ཁྱེད་རང་ཚོས་ནང་མི་ལ་སྐད་ཆ་ཤོད་སྐབས་བོད་སྐད་རྒྱག་རྒྱུ་ཙམ་མ་ཟད། དུས་རྟག་ཏུ་བོད་མི་རིགས་ཀྱི་ཐུན་མོང་མ་ཡིན་པའི་ཡ་རབས་གོམས་གཤིས་བཟང་པོ་རྒྱུན་འཛིན་བྱ་དགོས་ཅེས་བཀའ་བློན་ཁྲི་པས་གསུངས་ཡོད།
ཕྱི་ཚེས་ ༢༨ ཉིན་གྱི་ཕྱི་དྲོ་བོད་གཞུང་ཕྱི་དྲིལ་ལྷག་པ་ཚེ་རིང་ཚོགས་ཁང་དུ་བཀའ་བློན་ཁྲི་པ་ཟམ་གདོང་རིན་པ་ཆེ་མཆོག་ནས། འདི་ལོ་ཟླ་ ༧ ཚེས་ ༣ ནས་འཆར་ཟླའི་ཚེས་ ༧ བར་ངྷ་སྟེང་བོད་ཁྱིམ་སློབ་གྲྭ་དང་བྱང་ཨ་རིའི་བོད་གཞུང་སྐུ་ཚབ་དོན་གཅོད་མཉམ་འབྲེལ་བྱས་ཏེ། ཕྱི་རྒྱལ་ཡུལ་ཁག་གི་དབྱར་ཁའི་གུང་གསེང་དང་སྟབས་བསྟུན་གྱིས་ངྷ་སྟེང་བོད་ཕྲུག་ཁྱིམ་སྡེ་རུ་བྱང་ཨ་རིའི་གནས་སྡོད་བོད་པའི་གཞོན་སྐྱེས་སློབ་ཕྲུག་རྣམས་ལ་བོད་པའི་ཡ་རབས་གོམས་གཤིས་དང་ཤེས་ཡོན་སློབ་སྦྱོང་སྤྲོད་རྒྱུ་གོ་སྒྲིག་ཞུས་ཡོད་པ་དང། ཐེངས་འདིར་ཕྱི་རྒྱལ་ཡུལ་གྲུ་ཁག་ ༦ ནས་ཕེབས་པའི་བོད་རིགས་གཞོན་སྐྱེས་སློོབ་མ་ ༧༣ ལྷག་འདུ་འཛོམས་བྱུང་ཡོད་སྟབས། བཀའ་ཁྲི་མཆོག་ནས་བོད་པའི་གཞོན་སྐྱེས་སློབ་ཕྲུག་རྣམས་ལ་ལམ་སྟོན་བཀའ་སློབ་གནང་ཡོད།
ཁོང་གིས་གསུངས་དོན། ཁྱེད་རང་ཚོ་ལུང་པ་གསར་བ་ཞིག་དང་སློབ་གྲྭ་གསར་པ་ཞིག་ལ་སླེབས་སྐབས་དཀའ་ལས་ཁག་པོ་ཡོད་ངེས་རེད། ཡིན་ནའང་། ཁྱེད་རང་ཚོ་བོད་པ་ཞིག་ཡིན་པའི་ཆ་ནས་རང་གི་མི་རིགས་དང་རིག་གཞུང་ལ་གཅེས་སྐྱོང་བྱ་རྒྱུ་དེ་ནི་ལྡོག་ཏུ་མེད་པའི་ལས་འགན་ཞིག་ཆགས་ཡོད་པ་རེད་ལ་། སོ་སོའི་ནང་མི་དང་སྐད་ཆ་བཤད་སྐབས་ཀྱང་བོད་སྐད་རྒྱག་རྒྱུ་ཙམ་མ་ཟད། དུས་རྟག་ཏུ་བོད་མི་རིགས་ཀྱི་ཐུན་མོང་མ་ཡིན་པའི་ཡ་རབས་ཀྱི་གོམས་གཤིས་བཟང་པོ་དེ་དག་རྒྱུན་འཛིན་བྱ་རྒྱུ་ནི་ཧ་ཅང་གལ་ཆེན་པོ་རེད། དེ་བཞིན། བཙན་བྱོལ་བོད་གཞུང་དང་བཙན་བྱོལ་བོད་མིའི་སྤྱི་ཚོགས་སྐོར་ལ་རྒྱུས་ལོན་དང་ཤེས་རྟོགས་བྱེད་དགོས་པ་གལ་ཆེན་པོ་ཡིན་པའི་སྐོར་ཀྱི་ལམ་སྟོན་བཀའ་སློབ་གནང་སོང་ལ། བོད་པའི་སློབ་ཕྲུག་ཚོ་དང་མཉམ་དུ་དྲི་བ་དྲིས་ལན་ཡང་གནང་ཡོད།
ནད་པ་ལགས།
ངས་ཉིད་ལ་ཕན་ཕྱིར་དག་སྡེབ་དེ་རྣམས་བཅོས་ཁུལ་བྱས་ཡོད།
མ་དག་པ། དག་པ།
འདུན་ལམ། མདུན་ལམ།
བྱ་བཞག བྱ་གཞག
གནད་འགག་གཅིག གནད་འགག་ཅིག
འོན་བཏང་། འོན་ཏང་།
ཡ་རབས་སྤྱོད་བཟང་ཟེར་བ་དེ་དངོས་གནས་གལ་ཆེན་པོ་ཡིན་པ་འདྲ། དེ་ནི་མི་སྒེར་གྱི་མི་ཚེའི་འདུན་ལམ་དང་། ལྷག་ཏུ་བྱ་བཞག་ལ་གྲུབ་འབྲས་ལེགས་པོ་ཐོབ་པར་གནད་འགག་གཅིག་ཡིན་པ་འདྲ།
འོན་བཏང་བྱ་དགོས་གཞན་དག་ཁ་ཤས་ཤིག་ལ་ཡ་རབས་ཟེར་བ་དེ་འགྲོ་གི་མེད་པ་འདྲ། དེས་གནད་དོན་ཁ་ཤས་ལ་སྐྱོན་ཆ་ཤོར་གྱི་ཡོད་པ་འདྲ།
ཡིན་ནའང་ངས་དོན་ངོ་མར་ཡ་རབས་ཟེར་བ་དེ་བྱ་བཞག་གང་འདྲ་ཞིག་གི་ཐད་ལ་བེད་སྤྱོད་བྱེད་དགོས་མིན་ད་དུང་ཡང་ངེས་ཤེས་ཡང་དག་ཅིག་རྙེད་ཐུབ་མེད།།
གོང་དུ་རང་ཉིད་ཀྱི་ཚིག་གི་ནང་།
ཤ་ཚ་ནི་ཧ་དགོས་པ་ཞིག་འདུག་ཅེས་པ་
ཤ་ཚ་ནི་ཧ་ལས་དགོས་པ་ཞིག་འདུག་ཅེས་པར་བཅོས་རོགས།
མཛུབ་མོ་འདིས་མཐེབ་གཞོང་དེ་ཏག་ཏག་བེད་སྤྱོད་གཏོང་གིན་མི་འདུག
ནོར་བཅོས།
སྐོར་ཀྱི་མ་རེད། སྐོར་གྱི་རེད།
སློབ་མ་དེ་དག་ལ་མི་རིགས་ཀྱི་ཞེན་དང་ཤ་ཚ་སླེབས་དགོས་པ་ཞིག་ངེས་པར་བཟོ་དགོས་པ་ཡིན། ཁོང་ཚོར་མི་རིགས་ཀྱི་ཞེན་དང་ཤ་ཚ་མེད་པ་རེད་ཅེས་ཞུ་གིན་མེད།
མི་རིགས་ཀྱི་འདུ་ཤེས་དེ་སེམས་ཁོང་དུ་ལུས་དང་གྲིབ་མ་བཞིན་ཡོད་ན། ང་ཚོར་སེམས་ཁྲལ་འཕར་མ་ཞིག་ཉུང་དུ་འགྲོ་ངེས་ཡིན།
དཔེར་ན་བོད་ནས་རྒྱ་ནག་ཏུ་སློབ་སྦྱོང་དུ་སོང་བའི་བོད་པའི་སློབ་མ་མི་ཉུང་བ་ཞིག་ལ་མི་རིགས་ཀྱི་འདུ་ཤེས་དང་མི་རིགས་ཞེན་དང་ཤ་ཚ་ནི་ཧ་དགོས་པ་ཞིག་འདུག
སློབ་མ་ཞིག་གི་སྐད་ཆའི་ཚིག་འགའ་དྲངས་ན། ངས་ད་ལྟ་ཁ་ལ་འབུ་སྲིན་ཟ་བཞིན་ཡོད་ཀྱང་ངས་ཆུང་དུས་རྩམ་པ་ཟས་པའི་རྩམ་དྲི་ནམ་ཡང་བརྗེད་ཀྱི་མ་རེད། ཅེས་པ་འདི་ཡིན།