སེམས་ལ་ཉན་པ།

གཡོ་དང་སྒྱུ་མའི་བྲན་དུ་གྱུར་ཉིན་ནས།།
ཚུལ་འཆོས་སྤང་བའི་མི་ཞིག་བྱེད་འདོད་ཀྱང་།།
མི་ལ་བསྟུན་ཤུགས་ཆེ་བས་བར་དོ་ནས།།
རང་ཉིད་རང་ལ་མི་དབང་ད་ལྟའི་ལུགས།།

ཚུལ་འཆོས་ཆེ་ན་གྲགས་པའི་དཔལ་ཡང་འབར།།
རིགས་ཞེན་ཆེ་ན་སྲོག་འགོ་ཐོན་པར་དཀའ།།
གཞན་ལ་བསྟུན་ན་རང་རིག་བརྙེད་དཀའ་བས།།
སྲུང་སྐྱོབས་ལས་དེ་དཀའ་མོའི་འགན་ཁྲི་ཞིག།

གངས་ཕྲུག་ལགས། ངེད་ཅག་གིས་རང་ཉིད་རྙེད་པར་བརྩོན་པ་བྱེད་རྒྱུ་དེ་ནི་གལ་ཆེན་ཞིག་དུ་མཐོང་ནས་ངས་ད་ལྟ་ནས་རྩིས་པའི་ལོ་ངོ་མང་བོ་ཞིག་གི་གོང་ནས་བཟུང་དེ་རང་ཉིད་བོར་ཟིན་པ་དེ་ཕྱིར་རྙེད་ཐུབ་ལ་འབད་བཞིན་ཡོད་ལགས། ཡིན་ཡང་། འུ་ཅག་གི་ལས་སྐལ་ཟེར་ན་འགྲིག ཁོར་ཡུག་དང་མི་བསྟུན་ཐབས་མེད་ཟེར་ན་ཆོག སྐབས་རེར་རང་དབང་མེད་པར་རང་ཉིད་རང་གིས་བོར་དུ་འཇུག་དགོས་པའི་དུས་ཀྱང་བྱུང་གི་ཡོད་པ་རེད་ལགས། དེས་ན་ངས་འདི་ནས་རང་ཉིད་ཕྱིར་རྙེད་ཐབས་ཀྱི་ཐབས་ཤེས་སྣ་ཚོགས་ཤིག་བརྟེན་བཞིན་ཡོད་པས་ཁུལ་ཡིན་ཡང་། ད་དུང་དངོས་ནས་ཧ་ཅང་ཐག་རིང་ཐག་རིང་ཞིག་ཡིན་སྣང་ཞིག་ཤར་གྱི་འདུག་ལགས། འུ་ཅག་གི་ལས་དབང་དང་སྐྱིད་སྡུག་གཅིག་སྟབས། འུ་ཅག་གིས་རང་གི་རིགས་ལ་འགན་ལེན་དང་རང་གི་རིགས་ལ་ཤ་ཚ་བྱེད་འདོད་ཀྱི་འདུན་པ་འུ་ཅག་གི་རིགས་སུ་གཏོགས་པ་ཚང་མ་ལ་ཡོད་ངེས་ཡིན་ལགས།

འཇམ་མགོན་ལགས། ཉིན་མ་འདི་ཚོའི་རིང་དུ་རིག་རྒྱུ་མཐོང་རྒྱུ་ཞིག་མ་བྱུང་ཐལ། དེང་སང་ཁོམ་པོ་མེད་པར་ཆགས་པ་ཡིན་ནམ་སྙམ་སོང་། ཡིན་ཡང་། དེ་རིང་ཁོམ་ལོང་ཞིག་བྱུང་ནས་འདི་རུ་ཕེབས་པ་དགའ་སོང་། རྗེས་ཕྱོགས་ཀྱང་ཁོམ་དུས་སུ་ཡང་ཡང་ཕེབས་རྒྱུ་དང་བསམ་ཚུལ་ཐད་ཀར་གླེང་རོགས་ཞུ།

བསེ་རུ་ཉིད་ཀྱིས་སེམས་གཏམ་ཡིད་ལ་འཛིན།།
རང་གི་བུ་མོ་ཡག་པོ་ལྟ་སྐྱོང་བྱེད།།
ཞོར་དུ་ཉིད་ཀྱིས་འབོད་སྐུལ་དང་ལེན་ངང་།།
སྐད་ངག་མེད་ཀྱང་གླུ་དབྱངས་ཐར་ཐོར་ལེན།།

གངས་རིའི་གླིང་བུ་ལགས། ད་ལྟ་དྲ་ཐོག་ཏུ་ཡོད་དམ།

ཤ་ཁྲག་རུས་གསུམ་དྲ་རྒྱར་མགོ་འཁོར་ན།།
ཐར་མ་མཚོ་ལ་ཁ་ཡ་བྱ་རྒྱུ་ཉུང་།།
གངས་སྒྲོན་མ་ཡིས་ནུ་ཞོ་བསྣུན་པ་དང་།།
ཁྱེད་ཀྱིས་ཨོ་ལོ་ལོ་ཞེས་གླུ་ཞིག་ལོངས།།

སྐྱི་གཡའ་བའི་གཏམ་རྒྱུད་རེ་དང་།་ བོད་གངས་ཅན་ལ་དང་བའི་ལ་རྒྱ་དང་ཟུག་ངུ་ཁྱེར་ནས་ཕེབས་ཤོགས་གངས་ཕྲུག་ཚོ།

ལྷ་སྲས་བཞིན་དུ་འཁོར་དང་ལོང་སྤྱོད་མེད་ན་ཡང་།།
ཆབ་སྲིད་རིག་པའི་གཞུང་ལུགས་མ་བརྩམས་ཡང་།།
སྤྱིན་པར་གང་ཡང་འཕོད་པའི་སྙིང་སྟོབས་ཅན་གྱི་གྲོགས།།
པ་སངས་དྲི་མེད་སེམས་དེར་སྙིང་ནས་གུས་མདུད་ཞུ།།

རི་དྭགས་བསེ་རུ་བཞིན་དུ་དཀོན་པ་ཡི།།
བསེ་རུ་ལྟ་བུ་མི་གཤིས་དྲང་ཚུགས་ཅན།།
འུ་ཅག་ཀུན་གྱི་དམིགས་དཔེ་འཛིན་འོས་སྟབས།།
ནམ་ཡང་ཁོང་གི་རམ་འདེགས་བྱེད་དགོས་སོ།།

གངས་རྡེའུ་ལགས། ཁྱེད་ཀྱི་རེ་བ་དང་གདེང་འཇོག་གནང་བར་རྗེས་སུ་ཡི་རངས་ཞུ།
ངས་རང་རང་གི་ས་ནས་འཕག་འཚག་རེ་རྒྱག་གིན་ཉི་མ་བུད་བཞིན་ཡོད་པས་དེ་དོན་ཐུགས་གཡེང་མི་དགོས།།

ཨ་ཁུ་ཤ་ཁྲག་རུས་གསུམ་ཁྱོད་ལ་ཐུགས་རྗེ་ཞུ་བ་ཡིན། ངོ་མ་ཁྱོད་ཀྱིས་ཟིན་བྲིས་མང་བོ་སྤེལ་ཐུབ་ཀི་ད་དུང་དོན་སྙིང་མི་ཆུང་གི། གྲོགས་བསེ་རུ་ཟེར་བ་འདི་ངོ་མ་ཡིག་ནོར་ལ་གཟབ་ཀི ཧ་ཅང་དགའ་དགོས་ནི་ཞིག་རེད། ད་འདི་གཙུག་ལག་སལོབ་གྲྭ་ཟེར་བའི་མིང་རྫུག་པོ་ཅན་དང་ལས་ཁུང་ག་གེ་མོ་ཞིག་ལ་སོང་ནས་བྱ་བ་བསྒྲུབ་ན་ཧ་ཅང་བཟང་རྒྱུ་ཞིག་རེད། ཨ་ལ་ངས་ངོ་མ་བཤད་པ་ཡིན་ཀི་རེ་རྩེད་པ་མིན་ད།

ཤ་ཁྲག་ཟུང་གཅིག་བྲང་གི་ངོས་སུ་བབས། ། རུས་པའི་ལྷུ་ལག་ལ་རྒྱའི་ཚིགས་ལ་བརྟེན། །
ཆོལ་གསུམ་གཅིག་ཏུ་སྒྲིལ་བའི་སྟོབས་ཤུགས་ཀྱིས། །
རང་དབང་བདེ་སྐྱིད་བསུས་ན་ཨེ་མ་སྐྱིད། །

བོ༷ད་ཀྱི་བསྟན་སྲིད་ཆེད།།
ཤ༷་ཁྲག་ཕོངས་པ་མེད།།
རུ༷ས་ཞེན་སྐྱེ་བོ་འདི།།
ཆོ༷ལ་གསུམ་བོད་ལ་མཁོ།།
མཆོག་གསུ༷མ་སྐྱབས་སུ་བསྙེན།།
སྙིང་རུས་བོད་ལ་བསྐྱེད།།
གཅེས་པའི་ཤ༷་ཁྲ༷ག་འདི།།
གདོང་དམར་བོ༷ད་ཀྱི་བརྒྱུད།།
ཧཧ་་་ཧ་ཅང་སྒྲ་སྦྱོར་ལ་དགའ་བའི་བོད་ཤ་ཁྲག་རུས་གསུམ་ལ་ཕུལ

དབྱངས་ཅན་ལྷ་མོའི་བྱིན་རླབས་ཤིག།
བདག་གི་རྒྱུད་དུ་ཞུགས་པའི་ཉིན་མོ་དེ།།
ད་ནི་བར་ཐག་རིང་ལ་མི་ཚེ་འདིར།།
དེ་འདྲའི་བསྐལ་བ་ཡོད་མེད་དཀའ་མོ་ཡིན།།

ཡིན་ཡང་སྐྱེ་བ་འདི་ལ་མ་ཞུགས་ཀྱང་།།
རྗེས་པ་རྗེས་མར་རྒྱུད་དུ་ཞུགས་དུས་སུ།།
འགྲོ་བའི་སེམས་ངལ་འདྲེན་པའི་སྙན་ངག་མཁན།།
རིགས་རུས་དབྱེ་བ་མེད་མཁན་བྱེད་འདོད་ཡོད།།

དྲ་གྲོགས་རེ་རེའི་མཚན་གྱི་ཚིག་བཟུང་སྟེ།།
སེམས་དང་བསམ་པས་བརྗོད་པའི་སྙིང་གཏམ་རྣམས།།
རྦབ་ཆུ་བཞིན་དུ་དལ་མེད་བཞུར་བ་འདི།།
དབྱངས་ཅན་ལྷ་མོས་རྗེས་སུ་བཟུང་ངམ་ཅི།།

སྐར་ཚོགས་འོད་ཆེམ་མུན་ནག་མཚན་མོར་རྒྱུ།།
ཁྲི་བདག་རལ་བ་གནའ་བོའི་རྒྱན་དུ་བཟུང་།།
བཙན་པོའི་ཤུལ་བཞག་སྐྱོང་ཆེད་རང་སྲོག་ཀྱང་།།
གཏོང་ལ་གྲྭ་སྒྲིག་ཅན་གྱི་སྤུན་ཟླ་ལགས།།

དྲི་མེད་དག་གཙང་སེམས་ཀྱི་མཁའ་དབྱིངས་སུ།།
རིག་ཞེན་སྐད་དང་ཡི་གེ་དུངས་ཟབ་པའི།།
འགན་ལེན་ཁ་དང་ལག་ལེན་མྱུང་མཛད་མཁན།།
བསེ་རུ་ལྷག་བསམ་ཅན་ཁྱེད་བརྩེ་བས་མདུད།།

གྲོགས་པོ་ལགས་ཀྱིས་སྐད་ཆ་དངོས་གནས་ཤིག་བཤད་འདུག མང་ཆེ་ཤོས་དེ་འདྲ་ཞིག་རེད། ཡིན་ནའང་ང་་་་ཧཧཧཧཧཧཧཧཧཧཧཧ

ཤམ་བྷ་ལའི་ཡུལ་གྱི་དམངས་གཙོའི་ལས་འགུལ་དང་དམིགས་བསལ་ཚོགས་འདུ།
སྲིད་པ་གསུམ་གྱི་གསར་འགོད་པས།
༄༅།།་མདངས་ནུབ་ཤམ་བྷ་ལའི་ཡུལ་དུ་དམངས་གཙོའི་ལས་འགུལ་ཤུགས་ཆེན་ཞིག་བྱུང་ཞིང། མ་འོངས་པར་འཛམ་གླིང་གི་རྒྱལ་བོ་དེ་ནི་རིགས་ལྡན་རྒྱལ་པོ་རིམ་བྱོན་གྱིས་བྱས་ན་མི་ཆོག་པར་དེ་ནི་ངེས་པར་དུ་དམངས་ཀྱིས་འོས་འདེམས་བྱེད་དགོས་ཞེས་མང་ཚོགས་ཀྱིས་སྐད་འབོད་བྱས་པ་ནི་ལས་འགུལ་དེའི་ངོ་བོ་ཡིན་འདུག མ་གཞི་རིགས་ལྡན་རྒྱལ་པོ་ལའང་དེ་ལྟ་བུའི་དགོངས་བཞེས་ཡོད་འདུག འོན་ཀྱང་སྟབས་ཉེས་པ་ཞིག་ལ་ཤམ་བྷ་ལའི་ཡུལ་དུ་མང་གཙོའི་ལས་འགུལ་ཐོག་མ་ཡིན་པའི་རྒྱུ་མཚན་གྱིས་ཡིན་ནམ། གང་ལྟར་ཡུལ་མི་མང་པོ་ཞིག་གིས་སླར་ཡང་རིགས་ལྡན་རྒྱལ་པོ་ཉིད་འོས་འདེམས་མ་བྱས་ཚེ་ང་ཚོ་ཤམ་བྷ་ལའི་མི་སེར་ནས་གླིང་ཕྲན་དང་གོ་ལ་གཞན་ལ་སྐྱབས་བཅོལ་དང་གནས་སྤོས་བྱེད་རྒྱུ་ཡིན་ཞེས་སྦྱར་ཡིག་ཀྱང་གང་སར་བཀྲམས་ཡོད་འདུག་ཅིང།ཁ་ཤས་ཤིག་ཟླ་བའི་གོ་ལར་གནས་སྤོས་བྱེད་པའི་གྲ་སྒྲིག་ཀྱང་བྱས་ཏེ།རྒྱུ་སྐར་གཞན་བགྲོད་ཀྱི་ལས་གཞིའི་གཞུང་བསྒྲུབ་ས་ཚུགས་སུ་རྡོག་ཐོན་ཀྱང་བྱས་འདུག མ་གཞི་ཁོང་ཚོ་ལ་འགྲོ་འདོད་པས་ཡིན་པའང་འདྲ།
མཇུག་མཐར་ཟླ་བའི་གོ་ལའི་ནང་ནས་རང་འགུལ་འཕྲུལ་ཆས་ཤིག་གིས་ཤམ་བྷ་ལའི་ཡུལ་མི་ཡོངས་རྫོགས་ཀྱི་འདུ་ཤེས་དང་སེམས་ཁམས་ཆ་ཚང་པར་ལ་བརྒྱབ་ནས་སྲིད་རྩེ་ནས་མནར་མེད་བར་གྱི་འཁོར་བའི་གནས་ཡོངས་རྫོགས་ལ་འགྲེམས་སྟོན་བྱས་འདུག ཧ་ཅང་ཡ་མཚན་པ་ཞིག་ལ་པར་རིས་ཚང་མ་ཧ་ལམ་འདྲ་བོ་ཡིན་འདུག་ཅིང། ལྷག་པར་དུ་ཤམ་བྷ་ལའི་ཡུལ་མི་གཅིག་གི་སེམས་ངོས་ནའང་ ང་ཡུལ་འདིའི་རྒྱལ་པོ་བྱེད་དགོས་སྙམ་པའི་འདུ་ཤེས་དེ་གཏན་ནས་ཡོད་མི་འདུག་པས་ཁོང་ཚོའི་དམངས་གཙོའི་ལས་འགུལ་ལ་དོན་སྙིང་གཏན་ནས་མི་འདུག་ཅེས་སྲིད་པ་གསུམ་གྱིས་ཧབ་ཆ་ཆེན་པོ་ཞིག་མཉམ་དུ་བྱས་འདུག མཇུག་མཐར་སྲིད་གསུམ་མཉམ་འབྲེལ་གྱིས་སྤྱི་བསྒྲགས་ཆེན་པོ་འདི་ལྟར་སྤེལ་འདུག
ལྷ་ཡི་སྐད་དང་ཀླུ་དང་གནོད་སྦྱིན་སྐད་དང་མི་དང་དུད་འགྲོ་དམྱལ་བ་ཡི་དྭགས་སོགས་ཀྱི་སྐད་དུ་སྤྱི་བསྒྲགས་སྤེལ་བ།
མ་འོངས་པར་འཛམ་གླིང་གི་རྒྱལ་པོ་བྱེད་པའི་ཤམ་བྷ་ལའི་ཡུལ་མིའི་གོ་རྟོགས་མེད་པའི་ཟིང་ཆ་བསླངས་པ་དེ་ལ་ལོ་རྒྱུས་ཀྱི་དོན་སྙིང་ཆེན་པོ་ལྡན།
འདི་ལ་བརྟེན་ནས་འཁོར་བའི་གནས་ལ་གསར་བརྗེ་ཆེན་པོ་ཞིག་ཡོང་ངེས་རེད་ལ། གསར་བརྗེ་དེས་དམག་འཁྲུག་ཀྱང་སློང་སྲིད་ཀྱི་རེད། གང་ལྟར་ད་ཐེངས་རིགས་ལྡན་རྒྱལ་པོ་ནི་ཁེར་རྐྱང་ཡིན་དེ་ང་ཚོས་ཤེས་པ་རེད། ལྷག་པར་དུ་རིགས་ལྡན་རྒྱལ་པོ་འདི་མེད་པའི་རྗེས་ལ་ཤམ་བྷ་ལའི་ཡུལ་མིའི་ཁྲོད་འཛམ་གླིང་རྒྱལ་པོ་ལྟ་ཅི། ཡུལ་ལུང་འདིར་དབང་སྒྱུར་བྱེད་ཐུབ་མཁན་ཀྱང་མེད་པ་ཚན་རིག་གིས་བདེན་དཔང་བྱས་འདུག དེ་བས་ཚང་མས་རེམ་པོ་གྱིས། ད་ནས་བཟུང་མ་འོངས་པའི་རྒྱལ་པོ་ནི་རྩོད་གཞི་ཡིན་པ་ལས། ཐག་གཅོད་བྱས་ཟིན་པ་ཞིག་མིན་པ་དེ་རྟོགས་པར་གྱིས།
ཤོག་ཚང་མས་འཐབ་རྩོད་བྱེད། མ་འོངས་པའི་འཛམ་གླིང་གི་རྒྱལ་པོ་སུ་བྱེད་ལ་རྩོད་པ་བྱེད། ཅེས་བྲིས་ཏེ་ཡོངས་བསྒྲགས་བྱས་འདུག
ཤམ་བྷ་ལའི་ཡུལ་མི་རྣམས་ཀྱིས་<<ཟླ་བའི་གོ་ལའི་ནང་གི་རང་འགུལ་གྱི་འཕྲུལ་ཆས་དེ་ཀླ་ཀློ་སུ་ཞིག་དང་འབྲེལ་བ་ཡོད་དམ་>>ཅེས་པའི་རང་མོས་བགྲོ་གླེང་བྱེད་འགོ་ཚུགས་འདུག་ཅིང་རིང་མིན་དེའི་སྐོར་ལ་ཚོགས་ཆེན་ཀྱང་འཚོགས་རྒྱུ་ཡིན་པ་འདྲ།
གསལ་བཤད། གནས་ཚུལ་འདི་རྒྱ་གར་ནས་གོ་དུས་དེ་སྔོན་ཧིན་རྡི་ནེ་ཤ་ཡ་ནས་ཆུ་ལོག་འབྱུང་སྐབས་དང། རྒྱ་གར་དང་པ་གི་སི་ཐམ་བར་ས་འགུལ་བྱུང་སྐབས་ཡིན་འདུག་ཅིང། རྒྱ་ནག་དང་བོད་ནས་གོ་དུས་སི་ཁྲོན་ས་ཡོམ་ཆེན་པོའི་སྐབས་ཡིན་འདུག དེ་བཞིན་དུ་ཨ་རི་ནས་དེ་སྔོན་མཚོ་རླུང་དྲག་ཆར་དང་མཉམ་དུ་གོ་ཡོད་འདུག བྱས་རང་རང་བྱུང་གི་གཡོ་འགུལ་དེ་ཚོ་འགྲོ་བ་གཞན་གྱི་མི་ཡུལ་ལ་བརྡ་འཕྲིན་གཏོང་བའི་སྐབས་སུ་ཡོང་བཞིན་པ་འདྲ། སྲིད་པ་གསུམ་གྱི་གསར་འགོད་པས། ལྷའི་ཁྲི་ལོ་ ༨༨༨ ཟླ ༨ ཚེས ༨ ་སའི་གོ་ལ་དང་ཉི་མ་གཉིས་ཀྱི་བར་ལ་ཟླ་བ་འཛུལ་དེ་ས་གཞི་ལ་ནག་ཐོམ་པར་སྐད་ཅིག་ཙམ་སོང་བའི་སྐབས་དང་བསྟུན་ནས་མི་ཡུལ་དུ་བསྲིངས་པའོ། གཞན་ཀློག་མཁན་ཚོས་ལྟ་འདོད་ཡོད་ཚེ་ངས་སྐབས་སྐབས་སུ་གསར་གནས་འདི་འདྲ་གཏོང་རྒྱུ་ཡིན། ཁྱེད་ཚོར་ལྟ་འདོད་ཡོད་དམ།

གྲོགས་པོ་ཤ་ཁྲག་ལགས། དེ་རིང་ཡང་ང་ཐོག་མར་ཁྱེད་ཚང་ལ་ཡོང་དུས། ཁྱེད་ཀྱིས་སེམས་ལ་ཉན་པ་ཞེས་པའི་འཚིག་ཇ་དཀར་ཡོལ་གང་གིས་ང་ལ་བསུ་བ་བྱས་འདུག ངས་དེ་འཐུང་རྗེས་ཕྱིར་རང་ཡུལ་དུ་ལོག་སོང༌། གྲོགས་པོ་ལགས། དེ་རིང་བསེ་རུ་ཐོན་མི་འདུག་པས་ཁྱོད་ཀྱི་འཚིག་ཇ་ལ་ཀ་ར་མི་འདུག རྗེས་ཕྱོགས་བསེ་རུ་སླེབས་རྗེས་ང་ཡོང་ན་ཏག་ཏག་ཡིན་པ་འདྲ། ཧ་ཧ་ཧ།