དེ་རིང་སྔ་དྲོ་བོད་རིགས་བུད་མེད་རྩོམ་པ་པོ་འོད་ཟེར་ལགས་ཀྱི་དྲ་ཚིགས་སུ་གནས་ཚུལ་སྤེལ་བ་ལྟར་ན། ཉེ་བའི་དུས་ནས་བཟུང་རྒྱ་ནག་དབུས་བརྙན་འཕྲིན་ CCTV ལས་ཁུངས་དང་། ལྷོ་ཕྱོགས་ཟླ་མཇུག་སོགས་རྒྱ་ནག་ནང་ཁུལ་གྱི་གསར་ལམ་ཁག་ཅིག་ཏུ། བྷེ་བྷེ་སི་གསར་ཁང་དང་རྒྱ་ནག་དབུས་བརྙན་འཕྲིན་ཁང་གིས་ཕབ་སྐྲུན་བསྡུ་སྒྲིག་བྱས་པའི་ལེའུ་ལྔ་ཅན་གྱི་གློག་བརྙན་༼ བོད་ནང་ལོ་གཅིག ༽ཅེས་པ་དེ་དྲིལ་བསྒྲགས་ཤུགས་ཆེན་བྱེད་ཀྱིན་ཡོད་འདུག་ལ། གློག་བརྙན་དེར་བྷི་བྷི་སེ་ BBC གསར་ཁང་གིས་བསྡུ་བསྒྲིགས་བྱས་པའི་དབྱིན་སྐད་ཀྱི་བརྙན་འཕྲིིན་འོད་སྡེར་ཅིག་དང་དཔེ་དེབ་ཅིག རྒྱ་ནག་དབུས་བརྙན་འཕྲིན་ཁང་གིས་བསྡུ་སྒྲིགས་བྱས་པའི་རྒྱ་སྐད་ཀྱི་འོད་སྡེར་ཅིག་དང་དཔེ་དེབ་ཅིག་བཅས་རིགས་གཉིས་ཡོད་པ་རེད། ཡིན་ནའང་། རྒྱ་ནག་གཞུང་གིས་བྷེ་བྷེ་སི་གསར་ཁང་གིས་བསྡུ་སྒྲིག་བྱས་པའི་ཐོག་མའི་གློག་བརྙན་དེའི་ནང་དོན་དང་རིང་ཐུང་སོགས་ལ་བསྒྱུར་བཅོས་བཏང་སྟེ། སྔོན་མའི་ལེའུ་རེ་ལས་སྐར་མ་ ༡༢ ཐུང་རུ་བཏང་ཡོད་པ་མ་ཟད། གློག་བརྙན་གྱི་ནང་དོན་དང་འགྲེལ་བརྗོད་བཅས་ལ་འང་བསྒྱུར་བཅོས་བྱས་ཏེ། ནུབ་ཕྱོགས་པར་བོད་ནང་གི་བོད་མིའི་གནས་སྟངས་གང་མང་ཞིག་རྫུན་སྒྲིག་གིས་ཁྱབ་བསྒྲགས་བྱེད་ཀྱིན་ཡོད་པ་དང་། གློག་བརྙན་འདི་བརྒྱུད་དེ་ཕྱི་ཕྱོགས་སུ་རྫུན་སྒྲོག་བྱེད་པའི་ལག་ཆ་ཞིག་ཏུ་བེད་སྤྱོད་བྱེད་ཀྱིན་ཡོད་འདུག
གནས་ཚུལ་དེ་དག་གི་རྐྱེན་གྱིས་བྷེ་བྷེ་སི་གསར་ཁང་གིས། གློག་བརྙན་དེ་ནུབ་ཕྱོགས་པ་དང་ཕྱི་ཕྱོགས་སུ་ཡོད་པའི་ཏཱ་ལའི་བླ་མའི་རེ་འདོད་བཞིན་རྒྱ་ནག་གཞུང་འབྲེལ་གསར་ཁང་ལ་སྤྲད་ཡོད་ཚུལ་བརྗོད་ཡོད་པ་དང་། གློག་བརྙན་འདིའི་འཁྲབ་ཁྲིད་པ་རྒྱ་རིགས་ཧྲུའུ་ཡོན་གྱིས་ཀྱང་། གཞུང་ཕྱོགས་ནས་ཁོང་གི་འཁྲབ་གཞུང་ལ་བསྒྱུར་བཅོས་བཏང་བ་དེ་ཁོ་རང་ལ་བཅོས་ཐབས་མེད་པའི་བྱེད་སྟངས་ཤིག་ཡིན་ཚུལ་བརྗོད་ཡོད་པ་མ་ཟད། འཁྲབ་ཁྲིད་ཀྱི་སྐབས་སུ་ནང་སེམས་ཀྱི་ཚོར་འདུ་དང་འབྲེལ་བའི་ལེ་ཚན་གང་མང་ཞིག་མེད་པར་བཟོས་ཡོད་པའི་སྐོར་ཁས་ལེན་བྱས་ཏེ། དབྱིན་སྐད་ནང་ཕབ་པའི་གློག་བརྙན་བཞིན་མི་མང་གི་ངོས་ལེན་བྱ་མི་ཐུབ་པའི་སྐོར་འགྲེལ་བརྗོད་གནང་ཡོད་ཀྱང་། རྒྱ་ནག་གཞུང་འབྲེལ་གྱི་གསར་ལམ་ཁག་ཏུ་གློག་བརྙན་དེ་ནི་བོད་རིགས་པའི་ཞིབ་འཇུག་ལྟེ་གནས་ཀྱི་འགན་འཛིན་དགེ་ལེགས་ཀྱིས་རོགས་སྐྱོར་འོག་ལེགས་འགྲུབ་བྱུང་བའི་གློག་བརྙན་ཞིག་ཡིན་ཚུལ་བརྗོད་དེ། རྒྱ་ནག་ནང་ཁུལ་དང་ཕྱི་ཕྱོགས་སུ་དྲིལ་བསྒྲགས་ཤུགས་ཆེན་བྱེད་ཀྱིན་ཡོད་པ་མ་ཟད། གློག་བརྙན་དེའི་ཐོག་མའི་དབུ་འབྱེད་མཛད་སྒོ་སྟེང་། ཀྲུང་གོའི་རྒྱལ་སྲིད་སྤྱི་ཁྱབ་ཁང་གི་རྒྱུན་ལས་ལོའུ་ཡན་ཏུང་གིས་མཆོག་མཆན་དང་། ཀྲུང་གོ་འཐབ་ཕྱོགས་གཅིག་གྱུར་ཁང་བོད་རིག་པའི་ཞིབ་འཇུག་ལྟེ་གནས་ཀྱིས་ཤིས་ཚིག་ཕུལ་ཏེ། མ་འོངས་པར་མུ་མཐུད་དུ་འདི་རིགས་ཀྱི་གློག་བརྙན་ཕབ་སྐྲུན་བྱ་རྒྱུར་འབོད་སྐུལ་ཞུས་ཡོད་པ་རེད།
hjmkhjklg
གློག་བརྙན་འདི་youtube ནང་ཆ་ཚང་འདུག
ཁ་བྱང་གཤམ་དུ་ཡོད།
http://www.youtube.com/watch?v=MhW4dNISoXs
གློག་བརྙན་འདི་youtube ནང་ཆ་ཚང་འདུག
འོད་ཟེར་ལགས་ཀྱི་གནས་ཚུལ་འདི་དུས་ཐོག་སྤེལ་གནང་བ་ཐུགས་རྗེ་ཆེ་་་་ངོ་མ་ཤེས་ཡོན་པ་ཟེར་དུས་འདྲ་གི་མི་འདུག་ཨ་་་་དེ་བཞིན་དུས་བབ་རྩམ་སྒྲིག་པས་འོད་ཟེར་ལགས་གྱི་འདུན་བསྐྱོད་གྱི་འོད་ཟེར་ལ་དགའ་མོས་གནང་བ་ཡག་པོ་རེད་
དགེ་ལེགས་དང་དགྲ་འདུལ། ལྷག་པ་ཕུན་ཚོགས། ཁོ་ཚོ་ཚང་མ་རྒྱ་བཟའ་ལིག་ཡན་ཏུང་གི་བུ་རེད། བོད་ལ་བྱས་རྗེས་ཆེན་པོ་རེད།
འཕྲིན་གསར་འདི་རིགས་དགྱ་ནག་ཚང་ལ་མཚོན་ན་རྒྱུན་ལྡན་གྱི་གནས་ཚུལ་ཅིག་ལས་སྣང་ཚུལ་གསར་པ་ཞིག་གང་ཡང་མིན།