བོད་ཕྲུག་བཅུ་གྲངས་དེ་འཚམས་པོ་ཡིན།

རྔ་པ་བསོད་དེ་ཡིས་འདི་གར་གནས་ཚུལ་བཏང་བ་ལྟར་ན། ཟླ་འདིའི་ཚེས་ཉེར་དྲུག་ཉིན་ཧྥིལིཔིནསི་རྒྱལ་ཁབ་ཏུ་ཆར་ཞོད་ཀྱི་དབང་གིས་ཆུ་ལོག་བརྒྱབས་ཏེ། རྒྱལ་མཱ་ནེས་ལཱ་གཅིག་པུ་ནས་མི་གྲངས་བདུན་ཅུ་དོན་གསུམ་འདས་གྲོངས་སུ་ཕྱིན་འདུག་ལ། མང་པོ་ཞིག་གར་སོང་ཆ་མེད་དུ་གྱུར་འདུག ད་ལྟའི་ཆར་མི་མང་སྟོང་ཕྲག་བརྒལ་བ་ཞིག་གིས་ལྟོག་སྐོམ་དང་སྡོད་ཁང་སོགས་མེད་པར་དཀའ་སྡུག་མྱོང་གིན་འདུག་ལ། གནམ་གཤིས་བརྟག་དཔྱད་ཁང་དང་གཞུང་འབྲེལ་གསར་འགྱུར་བརྒྱུད་ལམ་ཁག་ནས་བཤད་པ་ལྟར་ན། ད་དུང་ཆུ་ལོག་དེ་ལས་ཚབས་ཆེན་ཞིག་དུས་ཚོད་ངེས་མེད་ནང་ཡོང་རྒྱུ་ཡིན་ཚུལ་བཤད་འདུག ཆུ་ལོག་དེ་ནི་ཕྱི་ཚེས་ཉེར་དྲུག་གི་ཉིན་གུང་བསླེབས་པ་དང་། ཆུ་ལོག་དེའི་རྐྱེན་གྱིས་གཞུང་འབྲེལ་ལས་ཁུངས་དང་སློབ་གྲྭ་ཚང་མར་གུང་སེང་བཏང་འདུག འོན་ཀྱང་འདི་ཕྱོགས་སུ་སློབ་སྦྱོང་བྱེད་བཞིན་པའི་བོད་རིགས་སློབ་གཉེར་བ་བཅུ་གྲངས་ཤིག་ཡོད་པ་དེ་ཚོར་གནོད་སྐྱོན་གང་ཡང་བྱུང་མེད་ཟེར།