འུ་ཅག་བྱེས་ལ་བཅར་བ་ནོར་བ་རེད་དམ།

ཆུ་ཁོལ་མའི་སྟེང་ཆུང་གྲང་བླུགས་པ་དང་ཆ་རེད།།

གཅེན་པོ་ལགས། སེམས་ཤུགས་ཞན་པའི་ཁོར་ཡུག་ནས་མི་རིགས་ཤིག་གི་དོན་དག་བྱེད་རྒྱུ་དེ་ནི་ལས་སླ་བོ་ཞིག་མིན་ཡང་། སེམས་ཤུགས་ཡོད་མཁན་གྱི་སྤུན་ཟླ་དག་གིས་སྣེ་དྲངས་དེ་འོང་ན། སྤུན་ཟླ་གཞན་དག་ལ་སེམས་ཤུགས་འཕར་ངེས་ཡིན་ལ། རང་ཉིད་ཀྱང་བོད་ཡིན་པ་དྲན་ངེས་ཡིན། རྒྱུ་མཚན་ནི་རང་ཉིད་བོད་ཀྱི་ཁོར་ཡུག་དུ་བསྡད་ཡོད་པ་དང་བོད་པ་སྤུན་ཟླ་དག་གིས་ལས་འགུལ་སྤེལ་ནས་འོང་དུས་བསྡོད་བཟོ་མེད་པ་ཆགས་ངེས་ཡིན་ལགས། རེད་དེ། འུ་ཅག་གི་ཁོར་ཡུག་དུ་ང་རང་ལྟ་བུ་ཁ་སྐྱག་ལང་དུ་ཤོར་མཁན་མང་བ་ལས། ལག་འགུལ་ནས་ལམ་དུ་ཞུགས་མཁན་དངོས་ནས་དཀོན་པོ་རེད་ལགས། རེ་ཟུང་ཞིག་ཡོད་ཀྱང་དབུགས་ཐག་ཐུང་གི འདི་དག་བསམ་དུས་མཚམས་རེར་རང་གི་རང་ལ་ཡང་ཚུགས་པ་སེམས་གཏིང་ནས་ཟ་གི་འདུག་ལགས།

སྨད་མཆོག་ལགས། གསར་དུ་ཕེབས་པའི་སྤུན་ཟླ། འདི་རུ་ཕེབས་པ་སེམས་གཏིང་ནས་དགའ་ནི་ཡིན། རྗེས་ཕྱོགས་ཀྱང་གང་ཐུབ་ཅིག་ཕེབས་རྒྱུ་མ་བརྗེད་ཅིག དཔར་སྙིང་རྗེ་མོ་འདུག་ན་ཁྱེད་རང་ལ་སྤྲད་ཡིན་འཁུར་ནས་སོང་ན་འགྲིག

གཅེན་པོ་ལགས། ངེད་ཅག་ལ་གྷན་དྷི་ལས་ལྷག་པའི་དབུ་ཁྲིད་ཅིག་ཡོད་ཀྱང་། ངེད་ཅག་གིས་ཁ་ཙམ་༧ཁོང་གིས་རྗེས་སུ་འགྲོ་བཞིན་ཡོད་པ་ལས། ད་ལྟའི་བར་དུ་རྐ་ལག་ཚང་མ་༧ཁོང་གིས་བསླབ་སྟོན་འོག་དུ་གཞུང་དམངས་གཉིས་ཀྱིས་སུ་ཞིག་ཡིན་རུང་སོང་མེད་པ་དེའི་ལན་པ་རེད་ཟེར་ན་འགྲིག་གི་ཡོད་ལགས། སྐུ་ཉིད་ལ་དེའི་ཐད་དུ་བསམ་ཚུལ་ག་འདྲ་ཡོད་ལགས། བདག་གིས་ནམ་རྒྱུན་དུ་དེ་འདྲ་ཞིག་དྲན་གྱི་ཡོད་ལགས།

ངེད་ཅག་ཚོ་བྱེས་ལ་འབྱོར་བ་དངོས་གནས་ནོར་བ་དང་འགྲིགས་པ་བཤད་ཚོད་དཀའ་མོར་གདའ། རྒྱ་གར་གྱི་སྐད་གྲགས་ལྡན་པའི་གྷན་དྷི་རྗེའི་འཚེ་བ་མེད་པའི་འཐབས་རྩོད་བྱེད་སྟངས་ལ་ལྟ་ན།
ངེད་ཚོ་བྱེས་སུ་འབྱོར་བ་ནོར་བ་འདྲ་པོ་འདུག
གང་ཡིན་ཟེར་ན། གྷན་དྷི་མཆོག་གིས་རང་ཉིད་འགྱེལ་སའི་གནས་ནས་རང་ཉིད་ཡར་ལངས་པ་རེད། མ་ཟད་རྒྱབས་སྐྱོར་ལ་མི་དམངས་དུངས་འཕྱུར་མང་པོ་ཡོད་པ་རེད། ངེད་ཚོ་འཐབས་རྩོད་བྱེད་ས་གཞན་གྱི་ཡུལ་དང་འཐབས་རྩོད་བྱེད་མི་ས་ཡ་དྲུག་དེའང་ཁ་ཐོར་དུ་ལུས་པ་ལ་བསམ་ན་ཧ་ཅང་བཤད་ཚོད་དཀའ། གྲོགས་ཤ་ཁྲག་ལགས།

འབུར་ཐོ་ལགས། དཀའ་བའི་ལས་དེ་སྒྱིད་ལུག་ངང་དུ་བཞག་པ་ཡིན་ན་ནི། གྱོང་རྒུད་བོད་སྤྱི་ལ་འཕོག་པ་ལས་རྒྱའི་སྲིད་གཞུང་ལ་མི་འཕོག་པ་མ་ཟད། ཆོས་ལུགས་ལ་རང་དབང་སྤྲོད་དགོས་ཀྱི་ཡོད་པ་རེད་ཟེར་ནས་གཡམ་རྒྱུགས་བྱེད་མཁན་གྱི་མགོ་སེར་དེ་ཚོས་གང་ཡང་བྱེད་ཐུབ་ཀྱི་མ་རེད་ལ། ཁོང་ཚོ་ལ་བོད་འདི་བ་ཚང་གི་ཆོས་ལུགས་ཀྱི་རང་དབང་ཟེར་བ་དངོས་དེ་གང་རེད་ཟེར་ནས་དྲི་བ་གསལ་བོ་ཞིག་བཏང་བ་ཡིན་ན་ང་ལ་ནི་གསལ་བོ་ཞིག་བཤད་རྒྱུ་མེད། ཁྱེད་ཅག་བོད་པ་ཚང་གི་བླ་རྒན་དེ་ཚོས་སྐད་རྒྱག་གི་འདུག་སྟབས། དེ་ལ་གདུང་སེམས་མཉམ་བསྐྱེད་ཅིག་བྱས་པ་ལས་རྒྱུ་མཚན་གཞན་པ་གང་ཡང་མེད་ཟེར་ནས་འདུག་ངེས་ཡིན། བོད་མི་གླེན་རྒན་རེ་ཟུང་གིས་རང་གི་ཚེ་འདིའི་སྐྱིད་སྡུག་ཡིན་མིན་ཡང་གསལ་བོ་ཞིག་བཤད་དཀའ་བའི་གཟུགས་མེད་གདོན་འདྲེའི་རིགས་སུ་ཡིད་ཆེས་རྨོངས་འཐོམ་བྱེད་པ་འདི་དག་ལ་དངོས་ནས་སྙིང་རྗེ་བའི་ཡུལ་ཞིག་རེད་མི་འདུག་གམ་ལགས།

གཉན་འདང་ཕོ་ཉ་ལགས། ༧རྒྱལ་བའི་བཀའ་ལས་སྒོར་མོ་དྲིན་དུ་ལྟ་བའི་མི་མི་ཉུང་བ་ཞིག་གིས་དེང་སང་སྒོར་རྡོག་ཆ་རེ་རེག་རྗེས་ཁ་ནས་གང་བཤད་དང་ལག་ནས་ཅི་བྱེད་སོགས་ལ་ལྟ་གསོ་མེད་མཁན་ཡང་། སྐུ་ངོ་ཚོ་གཅིག་བུ་མ་རེད་ཡ་་་
དངོས་ནས་འདི་རིགས་མཐོང་ནས་འོང་དུས། དམིགས་བསལ་གྱིས་སྲུང་མ་ཁ་ལ་འཁྱེར་མཁན་གྱི་སྲུང་མའི་དམག་མི་དེ་ཚོ། སྲུང་མ་ཟེར་ནས་རང་གི་བླ་མ་ཡིན་ན་འགྲིག བོད་མི་རིགས་ཀྱི་བདེ་སྡུག་ལ་ཡང་ཁ་ཡ་མི་བྱེད་མཁན་དེ་ཚོ་དངོས་ནས་སེམས་བསམ་པའི་གཏིང་ནས་སྐྱོ་དགོས་པ་ཞིག་རེད། མི་འདིའི་རིགས་བོད་ལ་ཕན་པ་ལས་གནོད་དུ་འགྱུར་བཞིན་ཡོད། ཁོང་ཚོས་ཆོས་ལུགས་ཀྱི་རང་དབང་ཟེར་ནས་སྐད་རྒྱག་གི་འདུག་པ་ལས། སྲུང་མ་ངན་ནེ་ངུན་ནེ་ཞིག་གི་དེ་འདྲ་ཞིག་གི་ཆེད་དུ་ཕྱི་རྒྱལ་བ་མགོ་སེར་གསར་བ་ལ་དགའ་མཁན་མི་ཉུང་བ་ཞིག་་གིས་ཀྱང་བདེན་ཚོད་དུ་བཟུང་དེ་ཧོལ་རྒྱུགས་བྱེད་བཞིན་པ་དེ་དག་མཐོང་ནས་འོང་དུས། ནང་ཆོས་བྱེད་མཁན་གྱི་དགེ་འདུན་པ་ཡིན་ཟེར་མཁན་འདི་དག་གི་རྒྱུད་དུ་འདྲེ་ཞུགས་པ་འདི་ལ་ཡ་མི་མཚན་ནམ།

ཧཧཧཧཧ
གཅན་བཟོད་རྒྱམ་ལགས། ཁྱེད་ཀྱི་གནབ་སེམས་མ་བྱེད་དང་། ང་ད་ཆ་ལྡི་ལི་ལ་ཡོད། གལ་སྲིད་འདི་ཕྱོགས་ལ་མཇེ་ཐལ་དེ་འདུག་ན་ངས་ཁྱེར་ཡོང་། འོ་རེད་ཁྱོད་ཀྱི་མཚན་མ་ཁྱིས་སོས་སོང་ངམ།
ཧཧཧཧཧཧ་་་་་་་་་་་་
བོད་ཤ་ཁྲག་ལགས།
མགོ་སྒུར་བྱེད་ནས་སྐུ་ངོ་ཟེར་མཁན་ནི། ངོ་དགའ་ཙམ་རེད། དེར་བརྟེན་བཙན་བྱོལ་སྤྱི་ཚོགས་ནང་གི་ཁྲིམས་ཁང་གིས་ཉེས་ཅན་པར་བཀའ་རྒྱ་བཏང་ཡང་ཉན་མཁན་མེད་པ་ཐོས་རྒྱུ་འདུག
འདི་ཚོ་ལའང་སྐུ་ངོ་ཚོའི་མཛད་རྗེས་དང་འབྲེལ་བ་ཡོད་དྲན།
གཞན་སྐུ་ངོ་ཚོའི་བུ་ཕྲུག་དེ་ཚོ་ཕྱི་རྒྱལ་གྱི་མཐོ་སློབ་དང་རྒྱ་གར་གྱི་སློབ་གྲྭར་བཏང་ནས་ཁྱིམ་ནང་དུའང་དབྱིན་སྐད་རྒྱབ་བཅུག་གིན་འདུག
དེ་ནི་མི་ཆེན་དང་དཔོན་ཆེན་གྱི་ཉམས་ཁུལ་མིན་ནམ་སྙམ།
འདི་ཚོ་ལ་༧རྒྱལ་བའི་བཀའ་ཕབ་ཀྱང་ལྡོག་ཤེས་མི་འདུག
བྱས་ན་དགོན་པ་ཁག་གི་དགེ་སྐོས་ཚོ་ལ་རེ་བ་བཅོལ་ན་བཟང་གི་དྲན།
ཧཧཧཧཧཧཧཧཧཧཧཧ

གཉན་འདང་ཕོ་ཉ་ལགས། ཉིད་ཀྱིས་བསམ་ཚུལ་གནང་བ་དེ་ལ་དགའ་བསུ་ཞུ་ལགས། ཡིན་ཡང་། འུ་ཅག་གིས་ད་ལྟའི་བར་དུ་བོད་མིས་བོད་ཡིག་ལ་མཐོང་ཆེན་དང་བརྩི་བཀུར་བྱེད་དགོས་པར་གཞུང་སྒེར་ཚང་མའི་ངག་ལ་ཆུ་རྒྱུགས་རྒྱུགས་བཞིན་དུ་བྱང་ཆ་ལྡན་ཡོད་ཀྱང་། དམིགས་་བསལ་གྱིས་གཞུང་འབྲེལ་སྐུ་ངོ་དག་གིས་བཀའ་སློབ་གང་དུ་གནང་ན་ཡང་བོད་ཀྱི་རིག་གཞུང་ཉམས་པ་སོར་བཅུད་མི་ཉམས་གོང་འཕེལ་ཟེར་བ་ནི་རླུང་ལྟར་གྲགས་ཀྱི་ཡོད་ཀྱང་། དོན་དངོས་སུ་བོད་ཡིག་ལ་རིན་གོང་མི་སྤྲོད་མཁན་དང་བདག་པོ་མི་རྒྱག་མཁན་དེ་ཡང་དེ་དག་གི་གྲངས་དེ་ཆགས་ཡོད་ན་དེ་ལ་སྐུ་ཉིད་ཀྱིས་བསམ་ཚུལ་གང་ཞིག་གཟིགས་ཀྱི་ཡོད་དམ་ལགས། དཔེར་ན་བཀའ་བློན་ཁྲི་ཟུར་དག་དང་མི་ཆེན་དཔོན་ཆེན་མི་ཉུང་བ་ཞིག་གིས་བུ་ཕྲུག་དག་གིས་བོད་སྐད་ཤེས་མཁན་ཉུང་བ་མ་ཟད། བོད་ཡིག་ལ་དུངས་ཞེན་ཡོད་མཁན་ནས་བོད་ཡིག་ཤེས་མཁན་དཀོན་པོ་ཆགས་ཡོད་ཀྱང་། ད་དུང་བོད་པ་དག་གིས་མགོ་བོ་སྒུར་སྒུར་བྱེད་ཞོར་དུ་སྐུ་ངོ་ཟེར་ནས་བཀུར་དོན་གང་ལ་ཐུག་འདུག་སྙམ་གྱི་ཡོད་ལགས།

ཟུངས་ཁྲག་ལགས། སྐུ་ཉིད་འདི་རུ་ཕེབས་པའི་སྤུན་ཟླ་གསར་བ་ཞིག་རེད། ཐོག་མར་འཚམ་འདྲི་ཡོད། དེས་ན་སྐུ་ཉིད་གསུང་ཚུལ་དེ་ནི་གཞུང་གི་ལོངས་ཕྱོགས་དང་རྩ་འཛིན་ལ་གསུང་གི་ཡོད་དམ། ཡང་ན། མི་མང་གིས་བྱེད་སྟངས་ལ་གཟིགས་ནས་གསུང་བཞིན་ཡོད་ལགས། དེ་གཉིས་ཁག་ཁག་བྱས་དེ་གསལ་བོ་ཞིག་སྤུན་ཟླ་དག་ལ་འགྲེལ་དུ་ཡོད་ན་དགའ་བ་ལའང་།

གངས་རིའི་གླིང་བུ་ལགས། འུ་ཅག་ཡོད་དོ་ཅོག་ལ་འདིའི་ཐད་དུ་འགན་ཞིག་ཡོད་པ་རེད་དེ། འུ་ཅག་གིས་འགན་གང་ཞིག་འཁུར་ཐུབ་ཀྱི་ཡོད་མེད་ཐད་དུ་སྐུ་ཉིད་ཀྱིས་བསམ་གཞིགས་གང་ཞིག་གནང་ཡོད་དམ་ལགས། བྱེས་པ་ཚང་གི་བོད་ཡིག་དགེ་རྒན་གྱི་རྐུབ་སྟེགས་སྟེང་དུ་བཞུགས་མཁན་དེ་དག་ལ་ལྷག་བསམ་མེད་པ་ཡིན་ནམ། ཡང་ན། བོད་ཡིག་གི་བསྐོར་ལ་དེ་འདྲའི་ཤེས་ཚད་ཀྱི་མ་འདང་ཡིན་ནམ། ཡང་ན། གཞུང་གིས་ཁོང་ཚོར་མཐུན་རྐྱེན་ལེགས་པོ་ཞིག་མ་སྤྱར་བ་རེད་དམ། སྐུ་ཉིད་གང་ཞིག་གཟིགས་ཀྱི་འདུག་གམ་ལགས།

བོད་ཡིག་ཉམས་ཆག་འགྲོ་བ་ནི་གཞུང་ཕྱོགས་ཀྱི་ཁོར་ཡུག་གིས་རེད་ལ།
དེར་བརྟེན་རང་རང་སོ་སོའི་ལྟོ་གོས་གདམས་ཤེས་པའི་མི་བུ་ཚོས་རིམ་པས་གཡོལ་ནས་འགྲོ་བཞིན་ཡོད། དེ་འདྲའི་གནས་ཚུལ་འོག་བོད་ཡིག་སྟེ། ནམ་ཞིག་བདག་མེད་དུ་ལུས་ངེས་པའི་ཁྱི་རྒན་རྒྱ་བོ། སྙིང་རྗེ།
ངས་བཀའ་འདྲི་ཞུ་རྒྱུར།
བོད་ཤ་ཁྲག་ལགས་ཀྱིས་ནམ་རྒྱུན་ནས་པར་རེ་གོང་དུ་བཀོད་ཀྱིན་འདུག
ངའི་བསམ་པར། པར་འདི་དང་འབྲེལ་ཡོད་ཀྱི་བརྗོད་བྱ་ཞིག་ཡོད་ངེས་བསམ་ནས་སླེབས་དུས་དེ་ནི་རེད་མི་འདུག
བྱས་ན་གང་བྱུང་འདྲ་རེད་དམ།
ཡང་ན་་་་་་་་་་་

གཉའ་འབྲོང་ཐུ་བུ་ལགས། དེས་ན་འུ་ཅག་གིས་རང་ཡུལ་སྐྱུར་ནས་གཞན་ཡུལ་དུ་སླེབས་པ་ནས་བཟུང་དེ་རང་དོན་ལས་རང་ཡུལ་རྩོད་ལེན་བྱེད་མཁན་གྱི་མི་གྲངས་ཤིག་ཚོད་རྩིས་བྱེད་དགོས་བྱུང་ན་བརྒྱ་ཆའི་ཚད་ག་འདྲ་ཞིག་ལ་སླེབས་ས་རེད་སྙམ་གྱི་ཡོད་ལགས། ང་རང་གིས་རང་གིས་རང་ལ་བལྟ་ཐེངས་རེར་རང་ཡུལ་ནས་གཞན་གྱིས་ས་མཐར་བསྒྲད་པ་མ་ཡིན་པར། རང་གི་འདོད་པ་བཞིན་དུ་བྲོས་ཡོང་བ་ཡིན་པར་འདོད་ཀྱི་ཡོད་ལ། འདོད་པ་དེ་ཡང་རང་དབང་སླར་གསོའི་ཆེད་དུ་ཡོང་ཡོད་མཁན་ཡང་དངོས་ནས་ཆེས་ཉུང་བ་ཞིག་ལས་མེད་ཚོད་དུ་མཐོང་གི་འདུག་ལགས། འདི་ནི་ང་རང་གི་སེམས་པ་མ་དྲང་བའི་མ་ཡིན་པར་རང་གིས་རང་ལ་བརྟག་དཔྱད་བྱོས་དེ་་བསྡད་དུས་དངོས་ནས་དེ་འདྲ་ཞིག་རང་དབང་མེད་པར་དྲན་བཞིན་འོང་གི་འདུག་ལགས་ན། སྐུ་ཉིད་ལ་དེའི་ཐད་དུ་རང་གིས་རང་ལ་ལྟ་ཚུལ་ག་འདྲ་ཞིག་བྱུང་གི་འདུག་ལགས།

གཡུ་དུག་སྤྲང་ལགས། དུ་བ་འཐེན་མཁན་ཞིག་ཡིན་རབས་འདུག དུ་མཇེ་འདིའི་རིགས་འཐེན་འདོད་ཡོད་ན་ང་རང་ལ་ལྐོག་མ་ཞིག་བརྫོངས་དང་ངས་བུད་མེད་མཛེས་མ་ཞིག་གི་ས་ནས་ཉོས་དེ་ཁྱེད་རང་ལ་སྐུར་ཐབས་བྱེད་ཆོག ཧཧཧཧ

ལྷ་ཆབ་ལགས། དེ་འདྲའི་མཇེ་དོ་ཞིག་འཐེན་མྱོང་མེད་ཀྱང་། སྩོལ་བ་བྱས་པ་ཡིན་ན་ཕལ་ཆེར་འཐེན་རྒྱུ་རེག་འདུག་ཁ་ཤིག་བཤད་ཀྱི་འདུག དེ་ཡང་བུད་མེད་མ་གཏོགས་བུ་ལ་བཙོང་གི་མི་འདུག་ཟེར། ང་རང་བུ་ཞིག་ཡིན་སྟབས། བུད་མེད་མཛེས་མ་ཞིག་ལ་རེ་བ་བརྒྱབ་དེ་ཉོ་རོགས་གནོངས་ཟེར་ནས་ཞུ་རྒྱུ་ན་རེ་བ་འདྲ་ཡོད་ས་རེད་ལགས།

གོང་གི་པར་དེ་ཚོ་ལྷ་ཆབ་ཀྱི་ཟིན་བྲིས་སྟེང་དུ་བདེ་ས་རེད།

ཀུ་རེ་ཡིན།

འཕྲིན་ལས་ལགས་ཉིད་ཀྱིས་བལྟས་ན་ངས་དཔར་གང་དག་གསུབ་དགོས་ཀྱི་འདུག་ལགས། དེ་ལྟར་བཞིན་གསུང་དང་། ངས་ད་ལྟ་རང་གསུབ་ཆོག

རེད་ལགས། ཉིད་ཀྱིས་དྲི་ལན་བཏབ་པ་དེ་ནི་དངོས་ནས་བདེན་པ་ཞིག་རེད་འདུག་ཟེར་ཀྱང་མི་ཆོག་པ་མི་འདུག་ལགས། འོན་ཀྱང་། འདི་དག་ལ་བོད་ཡིག་དང་དབྱིན་ཡིག་གཉིས་ཀྱི་ཆུ་ཚད་མེད་པར་སློབ་གྲྭ་ཁག་ནས་འཛིན་གྲྭ་བཅུ་གཉིས་ཤིག་ཐར་ཕྱིན་པའི་མིང་ཞིག་འཁུར་ནས་སྤྱི་ཚོགས་ནང་དུ་འོང་དུས། འདི་དག་གིས་སྤྱི་ཚོགས་ལ་ཞབས་ཞུ་སྒྲུབ་རྒྱུའི་ནུས་པ་ཕར་ཞོག་རང་གི་ལྟོ་གོས་ལ་ཡང་འགོ་ཐུབ་ཀྱི་མིན་འདིས། ད་ནི་བོད་བྱེས་པ་ཚང་གི་མ་འོངས་པའི་གསོན་རྩ་ཟེར་ནས་སྐད་རྒྱགས་བཞིན་པ་དེ་དག་ནི་དངོས་ནས་སྟོང་བ་ཞིག་རེད་འདུག་པ་ལྟ་བུ་སྣང་ན། ཉིད་ཀྱིས་བསམ་ཚུལ་ཡིན་ན་ད་ནི་བོད་བྱེས་པ་ཚང་གི་འདི་དག་ལ་ཁ་ལོ་བསྒྱུར་བའི་ཐབས་ཤེས་ར་འདུག་གམ་ལགས།

ཤ་ཁྲག་རུས་གསུམ་ལགས། ངས་ཡར་རྒྱས་དང་ཉམས་རྒུད་ཀྱི་རྒྱུད་རིམ་མང་པོ་ཞིག་མི་ཤེས། དེ་ནི་ང་འདིར་སླེབས་ནས་མང་པོ་སོང་མེད་པས་ཡིན། འོན་ཀྱང་། ད་ལྟ་དངོས་སུ་མཐོང་ཐུབ་པ་ནི་བཙན་བྱོལ་གྱི་སློབ་གྲྭ་ཁག་ཏུ་མཚར་ལངས་བྱུང་དང་འབྱུང་བཞིན་པའི་བོད་པའི་མི་རབས་རྗེས་མ་འདི་ཚོར་ཕྱོགས་ཡོངས་ནས་སློབ་སྦྱོང་ཡག་པོ་སྤྲོད་ཐུབ་མེད་པ་གསལ་བོ་རེད། སློབ་མ་དང་སློབ་མཐར་ཕྱིན་པ་ཚོས་བོད་ཡིག་གི་སྟེང་དུ་སྐུར་ཡིག་འབྲི་མི་ཤེས་ཞེས་བཤད་ཀྱིན་ཡོད་མོད། དོན་དངོས་སུ་བོད་ཡིག་གཅིག་པོ་མ་རེད། ཁོང་ཚོས་དབྱིན་ཡིག་གི་སྟེང་དུ་ཡང་སྐུར་ཡིག་དག་མོ་ཞིག་འབྲི་ཐུབ་ཀྱི་འདུག འདིར་ལྟར་བཤད་ན་སློབ་གསོའི་གནས་བབ་གང་དུ་ཡོད་པ་ཁྱེད་ཀྱིས་མཁྱེན་གསལ་རེད།

གཡུ་སེང་ཨ་ལགས། ཉིད་ཀྱིས་འུ་ཅག་བྱེས་ལ་བཅར་བ་ནོར་ཡོད་པར་ཁས་ལེན་བྱེད་ཀྱི་ཡོད་དམ་ལགས། ཡོད་ན་ཇི་ལྟར་ནོར་ཡོད་མེད་ཀྱི་ཐད་དུ་བསམ་ཚུལ་ཞིག་གནང་ན་འགྲིག་གི་རེད་དམ་ལགས།
ཁ་བྱང་ལ་བཙན་ཤེད་ཆེ་བར་གསུང་འདུག་ལགས། དེ་ནི་དེ་འདྲའི་བཙན་ཤེད་ཅིག་ཡོད་པ་བདག་གིས་ཞེ་དྲག་ཤེས་ཀྱི་མི་འདུག་ལགས།

འཕྲིན་ལས་ལགས། འོ་ན་ད་ལྟའི་འཆར་བྱེས་ཀྱི་སློབ་གྲྭ་ཁག་ཡར་རྒྱས་སུ་སོང་ཡོད་པ་རེད་དམ། ཡང་ན་ཡར་རྒྱས་་སུ་འགྲོ་བཞིན་སྒང་རེད་དམ། ཡར་རྒྱས་སུ་འགྲོ་བཞིན་ཡོད་ན་ཇི་ལྟར་འགྲོ་བཞིན་པ་གཟིགས་ཀྱི་འདུག་ལགས། མེད་ན་མེད་ཚུལ་བསྐོར་གྱི་བསམ་ཚུལ་ཞིག་ཡོད་པ་ཞུ།

རེད་ཡ།ཁྱེད་ཀྱིས་སེམས་ཁྲལ་བྱེད་སའི་མི་དེ་ཚོའི་གྲས་སུ་ང་ཡང་གཏོགས་འདུག་པས་ངས་འདི་ནས་ཁྱེད་ལ་འོས་འཚམས་ཀྱི་ལན་ཞིག་གཏན་འདེབས་ཐུབ་མ་སོང་།

བོད་ཡིག་ལ་ཞབས་འདེགས་ཞུ་དགོས་ན། བོད་ཡིག་ཚད་ལྡན་ཤེས་མཁན་ཚོས་རང་རང་གི་ས་ནས་འཕག་འཚག་རྒྱག་གིན། གཅིག་ནས་བཅུ་དང་། བཅུ་ནས་བརྒྱ། བརྒྱ་ནས་སྟོང་སོགས་རིམ་པར་སྐུལ་ལྕག་རེ་བྱེད་དགོས་པ་ཁ་ཡོད་ལག་ཡོད་ཀྱི་ལས་འགན་ཞིག་ཏུ་མཐོང་།

ཨ་ཙི་ཡིག་ནོར་འདི་དག་བཅོས་པ་དེ་ཡང་བོད་ཡིག་ལ་ཞབས་འདེགས་ཀྱི་ཆེད་དུ་ཡིན།

བསྐོར་ལ་སེམས་འཁྲལ། སྐོར་ལ་སེམས་ཁྲལ།
སྲུང་སྐྱོབས། སྲུང་སྐྱོབ།
དམའ་བའི་ཡིན་རྒྱུ་རེད། དམའ་བས་ཡིན་རྒྱུ་རེད།
དེའི་བསྐོར། དེའི་སྐོར།
བོད་པའི་ཉན་འདོད། བོད་པས་ཉན་འདོད།
འཕྲིན་ལས་ལགས་ཀྱི་མཆན་ནང་།
འཐུར་ཤོར། འཐུས་ཤོར།

བྱེས་པ་སུ་ཞིག་གིས་བོད་ཡིག་ལ་དོ་སྣང་མ་བྱ་ཡང་ང་ཚོའི་ངོས་ནས་རང་ནུས་གང་ཡོད་ཀྱི་བོད་ཡིག་སྦྱོང་ཁ་བྱས་དང་བྱ་བཞིན་མོད། མཁའ་མཉམ་པ་རེ་ཟུང་གིས་ང་ཚོ་ལ་ཐུབ་ཚོད་བྱ་ཡི་འདུག་ག
ངས་ལྟས་ན་སྐུ་ཞབས་ལུང་རིག་རྒྱལ་གྱིས་དྲ་ཚིགས་འདི་བཟོས་པའི་དམིགས་ཡུལ་གཙོ་བོ་རང་གི་སྐད་དང་ཡི་གེ་ཉམ་ང་ཉག་ཕྲ་བའི་དུས་འདིར་བོད་ཡིག་ལ་དོ་སྣང་བྱ་མཁན་རེ་ཡོད་ན་བསམ་ཡོད་རྒྱུ་རེད་མ་གཏོགས་ཁོང་གི་དྲ་ཚིགས་འདི་མཁས་པའི་དབང་བོ་ས་ན་མི་ཤོང་བ་ཁག་ཅིག་གི་ཆེད་མིན་པ་གསལ་བོ་རེད། ཆེན་པོ་ཚོས་ཆེ་ས་ནས་བཅོ་བརྒྱད་འགོད་ཀྱི་ཡོད་རྒྱུ་རེད། ང་ཚོ་ཆུང་ཆུང་ཚོས་ཀྱང་བྱི་བ་ལག་ལོའི་ཁུང་བུ་འགོ་ལོ་དྲུ། གང་ལྟར་སྐབས་ཀྱི་གནས་སྟངལ་གཞིག་ན་ང་ཚོ་རང་ངོས་ནས་ནུས་པ་གདོན་རྒྱུ་ལས་ཐབསགཞན་ཡོད་ནི་མ་རེད།