མཚོ་སྔོན་ཞིང་ཆེན་མཚོ་ལྷོ་ཁུལ་མང་ར་རྫོང་ནས་གཞུང་ཞབས་མཐོ་འབྲིང་དགེ་རྒན་བསྡུ་ལེན་གྱི་རྒྱུགས་གཞི་བོད་ཡིག་གིས་བྲིས་པ་རྩིས་མེད་བྱས་འདུག
འདི་གར་བོད་ནས་ཁུངས་ལྡན་གནས་ཚུལ་འབྱོར་གསལ་ལྟར་ན། ༢༠༠༩ ལོའི་ཟླ་ ༧ ཚེས་ ༡༤ ཉིན་མཚོ་སྔོན་ཞིང་ཆེན་མཚོ་ལྷོ་ཁུལ་མང་ར་རྫོང་དུ་མཐོ་འབྲིང་སྐད་གཉིས་དགེ་རྒན་བསྡུ་བའི་རྒྱུགས་ལེན་དངོས་སུ་འགོ་བརྩམས་འདུག ཐེངས་འདིའི་རྒྱུགས་ལེན་ནང་ ༡༩༩༩ ནས་ ༢༠༠༩ ལོའི་བར་གྱི་རྫོང་ཁོངས་ཡོངས་ཀྱི་སློབ་ཆེན་མཐར་ཕྱིན་སློབ་མ་བརྒྱ་ཡས་མས་ཤིག་ཞུགས་ཡོད་ལ། རྒྱུགས་ལེན་གྱི་ལས་ཁུར་ལྟ་རྟོག་བྱེད་མཁན་གཙོ་བོ་ནི་མང་ར་རྫོང་མི་དོན་ལས་ཁུངས་ཀྱི་རྡོ་རྗེ་དབང་ཆེན་དང་། མང་ར་རྫོང་རྩ་འཛུགས་ལས་ཁུངས་ཀྱི་ལྷུན་གྲུབ། མཁར་བྱམས་རྒྱལ་བཅས་རེད་ལ། རྒྱུགས་གཞིའི་ནང་དོན་ནི་ཏང་གི་མཚོན་བྱེད་གསུམ་གྱི་དགོངས་དོན་གྱི་སྐོར་དང་། བུན་ཁྲན་ས་ཁུལ་ལ་བྱུང་བའི་ས་ཡོམ་གྱི་སྐོར། དེ་མིན་རྒྱལ་གཅེས་རིང་ལུགས་ཀྱི་དགོངས་དོན་ལ་སློབ་སྦྱོང་བྱེད་ཕྱོགས་སྐོར་བཅས་རྒྱ་ནག་གུང་ཁྲན་རིང་ལུགས་ཀྱི་སྲིད་དོན་དྲིལ་བསྒྲགས་སྐོར་རྐྱང་རྐྱང་རེད་ཅེས་འགྲེལ་བརྗོད་བྱས་སོང་ལ། ཐེངས་འདིའིི་རྒྱུགས་སྤྲོད་ལ་ཏང་ཡོན་ལས་བྱེད་ཅིག་ཞུགས་པའི་དབང་དུ་བཏང་ན་རྒྱུགས་སྐར་བརྒྱ་ཆའི་བརྒྱ་ལོན་ངེས་རེད་ཅེས་རྒྱུགས་ཞུགས་སློབ་མ་ཞིག་གིས་བརྗོད་སོང་། གཞན་ཐེངས་འདིའི་རྒྱུགས་ལེན་ནི་ལོ་སྔོན་མ་དག་དང་མི་འདྲ་བར་སྔོན་དུ་གསལ་བསྒྲགས་ཅི་ཡང་མེད་པར་ཐད་ཀར་རྒྱུགས་རའི་ནང་ནས་རྒྱུགས་གཞི་ཆ་ཚང་བོད་ཡིག་གིས་བྲིས་མི་ཆོག་པར་དགྱ་ཡིག་གིས་འབྲི་དགོས་ཟེར་ཞེས་བཙན་བཀའ་བཏང་བའི་གནས་ཚུལ་ཐོན་ཡོད། འདིའི་ཐད་ལ་སློབ་མ་མིང་འདོན་འདོད་མེད་མཁན་ཞིག་ནས། མི་རིགས་རང་སྐྱོང་ས་ཁུལ་ནང་དུ་སྐད་གཉིས་དགེ་རྒན་བསྡུ་ལེན་གྱི་རྒྱུག་གཞི་ཅི་ཞིག་ལ་བོད་ཡིག་གིས་བྲིས་མི་ཆོག་པ་ཡིན་ནམ་ཞེས་དྲི་བ་དྲིས་པར། ཁོ་ཚོས་ལན་དུ། དེ་ནི་གཙོ་བོ་རྒྱུགས་ཤོག་ལ་ལྟ་མཁན་ཚོ་གྲོང་ཁྱེར་ཟི་ལིང་གི་དགྱ་མི་ཡིན་པས་ཁོ་ཚོས་བོད་ཡིག་མི་ཤེས་པས་རེད་”ཅེས་འགྲེལ་བརྗོད་གནང་སོང་ཟེར། མཇུག་མཐར་སློབ་མ་འགའ་ཤས་ཀྱིས་རྒྱུགས་ཤོག་ངོས་ལ་བོད་ཡིག་བཙན་ཚུགས་ཀྱིས་བྲིས་པ་སོགས་ཀྱི་གནས་ཚུལ་ཡང་ཐོན་འདུག མཇུག་མཐའི་རྒྱུགས་འབྲས་ཕྱི་བསྒྲགས་ཚེས ༡༤ ཉིན་བྱས་སོང་ལ། གཞུང་ཞབས་མཐོ་འབྲིང་རིམ་དགེ་རྒན་ལ་ཡིག་རྒྱུགས་འཕྲོད་མཁན་མི་གྲངས་བཅུ་གསུམ་བྱུང་ཡོད་ལ། དེའི་ནང་བོད་མི་གཉིས་མ་གཏོགས་གཞན་ཚང་མ་དགྱ་མི་ཡིན་པའི་གནས་ཚུལ་བྱུང་འདུག གཞན་རྒྱུགས་ཤོག་ངོས་སུ་བོད་ཡིག་འབྲི་མཁན་སློབ་མ་རེ་ཟུང་གི་རྒྱུག་འབྲས་རྩིས་མེད་ཀྱང་བྱས་འདུག
མང་ར་རྫོང་ནི་ཞིང་ཕྱུག་གཙོ་བོར་གཉེར་ཞིང་བོད་མི་འདུས་སྡོད་བྱེད་སའི་བོད་རིགས་རྫོང་ཞིག་ཡིན་ལ། རྫོང་ཁག་དེར་ཞིང་ཕྱུག་གཙོ་བོར་གཉེར་བའི་ཞིང་ལྔ་ཡོད་ལ། རྫོང་ཁོངས་ཡོངས་ལ་མི་འབོར་ གྲངས་༦༥༩༧༤ ཡོད་ལ། དེའི་ནང་བོད་མིས་བརྒྱ་ཆའི ༧༢་༣ ཟིན།
འོད་དཀར་དྲ་ཚིགས་ལས་བཤུས།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
འདི་ཚོ་ནི། ང་ཚོའི་ཅོག་ཐབས་དཀའ་བའི་མནར་གཅོད་རེར་རེད།
སྤུན་ཟླ་ཚོ། འདི་མུས་འདུག་ཐབས་འདུག་ཐབས་འདུག་གམ།
ཕོ་ཤེ་རེ་ཨང་།
ངོ་་མ་གནས་ཚུལ་དེ་ཐོས་སྐབས་སེམས་པ་སྐྱོ་དགོས་པ་ཞིག་འདུག་ ང་ཚོ་བཙན་བྱོལ་ནང་བོད་ཡིག་གི་ཤེས་ཚད་ཇི་ལྟར་ཡིན་ནའང་ང་ཚོ་ཧིན་རྡིའི་སྐད་ཡིག་སྤྱོད་པའི་རྒྱལ་ཁབ་ཞིག་ནང་འཚོ་བ་སྐྱེལ་དགོས་པ་དང་། དབྱིན་ཡིག་མི་ཤེས་ན་འགྲིག་ཐབས་མེད་པའི་སྤྱི་་ཚོགས་ཀྱི་གྲུབ་ ཆ་ ཞིག་ཏུ་གྱུར་ཡོད། ང་ཚོ་བཙན་བྱོལ་བོད་གཞུང་གི་གནས་སྟངས་མཐའ་དག་ལ་གདོང་ལེན་བྱ་དགོས་པའི་ཁྲོད་དབྱིན་ཡིག་དང་བོད་ཡིག་དེ་གཙོ་དོན་དུ་འཛིན་ཏེ་ཡིག་རྒྱུགས་ཀྱི་ལམ་ནས་ལས་བྱེད་འདེམས་སྒྲུག་་བྱ་གི་ཡོད། ད་ཆ་ཤུགས་རྐྱེན་འདིས་ཚོགས་སྡེ་ཁག་གི་ནང་དུའང་ལྷ་རབ་བྱུང་ན་བོད་ཡིག་རང་རྐྱ་འཕེར་ངེས་དགོས་པའི་ཆ་རྐྱེན་དེ་ངམ་ ཤུགས་ཀྱིས་སླེབས་བཞིན་ཡོད། འོན་ཏེ་ང་ཚོའི་ཕ་ཡུལ་དུ་བསྟན་དགྲ་རྒྱ་དམར་གྱིས་སྲིད་བྱུས་མཁྲེགས་བཟུང་ཅན་དེས་ས་གནས་བོད་ཕྲུག་ཚོ་བོད་ཡིག་གི་སྦྱངས་ ཚད་ཡོད་ཀྱང་གནོན་ཤུགས་སྤྲད་དེ་ལས་མེད་ལྟོ་མེད་བཟོས་ཏེ་ནམ་ཞིག་ན་གཞོན་ཚོ་བོད་ཡིག་མཐོང་བ་ཙམ་གྱིས་སྐྱོ་སྣང་སྐྱེས་ཏེ་སྦྱངས་འདོད་མེད་་པའི་ཤུགས་རྐྱེན་སྤྲད་ཀྱི་ཡོད། དེར་གཞིས་བྱེས་གཉིས་ཀར་གནས་པའི་ཤེས་ཡོན་ཅན་པ་ཚོས་འགན་འཁུར་རྐང་ལེན་བྱས་ཏེ་གདོང་ལེན་བྱ་དགོས་ཀྱི་འདུག ད་རེས་ཀྱི་གནད་དོན་དེ་འཕྲལ་དུ་ཤེས་རྟོགས་བྱུང་བ་ནང་བཞིན་མ་འོངས་པར་ཡང་དེ་ལྟར་གང་སར་ང་ཚོས་དོ་སྣང་བྱ་དགོས་ཀྱི་འདུག དེ་འདྲ་བྱས་ཚེ་གཞི་ནས་ང་ཚོས་ང་ཚོའི་སྐད་་ཡིག་སྲུང་སྐྱོབ་བྱ་རྒྱུར་གཞོགས་འདེགས་གྲུབ་སྲིད། ཐུགས་རྗེ་ཆེ།
དངོས་ནས་འདྲ་བོ་འདུག
གྲོགས་པོ་ཡིད་ལ་བཟུང།
རྗེས་མ་ཟིག་ག་རྒྱ་ཡིག་རེ་མ་ཤེས་ན་ཕྱིར་ཡུལ་བ་སོང་ན་སྐྱག་ཁང་ར་རྙེད་ས་མ་རེད་ཀོ