ང་ནི་སེམས་འཁུར་བྱེད་མཁན་མི་གཅིག་ཡིན།།
རེད་དེ་ཞིབ་དུ་ཀློག་རྗེས་རྟོགས་སྒྲུང་ཞིག།
གནམ་ལྕགས་ལགས་ཀྱིས་བྲིས་པ་ཤེས་པ་ན།།
གློ་བར་ལྡིང་བའི་སྙིང་དེ་འཇགས་དུ་སོང་།།
བདེན་པའི་བརྡ་ལ་རིག་པའི་འཕུར་བ་ཅན།།
ཤེས་རབ་མེ་ལ་རྟོགས་བཟོའི་རང་གཤིས་པ།།
རྩོམ་གཤིས་ཡག་པོ་ཀུན་གྱི་སྨོན་ས་དེ།།
གནམ་ལྕགས་འདི་ཡི་བཅོས་སྒྲུང་འཇིགས་གཡེར་བ།།
བདག་པོས་ཐོས་ནས་གསལ་བཤད་གནང་བ་དང་།།
ཀློག་མཁན་དག་གིས་སེམས་པ་སྟོད་དུ་འཚང་།།
དོན་གྱི་ངོ་བོ་སྐྱེ་རྒ་ན་འཆི་འདི།།
ཐོག་དུ་སླེབས་ན་ཐར་ས་མེད་པ་ཡིན།།
ནམ་འཆི་ཆ་མེད་རྟོགས་པར་སྐུལ་བ་ཞིག།
མ་འཆི་སྔོན་དུ་རང་རིགས་གངས་ཅན་ལ།།
ནུས་པའི་སྲི་ཞུ་སྒྲུབ་པར་སྐུལ་ལུགས་འདིས།།
རྗེས་དྲན་ཚོགས་ཆུང་བཙུགས་པ་ངོ་རེ་བསྟོད།།
ཉིན་འགའི་རིང་དུ་རིག་རྒྱུ་མ་བྱུང་བར།།
མི་ཡོང་ཀ་མེད་ཞིག་གི་རྟོགས་སྒྲུང་དེས།།
ཨ་རིག་དགེ་མཐོང་ཉིད་ལ་རྩོམ་ཡིག་འདིས།།
བརྗོད་གཞིར་བཞེངས་པ་དེ་བས་ངོ་འཚར་ཉིད།།
ཕྱིས་སུ་བདེན་པར་བཤད་ཀྱང་གོ་དཀའ་བས།།
དེ་འདྲའི་རིགས་ཀྱི་རྟོགས་སྒྲུང་འདི་རིགས་ལ།།
ཕྱིས་སུ་ཀློག་མཁན་རྣམས་ཀྱིས་གཟབ་པར་གནོངས།།
དམིགས་སུ་འབྲི་མཁན་ལགས་ཀྱིས་ཁ་གསལ་བྱོས།།
སྒྲུང་འདི་རིགས་ཀྱིས་ཉེན་བརྡ་རྒྱག་གི་ཡོད་ན་ཐང་། སྟག་གི་གྲོགས་པོ་བོང་བུའི་གཏམ་རྒྱུད་དང་མཐུན་ཚབ་ཤིན་ཏུ་ཆེ། བྱིས་སྒྲུང་དེ་ཕལ་ཆེར་གྱིས་ཤེས་རྒྱུ་རེད།
བྲག་འགོ་དཀོན་མཆོག་དར་རྒྱས་ལགས། ཉིད་ཀྱིས་བདག་ལ་བསྟོད་པ་བྱེད་རྒྱུ་དངོས་ནས་ཆེ་དྲགས་པ་རེད་ལགས། དྲ་ཐོག་གི་བོད་རིགས་སྤུན་ཟླ་ཚང་མ་ང་ལས་ཀྱང་མཐུན་སྒྲིལ་ལ་དམ་ཟབ་བྱེད་པ་དང་རང་གི་སྐད་ཆ་ལ་རང་གི་འགན་ལེན་མཁན་རྐྱང་བ་ཡིན་ཟེར་ནས་བཤད་ན་ཆོག་ནི་རེད་ལགས།
དྲྭ་གྲོགས་ཚོས་་སེམས་ཕམ་མ་གནང་དང་། འདིས་ཁྲོད་དུ་ཡར་ཐོན་དང་མདུན་བསྐྱོད་ཀྱི་ལམ་བུ་ཡོད། བོད་ཤ་ཁྲག་རུས་གསུམ་ནི་ངེས་དོན་གྱི་སེམས་བཟང་ཞིག་ཡིན་པའི་མི་རིགས་མཐུན་བསྒྲིལ་གྱི་དོན་དུ་རང་ཚུགས་མེད་པའི་གཞན་དབང་དུ་ཤོར་བའི་གཡོ་སྒྱུའི་རྩོམ་ཡིག་ནམ་ཡང་འབྲི་མྱོང་མེད།
ཧཧཧཧ་
ཨ་དགེ་ཚང་ཕེབས་ནས་སེམས་གསོའི་སྒང་དུ་སེམས་གསོ་ཞིག་བྱས་དེ་བུད་སོང་གཟིག སེམས་གསོ་དེ་རིང་ཞོགས་པ་ཟེར་ན་འདྲ། ང་རང་ཡང་བླངས་ནས་དྲ་སྒོ་ཕྱེ་ནས་རང་གི་ཁྱིམ་དུ་འཛུལ་ནས་མཐོང་སོང་།
སྐར་ཁྲི་བཙན་སྡུག་ཐོག་ལ་མ་ཐོན་ཡང་། སྐྱིད་ཐོག་ལ་ཐོན་ནོ་བཟང་གི འདི་ན་དམ་པུ་གཅིག་ཡོད། དེ་ཁྱེད་རང་གི་སྐལ་ཡིན། མིག་ཆུ་དམ་པུ་བཀང་ཡིན་ན་ཐང་་་
བསེ་རུ་ལགས། ཉིད་ཀྱིས་གསུངས་པ་ལྟར། སྡུག་ཐོག་ལ་འཛོམ་དུས་དངོས་ནས་འཛོམ་པ་ཡིན་ལ། སྡུག་དུས་སུ་ཡོང་དུས་ཡོང་ནི་ཡིན་ཟེར་བ་བཞིན། དངོས་ནས་སྐྱིད་སྡུག་གང་ཞིག་དང་ཐུག་ཀྱང་བགྲོ་གླེང་མཉམ་པོར་བྱེད་ཐུབ་པ་ཡིན་ན་ཡག་པོ་ཅི་འདྲ་མི་འདུག་ལགས།
ཛ་དྲག་གི་གནས་ཚུལ་ཞིག་ཐོན་སྐབས། དྲ་གྲོགས་འདི་ཚོ་དྲ་ཐོག་ནས་འཚང་ཁ་ཤིག་ཤིག་རེད། དཔེར་ན། མདང་ནུབ་ང་ཚོ་དྲ་གྲོགས་མང་པོ་ཞིག་དྲ་ཐོག་ན་མ་གྲོས་གཅིག་མཐུན་གྱིས་འཛོམས་པ་བཞིན་མ་རེད་དམ།།
ཧ་ཧ ཧ་ དྲ་གྲོགས་ཤ་ཁྲག་རུས་གསུམ་ལགས། ང་ཁྱོད་སྡུག་ཐོག་ཏུ་སླེབས་མ་ཐུབ་རུང་སྐྱིད་ཐོག་ཏུ་ཐོན་ཡོད་ད།
ཨ་རོ་བསེ་རུ་དང་བོད་མིང་ཅན་གཉིས་ལགས། དོ་དགུང་ང་ཚོ་གསུམ་པོ་མ་གཏོགས་དྲ་ཐོག་ན་མེད་པ་འདྲ། ད་འུ་ཆ་བོས་ར་མཚམས་འཇོག་རེ། ཨ་ཡས་ཧོ་མྱི་ཁ་ཤས་ཀྱིས་ཤི་སོང་ཟིག་ཟེར་གོ་ཁུ་ར། ད་རུང་ཟོ་འཆི་རྒྱུ་མ་རེད་ར། ཉིན་མ་ཆ་ཟིག་གི་རྗེས་ནས་ད་ཟླ་བ་ཁ་ཤས་ཟིག་ལ་ངོ་མ་ང་དྲ་ཐོག་ནས་འཆི་རྒྱུ་རེད།
ད་ཐེངས་ཀི་འདི་བོད་ཤ་ཁྲག་རུས་གསུམ་ལ་དམིགས་གསལ་གྱིས་བྲིས་པ་ཞིག་ཡིན་པས་ང་ལ་ཉེས་ཆད་གཅོད་མི་ཆོག།
ད་ལྟ་སྐུ་ཉིད་དྲ་ཐོག་འདི་རུ་བཞུགས་ཡོད་ན།།
ལན་གྱི་དྲི་མེད་འོ་མའི་ཁ་ཚིག་ཞིག།
མྱུར་དུ་གནང་ན་ང་རང་འདིར་བསྡད་དེ།།
སྐུ་ཉིད་ལྷན་དུ་གླེང་མོལ་ཐུང་ཙམ་བྱེད།།
ངའི་བྱེད་སྟངས་དེ་བྱབ་ཆུང་ཞིག་ཡིན་ལ། ངས་དྲ་གྲོགས་ཚོར་བཅངས་པའི་ཡིད་ཆེས་རྣལ་མ་ཞིག་ཀྱང་ཡིན། འོན་ཀྱང་་
ད་ནི་མི་མཐོང་དགུ་མཐོང་།།
ད་ནི་མི་ཐོས་དགུ་ཐོས།།
ད་ནི་མི་བྱེད་དགུ་བྱེད།།
ད་ནི་ཅི་ཞིག་ཡིན་ནམ།།
བསེ་རུ་ལགས་ཀྱིས་སྙིང་འདི་ཆུང་དྲགས་འདུག།
སེམས་ཆུང་བྱོས་པ་ཡོན་ཏན་ཡིན་ན་ཡང་།།
དོན་མེད་སེམས་ཆུང་བྱས་ན་སྡུག་བསྔལ་ཡིན།།
འདི་ནི་བདག་གི་མི་ཚེའི་ཉམ་མྱོང་ཅིག།
ཨ་ཆེན་གངས་འདབས་ཤིག་གི་མི་རབས་འདི།།
རིག་གནས་ཆེ་ཆུང་ཀུན་ལ་བྱང་ཆུབ་མིན།།
དགེ་བའི་ལས་དོན་རྒྱ་ཆེན་སྒྲུབ་ཡོད་མེད།།
མཐོང་དུས་མི་སེམས་འདར་ནས་བྲིས་པ་རེད།།
ཨ་ཁུ་ཁྱེད་ཀྱི་རྒྱུན་དུ་ཀུ་རེ་གླེང་།།
རིག་པ་ཅན་དག་ཁྱེད་ལ་དུངས་དྲགས་པའི།།
དགེ་ཕྱོགས་ཟེར་ནས་དྲན་ཚོད་མ་ཟིན་སྟབས།།
མཐོང་འདོད་ཆེ་བའི་དེ་ལྟར་གླེང་བར་འདོད།།
(གཏམ་ངན། རྗེས་དྲན།) ཞེས་པའི་ཟིན་བྲིས་དེ་གནམ་ལྕགས་ལགས་ཀྱིས་སྤེལ་བ་ཞིག་རེད།
གནམ་ལྕགས་ཐོག་མདས་ཁྱོད་ཀྱི་སྙིང་ག་གས།།
གནམ་ལྕགས་ཐོག་མདས་ཁྱོད་ཀྱི་སེམས་ཁམས་དཀྲུགས།།
གནམ་ལྕགས་ཐོག་མདས་དྲ་གྲོགས་གཉིད་ལས་སད།།
གནམ་ལྕགས་རིན་པོ་ཆེ་ལ་གསོལ་བ་འདེབས།།
ཚིགས་བཅད་འདིའི་ནང་གི་ཁྱོད་ཅེས་པའི་ཚབ་ཏུ་ངའི་ཟིན་བྲིས་སུ་ང་ཞེས་བཀོད་ཡོད།
དེ་བཅོས་ཏེ་འདིར་དྲངས་པ་ཞིག་ཡིན།།
བོད། ཤ་ཁྲག་རུས་གསུམ་ལགས། ཁྱེད་རང་ཕེབས་པར་དགའ་བསུ་ཞུ།
ང་ཤི་མེད་པའི་ལན་ཐུང་ཞིག་བྲིས་པར་ཁྱེད་རང་ཕེབས་པ་དང་། ད་དུང་བསེ་རུ་རྭ་གཅིག་གིས་ཁྱེད་ལ་གྱོད་གཏུགས་ཟེར་བ་ཞིག་བྲིས་འདུག ང་ཚོ་གྲོགས་པོ་ཤས་ཀྱིས་ཕན་ཚུན་ལ་དགའ་དགའ་དུང་དུང་བྱས་དུས། ཁ་ཤས་ཤིག་གིས་མགོ་ཐོག་ཏུ་སྐྱག་པ་གཏང་གི་ཡིན་ཟེར་མཁན་འདུག་ལ། འདི་ཚོ་སྐྱག་ལང་དུ་གཏོང་མི་ཉན་ཡ།