༧གོང་ས་མཆོག་ཝ་ཤིན་ཊོན་དུ་ཆིབས་བསྒྱུར།

བོད་ལ་ཁ་ཡོད་ལག་ཡོད་ཀྱི་རྒྱབ་སྐྱོར་ཞིག་མེད་ན་ཨོ་སྦ་མས་གོང་ས་མཆོག་ལ་སྐར་མ་འགའི་རིང་གི་ཐུག་འཕྲད་ཅིག་བྱས་ཀྱང་ཅི་ཞིག་ཕན་ཨང་། སྦུ་ཞི་ཕ་བུ་གཉིས་ཀྱི་ཐུག་འཕྲད་ཀྱིས་ཅི་ཞིག་ཕན་སོང་། ཁི་ལོན་སྒྲོན་གྱི་ཐུག་འཕྲད་ཀྱིས་ཅི་ཞིག་ཕན་སོང་། ཨོ་སྦ་མ་ཡང་དེ་བཞིན་རེད། ཞེ་དྲགས་ཕན་ཐོགས་ཅང་ཡོད་ནི་མ་རེད། དོན་དམ་པའི་ཐུག་འཕྲད་ཅིག་བྱེད་ཀི་ཡིན་ན། རྒྱ་ནག་སྲིད་འཛིན་ནམ་ཕྱི་སྲིད་བློན་ཆེན། དེ་མ་བྱུང་རུང་རྒྱ་ནག་གཞུང་ཚབ་པ་ཕོ་བྲང་དཀར་པོར་སྐད་བཏང་ནས་ཨོ་སྦ་མ་དང་གོང་ས་མཆོག རྒྱ་ནག་གཞུང་ཚབ་པ་ཁོང་གསུམ་མཉམ་འཛོམ་གྱིས་བོད་དོན་གྲོས་མོལ་ཞིག་བྱེད་ཐུབ་ན་དོན་ངོ་མའི་ཐུག་འཕྲད་དེ་རེད་བསམས། དེ་མིན་ཨ་རི་ཚང་གི་དུས་ཚོད་སྐྱེལ་སྟངས་ཤིག་དང་ཆབ་སྲིད་པའི་ཟློས་གར་འཁྲབ་སྟངས་ཤིག་མ་གཏོགས་ཅང་མཐོང་གི་མི་འདུག

ངས་སྔོན་མ་ཅིག་ནས་བཤད་མྱོང་། རྒྱལ་ཁབ་འདི་དག་གིས་གོང་ས་མཆོག་ལ་ཆེ་མཐོང་གཟེངས་རྟགས་རེ་སྤྲད་ནས་དོན་ངོ་མའི་བོད་དོན་རྒྱབ་སྐྱོར་དེ་བྱེད་ཀི་མི་འདུག དེ་ནི་བོད་མི་མང་པོ་ཞིག་གིས་རང་རང་གིས་བོད་དོན་རེ་མི་བྱེད་པར་མིག་ཟུང་བཙུམས་ནས། རྒྱལ་བ་རིན་པོ་ཆེས་བོད་རང་བཙན་ལེན་གི་རེད་ཟེར་ནས་སྨོན་ལམ་རེ་བརྒྱབ་སྟེ་བསྡད་ཡོད་པ་དང་གཅིག་པ་གཅིག་རྐྱང་རེད། བོད་དོན་ཐག་གཅོད་ཀྱི་ནུས་པ་མ་ཐོན་བར་དུ་གསེར་དངུལ་གཟེངས་རྟགས་ཀྱིས་གོང་ས་མཆོག་གི་གཟིམ་ཤག་ཁེངས་བསྡད་ཀྱང་ཞེ་དྲགས་ཡ་མཚན་རྒྱུ་ཅང་ཡོད་པ་མ་རེད། སྔོན་མར་རྒྱ་ནག་དང་སོག་པོ་དེ་བཞིན་མན་ཇུ་གོང་མ་ཚོས་བོད་ཀྱི་བླ་དཔོན་ཚོར་ཧུ་ཐོག་ཐུ་དང་ཧྥ་ཝང་ཟེར་བ་ལྟ་བུའི་ཆོ་ལོ་གསེར་ལེབ་རྡུང་གི་སྒང་ལ་བྲིས་བཞག་པ་བརྒྱ་ཕྲག་དང་བརྒྱ་ཕྲག་སྤྲད་ཡོད་པ་རེད། སྔོན་མར་ལྷ་ས་བ་བཀྲ་ཤིས་དཔལ་ལྡན་གྱི་བརྩམས་སྒྲུང་<<ཕལ་བའི་ཁྱིམ་ཚང་གི་སྐྱིད་སྡུག་>>ཅེས་པ་དེའི་ནང་དུ་གསར་བུ་ལྷག་བསམ་ཅན་ཕུན་ཚོགས་ཀྱིས་ས་གནས་དབང་འཛིན་པ་ཚོར། “མི་དམངས་མང་ཚོགས་ཀྱི་ལྟོ་རྒྱབ་གནད་དོན་ཐག་མ་ཆོད་བར་དུ་དར་དམར་རྐྱང་རྐྱང་གིས་མི་དམངས་ཀུང་ཧྲེའི་རྩིགས་པ་ཁེངས་བཞག་ན་ཡང་དོན་སྙིང་ཅང་ཡོད་པ་མ་རེད”་ཅེས་ཚོགས་གཏམ་བཏང་བ་འདྲ་བོ་རེད།

ཚུལ་ཁྲིམས་ལྡན་ཞིང་འདུལ་བའི་ཆོ་ག་ཤེས།།
ནད་པར་སྙིང་བརྩེ་འཁོར་ནི་དག་པ་དང་།།
ཆོས་དང་ཟང་ཟིང་ཕན་འདོགས་ལ་བརྩོན་པ།།
དུས་སུ་འདོམས་པ་དེ་ཉིད་བླ་མར་བསྔགས།།

དེང་སྐབས་ཆབ་སྲིད་ཀྱི་ལྟ་གྲུབ་དེ་དཔལ་འབྱོར་གྱིས་བསྣུབས་ཚར་པ་རེད། དམར་ཤོག་དང་དམངས་གཙོ་གཉིས་ཕན་ཚུན་ཁ་འབྲལ་ཐབས་མེད་པའི་རྣམ་པ་ཞིག་ལ་བསླེབས་འདུག ཨ་རི་ལ་མཚོན་ན་རྩ་བའི་རྩ་དོན་ངོ་མ་ནི་དམངས་གཙོ་དང་འགྲོ་བ་མིའི་ཐོབ་ཐང་རེད། ད་སྐབས་འདི་ཡང་དཔལ་འབྱོར་གྱི་ནུས་ཤུགས་འོག་ནས་བརླག་འགྲོ་གིན་ཡོད།

ང་ཚོར་དོ་སྣང་གསར་པ་ཞིག་ཡོང་གིན་པ་ནི། ཨ་རིའི་ནུས་ཤུགས་ཀྱིས་ད་ལྟའི་དམག་ཆེན་དེ་དག་དང་ཨ་རིར་ངོ་ལོག་པའི་རྒྱལ་ཁབ་ཨི་རན་དང་བྱང་ཀོ་རི་ཡ་སོགས་ལ་གླགས་འཁེལ་གྱིན་མེད་སྟབས། རྒྱ་ནག་གི་རྒྱབ་རོགས་འཚོལ་གྱིན་ཡོད་པ་རེད།

ཤར་ནུབ་ཀྱི་སྟོབས་ཤུགས་དོ་མཉམ་བཞིན་པའི་སྐབས་སུ་སྲིད་བྱུས་ཀྱང་རང་བཞིན་གྱིས་མི་འགྱུར་ཐབས་མེད་རེད།

ཡིན་ཡང་། ཨ་རི་དང་ནུབ་ཕྱོགས་སུ་མི་དམངས་ཀྱི་ནུས་པ་ནི་གཞུང་ལས་ཆེ་བ་ཡོད་སྟབས། མི་དམངས་ཀྱི་ཁ་འགོག་པའི་ཆེད་དུ་ཨོ་སྦ་མའི་མཐོ་རིམ་དཔོན་རིགས་དེ་ཚོ་ཉེ་ཆར་རྡ་རམ་ས་ལར་མངགས་པ་རེད།
རྒྱ་རི་བློ་གྲོས་རྒྱལ་མཚན་གྱིས་ཨ་རིའི་སྲིད་བྱུས་གསར་པ་ཞིག་མངོན་ཡོང་གི་ཡོད་སྐོར་བཤད་པ་དེ་བདེན་སྲིད། ཡིན་ཡང་། ཡག་ཉེས་གང་ཡིན་ད་དུང་བཤད་དཀའ་བའི་ཚོད་རེད།

སྡུག་ཤོས་ཤིག་ནི། རྗེས་མ་ནས་བོད་མིའི་ཆོས་སྲིད་གཉིས་ཀྱི་དབུ་ཁྲིད་ལ་ཨ་རིའི་སྲིད་འཛིན་གྱིས་སྣེ་ལེན་ཞུ་སྟངས་ཀྱང་འགྱུར་སྲིད་པ་ཡིན། ལྷག་པར་དུ་ཨ་རི་དང་རྒྱ་ནག་གཉིས་ཀྱི་ལག་འབྲེལ་འོག་ནས་བོད་དོན་འདི་ཁྱད་མཚར་པོ་ཞིག་ཏུ་མི་འགྱུར་བའི་ངེས་པ་མེད།

༧གོང་ས་མཆོག་གིས་རྒྱ་ནག་སྲིད་གཞུང་ལ་རེ་རེ་སྲབ་ནས་སྲབ་ཏུ་འགྲོ་གིན་ཡོད་རུང་མང་ཚོགས་ལ་རེ་བ་ཆེ་རུ་ཆེ་རུ་འགྲོ་གིན་ཡོད་པ་བཞིན། ད་ནས་བཟུང་ཨ་རིའི་གཞུང་ལའང་རེ་བ་སྲབ་ཏུ་སྲབ་ཏུ་འགྲོ་སྲིད་ལ་མི་དམངས་ལ་རེ་བ་ཆེ་རུ་ཆེ་རུ་འགྲོ་རྒྱུའི་གནས་སྟངས་ཤིག་ཤར་མགོ་ཡོད་སྲིད་པ་རེད།

དུས་བབ་རྩོམ་སྒྲིག་པ་ལགས། ཁྱེད་ཀྱིས་འདི་འདྲ་ཞིག་བྲིས་འདུག ཨ་རིའི་གཙུག་ལག་སློབ་གཉེར་ཁང་ཞིག་ཏུ། ཞེས་བཀོད་པ་ལས་དེ་གང་ཡིན་མིང་འདོན་བྱས་མི་འདུག མིང་ཅི་ཡིན་མ་ཤེས་པ་འདྲ་ཡིན་ན་ཐུགས་ཁག་མེད། ཤེས་གཞིན་དུ་མ་བྲིས་པ་འདྲ་ཡིན་ན་འགྲིག་གི་མི་འདུག གང་ཞེ་ན། ྋགོང་ས་མཆོག་ས་གནས་གང་ཞིག་ཏུ་ཕེབས་པ་ཡིན་ནའང་ས་གནས་དེའི་མིང་་ཁ་གསལ་བཀོད་པ་ཡིན་ན་མཛད་ཕྲིན་དེའི་ཆ་ཡོངས་སུ་ཚང་བ་ཞིག་ཤེས་རྟོགས་ཐུབ་པས་ན་དགེ་མཚན་ཆེ་ཞིང་གསར་འགྱུར་དེ་ཡང་འཐུས་ཚང་ཞིག་ཏུ་གྱུར་བར་མཐོང་།

སྣ་བོ་ཆེ་ལགས་ཀྱིས་སྐབས་ཐོག་འགྲེལ་བཤད་གནང་བར་ཐུགས་རྗེ་ཆེ། ངས་ནི་གོང་གི་ཐ་སྙད་དེ་ a person whose life is devoted primarily to prayer, esp. in a monastery or convent. གཞི་བཟུང་བ་ཡིན། ཉིད་ཀྱིས་གསུངས་པར་ཡང་རྒྱུ་མཚན་ཆེན་པོ་འདུག ངས་ནི་ནུབ་ཕྱོགས་ཀྱི་ contemplative འདི་དག་གི་སྒྲུབ་སྦྱོང་ངོ་མ་དེ་ཇི་ལྟ་བུ་ཞིག་ཡིན་པ་མི་ཤེས་སྟབས་ཁ་འདོན་དགེ་སྦྱོར་བྱེད་མཁན་ཞིག་མིན་ནམ་སྙམ་ཡོད། ཚིག་འགྲེལ་འདི་ལ་སྒོམ་སྒྲུབ་པ་ཡིན་པའི་འགྲེལ་ཞིག་ཀྱང་འདུག

མཚམས་རེར་བཙན་བྱོལ་བོད་མིའི་དབུ་ཁྲིད་དག་གི་གནང་སྟངས་འདི་ཡང་མགོ་ཚོད་པ་ཞིག་མི་འདུག

༡། བཀའ་ཁྲི་མཆོག་གིས་སྲིད་འཛིན་ཨོ་བྷ་མས་རྒྱ་ནག་ལ་སྤྲེལ་ལད་འཁྲབ་གི་ཅེས་སྐྱོན་བརྗོད་གནང་།

༢། ༧གོང་ས་མཆོག་གི་དམིགས་བསལ་སྐུ་ཚབ་རྒྱ་རི་རིན་པོ་ཆེ་མཆོག་གིས་ཨོ་བྷ་མ་འགེབ་སྲུང་གི་ཚུལ་དུ་སྐད་ཆ་བཤད་ཡོད།

༣། ༧གོང་ས་མཆོག་གི་ཡུ་རོབ་སྐུ་ཚབ་སྐལ་བཟང་རྒྱལ་མཚམས་ལགས་ཀྱིས་ཉེ་ཆར་ནུབ་ཕྱོགས་རྒྱལ་ཁབ་དག་གིས་རྒྱ་ནག་ལ་ཚོང་འབྲེལ་གྱི་ཐོག་ནས་སྤྲེལ་ལད་མི་འཁྲབ་པར་མང་ཚོགས་རང་བཞིན་གྱི་བསམ་ཚུལ་དང་ལས་འགུལ་ལ་མཐའ་གཅིག་ཏུ་རྒྱབ་སྐྱོར་བྱ་དགོས་སྐོར་འབོད་སྐུལ་ཞུས་ཡོད།

༼དེ་རིང་གི་དབྱིན་ཇིའི་གསར་འགྱུར་བརྒྱུད་ལམ་ཁག་ཏུ་ཏཱ་ལའི་བླ་མའི་ཕྱག་རོགས་ཀྱིས་ཨོ་བྷ་མ་འགེབ་སྲུང་བྱེད་གིན་ཡོད་ཚུལ་བརྗོད་ཀྱིན་འདུག ༽

ད་གང་འདྲ་བྱས་ན་ཡག་ས་རེད།

གཡས་གཡོན་ཕྱག་གིས་ཐབས་ཤེས་ཟུང་འབྲེལ་གྱི།
གུས་ལུགས་བཟང་པོ་ཐལ་མོ་སྦྱར་བ་འདིས།།
ས་འཛིན་འདི་ཡི་མི་དབང་གང་ཞིག་ཀྱང་།།
འཛུམ་གྱིས་བསུ་སྟེ་དགའ་བའི་གྲོགས་སུ་གཉེར།།
རྒྱས་གྱུར་ཅིག།