སྨོན་ལམ་བོད་ཡིག་ཚིག་མཛོད་བཟོ་མགོ་བརྩམས་འདུག

རྒན་སྨོན་ལམ་ལགས་ལ་སྔ་མོ་ནས་ངས་ཐུགས་རྗེ་ཆེ་ཞུ་འདོད་བྱུང་ཡང་ད་བར་ཞུ་ཐུབ་མ་སོང་བས་དགོངས་པ་མ་མཚོམས།
ངས་ཁྱེད་རང་ཐོག་མར་དྲ་རྒྱའི་ཐོག་ནས་མཇལ་བ་ལས་དངོས་སུ་མཇལ་མ་མྱོང་ཟླ་འགའི་སྔོན་ལ་རྡ་སའི་གཙུགས་ལག་ཁང་དུ་སྐུའི་འཁྲུངས་སྐར་དུས་ཆེན་སྐབས་དངོས་སུ་མཇལ་བྱུང་ཡང་སྐད་ཆ་བཤོད་ཐུབ་མ་སོང། གང་ལྟར་དྲ་རྒྱ་རྒྱུད་ནས་ཁྱེད་ལ་ཞུ་རྒྱུ་ཞིག་ཡོད་པ་ནི་ཁྱེད་ཀྱི་རླབས་ཆེ་བའི་ཕྱག་ལས་དེ་མུ་ཐུད་ནས་གནང་རོགས་ཞེས་ཞུུ་རྒྱུ་ཡིན། ངའི་བསམ་ཚུལ་ཞིག་བརྗོད་ན་སློབ་དཔོན་ཐུ་མིས་བོད་ཡིག་གསར་གཏོད་བྱས་མིན་གང་ཡིན་ཡང་མཛད་རྗེས་ཆེན་པོ་ཞིག་རེད་ལ་དེ་མཚམས་ཁྱེད་ཉིད་ནི་བོད་ཡིག་ཡར་རྒྱས་གཏོང་བར་གོ་སྐབས་སྦྱིན་མཁན་ནམ་འཁོར་ཡུག་སྤྲུན་མཁན་ཞིག་ཡིན་པས་དངོས་གནས་ཧ་ལས་དགོས་པའི་མཛད་རྗེས་ཆེན་པོ་ཞིག་རེད་བསམས་ཀྱི་འདུག
ཁྱེད་གང་དུ་ཕེབས་ཀྱང་བྱྱ་བ་ལམ་ལྷོང་ཡོང་བ་དང་མ་འོང་པར་བོད་ཡིག་ཀྱང་རྒྱལ་ཁབ་གཞན་གྱི་ཡི་གེ་ལྟར་འཕྲུལ་རིག་གང་གི་སྟེང་ལ་ཡང་བེད་སྤྱོད་ཆོག་པ་ཞིག་བཟོ་ཐུབ་པའི་སྨོན་ལམ་དང་བཅས་ཁྱེད་ཉིད་ལ་གུས་བསྐུར་ཞུ་མཁན་ཇོ་བོ་རྣམས་གཉིས་སམ་འཕྲིན་ལས་རྒྱལ་པོ་ནས། །

བོད་ཀྱི་སྐད་དང་ཡིག་གེ་དར་སྤེལ་བསམ་ཡུལ་ལས་འདས་པ་ཞིག་གནང་བ་དེ་ང་བོད་མི་ཞིག་ཡིནཔའི་ཆ་ནས། ངས་སྙིང་ཐག་པ་ནས་ཐུགས་རྗེ་ཆེ་ཞུ་པ་དང་ཁྱབ་ཅིག་ཁྱེད་བྱ་བ་ལམ་འགྲོ་ཡང་བའི་སྨོན་ལམ་ཞུ།

སྙིང་ཐག་པ་ནས་ཐུགས་རྗེ་ཆེ་ཞུ་གྲྭ་རྐྱང་ཞིག་གི་འདི་ལྟར་བུ་མི་རིགས་ཤིག་གི་སྐད་ཡིག་ལ་འགན་ཁུལ་བ་གཟི་བརྗེད་རེད།
དངོས་གནས་བྱས་ན་ལས་དཀའ་དེ་ཚོ་རིགས་བོད་གཞུང་གིས་མི་ཚེའི་ཕྱད་ཀ་གསོ་སྐྱོང་གནང་བའི་སློབ་གྲྭ་ནས་ཐོན་པའི་བུ་ཕྲུག་དེ་དག་གིས་བྱེད་དགོས་ཀྱང་སེམས་སྐྱོ་བ་ཞིག་ལ་མགོ་རིལ་རིལ་དེ་དག་མེད་ན་ཡོང་ཐབས་མེད་པ་འདྲ་།།

ཁྱེད་ཀྱི་རླབས་ཆེན་མཛད་རྗེས་འདི་ལ་ངེད་ཚོས་བསྔགས་བརྗོད་མེ་ཏོག་གཏོར།།
ཁྱེད་ཀྱི་རླབས་ཆེན་མཛད་རྗེས་འདི་ལ་ངེད་ཚོས་བར་ཆད་མེད་པར་སྨོན།།
ཁྱེད་ཀྱི་རླབས་ཆེན་མཛད་རྗེས་འདི་བཞིན་མི་རབས་མང་པོར་གནས་འགྱུར་ཤོག །
ཁྱེད་ཀྱི་རླབས་ཆེན་མཛད་རྗེས་འདི་ཡིས་བོད་ཀྱི་སྐད་ཡིག་མྱུར་སྐྱོབ་ཤོག །

བཀུར་འོས་བློ་བཟང་སྨོན་ལམ་ལགས་ལ་ཐུགས་རྗེ་ཆེ་དང་ཚིག་མཛོད་གསར་བསྒྲིགས་ཀྱི་བྱ་བཞག་གེགས་མེད་ལྷུན་འགྲུབ་ཡོང་བའི་སྨོན་འདུན་ཞུ།

གུས་པས་རང་ལ་ད་ལྟ་བའི་འཚོ་བའི་ཁྲོད་འཕྲད་བཞིན་པའི་ཉམས་མྱོང་གི་དགོས་མཁོ་དང་སྤྱི་ཡོངས་བོད་ལུགས་གསོ་རིག་གི་འཕེལ་འགྱུར་གནས་སྟངས་བཅས་ལ་བསམ་ཁུལ་གྱིས་རེ་གཞག་ཅིག་ཞུ་རྒྱུར་་་་གསོ་རིག་ཚིག་མཛོད་གཡུ་ཐོག་དགོངས་རྒྱན་དང་། གསོ་རིག་ཚིག་མཛོད་ཆེན་མོ། དེ་བཞིན་ནང་རིག་པའི་ཚིག་མཛོད་བཅས་སྐུ་ཉིད་ཀྱིས་གསར་བསྐྲུན་ཚིག་མཛོད་མ་ལག་དེའི་ནང་འཇུག་ཐུབ་ན་གསོ་བ་རིག་པའི་བསྟན་པ་སྤྱིའི་ཞབས་འདེགས་དང་ཁྱད་པར་སྐབས་ཐོག་སྨན་སློབ་ཚོའི་དགོས་མཁོ་ཆེན་པོ་ཞིག་བསྐང་ཐུབ་ངེས་ལགས་ན་དེ་ལུགས་དགོངས་དབྱིངས་སུ་འཇོག་རོགས་གནང་། མཐར་བསམ་དོན་འགྲུབ་ཅིང་སྐུ་ཚེ་བརྟན་པའི་སྨོན་འདུན་ཞུ།

ནོར་་་་་་་ཀློག བཅོས་་་་གློག

ཁྱེད་ནི་བླ་མ་ཁྱེད་ནི་ཡི་དམ་ཁྱེད་ནི་མཁའ་འགྲོ་ཆོས་སྐྱོང་སྟེ། ་དེང་ནས་བཟུང་སྟེ་གློག་ཀླད་ཕྱོགས་ནས་ཁྱོ་མིན་སྐྱབས་གཞན་མི་འཚོལ་ལོ།

ད་ལྟའི་ལས་གཞི་འདིའི་ཐོག་སྔར་བྱུང་ཟིན་ཚིག་མཛོད་ཁག་ལས་ལེགས་ཆ་གང་ཡོད་པ་རྣམས་བསྡུ་རུབ་ཐུབ་པ་དང་། ཞན་ཆ་གང་ཡོད་པ་དོར་ཐུབ་པ་གནང་སྟེ། ཚིག་མཛོད་འདི་ཉིད་ཐོན་གསར་ཞིག་ཏུ་འགྱུར་དགོས་སྟབས། ཕུན་སུམ་ཚོགས་པའི་ཁྱད་ཆོས་གང་མང་མང་ཐོན་ཐབས་གནང་རྒྱུ་འབད་པ་གནང་ངེས་རེད་སྙམ།

རིན་ཐང་ལྡན་པའི་སྐད་ཡིག་ཅིག་འོད་ཀྱི་རྒྱུ་བ་ལས་མགྱོགས་པའི་དངོས་པོའི་དཔལ་ཡོན་དར་འཕེལ་གྱི་རྗེས་མ་ཆོད་པར་འཇིག་རྟེན་ལ་ཞལ་གྱེས་ཞུ་བའི་དུས་འདིར་དོན་དམ་པའི་བརྟན་བཞུགས་འབུལ་མཁན་ཞིག་ཡོད་པ་ནི་ཁྱེད་རང་ཡིན།

བོད་ཕྲུག་མཛངས་པའི་མི་བདུན་གྱི་སྟེང་དུ་ཡང་བསྐྱར་སྣོན་མ་ཞིག་འདེབས་དགོས་བྱུང་ཚེ་དེ་ནི་ཁྱེད་རང་རང་ཡིན་ནོ།།

ཆབས་ཅིག

བློ་བཟང་སྨོན་ལམ་ལགས་ཀྱི་ཚིག་མཛོད་ལེགས་གྲུབ་ཡོངས་བའི་སྨོན་འདུན་ཞུ།

སྐུ་ཞབས་སྨོན་ལམ་ལགས་ཀྱི་རླབས་ཆེ་བའི་བྱ་བཞག་བཟང་པོ་འདི་ལ་རྗེས་སུ་ཡིད་རངས་དང་བསྔགས་བརྗོད་ཞུ།

སྐུ་ཉིད་ཀྱི་བོད་མི་རིགས་ཀྱི་དོན་དུ་ཆེས་རླབས་ཆེན་གྱི་བྱ་བཞག་བཟང་པོ་འདི་ཡི་བསམ་དོན་ཡིད་བཞིན་འགྲུབ་པར་སྨོན།

གཤམ་གྱི་འདི་ནི་ཨ་ཁུ་སྨོན་ལམ་གྱིས་གསར་འགྱུར་འདི་དང་འབྲེལ་ཏེ་རྩོམ་སྒྲིག་པར་བཏང་བའི་ཡི་གེ་རེད། གསར་འགྱུར་གྱི་ནང་དུ་མ་གསལ་བའི་དོན་དག་འགའ་རེ་འདུག་སྟབས་འདིར་ཁོང་གི་མཆན་གྱི་ཚུལ་དུ་བཀོད་པ་ཡིན།

༼ལུང་རིགས་ལགས་སྐུ་ཁམས་བཟང་།

གུས་པས་ལོ་མང་རིང་དཀའ་བཤད་ལྷུར་ལེན་གྱིས་བོད་ཀྱི་སྐད་ཡིག་འདི་དུས་མཐུན་ཡར་རྒྱས་ གང་ཙམ་གཏོང་ཐུབ་ན་སྙམས་ནས་ད་པར་སྨོན་ལམ་བོད་ཡིག་སྔ་ཕྱི་དང་བོད་ཀྱི་སྐད་ གདངས་སོགས་གང་ཙམ་བཟོས་ནས་རིན་མེད་ཐོག་འགྲེམ་སྤེལ་བྱས་པ་རྒྱུད། སྤྱི་ཚོགས་ཐོག་ཕན་ཐོག་གང་ཙམ་བྱུང་བར་རྟེན་རིམ་བཞིན་ཡར་རྒྱས་དང་གཅིག་གྱུར་ཡོང་ཐབས་ལ་འབད་བཞིན་ཡོད།
གུས་པའི་དམིག་ཡུལ་ནི། ༡ ཡིག་གཟུགས། ༢ གདངས། ༣ མིང་ཚིག ༤
བརྡ་སྤྲོད་སྐོར་སོགས་རིམ་བཞིན་ཡར་རྒྱས་གཏོང་འདོད་གཞིར་བཞག་ཐོག
ད་ཆ་སྨོན་ལམ་གློག་ཀླད་ཚིག་མཛོད་ཞིག་བཟོ་བཞིན་ཡོད་པའི་དཔེ་རིས་ཤིག་ཁྱེད་རྣམས་ཀྱི་སྤྱན་ལམ་དུ་འབུལ་རྒྱུ་ཡིན།

ཚིག་མཛོད་འདོན་ཐེངས་དང་པོ་དེར་སྤྱིར་བཏང་གི་བེད་སྤྱོད་གཏོང་མཁན་ཞིག་ལ་དམིག་ནས་བཟོ་རྒྱུ་དང་། རབ་བྱུང་ན་དབྱིན་ཇི་ནས་བོད་ཡིག་དང་། བོད་ཡིག་ནས་བོད་ཡིག་སོགས་འཚོལ་བདེ་ལ་སྟབས་བདེ་བ་ཞིག་བཟོ་བར་གཏན་འཁེལ་ཡོད། ཚིག་མཛོད་འདི་ལས་གཞི་ཅུང་རྒྱ་ཆེ་དང་འགྲོ་གྲོན་གང་ཙམ་དགོས་པས་གང་མགྱོགས་འདོན་ཐུབ་མིན་མ་ངེས་ཀྱང་རིམ་བཞིན་རྒྱ་ཆེའི་སྤུན་ཟླ་རྣམས་ལ་རིན་མེད་ཐོག་འབུལ་རྩིས་ཡོད། མཁྱེན་ལྡན་རྣམས་ཀྱིས་བོད་ཀྱི་མིང་ཚིག་གསར་བ་དང་། དེ་བཞིན་དབྱིན་བོད་སོགས་གལ་ཆེ་བའི་ཐ་སྙད་དང་འགྲེལ་བཤད་གང་ཡོད་གུས་པའི་མྱུར་འཕྲིན་ཐོག་སྐུར་རོགས་གནང་། མ་འོངས་པར་ང་ཚོར་གཅིག་གྱུར་གྱི་ནུས་པ་ཐོན་པར་ཕན་ཐོགས་ཆེན་པོ་ཡོང་ངེས་རེད།
རྩ་བའི་ཚིག་མཛོད་འདིའི་དགེ་མཚན་དང་ཁྱད་ཆོས་སོགས་རྗེས་ནས་ངོ་སྤྲོད་ཞུ་ངེས་ཡིན།

བློ་བཟང་སྨོན་ལམ་གྱིས།༽

སྐུ་ཞབས་སྨོན་ལམ་ལག་ལ་སྙིང་ཐག་པ་ནས་ཐུག་རྗེ་ཆེ་ཞུ་བ་དང་ལྷན་བྱ་བཞག་ཐམས་ཅད་ལེགས་འགྲུབ་ཡོང་བའི་རེ་བ་ཡོད།