ཡིག་རྙིང་དག་སྒྲིག

སྤྱི་ཟླ་ ༧ ཚེས་ ༢༩ ཉིན་ལན་ཀྲུ་ནུབ་བྱང་མི་རིགས་སློབ་གྲྭ་ཆེན་མོའི་ཕྱི་རྒྱལ་ཡིག་ཚགས་ཞིབ་འཇུག་ཁང་གི་འགན་འཛིན་སུའུ་ཞི་ཧོང་གིས་བརྗོད་པ་ལྟར་ན། ལན་ཀྲུ་ནུབ་བྱང་མི་རིགས་སློབ་གྲྭ་ཆེན་མོའི་ཕྱི་རྒྱལ་ཡིག་ཚགས་ཁང་གིས་སྤྱི་ལོ་ ༢༠༠༦ ལོ་ནས་མགོ་འཛུགས་བྱས་ཏེ། ཧྥ་རན་སིར་ཡོད་པའི་ཏུན་ཧོང་ནས་ཐོན་པའི་བོད་ཡིག་གི་ཡིག་རྙིང་ཁག དག་སྒྲིག་དང་དཔར་སྐྲུན་བྱེད་ཀྱིན་ཡོད་པ་དང་། སྡོམ་པའི་དཔེ་དེབ་ ༡༥ ཙམ་ཡོད་པ་ལས་ད་ཆར་དེབ་ ༨ ཙམ་དཔར་སྐྲུན་ལེགས་འགྲུབ་བྱུང་ཡོད་འདུག་ལ། ལོ་རྗེས་མ་ཡོངས་སུ་ལེགས་འགྲུབ་བྱ་འཆར་ཡིན་འདུག གཞན། དབྱིན་ཡུལ་ནང་ཏུན་ཧོང་ནས་ཐོན་པའི་བོད་ཡིག་གི་ཡིག་རྙིང་བསྡོམས་དེབ་ ༡༥ ཙམ་ཡོད་པ་ལས་ད་ཆར་དེབ་དང་པོ་དཔར་སྒྲུན་ལེགས་འགྲུབ་བྱུང་ཡོད་འདུག་ལ། ལོ་བཞིའི་ནང་ཚུད་དུ་དེབ་གཞན་དག་ཀྱང་དག་སྒྲིག་དཔར་སྐྲུན་ལེགས་འགྲུབ་བྱ་འཆར་ཡོད། ཅེས་ཁ་སང་ཕྱི་ཚེས་ ༣༡ ཉིན་ཀྲུང་གོའི་བོད་ལྗོངས་ཆ་འཕྲིན་ལྟེ་གནས་ཞེས་པར་གནས་ཚུལ་སྤེལ་འདུག   

གསར་འགྱུར་དེའི་ནང་མུ་མཐུད་བཀོད་དོན། དུས་རབས་ཉི་ཤུ་བའི་དུས་འགོར། ཏུན་ཧོང་ནས་སངས་རྒྱས་སྟོང་སྐུའི་བྲག་ཕུག་དང་ཆོས་དཔེའི་བྲག་ཕུག་སོགས་རྙེད་རྗེས། གནའ་རབས་ཀྱི་ཡིག་རྙིང་རྩ་ཆེན་དང་རིག་དངོས་ཁྲི་ཕྲག་ལྷག་ལོ་བཅུ་ཙམ་གྱི་རིང་དབྱིན་ཇི་དང་ཧྥ་རན་སི། ཉི་ཧོང་། ཨུ་རུ་སུ། འཇར་མན་སོགས་སུ་གྱར་བ་རེད། བསྡོམས་རྩིས་ལྟར་ན། ཏུན་ཧོང་གི་ཆོས་དཔེའི་བྲག་ཕུག་ལས་ཕྱིར་གྱར་བའི་ཡིག་ཚགས་ཡོད་ཚད་ཀྱི་ནང་དུ་བོད་ཡིག་གི་ཡིག་ཚགས་ཆིག་ཁྲི་ ༡༠༠༠༠ ཙམ་ཡོད་པ་དང་། གྲངས་འབོར་དེ་ཕལ་ཆེར་རྒྱ་ཡིག་གི་ཡིག་ཚགས་དང་མཚུངས་པ་རེད། ཅེས་བཀོད་འདུག