བདེན་པ་ར་སྤྲོད་ཀྱི་གློག་བརྙན་དེ་འདི་རེད།

ཤ་ཁྲག་གིས་གསུངས་པ་ལྟར་དོན་ལ་གནས་ཤིང་།འདི་འདྲ་བར་བོད་ཆོལ་གསུམ་གང་དུའང་ཁངས་ནས་ཡོད་པ་མ་ཟད་།ཁོང་ཚོས་བོད་ལ་བཅིངས་པའི་ལ་རྒྱའི་སྙིང་སྟོབས་ཏེ་ཤ་རྐང་རིས་གསུམ་དུ་ཐིམ་ཡོད།འོན་ཀྱང་བྱེས་སུ་གྱར་བའི་གཞུང་སྒེར་གྱི་མི་བུ་དག་གི་བྱེད་ལས་ལ་ལྟོས་དང་།སྤྱི་འཐུས་གྲོས་ཚོགས་ཀྱི་རྭ་བའི་སྒྱུ་འཕྲུལ་དག་གིས་གཞིས་ལུས་སྤུན་ཟླ་མང་པོར་སེམས་ཤུགས་ཀྱི་སྒྲོན་མེ་ཅི་འདྲ་ཞིག་སྒྲོན་ཐུབ་བམ།

དོ་ནུབ་བདག་གིས་མཚན་དཀྱིལ་གཡོལ་ནས་གློག་བརྙན་འདི་ཞིབ་དུ་བལྟ་ཐུབ་སོང་། བོད་ནང་གི་བོད་མི་དག་གིས་བོད་ཕྱི་ལ་བཅིངས་པའི་རེ་བ་ནི་ཧ་ཅང་བརྟན་ཞིང་། ༧གོང་ས་ལྷ་མིའི་རྣམ་འདྲེན་ལ་བཅིངས་པའི་དད་སེམས་ལ་འགྱུར་བ་མེད་པ་དེ་ནི་རང་ཉིད་ཀྱིས་ཚེ་སྲོག་གི་བདེན་དཔུང་བྱེད་ཀྱི་ཡོད་པ་འདི་དག་ཐོས་ན། བྱེས་སུ་སྐྱིད་ཉལ་བརྒྱབ་དེ་བསྡོད་མཁན་ང་ལ་ལྟ་བུ་དག་གིས་རང་གི་གདོང་ལ་བལྟས་དེ་རང་ཉིད་བོད་པ་ཡིན་པ་དེ་ཙམ་ལས་བོད་སྤྱི་བའི་དོན་ལ་ལག་རྗེས་ཤིག་གཏན་ནས་འཇོག་ཐུབ་ཀྱི་མེད་པར་བསམ་དུས། སེམས་པ་དམར་པོ་སྐྱོ་གདུང་གིས་བཟི་ནས། ཕ་ཡུལ་བོད་མི་ཡོངས་ལ་སེམས་ཁོང་རུས་པའི་གཏིང་ནས་བཀའ་དྲིན་ཆེ་ཞུ་འདོད་བྱུང་།

རེད། བསེ་རུས་གསུངས་པ་ལྟར་ཁོང་ཚོའི་གནས་སྟངས་ནི་རླུང་འཚུབ་ཁྲོད་ཀྱི་མར་མེ་ཞིག་དང་གཉིས་སུ་མེད།

འོན་ཀྱང་ཁོང་ཚོར་དོན་གྱི་འཇིགས་སྣང་ཞིག་ཡོད་པ་ནི་བརྩེ་བ་མེད་པའི་དམར་དམག་འགའ་སྤྱང་ཀི་ལུག་ཐོག་ཏུ་ཤོར་བ་ལྟར་མཆོངས་ཡོང་རྒྱུ་དེ་མ་ཡིན་པར། ཁོང་ཅག་གི་སེམས་ཀྱི་ཚོར་བ་ལུད་པའི་སྐད་ཆ་བརྗེན་པ་རྣམས་ཇི་ལྟར་༸གོང་ས་མཆོག་གི་སྤྱན་གྱི་མདུན་དང་རྒྱལ་སྤྱིའི་མི་མང་གི་རྣ་སྒོར་བདེ་བླག་ངང་མ་སོན་པར་མཚོ་ནང་དུ་རྡོ་འཕངས་པ་ལྟར་འགྱུར་རྒྱུ་དེ་ཡིན། འོན་ཀྱང་ད་ནི་གྲྭ་རིན་ཆེན་བཟང་པོའི་ཐབས་བཀོད་ལ་བརྟེན་ནས་ཁོང་ཚོའི་སེམས་ཀྱི་འབོད་སྒྲ་དྲོད་ཁོལ་མ་ཡལ་བར་འཛམ་གླིང་མི་མང་གི་རྣ་སྒོར་བསྐྱལ་ཡོད།
ཁོང་ཚོར་མཚོན་ན་བརྕེ་མེད་ཀྱི་སྡུག་སྦྱོང་ལས་བསྐྱེད་པའི་ཟུག་ཟེར་ལས་སེམས་ཀྱི་འབོད་པ་བྲག་ཅ་ཞིག་དང་མཚུངས་པར་རི་སུལ་གྱི་ཁྲོད་ནས་འཇམ་ཐིང་ངེར་ཕྱིན་པ་ལས་བྱུང་བའི་གདུང་བ་དེ་བཟོད་དཀའ་བ་སྙམ། དོན་དམ་གྱི་བློ་སྟོབས་ཤིག ནམ་ཡང་རྒྱལ་གྱུར་ཅིག

སྤྱི་འཐུས་ཚོ་ལ་འབྲོག་པ་འབྲོག་མོ་འདི་ཚོའི་ཤེས་ཡོན་དང་སྙིང་སྟོབས་ཀྱི་ཕྱེད་ཀ་ཙམ་ཡོད་ནའང་བོད་ལ་ཕན་ཆེན་པོ་མ་ཐོགས་པ་ལས། གཏོར་སྐྱོན་ཆེན་པོ་བཟོ་མདོག་ཁ་བོ་མ་རེད།

བདེན་པ་ར་སྤྲོད་ཀྱི་གློག་བརྙན་འདི་ལ་འབྲེལ་ཡོད་ཚང་མ་ལ་སྙིང་ནས་ཐུགས་རྗེ་ཆེ་ཞུ།

དངོས་གནས་གློག་བརྙན་འདི་བདེན་པ་ར་སྤྲོད་ཞིག་རེ་འདུག