནས་འོས་བླུགས་པ་ཡིན་ན་ནི། འོས་དེ་འཕྲོ་བླགས་དང་ཆུད་ཟོས་སུ་བཏང་པ་ལས་མ་འདས།
ཡིད་ཆས་དང་མོས་མཐུན་ནི་མིའི་བསམ་བློ་ལས་འབུས་པ་རེད། ང་ཚོས་ཡང་མ་འོངས་པའི་བོད་དང་བོད་ཀྱི་འདུན་ལམ་དེ་ང་ཚོ་རང་ཉིད་ཀྱི་ལག་པར་ཡོད། མི་ཞིག་གིས་ཉེ་རིང་ཆགས་ལྡིང་སྤང་ནས་བོད་སྤྱི་དོན་དངོས་དེ་བསམ་ན་ད་གཟོད་མ་འོངས་བོད་མིའི་འོས་དམིགས་དང་འདུན་པ་འགྲུབ་ཡོང་པར་འདུག་

གོང་དུ་བུ་ཆུང་ཚེ་རིང་ལགས་ནས་བཀའ་ཁྲི་གང་་འདྲ་ཞིག་དགོས་ཀྱི་ཡོད་མེད་ཐད་ལ་དགོངས་ཚུལ་གསུངས་འདུག་པ་དེ་ལྟ་བུ་མང་ཙམ་བཀོད་ཐུབ་ཚེ་དགེ་མཚན་འདུག ང་ཚོའི་རྗེས་མའི་བཀའ་ཁྲི་འདེམས་རྒྱུ་དེར་གདེངས་སྤོབས་སྤྲོད་ཐུབ།
འོན་ཏེ་ཁྱེད་ནས་དེང་གི་བཀའ་ཁྲི་ལས་ལྷག་པའི་མི་སྣ་ཞིག་ལ་གདེངས་འཇོག་དང་ཡིད་ཆེས་གནང་གི་ཡོད་ཚོད་འདུག ངས་བལྟས་ན་དེ་ནི་ཧ་ཅང་གི་ཁག་པོ་ཞིག་རེད། ང་ཚོ་ནི་ཆོས་ལུགས་ཀྱི་ཤན་ཤུགས་ཆེ་ཡོད་པའི་མི་རིགས་ཤིག་ཡིན་སྟབས་ང་ཚོས་དད་སེམས་དང་ཆབ་སྲིད་ཀྱི་རེ་བ་བཅོོལ་ཡུལ་གཉིས་གཞི་གཅིག་གི་སྟེང་ནས་ང་ཚོས་སེམས་ཁམས་སུ་རན་ཐབས་བྱས་ཚེ་དེ་དགེ་མཚན་ཆེ་བ་མཐོང་གི་ཡོད་པ་ལས་ཆོས་ལུགས་ཀྱིས་ཆབ་སྲིད་ལ་དོ་ཕོག་བཏང་བའི་རྒྱ་ནག་དམར་གཞུང་གི་རིག་གསར་གྱི་སྒྲུང་གཏམ་བག་ཆགས་ལ་བློ་ཕྱོགས་ཚེ་ང་ཚོའི་མི་རིགས་ལ་ནམ་ཡིན་ཡང་བློ་ཁ་ཁེངས་མི་སྲིད་པས་དེ་ངེས་པར་བསམ་བློར་འཇགས་དགོས་ཀྱི་འདུག
ངས་དེ་ལྟར་བརྗོད་སྐབས་བཀའ་ཁྲི་དེ་མི་སྐྱ་ཞིག་སླེབས་ཚེ་ད་ལྟའི་བཀའ་ཁྲི་ལས་ལྷག་པ་ཞིག་ཡོང་གི་རེད་ཅེས་པ་དེ་ཆོས་ལུགས་ཀྱི་ཤན་ཡོད་པའི་ཆ་ནས་ཞུ་གི་ཡོད་ཚེ་རྦད་དེ་ནོར་བ་རེད་ཅེས་ཞུ་གི་ཡོད།
ཡིན་ནའི་མ་འོངས་པར་གདེངས་ཚོད་དང་འོབ་་ཚོད་བྱ་ཐབས་བྲལ་བས་བཀའ་འདྲི་ད་ལྟའི་འདི་ལས་ལྷག་པ་ཞིག་ཡོང་བར་རེ་བ་བྱེད་ཆོག་པ་ཡིན།
ཁྱེད་རང་ནས་བཏོན་གནང་བའི་དཔལ་རྒྱལ་བ་ཀརྨ་པ་མཆོག་དང་། ཨཀྱཱ་རིན་པོ་ཆེ་རྣམ་གཉིས་ནས་བཀའ་བློན་ཁྲི་པ་གནང་རྒྱུ་ཧ་ལམ་ཡོང་གི་མ་རེད། གང་ལགས་ཞུས་ན་གཅིག་དགུང་ན་ཆུང་དྲགས་པ་དང་། གཅིག་ནི་ཆོས་ལུགས་ཀྱི་འཆད་ཁྲིད་ཐད་ཁྱད་དུ་འཕགས་པ་ཡོད་སྲིད་ཀྱང་། སྲིད་དོན་ཐད་ནུས་པ་བཏོན་ཐུབ་མཁན་ཞིག་ང་རང་གི་མཐོང་གི་མི་འདུག དེ་མིན་ང་ཕོད་འཇིགས་མེད་ལྟ་བུར་འོས་ཐོབ་རྒྱུ་འདི་ཧ་ཅང་ཁག་པོ་རེད། དཔེར་ན་ང་ཕོད་འཇིགས་མེད་ཀྱི་ཕ་ང་ཕོད་ངག་དབང་འཇིགས་མེད་དང་ཀུན་གཟིགས་པཎ་ཆེན་རིན་པོ་ཆེ་མཆོག་ནས་སྔ་རྗེས་སུ་བོད་ནང་བོད་ཀྱི་སྐད་ཡིག་ཡར་རྒྱས་གཏོང་རྒྱུ་དང་ཕོ་བྲང་པོ་ཏཱ་ལ་སོགས་བོད་་ཀྱི་གནའ་རབས་རིག་གཞུང་ཡར་རྒྱས་གཏོང་རྒྱུའི་ཐད་རྒྱ་མིའི་དཔོན་རིགས་རྣམས་དང་ཐེངས་མང་པོར་ཚོགས་འདུའི་ཐོག་འགན་འཁུར་བླངས་ཏེ་་བསམ་འཆར་བཏོན་ཡོད་ཀྱང་། དེའི་གྲུབ་འབྲས་དེ་ཚོ་ད་ལྟ་གླེང་སྐབས་ཧ་ལམ་ང་ཕོད་ངག་དབང་འཇིགས་མེད་རྦད་དེ་མི་ནག་པོ་ཞིག་ཡིན་པའི་གྲུབ་ཆེད་ཁོ་ན་བཏོན་གྱི་ཡོད་སྟབས་ཁོང་ལ་ཕའི་བག་ཆགས་ཀྱི་ཐོག་ནས་བཙན་བྱོལ་ནང་ཁག་ཅིག་ནས་ལྟ་སྟངས་ཧ་ཅང་ངན་པ་འདུག བྱས་ཙང་ཤེས་ཡོན་ཡོད་ཅིང། མི་རབས་ལོ་རྒྱུས་ཐོག་བོད་ས་མ་ཤོར་གོང་གི་བཀའ་བློན་ཞིག་གི་ཕྲུ་གུ་ཡིན་པ་དང་། ད་ལྟ་གནས་སྟངས་དེ་འདྲ་ཞིག་གི་འོག་ཏུ་བཙན་བྱོལ་དུ་བོད་མི་ཚོ་དང་སྐྱིད་སྡུག་མཉམ་མྱོང་གིས་ལས་ཀ་བྱ་བཞིན་ཡོད་ཀྱང་། ཞིབ་ཕྲའི་རྒྱབ་ལྗོངས་ལོ་རྒྱུས་ལ་ལྟ་མཁན་ཧ་ཅང་དཀོན་པོ་ཆགས་ཡོད།
འབྲོང་ཆུང་དངོས་གྲུབ་ལྟ་བུ་ནི་བོད་དང་ཐད་ཀར་འབྲེལ་བ་ཡོད་པ་ཙམ་དུ་མ་ཟད། ད་བར་བཙན་བྱོལ་སྤྱི་ཚོགས་ཀྱི་གནས་བབས་ ཐད་ཧ་ཅང་འབྲེལ་བ་ཆེན་པོ་ཡོད་པའི་མི་ཞིག་རེད། རྒྱ་གར་གཞུང་ནས་བོད་མི་བལ་ཡུལ་སྣེ་ལེན་དུ་སླེབས་པ་ནས་བཟུང་རང་རྐྱ་མི་འཕེར་བའི་བར་དུ་ལམ་སྟོན་བྱ་རྒྱུ་དེ་ཧ་ཅང་ཁག་པོ་རེད། ཡིན་ནའང་དེའི་ནང་བཙན་བྱོལ་བོད་གཞུང་གི་སྒྲིག་འཛུགས་ཡོད་པ་དེས་ནུས་་ཤུགས་ཧ་ཅང་ཆེན་པོ་བཏོན་ཐུབ་ཀྱི་ཡོད་ལ། ལྷག་པར་དུ་འབྲོང་ཆུང་དངོས་གྲུབ་ནས་མངོན་གསལ་མེད་པའི་ནུས་ཤུགས་ལྡན་པའི་མི་ཞིག་རེད། དེ་འདྲ་སོང་ཙང་ཁོང་བོད་ལ་འབྲེལ་བ་ཡོད་པ་ཙམ་མ་ཟད། བཙན་བྱོལ་སྤྱི་ཚོགས་ཧྲ་ཐག་ཐག་ཞིག་གནས་ཐབས་སུ་ཞིབ་ཕྲའི་གནས་སྟངས་ཧ་ཅང་རྒྱུས་ལོན་ཡོད་པ་ཞིག་རེད། དེར་བརྟེན་ཁོང་རྗེས་མའི་བཀའ་་ཁྲི་མཚམས་ཤོས་གྲས་སུ་ཡོད་རེད། འོན་ཏེ་དེ་ཁག་པོ་ཞེ་དྲག་རེད། ཁོང་ནི་ལས་དོན་གྲུབ་རྒྱུ་ལས་ངོ་སོ་གཏོང་རྒྱུར་་མི་དགའ་བ་དང་། སྤྲེལ་ལད་དང་བསླུ་བྲིད་མི་ཤེས་པས་གཞན་གྱི་མཐོང་ཚུལ་ནང་ཁོང་ནི་མི་ནུས་མེད་ཉམས་ཆུང་ངུར་བསྡད་མཁན་ཞིག་ཏུ་ངོས་འཛིན་བྱ་གི་ཡོད་པས་ང་ཚོའི་རྗེས་མའི་བཀའ་བློན་དེ་གཞན་པ་ཞིག་འདེམས་དགོས་ས་རེད།།

གལ་སྲིད་ཁེངས་བསྡད་ཡོད་ན་རྒྱལ་བ་ཀརྨ་པ་འདྲ་བོ་ག་ཚོད་འདུག ཨཀྱ་རིན་པོ་ཆེ་ནང་བཞིན་ག་ཚོད་འདུག འབྲོང་ཚུང་ལྟ་བུ་ག་ཚོད་འདུག ང་ཕོད་འཇིགས་མེད་ལྟ་བུ་ག་ཚོད་འདུག རེ་རེ་བཞིན་གྲངས་ཀ་ཞིག་རྒྱོབ་དང་།

ཁོང་ཚོ་འདྲ་བོ་ད་བཙན་བྱོལ་ནང་ན་ཁེངས་བསྡད་ཡོད་པ་རེད། བོད་ནང་ནའང་ཁོང་ཚོར་བཀའ་ཁྲི་ལ་འཇོན་གི་རེད་བསམ་ནས་་རེ་བ་རྒྱག་མཁན་ཡོད་པ་མ་རེད།