ང་ཁྱོད་ཡིན་ན་༧གོང་ས་མཆོག་གི་རྐུབ་བལྡག་མཁན་ཚོ་ཟེར་བའི་རྩོམ་ཡིག་མ་བྲིས་གོང་དུ། ངས་སྔ་གཞུག་ཀུན་ཚང་མ་ལ་བསམ་བློ་ཞིབ་མོ་ཞིག་བཏང་ཡོད་ངེས་ཡིན། འདི་ལྟར་རྩོམ་ཡིག་དེ་འདྲ་ཞིག་སྤེལ་རྗེས་ང་རང་ལ་མི་ཁའི་རླུང་ནག་རྒོད་པོ་ཞིག་ཡོང་རྒྱུ་དེ་ནི་གཏན་འཁེལ་བྱེད་ཐུབ། དེས་ན་ང་རང་གིས་རང་གི་རྩོམ་ཡིག་འདི་ལ་འགན་ཆགས་དགོས། སྐད་ཆ་བཟང་ངན་སྣ་ཚོགས་ཤིག་ཡོང་ངེས་ཡིན། ངས་དེ་དག་ལ་ལན་འདེབས་བྱེད་རྒྱུའི་གྲྭ་སྒྲིག་བྱེད་དགོས། ལན་འདེབས་བྱེད་སྟངས་དེ་ཡང་ཕྱོགས་ཞེན་དང་ང་རྒྱལ། འཁོན་འཛིན་དང་དམོད་ཚིག་མེད་པར་ལན་འདེབས་བྱེད་དགོས་བསམ་ངེས་ཡིན་ལ། ང་རང་ལ་དད་པ་དག་སྣང་ཡོད་མེད་དེ་ནི་རྩོམ་ཡིག་དེ་ཙམ་གྱིས་ཁོང་ཚོས་ང་རང་ལ་ཐག་གཅོད་བྱེད་མི་ཐུབ་སྙམ་སྲིད་པ་དང་། ངས་འདི་ལྟར་གླེང་དོན་ཡང་ང་རང་གི་གི་ཁེ་དབང་དང་སྙན་གྲགས་ཀྱི་ཆེད་དུ་མིན་སྟབས། བཟང་ངན་གང་དང་འཕྲད་ཀྱང་ང་རང་ལ་རང་གིས་བསམ་ཚུལ་དང་རྒྱབ་ལྗོངས་ཤིག་ཡོད་ཅེས་སྤོབས་པ་ཆེན་པོའི་སྒོ་ནས་བཟང་ངན་དཀར་ནག་གི་གཡུལ་འཐབ་ཁྲོད། རང་གི་རིགས་ལ་བཅིངས་པའི་འདུན་པ་དེ་ཉིད་གསལ་སྟོན་བྱེད་རྒྱུའི་ཆོད་སེམས་ཤིག་འཇོག་ངེས་ཡིན། ཡིན་ཡང་། ང་རང་ཁྱོད་མིན་པས། རྩོམ་ཡིག་གཅིག་གི་ཆེད་དུ་རང་གི་ཚེ་སྲོག་གི་རྒྱུན་ཐག་ལྟ་བའི་སྐད་ཡིག་གི་ཞིང་ས་འདི་ནས་འབུད་སོང་བ་རེད།
ཁྱེད་རང་སོང་ཤུལ་ཏུ། ཁྱེད་རང་གླེང་མཁན་ཡང་མང་བོ་ཞིག་བྱུང་བ་དེ་ཡང་དགེ་སྐྱོན་གཉིས་ནས་ཡོང་ཡོད་པ་རེད་ལ། ང་རང་ཡང་ཁྱེད་ཀྱི་བསམ་ཚུལ་ལ་སྐྱོན་བརྗོད་བྱེད་མཁན་ཞིག་ལས། ཉིད་ཀྱིས་མི་གཤིས་ལ་སྐྱོན་བརྗོད་བྱས་མེད་ལ། ལྷག་པར་ཏུ་སྐུ་ཉིད་ལ་གཏན་ནས་རྒྱུས་མྱོང་མེད་མཁན་ཞིག་གི་ངོས་ནས་བཤད་ན། ཁྱེད་རང་ལ་གཏན་ནས་་འཁོན་འཛིན་དང་ངན་སེམས་ཤིག་གཏན་ནས་བཅིངས་མྱོང་མེད་ལ། བཅིངས་དགོས་དོན་ཡང་གཏན་ནས་མེད་པ་རེད། འཁོན་འཛིན་བྱེད་དགོས་ཀྱང་བྱེད་ས་ཁྱེད་རང་གཏན་ནས་མིན། རྒྱུ་མཚན་ནི་ཁྱེད་རང་ངའི་ཤ་ཁྲག་གཅིག་གི་སྤུན་ཟླ་ཡིན། སྤུན་ཟླའི་ཆེད་དུ་གང་ཡང་གཏོང་འཕོད་དགོས་ཀྱི་ཡོད་པ་རེད།
ང་རང་ཁྱེད་ཡིན་ན། ངས་རང་ཉིད་ཀྱི་མི་ཚེའི་འདུན་མ་བདེན་དཔུང་དུ་བཞག་ནས། མི་ཁ་ཙམ་ལ་བརྟེན་ནས་རང་གི་ལྟ་ཚུལ་དཔྱད་གླེང་བྱེད་སའི་སྟེགས་པུ་འདི། གད་སྙིགས་ལྟར་ལས་སླ་བོ་ཞིག་འདོར་རྒྱུའི་བསམ་ཚུལ་ནམ་ཡང་བྱུང་མི་སྲིད་ལ། ཐ་ན་རང་ལ་བདེན་དཔུང་ཡོད་པ་ཞིག་ཡིན་ན་རང་གི་ཚེ་སྲོག་གིས་ཀྱང་བདེན་དཔུང་བྱེད་པའི་དམ་བཅའ་འཇོག་ངེས་ཡིན། ཡིད་སྐྱོ་བ་ཞིག་ལ། ང་རང་ཁྱེད་མིན་པས་མི་ཁ་ལ་འཛེམ་ནས་རང་གི་གཏམ་ལ་རང་གིས་འགན་ལེན་མི་བྱེད་པར། ད་ནི་ཤི་གསོན་ཡང་མི་ཤེས་པའི་མི་ཞིག་དང་འདྲ་བར། གར་ཡོད་གར་བྱེད་ཀྱི་གནས་ཚུལ་ཙམ་ཡང་མི་འདུག
ཞོགས་ལྗང་དེ་དངོས་གནས་བསམ་བློ་བ་ཞིག་ཡིན་ས་རེད།
དབུས་ཕྲུག་ལགས། ཉིད་ཀྱིས་བདག་གི་བསམ་ཚུལ་རྒྱབ་སྐྱོར་གནང་བ་ཐུགས་རྗེ་ཆེ།
བསེ་རུ་ལགས། ཁྱེད་ལ་ཐུགས་ཁག་མེད་ཀི ཡིན་ཡང་། ངེད་ཅག་ཚང་མ་མི་ཁོམ་པའི་གནས་སུ་ལྷུང་ཡོད་པ་རེད། ང་རང་ཡང་མི་རིང་བར་འདི་ལས་ཀྱང་མི་ཁོམ་པའི་གནས་སུ་གྱུར་འགྲོ་ངེས་ཡིན།
ཇིང་སྲས་ལགས། ངས་ཉིད་རང་བཞི་བདག་ཞིག་ཡིན་པ་དེ་རིང་མ་གཏོགས་མ་ཤེས་ཀྱང་། བཞི་བདག་སྒྱུད་ལུག་ཞིག་མིན་འགྲོ དངོས་ནས་དལ་ནོ་དལ་ནོ་རུས་སྤལ་ནུར་དང་འདྲ་བོ་འདུག ཨ་ལ་ཀུ་རེ་ཡིན། མུ་མཐུད་དུ་ཕེབས་རྒྱུ་ཡིན་ཟེར་བ་དེར་དགའ་བསུ་ཡོད།
གཉའ་འབྲོང་ཐུ་བུ་ལགས། ཞོགས་ལྗང་གིས་གང་ཞིག་བསམ་བཞིན་ཡོད་མེད་དེ་ནི་ངེད་ཅག་གིས་ཁ་ཚོད་མི་ཟིན་ན་ཡང་། ངེད་ཅག་གིས་ཁོ་རང་གིས་རྩོམ་ཡིག་ལ་དེ་ལ་རྒྱབ་སྐྱོར་བྱེད་མི་ཐུབ་ཀྱང་། ཁོ་རང་གིས་རྩོམ་ཡིག་གཞན་དག་ལ་ངེད་ཅག་གིས་རེ་བ་ཞིག་བཞག་ན་རེད། དེ་འདྲ་མ་རེད་དམ།
ཞོགས་ལྗང་གིས་ཅི་ཞིག་བསམ་ཡོད་མེད་ཧ་མི་གོ།
གཞི་བདག་ཇིང་སྲས་ཡོང་ནས་བུད་སོང་ང་། མུ་མཐུད་དུ་ཡོང་གི་ཡིན།
ང་རང་ཡང་ཞོགས་ལྗང་གི་རྩོམ་ཡིག་གི་ཁ་བྱང་མཐོང་བ་ཙམ་གྱིས་སེམས་ལ་འཇིགས་དངངས་ཤིག་སྐྱེས་བྱུང་། ངས་རྩོམ་ཡིག་དེ་དྲ་ཐོག་ནས་པར་བཤུས་བྱས་ཏེ་ལན་ཞིག་འབྲི་དགོས་བསམ་བྱུང་ཡང་། དྲ་ཐོག་ནས་དྲ་གྲོགས་མང་པོ་ཞིག་གིས་གཅིག་ཤོར་གཉིས་ཤོར་སྐབས་དེར་རང་ནུས་གང་ཡོད་ཀྱིས་ལན་འདེབས་རེ་གནང་སོང་། དེའི་ཁྲོད་ཀྱི་གཅིག་ནི་ཤ་ཁྲག་རུས་གསུམ་ཁྱེད་ཡིན། ང་རང་ཆེས་རྗེས་ལུས་ཐེབས་པས་ང་ལ་གྲོགས་ཚོའི་བསམ་ཚུལ་ལས་ལྷག་པ་གང་ཡང་བཤད་རྒྱུ་མེད་སྟབས། འདི་ལྟར་ངལ་བ་དང་དུ་མ་བླངས་པར་དལ་པོར་གནས།
དྲ་གྲོགས་ལགས། ང་ནི་མི་ཁོམ་པའི་གནས་སུ་སྐྱེས་པ་འདྲ། དྲ་ཐོག་ཏུ་ཁྱེད་ལྟར་ཡོང་ཁོམ་མི་འདུག
ཨེ་རེད།
བདེ་མོ་བྱོས།
ཁྱེད་ལའང་བདེན་ཁ་ཡོད། དེ་མིན་ཁོ་པས་རྩོམ་ཡིག་གི་ཁ་བྱང་འདེམས་སྟངས་ཤིག་ནས་དཀའ་ཚེགས་དེ་བྱུང་བ་རེད་མ་གཏོགས། ནང་དོན་ཐད་ནས་འགྲིགས་འདུག ངས་རྩོམ་ཡིག་དེ་ཞིབ་མོར་བཀླགས་པ་ཡིན།