མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

སེམས་ལ་ཉན་པ།

བོད། ཤ་ཁྲག་རུས་གསུམ།
༢༠༠༩/༠༨/༢༡
Share on FacebookShare on TwitterShare on EmailShare on Whatsapp

ནམ་རྒྱུན་དུ་ང་རང་གིས་འདི་ལྟར་བསམ་བཞིན་ཡོད་ཀྱང་། ཁྱེད་ཀྱིས་འདི་ལྟར་བྱེད་ཀྱི་འདུག དེ་ལྟར་ཡིན་དོན་གང་ལ་ཐུག་པ་རེད།

འོ་ རེད། ཁྱེད་ལ་ཐུགས་ཁག་མི་འདུག རྒྱུ་མཚན་ནི་འཇིག་རྟེན་འདིས་སྟེང་གི་མི་མང་ཤོས་ཀྱི་ཚུལ་བཅོས་ཀྱི་འབག་ཞིག་ གོན་ནས་མི་ལུས་སྲུང་བཞིན་ཡོད་པ་དེ་ལ་ཁྱེད་རང་གིས་ཀྱང་གུས་བརྩི་དང་བསྟུན་ ཤེས་མ་བྱས་པ་ཡིན་ན་ཁྱེད་རང་ལ་དེ་དག་གི་ལྟ་སྟངས་ཡག་པོ་ཞིག་ཡོང་མི་སྲིད་ལ། ད་དུང་། ཁྱེད་ཉིད་ལ་མི་དེ་དག་གི་རྩ་མི་ཚང་བར་འབོད་པའམ། ཉིན་མོ་དེ་ནས་བཟུང་ཁྱེད་ཀྱི་གང་བྱས་དང་གང་བཤད་ལ་རིན་ཐང་མེད་པར་ཆགས་འགྲོ དེའི་སྟབས་ཀྱི་ཁྱེད་རང་གི་ང་ལ་ཉན་ནས་ལས་ཀ་བྱེད་རྒྱུ་ནི་དངོས་ནས་ཁག་པོ་ཡོད། འོན་ཀྱང་། ངས་རྟག་དུ་ཁྱེད་རང་བློས་གཏོང་འཕོད་ཀྱི་མེད། རྒྱུ་མཚན་ནི་ང་རང་ཁྱེད་ཀྱི་བྲང་ཁོག་ནང་དུ་ཡོད་པས་ཡིན་ལ། ང་རང་ཁྱེད་ཀྱི་བྲང་ཁོག་འདི་དང་ཁ་བྲལ་རེག་བར་དུ་ངས་ཁྱེད་ཀྱི་དགའ་སྐྱོ་ཆགས་ སྡང་གི་ཚོར་བ་ཡོད་ཚད་ལ་དང་ལེན་དང་བཟོད་བསྲན་དང་བསམ་ཤེས་བྱེད་དགོས་ཀྱི་ཡོད། དེ་ལྟར་མ་བྱས་པའི་ཉིན་མོ་དེར་འུ་གཉིས་ཁ་ཁར་ཆགས་ངེས་ཡིན་ལ། འུ་གཉིས་ཁ་ཁར་ཆགས་སོང་བ་ཡིན་ན་སླར་ཡང་འདི་འདྲའི་རྐ་རྐང་ལག་ཚང་མ་འཛོམ་པ་དང་ རྣམ་རིག་གསལ་བའི་མི་ཞིག་གི་ལུས་འདི་ཁྱེད་རང་ལ་སླར་ཡང་ཐོབ་མིན་མི་ཤེས་ལ། ནང་དགོས་སུ་ཁྱེད་རང་བོད་རིགས་ཤིག་ལ་སྐྱེ་བ་ལེན་ཐུབ་མིན་ཡང་དེ་ལས་ཀྱང་བཤད་ དཀའ། ཡིན་ཡང་། ང་རང་ལ་བསམ་ཚུལ་རང་དབང་དང་གར་འགྲོ་གར་འདུག་གི་རང་དབང་ཞིག་ཡོད་རྒྱུ་ནི་ང་རང་ བསྐལ་བ་མཐའ་ལ་ཐུག་རེག་བར་དུ་བོད་ལུས་ཤ་སྟག་གི་བྲང་ཁོག་དུ་འཛུལ་ནས་བོད་མི་ རིགས་འདི་ཉིད་ཀྱི་སྲོག་དབང་སྲུང་སྐྱོབས་བྱེད་མཁན་གྱི་མི་སྣ་ཞིག་བྱེད་འདོད་ ཡོད།

ཡ་ང་བ་ཞིག་ལ་ང་རང་གིས་ ཀྱང་ང་རང་གང་ནས་འོང་བ་དང་རྗེས་སུ་གང་དུ་འགྲོ་མིན་གྱི་གདམ་ག་དེ་ཉིད་ང་ལ་གཏན་ ནས་མེད་པ་ཞིག་རེད། དོན་དངོས་སུ་ང་རང་གང་ནས་འོང་བ་རེད། ངས་ཁྱེད་ཀྱི་བྲང་ཁོག་ན་འཛུབ་མོ་བཙུགས་ནས་བཙལ་ས་མེད་པའི་ཡུལ་གང་ཞིག་སྲུང་དེ་ བསྡད་ཡོད་པ་རེད། དོན་དངོས་ཐོག ང་ལ་དགོས་པ་དེ་ནི་ཁྱེད་རང་ཁོ་ན་སྲུང་སྐྱོབས་བྱེད་རྒྱུའི་ལས་འགན་དེ་གཅིག་བུ་ ཡིན་ནམ་ཅི།

མཆན། 41

  1. sha tak ri sim says:
    ལོ་ 13 སྔོན།

    གཡོ་དང་སྒྱུ་མའི་བྲན་དུ་གྱུར་ཉིན་ནས།།
    ཚུལ་འཆོས་སྤང་བའི་མི་ཞིག་བྱེད་འདོད་ཀྱང་།།
    མི་ལ་བསྟུན་ཤུགས་ཆེ་བས་བར་དོ་ནས།།
    རང་ཉིད་རང་ལ་མི་དབང་ད་ལྟའི་ལུགས།།

    Reply
  2. sha tak ri sim says:
    ལོ་ 13 སྔོན།

    ཨ་བུ་གངས་དཀར་ལགས། མི་རེ་ལ་གསོན་སྟངས་རེ་ཡོད་པ་་བཞིན་འདི་ནི་བདག་གི་གསོན་སྟངས་དང་འབྲེལ་ཡོད་པ་ཞིག་རེད་ལགས།

    Reply
  3. tsekyis says:
    ལོ་ 13 སྔོན།

    ཚུལ་འཆོས་ཆེ་ན་གྲགས་པའི་དཔལ་ཡང་འབར།།
    རིགས་ཞེན་ཆེ་ན་སྲོག་འགོ་ཐོན་པར་དཀའ།།
    གཞན་ལ་བསྟུན་ན་རང་རིག་བརྙེད་དཀའ་བས།།
    སྲུང་སྐྱོབས་ལས་དེ་དཀའ་མོའི་འགན་ཁྲི་ཞིག།

    Reply
  4. bgyatso says:
    ལོ་ 13 སྔོན།

    གྲོགས་པོ་ལགས་ལ་དངོས་གནས་གསོན་ཤུགས་དང་སྙིངས་སྟོབས་མཚར་བོ་ཞིག་འདུག།

    Reply
  5. sha tak ri sim says:
    ལོ་ 13 སྔོན།

    གངས་ཕྲུག་ལགས། ངེད་ཅག་གིས་རང་ཉིད་རྙེད་པར་བརྩོན་པ་བྱེད་རྒྱུ་དེ་ནི་གལ་ཆེན་ཞིག་དུ་མཐོང་ནས་ངས་ད་ལྟ་ནས་རྩིས་པའི་ལོ་ངོ་མང་བོ་ཞིག་གི་གོང་ནས་བཟུང་དེ་རང་ཉིད་བོར་ཟིན་པ་དེ་ཕྱིར་རྙེད་ཐུབ་ལ་འབད་བཞིན་ཡོད་ལགས། ཡིན་ཡང་། འུ་ཅག་གི་ལས་སྐལ་ཟེར་ན་འགྲིག ཁོར་ཡུག་དང་མི་བསྟུན་ཐབས་མེད་ཟེར་ན་ཆོག སྐབས་རེར་རང་དབང་མེད་པར་རང་ཉིད་རང་གིས་བོར་དུ་འཇུག་དགོས་པའི་དུས་ཀྱང་བྱུང་གི་ཡོད་པ་རེད་ལགས། དེས་ན་ངས་འདི་ནས་རང་ཉིད་ཕྱིར་རྙེད་ཐབས་ཀྱི་ཐབས་ཤེས་སྣ་ཚོགས་ཤིག་བརྟེན་བཞིན་ཡོད་པས་ཁུལ་ཡིན་ཡང་། ད་དུང་དངོས་ནས་ཧ་ཅང་ཐག་རིང་ཐག་རིང་ཞིག་ཡིན་སྣང་ཞིག་ཤར་གྱི་འདུག་ལགས། འུ་ཅག་གི་ལས་དབང་དང་སྐྱིད་སྡུག་གཅིག་སྟབས། འུ་ཅག་གིས་རང་གི་རིགས་ལ་འགན་ལེན་དང་རང་གི་རིགས་ལ་ཤ་ཚ་བྱེད་འདོད་ཀྱི་འདུན་པ་འུ་ཅག་གི་རིགས་སུ་གཏོགས་པ་ཚང་མ་ལ་ཡོད་ངེས་ཡིན་ལགས།

    Reply
  6. Gkangdak says:
    ལོ་ 13 སྔོན།

    ཁྱོད་ཉིད་གངས་ཅན་པ་ཚང་གི་རིགས་རྒྱུད་སྐྱོང་བའི་བོད་ཀྲི་ཤ་ཁྲག་རུས་གསུམ་ཡིན་པས། ཁྱོད་ནམ་སྙུག་ཐོགས་པའི་དབའ་བོ་དེ་ལུས་ཡིན། ཁྱོད་ཁིས་བཤད་པ་རྒྱུ་མཚན་དངོས་གནས་འདུག་ང་་ཚོའི་ཁྲེལ་མེད་ཀྱི་མང་བོ་ཞིག་གིས་རང་ཉེད་བོར་འདུག།

    Reply
  7. sha tak ri sim says:
    ལོ་ 13 སྔོན།

    འཇམ་མགོན་ལགས། ཉིན་མ་འདི་ཚོའི་རིང་དུ་རིག་རྒྱུ་མཐོང་རྒྱུ་ཞིག་མ་བྱུང་ཐལ། དེང་སང་ཁོམ་པོ་མེད་པར་ཆགས་པ་ཡིན་ནམ་སྙམ་སོང་། ཡིན་ཡང་། དེ་རིང་ཁོམ་ལོང་ཞིག་བྱུང་ནས་འདི་རུ་ཕེབས་པ་དགའ་སོང་། རྗེས་ཕྱོགས་ཀྱང་ཁོམ་དུས་སུ་ཡང་ཡང་ཕེབས་རྒྱུ་དང་བསམ་ཚུལ་ཐད་ཀར་གླེང་རོགས་ཞུ།

    Reply
  8. sha tak ri sim says:
    ལོ་ 13 སྔོན།

    གངས་རིའི་གླིང་བུ་ལགས། འཇིག་རྟེན་འདི་ནི་ཤེལ་སྒོང་ལྟ་བུ་ཞིག་ལ་ཆགས་བཞག་པ་ཡིན་ན། དེ་ནི་གཙང་བཙོག་གི་དྲི་མའི་མ་གོས་པ་ཞིག་ཆགས་པར་འུ་ཅག་གིས་རང་རང་གི་ས་ནས་གང་ཐུབ་གཙང་མ་བཟོ་དགོས་པ་ལས། དེ་ཉིད་གཙང་མ་མེད་ན་མེད། ང་མི་གཅིག་ལ་ཅི་ཡོང་བསམ་ནས་རང་ཉིད་ཀྱང་རང་གི་སེམས་ལ་ཉན་ཐུབ་མཁན་དེ་བྱེད་མ་ཐུབ་པ་ཡིན་ན་དངོས་ནས་གྱོང་རྒུད་དེ་ནི་རང་ཉིད་གཙོ་བའི་མིའི་རིགས་ལ་འཕོག་སྲིད་པ་ཡིན་ལ། དམིགས་བསལ་གྱིས་རང་རིགས་ཀྱི་སྐྱེ་བོ་ཡོངས་ལ་ནད་དུག་དེ་འཕོག་སྲིད་པ་ཡིན། དེ་ཉིད་འཕོག་པའི་ཕྱིར་ཉིན་ནས་བཟུང་དེ་འུ་ཅག་གི་མི་རིགས་འདིའི་ཆེད་དུ་འཐབ་རྩོད་བྱས་ཀྱང་ཕན་ཐོག་མེད་པར་གྱུར་བ་རེད།

    Reply
  9. sha tak ri sim says:
    ལོ་ 13 སྔོན།

    བསེ་རུ་ཉིད་ཀྱིས་སེམས་གཏམ་ཡིད་ལ་འཛིན།།
    རང་གི་བུ་མོ་ཡག་པོ་ལྟ་སྐྱོང་བྱེད།།
    ཞོར་དུ་ཉིད་ཀྱིས་འབོད་སྐུལ་དང་ལེན་ངང་།།
    སྐད་ངག་མེད་ཀྱང་གླུ་དབྱངས་ཐར་ཐོར་ལེན།།

    Reply
  10. jamgon says:
    ལོ་ 13 སྔོན།

    གྲོགས་ཤ་ཁྲག་གཙོས་བའི་དྲ་གྲོགས་ཚང་མས་རང་གི་བསམ་ཚུལ་གླེང་བ་བདེ་ལེགས་ཞུ། ཆ་ཚང་བཀླགས་ཟིན།

    Reply
  11. samkhar says:
    ལོ་ 13 སྔོན།

    གངས་རིའི་གླིང་བུ་ལགས། ད་ལྟ་དྲ་ཐོག་ཏུ་ཡོད་དམ།

    Reply
  12. ajamyang says:
    ལོ་ 13 སྔོན།

    རྒན་རབས་པ་ལགས།ངོ་མས་བཤད་ན་འཇིག་རྟེན་འདིར་གདོང་འབག་མ་གྱོན་པར་སྐད་ཆ་བཤད་མཁན་ཉུང་ཉུང་རེད།དེ་བས་གདོང་འབག་གྱོན་པའི་མི་ལ་ཐུག་དུས་གདོང་འབག་གྱོན་ནས་སྐད་ཆ་བཤད་དགོས་དང།གཅེར་ཐེར་དུ་བུད་པའི་མི་ལཐུག་དུས་གཅེར་ཐེར་དུ་བུད་ནས་སྐད་ཆ་བཤད་དགོས་ཀྱིན་འདུག་བསམ་གི་་་་་་་

    Reply
  13. samkhar says:
    ལོ་ 13 སྔོན།

    ཤ་ཁྲག་རུས་གསུམ་དྲ་རྒྱར་མགོ་འཁོར་ན།།
    ཐར་མ་མཚོ་ལ་ཁ་ཡ་བྱ་རྒྱུ་ཉུང་།།
    གངས་སྒྲོན་མ་ཡིས་ནུ་ཞོ་བསྣུན་པ་དང་།།
    ཁྱེད་ཀྱིས་ཨོ་ལོ་ལོ་ཞེས་གླུ་ཞིག་ལོངས།།

    Reply
  14. sha tak ri sim says:
    ལོ་ 13 སྔོན།

    བྲག་འགོ་དཀོན་མཆོག་དར་རྒྱས་ལགས། ངེད་ཅག་གང་དུ་ཡོད་ཀྱང་། ངེད་ཅག་གང་དུ་སོང་ཡང་། ངེད་ཅག་གིས་རང་ཉིད་ནམ་ཡང་མི་རིགས་བོད་ལ་སྐྱེ་བ་བརྗེད་མི་རུང་བ་ཡིན་ལ། དེ་ལྟར་བརྗེད་ཀྱང་མི་སྲིད་པ་རེད་ལགས། མགོ་བོ་འདི་ས་ལ་མ་བཞག་བར་དུ་རང་ཉིད་བོད་པ་ཡིན་པ་དེ་བརྗེད་མི་སྲིད་པ་དེ་ཙམ་གྱིས་ཆོག་གམ་ཟེར་ན་ཡང་གཏན་ནས་མི་ཆོག་པར། རང་ཉིད་བོད་མི་རིགས་འདི་ལ་སྐྱེ་བའི་འགན་ཞིག་ཡོད་པ་དེ་ཡང་འཁུར་དགོས་ཀྱི་ཡོད་པ་རེད་ལགས། དེ་ཡང་རྒྱུ་ཡོད་མེད་ཀྱི་སྐད་ཆ་དང་དབང་ཤུགས་ཡོད་མེད་ཀྱི་སྐད་ཆ་ཡང་མིན་པར། རང་རང་གནས་སའི་ཁོར་ཡུག་དང་ས་ཆ་གང་དུ་ཡིན་ཡང་། རང་ཉིད་བོད་ཟེར་བའི་མི་ཞིག་ཡིན་དུས་ངའི་བྱ་སྤྱོད་འདུག་གསུམ་གང་ཡིན་ཡང་བོད་དང་འབྲེལ་བ་ཡོད་པ་ཤ་སྟག་ཡིན་བསམ་ནས་རང་གིས་རང་ལ་བརྟག་དཔྱད་དང་རང་གིས་རང་ལ་བདག་པོ་རྒྱག་ཐུབ་པ་ཡིན་ན་དེ་ནི་རང་ཉིད་བོད་ལ་སྐྱེ་བའི་བོད་པ་ལ་འགན་འཁུར་བའི་གོམ་པ་སྤོ་སྟངས་ཤིག་ལ་ངོས་འཛིན་བྱེད་ཆོག་པར་སྙམ་ལགས། སྐུ་ཉིད་ཀྱིས་དེའི་བསྐོར་ལ་ག་རེ་དྲན་གྱི་ཡོད་དམ་ལགས།

    Reply
  15. Dre Sha Zen says:
    ལོ་ 13 སྔོན།

    སྐྱི་གཡའ་བའི་གཏམ་རྒྱུད་རེ་དང་།་ བོད་གངས་ཅན་ལ་དང་བའི་ལ་རྒྱ་དང་ཟུག་ངུ་ཁྱེར་ནས་ཕེབས་ཤོགས་གངས་ཕྲུག་ཚོ།

    Reply
  16. sha tak ri sim says:
    ལོ་ 13 སྔོན།

    ཆབ་སྲིད་རིག་པའི་གཞུང་ལུགས་བརྩམས་མྱོང་མེད་ན་ཡང་།།

    Reply
  17. sha tak ri sim says:
    ལོ་ 13 སྔོན།

    ལྷ་སྲས་བཞིན་དུ་འཁོར་དང་ལོང་སྤྱོད་མེད་ན་ཡང་།།
    ཆབ་སྲིད་རིག་པའི་གཞུང་ལུགས་མ་བརྩམས་ཡང་།།
    སྤྱིན་པར་གང་ཡང་འཕོད་པའི་སྙིང་སྟོབས་ཅན་གྱི་གྲོགས།།
    པ་སངས་དྲི་མེད་སེམས་དེར་སྙིང་ནས་གུས་མདུད་ཞུ།།

    Reply
  18. lhachapjinpa says:
    ལོ་ 13 སྔོན།

    གྲོགས་པོ་ཤ་ཁྲག་ལགས།་ད་ནི་ཁྱོད་ཀྱི་ཚིགས་བཅད་ལ་ཡར་རྒྱས་ཆེན་པོ་སོང་འདུགདེའི་སྟབས་ཀྱིས་གྲོགས་པོ་ང་ཧ་ཅང་དགའ་ཡོད།

    Reply
  19. sha tak ri sim says:
    ལོ་ 13 སྔོན།

    རི་དྭགས་བསེ་རུ་བཞིན་དུ་དཀོན་པ་ཡི།།
    བསེ་རུ་ལྟ་བུ་མི་གཤིས་དྲང་ཚུགས་ཅན།།
    འུ་ཅག་ཀུན་གྱི་དམིགས་དཔེ་འཛིན་འོས་སྟབས།།
    ནམ་ཡང་ཁོང་གི་རམ་འདེགས་བྱེད་དགོས་སོ།།

    Reply
  20. sha tak ri sim says:
    ལོ་ 13 སྔོན།

    གངས་ཅན་ལྗོངས་སུ་གནའ་མི་གྲགས་ཅན་གསུམ།།
    རྡེའུ་སྤུན་ཟླུན་གསུམ་ཟེར་བའི་ལོ་རྒྱུས་ཤིག།
    རྣ་བུའི་ལམ་དུ་ཡང་ཡང་སྤྱོད་མྱོང་དེ་།།
    མཇལ་མྱོང་མེད་ཀྱང་ཡིད་སྨོན་བྱེད་ས་ཡིན།།

    Reply
  21. samkhar says:
    ལོ་ 13 སྔོན།

    གངས་རྡེའུ་ལགས། ཁྱེད་ཀྱི་རེ་བ་དང་གདེང་འཇོག་གནང་བར་རྗེས་སུ་ཡི་རངས་ཞུ།
    ངས་རང་རང་གི་ས་ནས་འཕག་འཚག་རེ་རྒྱག་གིན་ཉི་མ་བུད་བཞིན་ཡོད་པས་དེ་དོན་ཐུགས་གཡེང་མི་དགོས།།

    Reply
  22. kangdiy says:
    ལོ་ 13 སྔོན།

    སལོབ་གྲྭ་ཟེར་བ་སལོབ་གྲྭ་ལ་བཅོས་རོགས་ཞུ

    Reply
  23. kangdiy says:
    ལོ་ 13 སྔོན།

    ཨ་ཁུ་ཤ་ཁྲག་རུས་གསུམ་ཁྱོད་ལ་ཐུགས་རྗེ་ཞུ་བ་ཡིན། ངོ་མ་ཁྱོད་ཀྱིས་ཟིན་བྲིས་མང་བོ་སྤེལ་ཐུབ་ཀི་ད་དུང་དོན་སྙིང་མི་ཆུང་གི། གྲོགས་བསེ་རུ་ཟེར་བ་འདི་ངོ་མ་ཡིག་ནོར་ལ་གཟབ་ཀི ཧ་ཅང་དགའ་དགོས་ནི་ཞིག་རེད། ད་འདི་གཙུག་ལག་སལོབ་གྲྭ་ཟེར་བའི་མིང་རྫུག་པོ་ཅན་དང་ལས་ཁུང་ག་གེ་མོ་ཞིག་ལ་སོང་ནས་བྱ་བ་བསྒྲུབ་ན་ཧ་ཅང་བཟང་རྒྱུ་ཞིག་རེད། ཨ་ལ་ངས་ངོ་མ་བཤད་པ་ཡིན་ཀི་རེ་རྩེད་པ་མིན་ད།

    Reply
  24. sha tak ri sim says:
    ལོ་ 13 སྔོན།

    གཉའ་གནོན་ཐུབ་ཚོད་འོག་གི་མི་རིགས་འདི།།
    འབྲོང་གི་སྙིང་རྩ་ཅན་གྱི་མི་རིགས་འདིས།།
    ཐུ་ཞིག་མེད་ཀྱང་རང་ནུས་གང་ཡོད་ཀྱིས།།
    བུ་ལ་སྐྱེ་བའི་དོན་གོ་བརྗེད་མི་རུང་།།

    Reply
  25. dongthe says:
    ལོ་ 13 སྔོན།

    ཤ་ཁྲག་ཟུང་གཅིག་བྲང་གི་ངོས་སུ་བབས། ། རུས་པའི་ལྷུ་ལག་ལ་རྒྱའི་ཚིགས་ལ་བརྟེན། །
    ཆོལ་གསུམ་གཅིག་ཏུ་སྒྲིལ་བའི་སྟོབས་ཤུགས་ཀྱིས། །
    རང་དབང་བདེ་སྐྱིད་བསུས་ན་ཨེ་མ་སྐྱིད། །

    Reply
  26. sha tak ri sim says:
    ལོ་ 13 སྔོན།

    མི་ཡི་ཡུལ་ནས་ངེད་ཅག་སྐྱེ་འདྲ་ཡང་།།
    མི་ཡུལ་འདི་ནས་མི་ཐོབ་མེད་པ་འདིས།།
    བོད་རིགས་མི་ཡི་སེམས་ཀྱི་ནད་ཚ་འདི།།
    འགན་དུ་ལེན་རྒྱུར་འུ་ཅག་ཚང་མར་ཡོད།།

    Reply
  27. kungathinley says:
    ལོ་ 13 སྔོན།

    བོ༷ད་ཀྱི་བསྟན་སྲིད་ཆེད།།
    ཤ༷་ཁྲག་ཕོངས་པ་མེད།།
    རུ༷ས་ཞེན་སྐྱེ་བོ་འདི།།
    ཆོ༷ལ་གསུམ་བོད་ལ་མཁོ།།
    མཆོག་གསུ༷མ་སྐྱབས་སུ་བསྙེན།།
    སྙིང་རུས་བོད་ལ་བསྐྱེད།།
    གཅེས་པའི་ཤ༷་ཁྲ༷ག་འདི།།
    གདོང་དམར་བོ༷ད་ཀྱི་བརྒྱུད།།
    ཧཧ་་་ཧ་ཅང་སྒྲ་སྦྱོར་ལ་དགའ་བའི་བོད་ཤ་ཁྲག་རུས་གསུམ་ལ་ཕུལ

    Reply
  28. sha tak ri sim says:
    ལོ་ 13 སྔོན།

    ལྷ་མི་ཀུན་ལ་མཁོ་བའི་གཏམ་གླེང་མཁན།།
    ཆབ་སྲིད་རིག་གཞུང་བསྔོག་བཞིན་བོད་དོན་དུ།།
    སྤྱིན་པའི་ཡོན་བདག་ལྟ་བའི་བྱམས་བརྩེ་ཅན།།
    པ་སངས་ལྷག་བསམ་དེ་ཉིད་རྒྱལ་གྱུར་ཅིག།

    Reply
  29. sha tak ri sim says:
    ལོ་ 13 སྔོན།

    དབྱངས་ཅན་ལྷ་མོའི་བྱིན་རླབས་ཤིག།
    བདག་གི་རྒྱུད་དུ་ཞུགས་པའི་ཉིན་མོ་དེ།།
    ད་ནི་བར་ཐག་རིང་ལ་མི་ཚེ་འདིར།།
    དེ་འདྲའི་བསྐལ་བ་ཡོད་མེད་དཀའ་མོ་ཡིན།།

    ཡིན་ཡང་སྐྱེ་བ་འདི་ལ་མ་ཞུགས་ཀྱང་།།
    རྗེས་པ་རྗེས་མར་རྒྱུད་དུ་ཞུགས་དུས་སུ།།
    འགྲོ་བའི་སེམས་ངལ་འདྲེན་པའི་སྙན་ངག་མཁན།།
    རིགས་རུས་དབྱེ་བ་མེད་མཁན་བྱེད་འདོད་ཡོད།།

    Reply
  30. lhachapjinpa says:
    ལོ་ 13 སྔོན།

    བསེ་རུའི་ལྷག་བསམ་དྭངས་མོ་འདིས།།
    ཤ་ཁྲག་རུས་གསུམ་དར་ལ་བབ།།
    ཀློག་མཁན་ཁྲི་མ་འབུམ་ཕྲག་གིས།།
    དགའ་བསུའི་ཐལ་སྒྲ་བར་མེད་སྒྲོག།

    Reply
  31. samkhar says:
    ལོ་ 13 སྔོན།

    དྲ་གྲོགས་རེ་རེའི་མཚན་གྱི་ཚིག་བཟུང་སྟེ།།
    སེམས་དང་བསམ་པས་བརྗོད་པའི་སྙིང་གཏམ་རྣམས།།
    རྦབ་ཆུ་བཞིན་དུ་དལ་མེད་བཞུར་བ་འདི།།
    དབྱངས་ཅན་ལྷ་མོས་རྗེས་སུ་བཟུང་ངམ་ཅི།།

    Reply
  32. sha tak ri sim says:
    ལོ་ 13 སྔོན།

    ཆུ་དང་ཆར་བའི་ཁྲོད་དུ་འདུར་ན་ཡང་།།
    ཐིགས་པ་རེ་རེ་བསགས་ནས་ཁང་ཆུང་གཏོར།།
    སྔོན་དང་བསྡུར་ན་དར་རྒྱས་སོང་ཡོད་ཀྱང་།།
    མོ་དྲི་ཐུལ་བའི་མལ་ནས་བླངས་འདོད་མེད།།

    Reply
  33. sha tak ri sim says:
    ལོ་ 13 སྔོན།

    སྐར་ཚོགས་འོད་ཆེམ་མུན་ནག་མཚན་མོར་རྒྱུ།།
    ཁྲི་བདག་རལ་བ་གནའ་བོའི་རྒྱན་དུ་བཟུང་།།
    བཙན་པོའི་ཤུལ་བཞག་སྐྱོང་ཆེད་རང་སྲོག་ཀྱང་།།
    གཏོང་ལ་གྲྭ་སྒྲིག་ཅན་གྱི་སྤུན་ཟླ་ལགས།།

    Reply
  34. sha tak ri sim says:
    ལོ་ 13 སྔོན།

    ཨ་སྔོན་དགུང་དུ་འཁྱུགས་ཤིང་རྩེན་ན་ཡང་།།
    འབྲུག་གི་གནས་ཚང་མ་རེག་བུ་ལོ་ཁྱེད།།
    དཀོན་པའི་རིགས་ལ་ཞེན་པ་ཆེ་ན་ཡང་།།
    མཆོག་གི་རྗེས་མཇུག་ཉན་མིན་རང་ལ་དཔྱོད།།

    Reply
  35. sha tak ri sim says:
    ལོ་ 13 སྔོན།

    དྲི་མེད་དག་གཙང་སེམས་ཀྱི་མཁའ་དབྱིངས་སུ།།
    རིག་ཞེན་སྐད་དང་ཡི་གེ་དུངས་ཟབ་པའི།།
    འགན་ལེན་ཁ་དང་ལག་ལེན་མྱུང་མཛད་མཁན།།
    བསེ་རུ་ལྷག་བསམ་ཅན་ཁྱེད་བརྩེ་བས་མདུད།།

    Reply
  36. sha tak ri sim says:
    ལོ་ 13 སྔོན།

    ལྷ་ཡི་རིགས་སུ་སྐྱེ་མིན་མི་ཤེས་ཀྱང་།།
    ཆབ་རྒྱུན་གཙང་མའི་སེམས་གཤིས་དར་མ་འདིས།།
    སྤྱིན་གཏོང་བྱེད་པར་ཐེ་ཚོམ་མེད་མཁན་གྱི།།
    པ་པ་ཆགས་པའི་ཕ་རྒན་ཉིད་ལ་བསྟོད།།

    Reply
  37. mekor says:
    ལོ་ 13 སྔོན།

    གྲོགས་པོ་ལགས་ཀྱིས་སྐད་ཆ་དངོས་གནས་ཤིག་བཤད་འདུག མང་ཆེ་ཤོས་དེ་འདྲ་ཞིག་རེད། ཡིན་ནའང་ང་་་་ཧཧཧཧཧཧཧཧཧཧཧཧ

    Reply
  38. Baichung says:
    ལོ་ 13 སྔོན།

    ཨོ་རེད་དྲ་གྲོགས་ཤ་ཁྲག་རུས་གསུམ་ལགས། གངས་ལྗོངས་འགྲོ་བའི་གཏམ་དཔེ་ལ། ཚིག་མངོན་ནས་བཤད་ན་ངོ་མི་ཚ།། རལ་བ་ལྟག་ནས་མདུད་ན་གངོང་མི་ཡོལ། སྤྱིར་སྟངས་ང་ཚོའི་སེམས་ན་མི་ལ་ཕོག་ཐུག་རེ་གཏོང་ཨེ་ཐུབ་བསམ་པའི་ཀུན་སློང་མེད་མོད། སྡུག་བཤད་ཁ་ཁེར་ཤོར་འགྲོ་ག ཡིན་ཡང་སྐྱོན་གི་མ་རེད་འགྲོ་གི་འདུག ང་ཚོར་གཡོ་དང་སྒྱུ་མའི་གོས་མེད་པས་སུ་ལའང་སྐྲག་དགོས་དོན་མེད། ཁྱེད་ཀྱི་སྔོན་མ་བྱོས་དང་། གུས་པ་རྗེས་ན་ཡོག་གི་ལ་ཡོད།

    Reply
  39. adkunchok says:
    ལོ་ 13 སྔོན།

    ཤམ་བྷ་ལའི་ཡུལ་གྱི་དམངས་གཙོའི་ལས་འགུལ་དང་དམིགས་བསལ་ཚོགས་འདུ།
    སྲིད་པ་གསུམ་གྱི་གསར་འགོད་པས།
    ༄༅།།་མདངས་ནུབ་ཤམ་བྷ་ལའི་ཡུལ་དུ་དམངས་གཙོའི་ལས་འགུལ་ཤུགས་ཆེན་ཞིག་བྱུང་ཞིང། མ་འོངས་པར་འཛམ་གླིང་གི་རྒྱལ་བོ་དེ་ནི་རིགས་ལྡན་རྒྱལ་པོ་རིམ་བྱོན་གྱིས་བྱས་ན་མི་ཆོག་པར་དེ་ནི་ངེས་པར་དུ་དམངས་ཀྱིས་འོས་འདེམས་བྱེད་དགོས་ཞེས་མང་ཚོགས་ཀྱིས་སྐད་འབོད་བྱས་པ་ནི་ལས་འགུལ་དེའི་ངོ་བོ་ཡིན་འདུག མ་གཞི་རིགས་ལྡན་རྒྱལ་པོ་ལའང་དེ་ལྟ་བུའི་དགོངས་བཞེས་ཡོད་འདུག འོན་ཀྱང་སྟབས་ཉེས་པ་ཞིག་ལ་ཤམ་བྷ་ལའི་ཡུལ་དུ་མང་གཙོའི་ལས་འགུལ་ཐོག་མ་ཡིན་པའི་རྒྱུ་མཚན་གྱིས་ཡིན་ནམ། གང་ལྟར་ཡུལ་མི་མང་པོ་ཞིག་གིས་སླར་ཡང་རིགས་ལྡན་རྒྱལ་པོ་ཉིད་འོས་འདེམས་མ་བྱས་ཚེ་ང་ཚོ་ཤམ་བྷ་ལའི་མི་སེར་ནས་གླིང་ཕྲན་དང་གོ་ལ་གཞན་ལ་སྐྱབས་བཅོལ་དང་གནས་སྤོས་བྱེད་རྒྱུ་ཡིན་ཞེས་སྦྱར་ཡིག་ཀྱང་གང་སར་བཀྲམས་ཡོད་འདུག་ཅིང།ཁ་ཤས་ཤིག་ཟླ་བའི་གོ་ལར་གནས་སྤོས་བྱེད་པའི་གྲ་སྒྲིག་ཀྱང་བྱས་ཏེ།རྒྱུ་སྐར་གཞན་བགྲོད་ཀྱི་ལས་གཞིའི་གཞུང་བསྒྲུབ་ས་ཚུགས་སུ་རྡོག་ཐོན་ཀྱང་བྱས་འདུག མ་གཞི་ཁོང་ཚོ་ལ་འགྲོ་འདོད་པས་ཡིན་པའང་འདྲ།
    མཇུག་མཐར་ཟླ་བའི་གོ་ལའི་ནང་ནས་རང་འགུལ་འཕྲུལ་ཆས་ཤིག་གིས་ཤམ་བྷ་ལའི་ཡུལ་མི་ཡོངས་རྫོགས་ཀྱི་འདུ་ཤེས་དང་སེམས་ཁམས་ཆ་ཚང་པར་ལ་བརྒྱབ་ནས་སྲིད་རྩེ་ནས་མནར་མེད་བར་གྱི་འཁོར་བའི་གནས་ཡོངས་རྫོགས་ལ་འགྲེམས་སྟོན་བྱས་འདུག ཧ་ཅང་ཡ་མཚན་པ་ཞིག་ལ་པར་རིས་ཚང་མ་ཧ་ལམ་འདྲ་བོ་ཡིན་འདུག་ཅིང། ལྷག་པར་དུ་ཤམ་བྷ་ལའི་ཡུལ་མི་གཅིག་གི་སེམས་ངོས་ནའང་ ང་ཡུལ་འདིའི་རྒྱལ་པོ་བྱེད་དགོས་སྙམ་པའི་འདུ་ཤེས་དེ་གཏན་ནས་ཡོད་མི་འདུག་པས་ཁོང་ཚོའི་དམངས་གཙོའི་ལས་འགུལ་ལ་དོན་སྙིང་གཏན་ནས་མི་འདུག་ཅེས་སྲིད་པ་གསུམ་གྱིས་ཧབ་ཆ་ཆེན་པོ་ཞིག་མཉམ་དུ་བྱས་འདུག མཇུག་མཐར་སྲིད་གསུམ་མཉམ་འབྲེལ་གྱིས་སྤྱི་བསྒྲགས་ཆེན་པོ་འདི་ལྟར་སྤེལ་འདུག
    ལྷ་ཡི་སྐད་དང་ཀླུ་དང་གནོད་སྦྱིན་སྐད་དང་མི་དང་དུད་འགྲོ་དམྱལ་བ་ཡི་དྭགས་སོགས་ཀྱི་སྐད་དུ་སྤྱི་བསྒྲགས་སྤེལ་བ།
    མ་འོངས་པར་འཛམ་གླིང་གི་རྒྱལ་པོ་བྱེད་པའི་ཤམ་བྷ་ལའི་ཡུལ་མིའི་གོ་རྟོགས་མེད་པའི་ཟིང་ཆ་བསླངས་པ་དེ་ལ་ལོ་རྒྱུས་ཀྱི་དོན་སྙིང་ཆེན་པོ་ལྡན།
    འདི་ལ་བརྟེན་ནས་འཁོར་བའི་གནས་ལ་གསར་བརྗེ་ཆེན་པོ་ཞིག་ཡོང་ངེས་རེད་ལ། གསར་བརྗེ་དེས་དམག་འཁྲུག་ཀྱང་སློང་སྲིད་ཀྱི་རེད། གང་ལྟར་ད་ཐེངས་རིགས་ལྡན་རྒྱལ་པོ་ནི་ཁེར་རྐྱང་ཡིན་དེ་ང་ཚོས་ཤེས་པ་རེད། ལྷག་པར་དུ་རིགས་ལྡན་རྒྱལ་པོ་འདི་མེད་པའི་རྗེས་ལ་ཤམ་བྷ་ལའི་ཡུལ་མིའི་ཁྲོད་འཛམ་གླིང་རྒྱལ་པོ་ལྟ་ཅི། ཡུལ་ལུང་འདིར་དབང་སྒྱུར་བྱེད་ཐུབ་མཁན་ཀྱང་མེད་པ་ཚན་རིག་གིས་བདེན་དཔང་བྱས་འདུག དེ་བས་ཚང་མས་རེམ་པོ་གྱིས། ད་ནས་བཟུང་མ་འོངས་པའི་རྒྱལ་པོ་ནི་རྩོད་གཞི་ཡིན་པ་ལས། ཐག་གཅོད་བྱས་ཟིན་པ་ཞིག་མིན་པ་དེ་རྟོགས་པར་གྱིས།
    ཤོག་ཚང་མས་འཐབ་རྩོད་བྱེད། མ་འོངས་པའི་འཛམ་གླིང་གི་རྒྱལ་པོ་སུ་བྱེད་ལ་རྩོད་པ་བྱེད། ཅེས་བྲིས་ཏེ་ཡོངས་བསྒྲགས་བྱས་འདུག
    ཤམ་བྷ་ལའི་ཡུལ་མི་རྣམས་ཀྱིས་<<ཟླ་བའི་གོ་ལའི་ནང་གི་རང་འགུལ་གྱི་འཕྲུལ་ཆས་དེ་ཀླ་ཀློ་སུ་ཞིག་དང་འབྲེལ་བ་ཡོད་དམ་>>ཅེས་པའི་རང་མོས་བགྲོ་གླེང་བྱེད་འགོ་ཚུགས་འདུག་ཅིང་རིང་མིན་དེའི་སྐོར་ལ་ཚོགས་ཆེན་ཀྱང་འཚོགས་རྒྱུ་ཡིན་པ་འདྲ།
    གསལ་བཤད། གནས་ཚུལ་འདི་རྒྱ་གར་ནས་གོ་དུས་དེ་སྔོན་ཧིན་རྡི་ནེ་ཤ་ཡ་ནས་ཆུ་ལོག་འབྱུང་སྐབས་དང། རྒྱ་གར་དང་པ་གི་སི་ཐམ་བར་ས་འགུལ་བྱུང་སྐབས་ཡིན་འདུག་ཅིང། རྒྱ་ནག་དང་བོད་ནས་གོ་དུས་སི་ཁྲོན་ས་ཡོམ་ཆེན་པོའི་སྐབས་ཡིན་འདུག དེ་བཞིན་དུ་ཨ་རི་ནས་དེ་སྔོན་མཚོ་རླུང་དྲག་ཆར་དང་མཉམ་དུ་གོ་ཡོད་འདུག བྱས་རང་རང་བྱུང་གི་གཡོ་འགུལ་དེ་ཚོ་འགྲོ་བ་གཞན་གྱི་མི་ཡུལ་ལ་བརྡ་འཕྲིན་གཏོང་བའི་སྐབས་སུ་ཡོང་བཞིན་པ་འདྲ། སྲིད་པ་གསུམ་གྱི་གསར་འགོད་པས། ལྷའི་ཁྲི་ལོ་ ༨༨༨ ཟླ ༨ ཚེས ༨ ་སའི་གོ་ལ་དང་ཉི་མ་གཉིས་ཀྱི་བར་ལ་ཟླ་བ་འཛུལ་དེ་ས་གཞི་ལ་ནག་ཐོམ་པར་སྐད་ཅིག་ཙམ་སོང་བའི་སྐབས་དང་བསྟུན་ནས་མི་ཡུལ་དུ་བསྲིངས་པའོ། གཞན་ཀློག་མཁན་ཚོས་ལྟ་འདོད་ཡོད་ཚེ་ངས་སྐབས་སྐབས་སུ་གསར་གནས་འདི་འདྲ་གཏོང་རྒྱུ་ཡིན། ཁྱེད་ཚོར་ལྟ་འདོད་ཡོད་དམ།

    Reply
  40. samkhar says:
    ལོ་ 13 སྔོན།

    ལྷ་ཆབ་ལགས། དེ་རིང་གི་འཚིག་ཇ་ལ་ཀ་ར་རྒྱག་རྒྱུ་ལུས་འདུག ལྷ་ཆབ་ལགས།
    འཚིག་ཇ་དེ་ཨམ་ཇ་ཡིན་བསམ་ན་འགྲིག་པ་རེད། ཨམ་ཇ་ལ་ཀ་ར་རྒྱག་སྲོལ་མེད།
    ཨོ་ཀུ་རེ་ཡིན་ནོ།།

    ང་ལ་གོ་སྐབས་ནམ་བྱུང་ལ་ཁྱེད་ཀྱི་ཟིན་བྲིས་ལས་མཐོང་བའི་ཡིག་ནོར་ཁག་ལ་ཐེར་འདོན་བྱ་རྒྱུ་ནི་ངས་བོད་ཡིག་ལ་བཅངས་པའི་སྙིང་དམར་པོ་དེ་མཚོན་གྱི་ཡོད་ལ། ཁྱེད་ལ་བཅངས་པའི་བརྩེ་སེམས་ཀྱང་ཡིན་ཆོག།

    མ་དག་པ། དག་པ།
    འདིས་སྟེང་། འདིའི་སྟེང་།
    ཚུལ་བཅོས། ཚུལ་འཆོས།
    སྟབས་ཀྱི། སྟབས་ཀྱིས།
    སྲུང་སྐྱོབས། སྲུང་སྐྱོབ།
    འཛུབ་མོ། མཛུབ་མོ།
    གཅིག་བུ། གཅིག་པུ།

    Reply
  41. lhachapjinpa says:
    ལོ་ 13 སྔོན།

    གྲོགས་པོ་ཤ་ཁྲག་ལགས། དེ་རིང་ཡང་ང་ཐོག་མར་ཁྱེད་ཚང་ལ་ཡོང་དུས། ཁྱེད་ཀྱིས་སེམས་ལ་ཉན་པ་ཞེས་པའི་འཚིག་ཇ་དཀར་ཡོལ་གང་གིས་ང་ལ་བསུ་བ་བྱས་འདུག ངས་དེ་འཐུང་རྗེས་ཕྱིར་རང་ཡུལ་དུ་ལོག་སོང༌། གྲོགས་པོ་ལགས། དེ་རིང་བསེ་རུ་ཐོན་མི་འདུག་པས་ཁྱོད་ཀྱི་འཚིག་ཇ་ལ་ཀ་ར་མི་འདུག རྗེས་ཕྱོགས་བསེ་རུ་སླེབས་རྗེས་ང་ཡོང་ན་ཏག་ཏག་ཡིན་པ་འདྲ། ཧ་ཧ་ཧ།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist