ཞིན་ཅང་ཝུ་རུ་མུ་ཆིར་རྒྱ་རིགས་ཀྱིས་ངོ་རྒོལ་བྱས་ཏེ་མི་ ༥ རྐྱེན་ལམ་དུ་ཕྱིན་ཡོད་པ་དང་། མི་ ༡༤ ལ་རྨས་སྐྱོན་ཚབས་ཆེན་ཕོག་ཡོད་འདུག
དེ་རིང་ཞོགས་པར་བྷི་བྷི་སི་གསར་ཁང་གིས་གནས་ཚུལ་སྤེལ་བ་ལྟར་ན། ཕྱི་ཚེས་ ༣ ཉིན་ནས་ཞིན་ཅང་ཝུ་་རུ་མུ་ཆི་རུ་ངོ་རྒོལ་གྱི་ལས་འགུལ་བྱུང་སྟེ་ཉུང་མཐར་མི་ ༥ རྐྱེན་ལམ་དུ་ཕྱིན་ཡོད་འདུག་ལ། མི་ ༡༤ ལ་རྨས་སྐྱོན་ཚབས་ཆེན་ཕོག་ཡོད་པ་རེད། དེ་ཡང་རྒྱ་གཞུང་གིས་དེ་ནི་ཞིན་ཅང་ཡུ་གུར་མི་རིགས་ཀྱིས་ཁ་བྲལ་གྱི་བྱ་འགུལ་སྤེལ་ཏེ་བྱུང་བའི་ནག་ཉེས་ཤིག་ཡིན་ཚུལ་བརྗོད་ཡོད་འདུག་ལ། ད་ལྟའི་ཆར་ཝུ་རུ་མུ་ཆིའི་སྲང་ལམ་མཐའ་དག་དྲག་ཆས་དམག་མིས་བསྐོར་ཏེ་དམ་དྲག་ཤུགས་ཆེར་བྱེད་བཞིན་ཡོད་འདུག
གནས་ཚུལ་འདིའི་ཐད་ཝུ་རུ་མུ་ཆི་རུ་རྒྱ་གཞུང་གི་མགྲིན་ཚབ་པ་ཞིག་གིས་ཕྱི་ཚེས་ ༤ ཉིན་གྱི་གསར་འགོད་གསལ་བསྒྲགས་སྟེང་བརྗོད་དོན། ཟླ་ ༨ པའི་ཚེས་ ༢༠ ཚུན་དུ་ཞིན་ཅང་ཝུ་རུ་མུ་ཆིའི་ནང་དྲག་སྤྱོད་པས་བསྟུད་མར་མི་གསོད་ཀྱི་དོན་རྐྱེན་གང་མང་བཟོས་འོང་གི་འདུག་ལ། ཉིན་འདི་འགར་ཡང་མི་སྐོར་དང་སྐོར་བྱས་ཏེ་ངོ་རྒོལ་སྐད་འབོད་བྱེད་ཀྱིན་ཡོད་པ་མ་ཟད། ཞིན་ཅང་གི་ས་ཁུལ་གཞན་དག་ཏུའང་གཅིག་མཚུངས་ཀྱི་དོན་རྐྱེན་གང་མང་འབྱུང་གི་ཡོད་པའི་སྐོར་བརྗོད་ཡོད་པ་དང་། ཡང་། ཝུ་རུ་མུ་ཆི་གྲོང་ཁྱེར་གྱི་གཞུང་འབྲེལ་མི་སྣ་ཞིག་གིས། ཐེངས་འདིའི་དོན་རྐྱེན་ཁྲོད་འདས་གྲོངས་སུ་ཕྱིན་པའི་མི་ ༥ ཁྲོད་ནས་མི་ ༢ ཉེས་མེད་ཀྱི་མི་སེར་དཀྱུས་མ་རེད་ལ། ད་དུང་མི་མང་པོ་ཞིག་ལ་རྨས་སྐྱོན་ཚབས་ཆེན་ཕོག་ཡོད་སྟབས། ང་ཚོས་བརྩད་ཞིབ་ནན་ཏན་བྱས་མཐར་ཉེས་ཅན་མི་སྣ་ ༢༥ ལྷག་བཙོན་འཇུག་བྱས་ཡོད། ཐེངས་འདིའི་ཉེས་ཅན་པ་ཚང་མ་ཡུ་གུར་མི་རིགས་རེད། ཁོང་ཚོས་གནོད་པ་བྱེད་ཡུལ་མང་ཆེ་བ་རྒྱ་རིགས་མི་མང་རེད། ཅེས་བརྗོད་ཡོད་འདུག
དེ་ལྟ་ནའང་། ཉེ་ཆར་ནས་ཝུ་རུ་མུ་ཆི་རུ་མི་ ༥༣༡ ལྷག་ལ་ཁབ་བརྒྱབས་ཏེ་གནོད་སྐྱོན་བཟོ་བཞིན་པའི་སྐད་ཆ་ཞིག་ཁྱབ་འདུག་ལ། མི་ ༡༠༦ ལ་ཁབ་བརྒྱབས་པའི་རྗེས་ཤུལ་ཡོད་ཚུལ་ཡང་བརྗོད་ཡོད་པ་དང་། དེ་དག་མང་ཆེ་བ་རྒྱ་རིགས་ཡིན་པའི་དཀྲོགས་གཏམ་ཞིག་ཀྱང་སྒྲོག་བཞིན་ཡོད་འདུག
རྒྱའི་གཡོ་སྒྱུ་ལས་རང་མི་ཤི་བ་དང་། རང་མི་ཤི་བ་ནི་ཤར་ཏིར་ཀི་སི་ཐན་གྱི་ནག་ཉེས་ཡིན་པར་བརྗོད་པ། དེ་ནས་མི་གང་འདོད་དུ་གསོད་ཆོག་པ། ངོ་ནས་ཤེས་ཡ་ཁག་པོ་རེད། རང་ཚོ་མཁས་པ་མ་རེད་པས།
གྲངས་ཉུང་མི་རིགས་འདི་ཧ་ཅང་གི་སྐྱོ་བ། དཔེར་ན་བོད་པའི་ས་ཁུལ་ཁག་ཏུ་རྒྱ་རིགས་ཚོང་པ་རྣམས་ལ་བོད་པས་འཁྲུགས་པ་ཤོར་ན། ཉེན་རྟོག་པས་ཉེས་པ་སུ་ལ་ཡོད་མེད་མ་ལྟོས་པར་བོད་རིགས་བཙོན་ཁང་དུ་ཁྲིད་རྐྱང་དང་ཉེས་པ་གཏོང་རྐྱང་བྱས་པ་དངོས་སུ་ཕྲན་ཀྱིས་མཐོང་བྱུང་། རྒྱུ་མཚན་དེས་ན་བོད་རིགས་དང་ཤེན་ཅང་གི་མི་རིགས་གཉིས་ལ་དུད་འགྲོ་འདུ་ཤེས་ཙམ་ལས་འཛིན་མི་སྲིད་པ་ཡིན། མི་དེར་ཉེས་པ་མེད་ཀྱང་ཁས་ལེན་མ་བྱེད་བར་དུ་རྡུང་རྡེབ་བྱེད་ཀྱི་ཡོད།
ཉེས་མེད་མི་རྣམས་མེ་མདའི་རྡེའུ་འབེན་གྱུར།།
ཉམ་ཐག་སྐྱོབས་པའི་གཞུང་ཞིག་མེད་འདི་སྐད།།
སྐྱོ་ཞིང་སྡུག་པའི་བྱུང་བ་ཉིན་རེ་བཞིན།།
དྲ་ཐོག་གསར་འགྱུར་ཀློག་བཞིན་བསྡོད་འདི་སྐྱོ།།
རྭ་ལོ་འདི་ཤེས་རྒྱ་ཅན་ཞིག་ཡིན་་ཁོ་ཐག་རེད། བོད་རྒྱ་གཉིས་ཀ་ཁ་ཁ་སོ་སོ་ཡིན་པ་ངོས་ཟིན་ཡོད་པ་མ་ཟད། ཁོས་བཤད་བཤད་ཚང་མ་གོ་ལྡོག་ཡོད་ནི་མ་རེད་ད།
མ་གཞི་ནས་བོད་རྒྱ་གཉིས་མི་རིགས་གཅིག་པ་དང་། རྒྱལ་ཁབ་གཅིག་མིན་སྟབས། ཁ་བྲལ་ཞེས་པ་དེ་སྦྱོར་ས་ཡོད་པ་མ་རེད། ཁ་ཁ་སོ་སོ་རེད། བཙན་བྱོལ་ནང་དུ་ང་ཚོ་ཁ་བྲལ་བ་མིན་ཞེས་ལབ་གི་འདུག འཇིག་རྟེན་འདི་གོ་ལྡོག་ནས་བསྡད་འདུག
ད་ལྟ་རྒྱ་མིའི་གཞུང་འབྲེལ་གསར་འགྱུར་ནས། ཤིན་ཅང་ཁ་བྲལ་རིང་ལུགས་པ་ཞེས་ཁ་རྡུང་དྲག་པོ་གཏོང་ཁུལ་བྱེད་ཀྱིན་འདུག་པ་མ་ཟད། ཤིན་ཅང་རང་སྐྱོང་ལྗོངས་ཀྱི་དཔོན་རིགས་ཚོ་དང་ལྷན་དུ་གནད་དོན་དེའི་སྐོར་ཛ་དྲག་གི་གྲོས་མོལ་ཡང་བྱེད་ཀྱི་ཡོད་པའི་གསར་འགྱུར་སྒྲོག་གིན་འདུག
ང་ཚོ་བོད་མི་རིགས་དང་། ཤིན་ཅང་མི་རིགས་རྣམས་ཁ་བྲལ་རིང་ལུགས་པ་ཡིན་ན། རྒྱ་ནག་གཞུང་དེ་ཁ་སྦྱོར་རིང་ལུགས་པ་རེད་དམ།
མི་རིགས་འདི་རྣམས་ཀྱི་སེམས་ཁོངས་སུ་གསོ་དཀའ་བའི་རྨ་ཁ་ད་དུང་ཆེ་རུ་གཏོང་གིན་མི་འདུག་གམ།
ལུས་ཀྱི་རྨ་ཁ་གསོ་སླ་སྟེ། །སེམས་ཀྱི་རྨ་ཁ་ཇི་ལྟར་གསོ། །