རེས་གཟའ་མིག་དམར་ཉིན་ཧི་མ་ལ་ཡའི་རི་བརྒྱུད་ཀྱི་ལ་དྭགས་ཁུལ་དུ་གནས་སྡོད་བོད་མི་གཉིས་རྐྱེན་ལམ་དུ་ཕྱིན་ཡོད་པ་དང་། གཞན་བོད་མི་གཅིག་ལ་རྨས་སྐྱོན་ཚབས་ཆེན་ཕོག་ཡོད་འདུག
ཟླ་འདིའི་ཚེས་ ༢༢ ཉིན་གསར་ལམ་ཁག་ཏུ་གནས་ཚུལ་སྤེལ་བ་ལྟར་ན། ལ་དྭགས་གླེ་ཁུལ་གྱི་མ་ཧི་མཐའ་མཚམས་དམག་མིའི་དམག་སྦྱོང་བྱེད་སའི་ས་ཁུལ་དུ། བོད་མི་འགས་འགད་རྫས་ཤིག་རྙེད་ཡོད་པ་དང་། བོད་མི་ཚོས་བེད་སྤྱོད་བྱེད་སྟངས་ནོར་ཏེ་འབར་རྫས་གས་འཐོར་གྱི་དོན་རྐྱེན་དེ་བྱུང་ཡོད་འདུག ཐེངས་འདིའི་རྐྱེན་ངན་གྱི་ཁྲོད་འདས་གྲོངས་སུ་ཕྱིན་པའི་བོད་མི་གཉིས་ནི་ལ་དྭགས་ལྕོག་ལམ་སར་བོད་མིའི་གཞིས་སྒར་དུ་གནས་སྡོད་བུད་མེད་ཡེ་ཤེས་སྒྲོལ་མ་དང་། བཀྲ་ཤིས་དོན་གྲུབ་གཉིས་ཡིན་ཞིང་། རྨས་སྐྱོན་ཚབས་ཆེན་ཕོག་པ་ཚེ་རིང་གཡུ་སྒྲོན་ཡིན་ཚུལ་ལ་དྭགས་ས་གནས་ཉེན་རྟོག་པས་འགྲེལ་བརྗོད་གནང་ཡོད་འདུག
སྐྱེ་རྒ་ན་འཆི། རང་བྱུང་གི་གནོད་འཚེ་ཀུན་ལས་རྒྱལ་གྱུར་ཅིག འདས་པོ་དག་གི་ཆེད་དུ་ཨོཾ་མ་ཎི་པདྨེ་ཧཱུཾ།
མདོ་སྨད་རེབ་གོང་སྐ་སར་རམ་དཀའ་སེར་གང་ཡིན་མ་ཤེས།
ཨོཾ་མ་ཎི་པདྨེ་ཧཱུཾ། རྩོམ་སྒྲིག་པ་ལགས། ད་ནངས་ཞོགས་པར་མཚོ་སྔོན་བོད་སྐད་བརྙན་འཕྲིན་ལས་མདོ་སྨད་སྐ་སེར་སྡེ་བའི་གང་ཞིག་ནས་རི་ཉུལ་དེ་བོད་མི་གཉིས་ཀྱི་ཚེ་སྲོགཤོར་བ་དང་། གཞན་བོད་མི་སྟོང་ཕྲག་ལ་སྡོད་གནས་དཀའ་ངལ་འཕྲད་ཡོད་ཚུལ་བཤད་ཀི་འདུག་ན། དེའི་སྐོར་གྱི་གསར་འགྱུར་འཚོལ་འགོད་གནང་རོགས། མཆན་བུ་འདི་ལ་གཟིགས་གྲུབ་རྗེས་གསུབ་རོགས་གནོང་།