མ་བུ་མོའི་སེམས་པ་ཆུང་ཆུང་རེད།།
སེམས་ཆུང་ཆུང་ནང་ན་ཉམ་ཆུང་གཟུགས།།
ཉམ་ཆུང་ཆུང་ནང་ན་ལྷིང་འཇག་ཞིག།
བུ་ང་ལ་འཁོ་བ་དེ་ཉིད་ཡིན།།
མ་བུ་མོའི་གཤིས་ཀ་སྙི་མོ་རེད།།
གཤིས་སྙི་མོའི་ནང་ན་བརྩེ་དུང་འཁྱིལ།།
བརྩེ་དུང་བ་ཟབ་མོའི་དྲོ་ཁོལ་སྟེ།།
བུ་ང་ལ་དགོས་པ་དེ་ཉིད་ཡིན།།
མ་བུ་མོའི་ངག་འདི་ཁུ་བྱུག་དབྱངས།།
དབྱངས་སྙན་མོའི་ཁྲོད་དུ་སྙིང་གཏམ་ཞིག།
གཏམ་དྲི་མ་མེད་པའི་ཁ་ཚིག་ནི།།
བུ་ང་ཡི་ཐོས་འདོད་དེ་ཉིད་ཡིན།།
མ་བུ་མོ་བསེ་རུ་འདྲ་ཞིག་ལ།།
སེམས་བསམ་པ་སྟོན་འདོད་ཆེ་ན་ཡང་།།
ལུས་ཁ་ཐག་རིང་བའི་ཕན་ཚུན་ནས།།
གོ་མྱོང་བ་མ་གཏོགས་རིག་མྱོང་མེད།།
གཏམ་བཤད་པ་རྣ་བའི་ཉན་དུས་སུ།།
མ་བུ་མོ་ཁྲེལ་ཡོད་གཅིག་དང་འདྲ།།
སེམས་བསམ་པ་འདྲིས་པའི་ཕྱིར་ནས།།
ཚེ་གཅིག་ལ་མི་གཏོང་ཁོ་ཐག་ཡིན།།
འདི་ལྟའི་གཞས་ཚིག་རིང་པོ་རྣམས་གཞས་པ་དང་གཞས་མ་སུས་གཏོང་ཐུབ་བམ།
སྐུ་རྩེད་ཞུས་པ་ཡིན།
སེམས་དང་སེམས་པའི་བར་ནས།།
མིག་དང་མིག་ཟུང་བར་ནས།།
ལུས་དང་ལུས་པོའི་བར་ནས།།
ཤ་ཁྲག་སེམས་པ་དཀྲུགས་འདུག།
ཚེ་གཅིག་ལས་ལ་བསྐོས་པའི།།
སྙིང་གྲོགས་སྙིང་གི་དགའ་མ།།
སེམས་དང་བསམ་པ་ཡོད་ན།།
ཤ་ཁྲག་གཡུགས་པ་མ་གནང་།།
དབུས་གནས་ལ་སོང་དུས་བུ་མོ་ཞིག།
མ་བུ་མོ་བུ་ཕྲུག་མང་ནི་ཞིག།
ཚེ་གཅིག་གི་བཟའ་ཟླ་མ་ཉན་རུང་།།
རིང་ཐུང་མིན་ཞིག་ལ་ལྟ་བཞིན་ཡོད།།
གནམ་སྔོན་པོ་འོག་གི་བུ་མོ་ཞིག།
ལྕགས་ཐུ་ལུའི་བརྡུང་བ་མིན་ན་ཡང་།།
ཐན་སེར་ནག་རླུང་བུ་མ་གཡུག་ན།།
ནམ་ཡིན་རང་ཐུག་འདོད་ང་ལ་ཡོད།།
འཇམ་ཚིག་གི་བསླུ་འདོད་ང་ལ་མེད།།
མགོན་བསླུ་མེད་ཅིག་གི་རྗེས་བཟུང་ན།།
མ་བུ་མོ་ཞིག་ལ་ཚེ་བཀང་གི།
ད་མི་འགྱུར་མནའ་ཞིག་འཇོག་རྩིས་ཡོད།།
མ་བུའི་མོའི་སྐྱེ་ལུས་མྱུག་རེད།།
མྱུག་དྲུག་སྐྱེ་རྒྱ་མ་སྒུར།།
ཁུ་ལོ་བྱ་ཡི་འདོད་ཡིན།།
ཡང་ཡང་འཕུར་ས་ཁྱེད་ཡིན།།
མ་བུའི་སེམས་པ་དུང་ཡིན།
དུང་དཀར་ཁ་མདོག་མ་འགྱུར།།
རྒྱ་མཚོ་སྔོན་མོའི་འདོད་ཡིན།།།
ཞེ་རྩ་ཆགས་ས་ཁྱེད་ཡིན།།།
མ་བུ་མོའི་ལུས་འདི་རྨ་བྱ་འདྲ།།
བྱ་རྨ་བྱའི་སྒྲོ་གཤོག་སྟོང་ལྡན་རེད།།
ཁྲ་འཁྱིལ་ལེར་ཕུབས་པ་མཛེས་སྡུག་རེད།།
བུ་ང་ལདགོས་པ་དེ་ཀ་ཡིན།།
མ་བུ་མོའི་བྱམས་བརྩེ་ཀུན་ལས་ཟབ།།
བྱམས་བརྩེ་བའི་དབུས་ཀྱི་བརྩི་བཅུད་མངར།།
ནམ་འཛད་དུས་མེད་པའི་བརྩེ་སེམས་འདི།།
བུ་ང་ཡིས་རེ་བ་དེ་ཉིད་ཡིན།།