ཁ་སང་༧གོང་ས་མཆོག་ལ་གསུང་ཆོས་སྐབས་བཀའ་འདྲི་ཞུས་པ་དང་བཀའ་ལན།
བཀའ་འདྲི། ཁྱེད་རང་༧རྒྱལ་བ་རིན་པོ་ཆེ་ཡིན་པས་དཀའ་ངལ་དེ་འདུག་གམ།
བཀའ་ལན། ཁག་པོ་ཡོད་ཀྱང་། བྱེད་རྒྱུ་གང་ཡང་མེད་པ། སྤྱིར་བཏང་དེ་ལས་༧རྒྱལ་བ་རིན་པོ་ཡི་མིང་དེ་ཡི་ཐོག་ནས་མི་ལ་ཕན་ཐོག་བྱེད་ རྒྱུའི་གོ་སྐབས་ག་རེ་ཡོད་ན་དེ་ཤུགས་བརྒྱབ་པ་ཡིན་ན། དེ་ནས་སྡུག་ས་ནས་བལྟས་པ་ཡིན་ན་རྒྱུ་མཚང་གང་ཡང་མི་འདུག གང་ལྟར་གནས་སྐབས་འདི་འདྲ་ཞིག་ཆགས་ཚར་བ་རེད། དེ་ནས་ཕན་ཐོག་ཏན་ཏན་ཡོད་པའི་བཟོ་འདྲ་བོ་ཞིག་རེད། ཕན་ཐོག་ཡོད་པ་ཞིག་ཡིན་དུས་རྩ་ནས་སྤྱིར་བཏང་གཞན་ཕན་ཞིག་ག་ཚོད་མང་བ་ཡོད་ན། དཔེར་ན་ང་ཚོ་འདི་འདྲ་རེད། རྐྱེན་ངན་བྱང་ཆུབ་ལམ་དུ་འགྱུར། ང་ཚོ་བོད་པའི་ཁ་དཔེ་ལ་ཡང་། ལྟས་ངན་གཡང་དུ་ལེན་པ་ཟེར་བ་ཞིག དེ་འདྲ་ཞིག་ཡིན་པས་རྩ་ནས་བསམ་བློ་ཞིག་བཏང་བ་ཡིན་ན། དཀའ་ངལ་ག་ཚོད་ཡོད་ཀྱང་རྒྱལ་ངེས་རེད། རེད་བ་ པན་ཆེན་ཤཀྱ་ཆོས་རྗེའི་བློ་སྤྱོང་ནང་ལ་ཡང་། སྐྱིད་ན་བདེ་བ་སོ་སོར་བསྔོ།། ཕན་བདེ་རྣམ་དག་གང་བོར་ཤོག། སྡུག་ན་ཀུན་གྱིས་སྡུག་བསྔལ་འཁུར།། སྡུག་བསྔལ་རྒྱ་མཚོ་བརྟེན་པར་ཤོག། ༧ཁོང་གིས་ལུང་འདི་དྲངས་རྗེས་ཕྱག་ཟུང་གཉིས་མདུན་དུ་བསྲིངས་དེ། ག་རེ་བྱས་ནས་བསྡད་ཀི་ཡོད་པ་རེད་ད། གང་བྱུང་བྱ་བ་གཅིག་ཀྱང་འདས། གསུང་ལན་བསྩལ།
http://www.voanews.com/tibetan/video.cfm འབྲེལ་ཐག་འདི་ནས་དྲངས་པ་ཡིན། ཚིག་ནོར་དང་གོ་ནོར་དེ་འདྲ་ཡོད་པར་དགོངས་ན་འདི་རུ་གཟིགས་རོགས་ཞུ།
ཤ་ཚའི་ཁ་ནས་གཏམ་སྙན་མི་ཡོང་བས། ཁྱེད་ཀྱིས་ང་ལ་བསམ་ཤེས་བྱ་རོགས།
བཙན་བྱོལ་བའི་ཚགས་དེབ་དང་དྲ་ཚུགས་འདི་ཚོས་བོད་ཀྱི་རིག་གནས་གུད་ཆགས་ཐེབས་པར་རྒྱ་གུང་ཁྲན་ལ་རམ་འདེགས་གང་འཚམ་བྱ་ཐུབ་ཀྱི་ཡོད། དཔེར་ན། དུས་བབ་ཀྱི་ཟིན་བྲིས་མང་ཤོས་སོང་བའི་བོད་ཤ་རུས་ཁྲག་གསུམ་གྱི་གོང་གི་ཚིགས་བཅད་འདི་ནས་ཡིག་ནོར་ལྔ་ཙམ་མཐོང་གིན་འདུག རང་གིས་༼ གི ༽ ལེ་ལོའི་ ༼ ལོས ༽ རང་ཉིད་ལ་བཏགས། གཞན་གྱིས་ ༼ གྱི ༽ ལེ་ལོའི ༼ ལོས ༽ རང་ཉིད་གཞུག་དུ་ ༼ ཏུ ༽ འདེད།
རང་གིས་ལེ་ལོའི་རང་ཉིད་དམ་ལ་བཏགས།།
གཞན་གྱིས་ལེ་ལོའི་རང་ཉིད་གཞུག་དུ་འདེད།།
རང་གཞན་གཉིས་ཀ་འདི་ཡི་བྲན་འཁོར་དུ།།
འུ་ཅག་ཚང་མ་སྐྱེ་བ་གཅིག་མཚུངས་རེད།།
ཁྱོད་ཀྱིས་མང་པོ་མང་པོ་ཞིག་བྲིས་ཚར་འདུག ངས་ཀྱང་གང་མང་འབྲི་འདུན་ཤར་ཡོད། འོན་ཏེ་ངའི་ལེ་ལོ་འདིས་་་་་་་་་་་་་་་་
ནགས་མེ་ལགས། སྐུ་ཉིད་འདི་རུ་ཕེབས་པ་དང་བོ་ཡིན་ལ། ཉིད་ཀྱིས་དེ་རིང་འདི་ནས་བདག་ལ་འགྲེལ་བཤད་ཅིག་གནང་བ་དེ་ཡང་བདག་གིས་མ་ཤེས་པ་ཞིག་ཤེས་སུ་བཅུགས་པ་དེར་ཐུགས་རྗེ་ཆེ་ཞུ་རྒྱུ་ཡིན། རྗེས་ཕྱོགས་ཀྱང་གང་ཐུབ་ཐུང་ཅིག་གནོངས་རོགས་ཞུ།
འདི་ན་གཅིག་ཡོད་ཟེར་བའི་སྐབས་སུ་སྐབས་ཐོབ་ཀྱི་བརྗོད་འདོད་གབ་སྦས་བྱས་པའི་སྐད་ཆ་ཡིན། དོན་ལ་ཅི་ཞིག་ཡོད་ཟེར་བ་ལྟ་བུར་གོ་དགོས་པས་༼ ཅིག ༽ ཅེས་པ་དེ་འཕུལ་མེད་འབྲི་དགོས་པ་ལས་གྲངས་ཀ་སྟོན་པའི་གཅིག་འབྲི་མི་འོས་སྙམ།
གངས་རིའི་གླིང་བུ་ལགས། རེད་ལགས། ངེད་ཅག་གིས་གོ་དགོས་པ་དང་ཤེས་དགོས་པ་མང་བོ་ཞིག་༧ཁོང་བཞུགས་དུས་སུ་འདྲི་ས་ཡོད་དུས་དང་འཇལ་རྒྱུ་ཡོད་དུས་མ་བྱས་པ་ཡིན་ན་༧ཁོང་གིས་བཀའ་སློབ་ཞིག་གསུང་ཟིན་པ་ལྟར་རེད། ང་ཡོད་དུས་སུ་ག་རེ་འདྲི་རྒྱུ་ཡོད་ན་ཐད་ཀར་དྲིས་པ་ཡིན་ན་ངས་གང་ཤེས་པ་དེ་ལན་འདེབས་རྒྱུ་ནི་ང་རང་གི་ལས་འགན་རེད་ཅེས་གསུང་ཡོད་པ་རེད། ཡིན་ཡང་། ཡ་ང་བ་ཞིག་ལ་ལས་ཀྱི་སྣེ་མོ་་བ་དང་ཤེས་ཡོན་ཅན་དང་གོ་སྐབས་ཡོད་མཁན་དག་གིས་༧ཁོང་ལ་བཀའ་འདྲི་བྱེད་ཀྱི་མེད་པ་འདི་ནི་ཡིད་འཕངས་པ་ཞིག་མ་རེད་ལགས།
ཨ་རིག་དགེ་མཐོང་ལགས། འདི་ན་གཅིག་ཡོད། གཟིགས་རོགས་ཞུ་ཟེར་བ་དེ་མིན་ན་སྐུ་ཉིད་ཕེབས་རྩིས་མེད་པ་འདྲ། དགོངས་དག་ཉིད་རང་ལ་ངས་མགོ་བསྐོར་བཏང་བ་ལྟ་བུ་་ཞིག་ཆགས་འདུག ཧ་ཧ་ཧ རྗེས་ཕྱོགས་མགོ་བསྐོར་མི་གཏོང་ཁོ་ཐག་་ཡིན། ང་ཚོ་ལ་མཚོན་ན་༧ཁོང་གི་བཀའ་སློབ་འདི་ཚོ་གལ་ཆེན་ནང་གི་དོན་ཆེན་ཡིན་སྟབས། བདག་གིས་འདི་རུ་འཇོན་མི་འཇོན་བྱེད་ཞོར་དུ་ཡི་གེ་རུ་ཕབ་པ་ཡིན་ལགས། ཉིད་ཀྱིས་ཀྱང་དུས་ཐོག་གི་གནས་ཚུལ་འདི་འདྲ་གོ་ཐོས་གང་བྱུང་ན་སྤུན་ཟླ་དག་ལ་འཁྱེར་ནས་ཡོང་རྒྱུ་མ་བརྗེད་ཅིག་ལགས།
ཨ་རོ་འདི་ན་ཅིག་ཡོད་ལྟོས་དང་ཞེས་ལབ་དུས་ང་ཚོས་ཀྱང་ལྟ་དགོས་རྒྱུ་རེད་སྙམ་ནས་ཡོང་ནས་ཀློག་ཟིན། སྐུ་ཉིད་ཀྱི་རྩོམ་འགྲུས་ལ་རྗེས་སུ་ཡི་རང་ཞུ།
འདི་དང་འདྲ་བའི་༧ཁོང་གི་གསུང་ལན་མང་པོ་ཞིག་ང་ཚོས་ཐོས་ཐུབ་གྱི་མེད་པ་རེད།་་་་དེ་ནི་ངོ་མས་ཡིད་སྐྱོ་བའི་གནས་སྟངས་ཤིག་རེད།་་་་་ཡང་ཕྱོགས་གཅིག་ནས་བཤད་ན་འདི་ནི་ངེད་བོད་པ་་རུལ་སུངས་ཆེ་ཤོས་ཤིག་རེད།ངེད་བོད་པ་ཚང་གིས་རང་ཉིད་ཀྱི་ནོར་བུ་གང་མང་ནོར་ངོ་ཟིན་གྱིན་མེད་པ་རེད།དེ་བས་ནོར་བུ་རིན་ཆེན་གང་མང་ཞིག་ས་ལ་བརྡལ་བ་རེད།
བསེ་རུ་ལགས། ཐུགས་ཁག་མི་འདུག མི་རེ་ལ་མཚམས་རེར་ལས་བྲེལ་ཡོད་དུས་ཤིག་ཡོད་ངེས་རེད། དེང་སྐབས་ཉིད་ལ་ལས་བྲེལ་ཆེ་ན་ཁག་མེད་ཀི དུས་ཁོམ་ཡོད་དུས་ཤིག་ལ་ཡང་བསྐྱར་གླེང་མོལ་ལྷོད་ལྷོད་ཅིག་བྱེད་ཆོག ཁོམ་པ་ནམ་ཡོད་ཅིག་ལ་བརྡ་ཞིག་རྒྱག་རྒྱུ་མ་བརྗེད་ཅིག
དྲ་གྲོགས་ལགས། ང་རང་ལས་བྲེལ་གྱི་དབང་གིས་དྲ་ཐོག་ཏུ་ཉིན་ལྟར་འབྱོར་དཀའ་བར་སོང་སྟབས། དགོངས་འགལ་མེད་པ་ཞུ། ངས་དུས་ཁོམ་ནམ་བྱུང་ལ་ཉིད་ཀྱི་ཟིན་བྲིས་སོགས་གང་ཐུབ་ཀློག་བཞིན་ཡོད།།
སྤག་སྤག་ལགས། ཉིད་ཀྱིས་བདག་ལ་དེ་འདྲའི་གདེང་འཇོན་བྱས་པ་དེར་ཐུགས་རྗེ་ཆེ། ཡིན་ཡང་། འུ་ཅག་ཚང་མ་གཅིག་ཡིན་པས་དམིགས་བསལ་གྱིས་ང་རང་ལ་དེ་འདྲའི་གདེང་འཇོན་བྱེད་རན་མེད་པ་རེད། འུ་ཅག་སུ་ཡིན་ཡང་རིགས་ཞེན་གྱིས་སེམས་རྩ་ལྷོག་ལྷོག་ལྡིང་བཞིན་པ་ཤ་སྟག་ཡིན་སྟབས། ཕན་ཚུན་ལ་གང་བཤད་འདོད་པ་གང་ཞིག་འདྲི་འདོད་པ་དག་ཐད་ཀར་བྲིས་པ་ཡིན་ན་དངོས་ནས་ཡག་པོ་ཡོད་པ་རེད། འདི་ནི་བདག་གིས་སྤུན་གྲོགས་ཡོངས་རེ་སྐུལ་ཡིན།
འོ་སྐོལ་གྱི་༸སྐྱབས་མགོན་ཆེན་པོའི་ཞལ་མཇལ་གསུང་ཐོས་པ་འདིའི་བདེ་སྐྱིད་དང་རིན་ཐང་དེ་ཚིག་གི་ལམ་ནས་བརྗོད་ཐབས་བྲལ་ནའང་། རྒྱ་ཆེ་ལ་གཏིང་ཟབ་པའི་དམ་ཆོས་ཀྱི་གཞི་ལམ་འབྲས་གསུམ་གྱི་རྣམ་གཞག་
མཐའ་དག་《གང་ལ་གང་འདུལ་དེ་ལ་དེ་སྟོན་》་གྱི་ཚུལ་དུ་ཤིང་རྟའི་སྲོལ་འབྱེད་པ་ནི་ཁོང་ལས་ལྷག་ཅིག་ད་བར་བྱོན་མེད་ཅེ་ན་
ཀུན་མཐུན་ཡིན་ཞིང་། མདོར་ན་༸སྐྱེས་མཆོག་ཁོང་དང་ཁོང་གི་མཛད་འཕྲིན་ནི།
རང་ཅག་སྤུན་ཟླའི་སེམས་ནང་གི་ཉི་མ་དང་མི་ཚེའི་དཀོན་པའི་མཆོག་ལགས་སོ།།
ཁོ་བོའི་སེམས་ཀྱི་ཟབ་ས་ནས་ཟབ་སར་ཐིམ་པའི་སྤུན་ཟླ་བོད། ཤ་ཁྲག་རུས་གསུམ་ལགས། སྐུ་ཉིད་ཀྱི་ཉིན་རེའི་ལས་དོན་རྣམས་བཙན་པོའི་
གཏམ་རྒྱུད་དུ་འགོད་བཞིན་པ་ནི་གུས་པའི་སེམས་ཀྱི་དྲོད་ཐིག་ཅིག་ལགས།
མཐའ་དོན་སྐུ་ཉིད་ཡུན་ནས་ཡུན་དུ་བདེ་ཐང་དང་བྱ་བ་གང་བརྩོན་དེ་དེ་བཞིན་དུ་འགྲུབ་པའི་གསོལ་བ་སྨོན་ལམ་འདེབས་བཞིན་ཡོད།
མགྱོགས་པོར་མཇལ་ཡོང་།
ཆུ་ཐིགས་སྔོན་མོ་ལགས། ང་ལ་བཀའ་དྲིན་ཆེ་ཞུ་དགོས་ཀྱི་ཡོད་པ་མ་རེད། འདི་ནི་ངེད་ཅག་ཚང་མས་སུས་བྱེད་ཐུབ་ན་བྱེད་རང་བ་ཞིག་ཆགས་ཀྱི་ཡོད་པ་རེད་ལགས། སྐུ་ཉིད་ནམ་རྒྱུན་ལྟར་དཀའ་ཚེགས་མེད་པར་རྒྱུན་དུ་འདི་རུ་ཕེབས་པ་ལ་དགའ་བསུ་ཞུ་བཞིན་ཡོད།
དངོས་གནས་དྲི་ལན་ཡག་པོ་གནང་འདུག ཉིད་ཀྱིས་འདིར་བཀོད་པར་ཐུགས་རྗེ་ཆེ་ཞུ་བཞིན་ཡོད།