ཟླ་འདིའི་ཚེས་ ༤ ཉིན། བོད་མི་མང་སྤྱུ་འཐུས་ལྷན་ཚོགས་ཀྱིས་འདི་གའི་གསར་ཁང་ལ་གསལ་བསྒྲགས་བཏང་འབྱོར་བྱུང་བ་ལྟར་ན། བོད་མི་མང་སྤྱི་འཐུས་ལྷན་ཚོགས་སྐབས་ ༡༤ བའི་ཚོགས་དུས་བདུན་པའི་ཡིག་ཆ་ཨང་ ༧༨ པའི་དགོངས་དོན། སྔར་ལོ་བོད་ནང་གི་ཞི་རྒོལ་ཁྲོད་རྒྱལ་ཁབ་དང་མི་རིགས་ཀྱི་རང་དབང་གི་ཆེད་དུ། འདས་གྲོངས་སུ་སོང་བའི་རྒྱལ་གཅེས་དཔའ་བོ་དཔའ་མོ་རྣམ་པར་དཔའ་མཛངས་སྙིང་སྟོབས་རྗེས་དྲན་གྱི་རྡོ་རིང་ཞིག བཞུགས་སྒར་ངྷ་རམ་ས་ལར་བཞེངས་གཏན་འཁེལ་ཡོད་པ་ལྟར། བོད་མི་མང་སྤྱི་འཐུས་ལྷན་ཚོགས་ཀྱིས་འགན་ལེན་ཐོག ཐེངས་འདིར་རྗེས་དྲན་རྡོ་རིང་བཞེངས་སྐྲུན་བྱེད་ཕྱོགས་དང་བཟོ་བཀོད། མཚན་བྱང་། རི་མོ་བཅས་ཀྱི་ཐད། རྒྱ་ཆེའི་མང་ཚོགས་ལ་དགོངས་འཆར་བསྡུ་རྒྱུ་ཡིན་པ་དང་། རྣམ་དཔྱོད་རྩལ་གྱིས་སྐྲུན་པའི་དགོངས་འཆར་ཁག ཕྱི་ཟླ་ ༩ ཚེས་ ༥ སྔོན་ལ་བོད་མི་མང་སྤྱི་འཐུས་ལྷན་ཚོགས་རྗེས་དྲན་རྡོ་རིང་བཞེངས་སྐྲུན་ལས་དོན་ཚོགས་ཆུང་ལ་འབྱོར་བ་དག་ལས་ལེགས་འདེམས་བྱས་ཏེ། རྩེད་ཕུད་ལ་ཧིན་སྒོར་ལྔ་སྟོང་ ༥༠༠༠ གི་བྱ་དགའ་ལེགས་གསོལ་དང་བཅས་དཔའ་བོའི་རྗེས་དྲན་རྡོ་རིང་ལ་གཏན་འཁེལ་བྱ་རྒྱུ་ཡིན་འདུག
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
རྡོ་རིང་དེ་ནི་རིན་ཆེན་དང་པོ་གསེར་ལས་གྲུབ་པའི་མཆོད་ཀོང་ ཞིག་དགོས་པ་དང༌། གཤོངས་ཚད་མར་ཁུ་ཀི་ལོ་བཅུ་གཤོགས་བ་ ཞིག་དགོས་ཤིང༌། དེའི་སྟེང་ཕྱི་ལོ་ 2008་ཟླ་ 3་ཚེས་ 10་འཁོད་དགོས་པ་དང༌། གངས་རི་གསུམ་བརྐོས་དགོས། ཞབས་མཐིལ་དུ་དཔའ་བོའི་གསེར་ཀོང་ཞེས་བཏགས་ཏེ་གཙུག་ལག་ཁང་ནང་བཙུགས་དགོས། དེ་ཡང་གཙུག་ལག་ཁང་སྤྱན་རས་གཟིགས་དང་གུ་རུའི་སྐུ་བརྙན་སྐུ་མདུན་དུ་བཙུགས་དགོས། དེ་འདྲ་བྱས་ཚེ་ཚེས་བཟང་དུས་བཟང་ཙམ་མ་ཡིན་པར་མཆོད་འབུལ་བྱ་མཁན་ཚང་མས་ག་དུས་ཡིན་ནའང་ཚེས་གྲངས་འདི་མིག་མདུན་དུ་མཐོང་སྐབས་དུས་ཚོད་དེ་དྲན་གསོས་ཟིན་ལ། ཉིན་ལྟར་མཆོད་འབུལ་བྱེད་པ་འདི་འདས་པོ་ཚོའི་ཐུགས་འདུན་མཐའ་དག་ལྷག་བསམ་དཀར་བའི་ཕྱོགས་སུ་གྲུབ་རྒྱུར་དགེ་གྲོགས་ཡོང་ཐུབ་ལ། ང་ཚོའི་མི་རིགས་ཀྱི་རིག་གཞུང་གོམས་སྲོལ་དང་ཡང་མཐུན་པ་འདུག དཔེར་ན་དཔའ་བོ་ཐུབ་བསྟན་དངོས་གྲུབ་ལྟ་བུ་སོགས་ལྷ་རྒྱལ་རིར་རྡོ་རིང་དེ་འདྲ་བཙུགས་ཚེ་བོད་པ་ཚོ་ལོག་ཚར་རྗེས་ཆོས་ལུགས་གཞན་པ་དེ་ཚོས་ས་གནས་འདིར་བདག་བཟུང་བྱས་ཏེ་བོད་པ་མ་བསྡད་པའི་ཉིན་ཞིག་ཏན་ཏན་རྩ་བསྐོག བཏང་སྟེ་རྗེས་སུ་ང་ཚོའི་གཞོན་སྐྱེས་ཚོ་སླར་ཡང་དེ་སྔ་ང་ཚོའི་དྲན་རྟེན་རྡོ་རིང་ ཞིག་ཡོད་པ་དེ་གཏོར་བཤུལ་ཙམ་ཡང་མཐོང་རྒྱུ་མེད་པ་ཆགས་རྒྱུའི་ཉེན་ཁ་ཡོད་པ་རེད་ལ། དེ་ལས་སྐུ་ུབརྙན་དེ་དག་བཤིགས་བསྒྲོལ་གྱིས་བོད་ལ་འཁྱེར་གཏན་འཁེལ་ཡོད་སྟབས་དྲན་རྟེན་མཆོད་ཀོང་དེ་ཡང་འཁྱེར་འགྲོ་རྒྱུ་ཡོད་པས་དེ་འཕྲལ་ཕུགསགཉིས་ཀར་ཕན་ཐོགས་ཡོད་པ་མཐོང་གི་འདུག རྡོ་རིང་དེ་འདྲ་ཞིག་ཁྲིམས་ཐོག་ནས་ཀྱང་རྗེས་སུ་བརྟན་པོ་ཡོང་མི་སྲིད་པ་ཐག་ཆོད་པ་རེད་དོ༎
གྲོགས་པོ་ཚོ། འདི་ནི་ང་ཚོས་འོས་འགན། ཁོང་ཚོས་གཅེས་སྲོག མ་འོངས་གངས་ཅན་པ་ཚོས་རྗེས་དྲན་ཞིག་ཡིན་ཕྱིར་འདི་ལ་ཐུགས་ཁུར་དང་རྒྱབ་བསྐྱོར་གནང་མཁན་ རྣམས་ལ་ཐུགས་རྗེ་ཞུ།།།
རྗེས་དྲན་རྡོ་རིང་བསླངས་རྒྱུའི་ལས་གཞི་དེ་ཡག་པོ་འདུག་མོད། དེ་ལས་ཀྱང་གལ་གནད་ཆེ་བ་ནི་རྒྱལ་གཅེས་དཔའ་བོ་དཔའ་མོ་དེ་ཚོའི་བྱུང་རབས་ལོ་རྒྱུས་ཡིག་ཐོག་ཏུ་ཕབ་ནས་བོད་ཕྱི་ནང་གང་སར་གཞི་རྒྱ་ཆེ་བའི་འགྲེམ་སྤེལ་བྱས་ན་ལེགས་པར་མཐོང་། ཉེས་མེད་སྐུ་གཤེགས་དཔའ་བོ་ཚོའི་མཛད་རྗེས་དངོས་སུ་བསམ་ན། ཁོང་ཚོའི་ཟུངས་ཁྲག་དྲོན་མོ་ལས་བརྡོལ་བའི་ཁ་གཡང་དང་བསམ་དོན། འཁྲེང་བའི་ཕྱི་མིག་གིས་ང་ཚོར་ལྟ་བཞིན་ཕེབས་པའི་སྐྱོ་གར་བཅས་ལ་བསམ་བཞིན་ཁོང་ཚོའི་མངོན་འདོད་དག་གཙོ་སྒྲུབ་གནང་ན་འོས། ཁོང་ཚོས་རང་གི་གཅེས་སྲོག་བོད་དོན་ཆེད་བློས་བཏང་གནང་དོན་ནི་བོད་མི་ཚོས་ཁོང་ཚོར་བསྔོ་སྨོན་སྐྱབས་འཇུག་ཞུ་རྒྱུ་དང་། བདེན་གསོལ་སྨོན་ལམ་འདོན་རྒྱུ་བཅས་ཀྱི་ལས་འགུལ་ཙམ་ནི་གཏན་ནས་མིན་ལ། ཁོང་ཚོའི་ཆེད་རྗེས་དྲན་རྡོ་རིང་བསླངས་རྒྱུ་ཡང་ག་ལ་ཡིན། བོད་ཀྱི་རྒྱལ་གཅེས་དཔའ་བོ་དཔའ་མོ་རྣམ་པའི་གཅིག་མཚུངས་ཀྱི་མངོན་འདོད་དང་ཁ་གཡང་གི་འབོད་སྒྲའི་གཞི་རྩ་ནི་༼ བོད་རང་བཙན་གཙང་མ་ཡིན། རྒྱ་མི་བོད་ནས་ཕར་རྒྱུགས་ཤིག རྒྱལ་བ་རིན་པོ་ཆེ་བོད་དུ་གདན་འདྲེན་ཞུ་དགོས།༽ ཞེས་པ་འདི་གསུམ་རེད། རྒྱ་མི་བོད་ནས་མཐར་སྐྲོད་དང་། བོད་རང་བཙན་གྱི་ལས་དོན་ལྟ་བུ་ནི་མ་བྱུང་ཡང་། ༧གོང་ས་མཆོག་བོད་དུ་གདན་འདྲེན་ཐེངས་ཤིག་ཞུ་ཐབས་སྐོར་ལ་བཙན་བྱོལ་བོད་གཞུང་གིས་ཅིའི་ཕྱིར་ཐབས་ཤེས་ཡོད་རྒུ་རྩལ་སྤྲུགས་མ་གནང་བ་རེད། རྒན་དར་གཞོན་གསུམ་གྱི་ཁྱད་པར་མེད་པར་གཞིས་ལུས་མི་མང་གིས་དཔྲལ་བའི་མིག་དང་། ཁོང་བའི་སྙིང་ནས་ཉིན་མཚན་དབྱེར་མེད་དུ་༧གོང་ས་མཆོག་ལ་ཐེངས་ཤིག་མཇལ་རྒྱུ་བྱུང་ན་སྙམ་པའི་རེ་སྒུག་ཆེན་པོ་བྱེད་བཞིན་ཡོད་པ་དེར་སྤྱི་འཐུས་ལྷན་ཚོགས་ནས་གྲོས་ཆོད་ཅིག་འཇོག་རྒྱུ་ཕར་ཞོག དེ་ཐད་ནས་གླེང་སློང་ཙམ་ཡང་ད་བར་དུ་བྱུང་མྱོང་མི་འདུག ཕྱོགས་མཚུངས་བོད་ཀྱི་རྒྱལ་གཅེས་དཔའ་བོ་ཚོའི་ཐད་ནས་ཀྱང་། དྲང་བདེན་དང་རྒྱལ་སྤྱིའི་ཁྲིམས་ལུགས་སོགས་ཀྱི་རྒྱབ་སྐྱོར་འཁྱེར་ནས་ཉེས་མེད་སྐུ་གཤེགས་དཔའ་བོ་དེ་དག་གི་གཅེས་སྲོག་འཕྲོག་མཁན་རྒྱ་གཞུང་གི་དཔོན་རིགས་ཚོ་ཁྲིམས་གཏུགས་དང་ཐེར་འདོན་བཅས་ཀྱི་ལས་འགུལ་ཅི་ཡང་སྤེལ་མྱོང་མི་འདུག ང་ཚོ་ལ་བདེན་པ་ཡོད་ན་བདེན་པའི་དཔང་རྟགས་འཁྱེར་ནས་བདེན་དོན་སྟོན་བཞིན་གཞི་རྒྱ་ཆེ་བའི་བདེན་པའི་ལས་འགུལ་ཅིས་ཀྱང་སྤེལ་དགོས། གང་ལྟར་རྒྱལ་གཅེས་དཔའ་བོ་ཚོའི་མིང་བྱང་ཙམ་རྡོ་རིང་ངོས་སུ་བརྐོས་ནས་འཇོག་རྒྱུ་ཙམ་མ་ཡིན་པར། ཁོང་ཚོའི་འདོད་དོན་འགྲུབ་པའི་ཐབས་ལམ་ལ་གཙོ་བོར་ཕྱོགས་དགོས་པར་མཐོང་ངོ་།།
བོད་ཀྱི་དཔའ་བོ་དཔའ་མོ་རྣམས་ཆེད་དུ་རྗེས་དྲན་གྱི་རྡོ་རིང་བཞེངས་སྐྲུན་བྱེད་རྒྱུ་ཐུགས་བརྟེན་འཁེལ་བ་འདི་ལ་བོད་མིའི་མང་སྤྱི་འཐུས་ལྷན་ཚོགས་ལ་བཀྲ་ཤིས་བདེ་ལེགས་ལས་སྒྲུབ་ཡོང་བ་དང་གུས་པ་ཡང་ལས་གཞི་འདི་ལ་སེམས་གཏེང་ནས་རྒྱབ་སྐྱོར་ཡོད་བཅས་
དིང་རི་མཚོ་སྒོ་བ་འཇམ་དཔལ་ནས་
ལས་གཞི་འདི་ངོ་མ་ཡག་པོ་རེད།
ལས་གཞི་འདི་ལ་སེམས་གཏིང་ནས་རྒྱབ་སྐྱོར་ཡོད་ལ། རྡོ་རིང་དེ་ཉིད་བོད་ཇི་སྲིད་དུ་འཚོ་བ་དེ་སྲིད་དུ་གནས་ངེས་ཡིན་དུས། བོད་ཀྱི་དབའ་བོ་དབའ་མོ་དག་ལ་རྗེས་དྲན་གྱི་རྡོ་རིང་འདིས་སྟེང་དུ་དམིགས་བསལ་གྱིས་འདས་ལོའི་ཞི་བའི་དོན་རྐྱེན་ཁྲོད་འདས་གྲོང་དུ་བྱིན་པ་གཙོར་བཟུང་ཡིན་ཡང་། བོད་ཤོར་ནས་ད་ལྟའི་བོད་ཀྱི་བདེན་དོན་ཆེད་འདས་གྲོང་ཟིན་པ་དག་གི་མཚན་བྱང་འགོད་ཐུབ་པ་ཡིན་ན་དངོས་ནས་ཡག་པོ་འདུག་སྙམ། དེ་ནི་བོད་པ་མི་རབས་རྗེས་མ་དག་གིས་བརྗེད་མི་རུང་བའི་ཆེད་དུ་རྗེས་དྲན་རྡོ་རིང་ཞིག་བསྐྲུན་འཆར་ཡོད་པ་དེ་ལ་བདག་གི་བསམ་ཚུལ་ཞིག་ཕུལ་བ་ལས། འགྲིག་མིན་དེ་ནི་ལས་ཀྱི་སྣེ་མོ་དག་གིས་མ་འཕྱུག་མ་ནོར་བ་ཞིག་ཡོང་རྒྱུར་རེ་སྐུལ་བྱེད་ཀྱི་ཡིན།
བོད་རང་གི་ཁྱད་ཆོས་ལྡན་དགོས་པ་དང་། ལོ་རྒྱུས་རང་བཞིན་ལྡན་པའི་རྒྱལ་ས་ལྷ་སའི་རྡོ་རིང་ཁག་གི་བཟོ་དབྱིབ་གཞིར་བཟུང་ན་རྒྱུ་མཚན་དང་ལེགས་ཆ་མང་དུ་མཐོང་ལ།
གཙོ་བོ་གང་གི་ཆེད་དུ་བཙུགས་པའི་ཡུལ་ཆོལ་གསུམ་རྒྱལ་གཅེས་དཔའ་བོ་དཔའ་མོ་དེ་དག་གི་མཚན་བྱང་ཁ་གསལ་ཞིང་ཚེམས་ལུས་མེད་པ་བཀོད་དགོས་རྒྱུ་གལ་ཆེ་བ་མ་ཟད།
ལྷ་རབ་བྱུང་ན་སྐུ་པར་ཁག་ཀྱང་འགོད་ཐབས་གནང་ན་ལེགས། བྱ་འགུལ་འདི་ལེགས་འགྲུབ་ཡོང་པར་སྨོན།