ཁམས་སྐད་ལས་བྱེད་ས་མིག་གསལ་བསྒྲགས།
༄། ཨ་རིའི་རྒྱལ་ས་ཝ་ཤིང་ཌོན་དུ་ཡོད་པའི་ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གྱི་ལས་ཁུངས་ཨ་མའི་ནང་ཁམས་སྐད་ཀྱི་གསར་འགོད་པ་ཤེས་ལྡན་རྣམ་དཔྱོད་ཡངས་པ་ཞིག་དགོས་པའི་གསལ་བསྒྲགས།
ལས་ཀའི་ངོ་བོ།
-
ཉིན་རེའི་གསར་འགྱུར་དང་གནས་ཚུལ་མཁོ་སྒྲུབ་བྱ་རྒྱུ།
-
གནད་དོན་བཅར་འདྲི་དང་ལས་རིམ་བཟོ་བཀོད་ཆེད་ཉམས་ཞིབ་བྱ་རྒྱུ།
-
གསར་འགྱུར་ཟིན་བྲིས་དང་ཕབ་བསྒྱུར་བྱ་རྒྱུ།
-
གསར་འགྱུར་སྙན་སྒྲོན་དང་ལས་རིམ་གཙོ་སྐྱོང་བྱ་རྒྱུ།
-
ལས་རིམ་གསར་གཏོད་ཀྱི་དགོངས་འཆར་འདོན་ཐུབ་པ།
-
གཞན་ཡང་བཀོད་མངགས་ལྟར་ལས་དོན་འགྲུབ་དགོས་རྒྱུ་བཅས་ཡིན།
དགོས་ངེས་ཀྱི་གནས་ཚད་ཆ་རྐྱེན།
-
ཉུང་མཐར་ཡང་ལོ་གཅིག་གི་གསར་འགྱུར་ལས་རིགས་དང་བརྒྱུད་ལམ་གང་རུང་ཐོག་ཉམས་མྱོང་ཡོད་རིགས་ལ་དམིགས་བསལ་སྤྲོད་རྒྱུ།
-
ཁམས་སྐད་ལ་བྱང་ཆ་ཡོད་པའི་ཐོག་ཉུང་མཐར་བོད་ཡིག་གི་ཤེས་ཚད་མཐོ་སློབ་ཐོན་པའམ་ཡང་ན་མཐོ་སློབ་ཐོན་པའི་ཤེས་ཚད་དང་མཉམ་པར་དགོས།
-
གསར་འགོད་པའི་ཆེད་ལས་ཀྱི་མཐོ་སློབ་ལག་འཁྱེར་དང་ཕྱོགས་ལྷུང་མེད་པར་ཁྱོན་ཡོངས་ཀྱི་གནས་ཚུལ་མཁོ་སྒྲུབ་ཐུབ་རིགས་ལ་དམིགས་བསལ་སྤྲོད་རྒྱུ།
-
དབྱིན་ཡིག་དང་རྒྱ་ཡིག་གང་རུང་གི་ཤེས་ཚད་རང་རྐྱ་འཕེར་ངེས་ཡོད་པ།
-
བོད་ནང་གི་ཆབ་སྲིད་དང་དཔལ་འབྱོར་སྤྱི་ཚོགས་ཀྱི་གནས་སྟངས་ཐོག་རྒྱུས་མངའ་ཡོད་པ།
གོང་ཞུས་ཆ་རྐྱེན་ཚང་ཞིང་གསར་འགོད་པའི་ལས་ཀ་བྱེད་འདོད་ཡོད་མཁན་རྣམས་ནས་གཤམ་གསལ་ཁ་བྱང་ཐོག་རང་ཉིད་ཀྱི་ལོ་རྒྱུས་དང་། སྙན་ཞུ་བཅས་ངེས་འབུལ་དགོས་པ་དགོངས་འཇགས་ཡོད་པ་ཞུ། གལ་སྲིད་ལས་བྱེད་འདེམས་སྒྲུག་བྱས་ཚེ་ཨ་རིའི་ནང་དུ་ཁྲིམས་མཐུན་གྱི་ལས་བྱེད་ཆོག་པའི་ར་འཕྲོད་དགོས་རྒྱུ་དང༌། གལ་སྲིད་ཨ་རིའི་ནང་ཁྲིམས་མཐུན་གྱི་ལས་བྱེད་ཆོག་པའི་ཡིག་ཆ་ཁ་གསལ་པོ་མེད་རིགས་ལ་རླུང་འཕྲིན་ཁང་རང་གིས་མཐའ་མའི་ཐག་གཅོད་བྱེད་དབང་ཡོད་པ་ཡིན།
སྙན་ཞུ་གཏོང་ཡུལ།
མྱུར་འཕྲིན། ༢༠༢་ ༥༣༠་ ༧༧༧༧་
གློག་འཕྲིན། job@rfa.org
ཁ་བྱང་།
Radio Free Asia
2025 M Street NW, Suite 300
Washington DC-20036, USA
Tel: 202 530 4900
Email:contact@rfa.org
