ཟླ་འདིའི་ཚེས་ ༢༣ ཉིན་གནས་ཚུལ་སྤེལ་གསལ་ལྟར་ན། ཉི་ཧོང་དུ་གནས་སྡོད་བོད་མི་ ༥༠ གཙོས་པའི་སོག་པོ་དང། ཉི་ཧོང་གི་བོད་དོན་རྒྱབ་སྐྱོར་བ་ཚོས་རེས་གཟའ་སྤེན་པའི་ཉིན། འཛམ་གླིང་ཞི་བདེ་སྐྲུན་སླད་དང། ཡང་སྒོས་རྒྱ་ནག་གི་མངའ་ཁོངས་སུ་ཡོད་པའི་བོད་གཙོས་པའི་གྲངས་ཉུང་མི་རིགས་ཚོར་རང་དབང་འཐོབ་པའི་དོན་དུ། ཡུལ་དེའི་གནས་རི་མཐོ་ཤོས་དང་མི་ཚང་མས་དགའ་མོས་བྱེད་ས་ཧྥུ་ཇི་ཞེས་པར་གནས་མཇལ་དུ་བསྐྱོད་རྒྱུའི་ལས་འགུལ་ཞིག་སྤེལ་ཡོད་པ་རེད། ཉི་ཧོང་དུ་གནས་བཞུགས་བཙན་བྱོལ་བོད་གཞུང་གི་སྐུ་ཚབ་དོན་གཅོད་ལྷག་པ་མཚོ་ཁོ་ལགས་ཀྱིས་འདིའི་ཐད། དེང་གི་ཆར་བོད་ཙམ་མིན་པར་རྒྱ་ནག་དང། ཤིན་ཅང། ནང་སོག་བཅས་སུ་དཀའ་ངལ་མང་པོ་ཞིག་འཕྲད་མུས་རེད། དེ་འདྲ་ཡིན་དུས་སྤྱིའི་ཆ་ནས་ང་ཚོའི་དཀའ་ངལ་གྱི་ངོ་བོའང་གཅིག་པ་ཡིན་པས་ང་ཚོས་མངའ་ཁུལ་དེ་དག་གི་སྤུན་ཟླ་ཚོའི་རང་དབང་གི་ཆེད་དུའང་སྨོན་འདུན་བྱེད་བཞིན་ཡོད། ཅེས་གསུངས་ཡོད་པ་རེད།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།