༧ངའི་བླ་མ་ལགས། མི་ལོ་ལྔ་བཅུ་ཏག་ཏག་ཕྱིན་པའི་དེ་རིང་། ས་མཐའ་ནས་ཁྱེད་ཀྱིས་རང་གི་ཕ་ཡུལ་དྲན་ནམ། ཕ་ཡུལ་གྱི་རི་ཆུ་ནགས་གསུམ་བརྒྱུད་དེ་འོང་བའི་དབྱངས་རྟ་རེ་ཡིས་ཁྱེད་ཀྱི་མཚན་རུམ་ནས་འོང་དུས། ངས་ངོ་མ་ཕ་ཡུལ་དྲན།
༧གོང་ས་མཆོག སྐུ་ཉིད་ལ་ཉེ་རིང་གཏན་ནས་མེད་ཟེར། རེད་དེ། སྐུ་ཉིད་སོ་སྐྱེ་ཡིན་པ་ཁས་ལེན་བྱོས་མྱོང་བས། སྐུ་ཉིད་ཀྱིས་ཕ་ཡུལ་དྲན་ནམ། ཕ་ཡུལ་གྱི་བོད་མི་དག་གིས་སྐད་ངག་ཡོད་ཚད་བཏོན་ནས་ཁྱེད་ཀྱི་མཚན་ནས་འབོད་བཞིན་འདུག ངས་ངོ་མ་ཕ་ཡུལ་གྱི་སྤུན་ཟླ་དག་དྲན།
༧སྐྱབས་མགོན་ཡིད་བཞིན་ནོར་བུ། སྐུ་ཉིད་ཀྱིས་དུས་གསུམ་གསལ་གཟིགས་ཀྱི་སྨན་བསྔགས་བཟློ་བཞིན་ཡོད། བོད་ཡུལ་ན་སྐུ་ཉིད་ཁོ་ན་ལ་དད་པ་འགྱུར་མེད་ཅིག་བྱེད་མཁན་གྱི་སྐྱ་སེར་ཡོངས་ཀྱིས་ཉིན་མཚན་མེད་པར་ཡི་གེ་དྲུག་མའི་གཟུངས་བསྔགས་འདྲེན་བཞིན་འདུག ངས་ངོ་མ་རང་གི་ཕ་ཡུལ་དྲན།
༧ཞི་བདེ་དེད་དཔོན་ཆེན་མོ། སྐུ་ཉིད་ཀྱིས་གླིང་བཞི་གླིང་ཕྲན་ཀུན་ལ་ཞབས་ཀྱིས་བཀྱག་དུས། རང་གི་ཕ་ཡུལ་གྱི་འགྲིན་ཚབ་ཡིན་པར་ཀུན་ལ་གསུངས་དུས། ཕ་ཡུལ་མི་མང་གིས་དགའ་བའི་མིག་ཆུའི་བཞུར་རྒྱུན་གཙང་བོ་ཞིག་ལས་ཀྱང་རིང་སོང་། ངས་ངོ་མ་ཕ་ཡུལ་དྲན།
༧བསྟན་མཛིན་རྒྱ་མཚོ། སྐུ་ཉིད་ཀྱིས་བསྟན་པའི་མེ་རོ་ཕྱི་རོལ་ལྗོངས་ནས་བསུས་དེ། རང་ཡུལ་ཁ་བ་ཅན་གྱི་རིག་པའི་སྙིང་བཅུད་སླར་གསོ་བྱོས་དུས། འཛམ་གླིང་གི་དད་ལྡན་ཁྲི་མ་འབུམ་གྱིས་རང་དབང་གིས་ཉན་དུས། སྐུ་ཉིད་ཀྱིས་རང་གི་མི་མང་ལ་འདི་ལྟར་གསུང་ཆོས་ཤིག་གསུང་འདོད་འདུག་གམ། ངས་ངོ་མ་ཕ་ཡུལ་དྲན།
༧ལྷ་མོ་དོན་འགྲུབ། མི་ཡི་རྗེ་བོ་ཁྱེད་ཉིད་དུས་བརྟན་དུ་བོད་མི་མང་གི་འདས་མ་ད་གསུམ་གྱིས་འཆིང་ཐག་ཡིན་པས། བོད་མི་རིགས་ཤིག་གི་བདེན་དོན་ཡོད་ཚད་སྐུ་ཉིད་ཁོ་ན་ལ་རེག་ལས་པའི་དུས་ཚོད་འདིར། རང་གི་ཕ་ཡུལ་དུ་གོམ་ཁ་བསྒྱུར་རོགས། ངས་ངོ་མ་ཕ་ཡུལ་དྲན།
༧སྐུ་ཉིད་ཕ་ཡུལ་དུ་མ་ཕེབས་ན། ང་ལྟ་བུ་གང་མང་ཞིག ཁྱེད་དང་འགྲོག་ནས་ས་མཐའ་ནས་རོ་ཐོ་ལུས་ས་རེད། ཐབས་མཁས་ཐུགས་རྗེའི་རླབས་ཆེན་གྱི་བྱ་བཞག་ཡོད་ཚད་ཇི་འདྲའི་གལ་ཆེ་ན་ཡང་། བོད་མི་མང་ལ་ཁྱེད་ཉིད་མེད་པའི་ཕ་ཡུལ་ནི་མུན་ནག་ལས་མེད་དུས། ངས་ངོ་མ་ཕ་ཡུལ་དྲན།
ཤ་ཁྲག་ལགས། ལུང་བསྟན་ཟེར་བ་སྐུ་རྩེད་ཞུས་པ་ཡིན། དངོས་གནང་བཤད་པ་ཐོག་ཏུ་བབས་སོང་། བརྩམས་ཐེབས་ཆགས་དེ་དུས་དེབ་གང་ཏུ་བཀོད་ཡོད། མ་ཟིན་ཡོད་མེད་མི་དྲན་གི གང་ལྟར་འགོད་ཐབས་བྱེད་ངེས་ཡིན།
གཅན་བཟོད་རྒྱམ་ལགས། དཔྱད་པ་ཐོག་དུ་སོང་བ་དང་ལུང་བསྟན་གཉིས་མི་འདྲ་བར་འདོད་ལགས། སྐུ་ཉིད་ཀྱིས་དཔྱད་པ་ཐོག་དུ་སོང་བ་རེད་ཅེས་སྐུ་ཉིད་ལ་བདེན་ཁ་ཞིག་སྤྱིན་རྒྱུ་ཡིན་པ་ལས་མ་འོངས་ལུང་བསྟན་ཡིན་པར་ཁས་མི་ལེན་ལགས། དེ་ནི་ང་རང་གི་ལྟ་ཚུལ་དངོས་ཡིན། མ་འགྲིག་ས་ཡོད་ན་དགོངས་དག་ཞུ། ལྷག་པར་དུ་ཉིད་ཀྱིས་བརྩམས་སྒྲུང་ཞིག་ཡོད་ཟེར་བ་དེ་ལ་དངོས་ནས་ཀློག་འདོད་འདུག མི་འགྱངས་པར་འགོད་རོགས་ཞུ་ལགས།
ཁྱེད་ཀྱིས་རོལ་མྱོང་དང་དཔྱད་གླེང་གནང་བར་དགའ། སྙན་ངག་བྲིས་ནས་ད་བར་དུ་མི་ལོ་བདུན་ལྷག་ཕྱིན་ཟིན་པ་མ་ཟད། ན་ནིང་གི་དོན་རྐྱེན་བྱུང་བའི་རྗེས་སུ་ངས་རང་གི་སྙན་ངག་འདི་ལ་རིན་ཐང་བསྐྱར་མ་ཞིག་མི་སྤྲོད་རང་སྤྲོད་ཆགས་སོང་། དེ་ནི་སྙན་ངག་འདིའི་བསྟན་དོན་ནི་སྔ་ལོའི་དོན་རྐྱེན་དེའི་ལུང་བསྟན་ལྟ་བུ་ཞིག་ཆགས་འདུག་པས་རེད། ད་དུང་ང་ལ་བརྩམས་སྒྲུང་ཐུང་ངུ་ཞིག་ཡོད། དེའང་ལོ་དུ་མའི་སྔོན་ནས་དུས་དེབ་ཅིག་ཏུ་བཀོད་ཟིན་མོད། སྐབས་འཁེལ་རྒྱུ་ཞིག་ལ། དེའི་ནང་གི་བསྟན་དོན་ཡང་ན་ནིང་དོན་འགྲུབ་དབང་ཆེན་གྱིས་བཟོས་པའི་གློག་བརྙན་དེའི་ནང་གི་བོད་མི་རྒན་པོ་དེ་ཚོས་བྱེད་སྟངས་དངོས་གནས་བ་རང་རེད་འདུག ལྟ་འདོད་ཡོད་ཚེ་བདག་གི་ཟིན་བྲིས་སུ་དགོད་ངེས་ཡིན། གོང་གི་སྐད་ཆ་འདི་ཚོར་དྲ་གྲོགས་ཚོས་འཕྱ་དམོད་མི་གནང་བའི་རེ་བ་ཆེ། དེ་ཙམ་ཡིན།
བཀླགས་ཟིན་པ་ཡིན་ན་ཞེས་བཅོས་རོགས།
ཨོ་རེད། ཤ་ཁྲག་ལགས་ཀྱིས་བྐལགས་དང་ན་བཟང་གི ཚོར་བ་འདྲ་ཞིག་སྦྱིན་ཡོད་ཚོད། སྙན་ངག་དེ་འབྲི་དུས་ད་ང་ཙ་ཐོག་ན་ཡོད་དུས་རེད་ཡཱ། དེང་སང་དེ་འདྲ་འབྲི་མི་ཤེས་ཀི
གཅན་བཟོད་རྒྱམ་ལགས། ང་རང་ཁྱེད་ཚང་དུ་སོང་ནས་ཟིན་བྲིས་དེ་སྙན་ངག་དེ་བསྐྱར་དུ་ཀློག་པ་ཡིན། དེ་དུས་མཆན་འདེབས་སྐབས་མི་མིང་ནོར་ནས་འགུ་ལོག་པ་ཨ་ཁུ་རིན་ཆེན་བཟང་པོ་ཟེར་རྒྱུ་ཚབ་དུ་འགུ་ལོག་དམ་ཆོས་དཔལ་བཟང་ཟེར་ནས་བྲིས་ནོར་ཤོར་འདུག་པ་དེར་དགོངས་དག་ཞུ།
ཉིད་ཀྱིས་རྩོམ་ཡིག་དེའི་འབྲེལ་ཐག་འདི་རེད་འདུག སྤུན་ཟླ་གཞན་གྱིས་ཀློག་འདོད་ཡོད་ན། འབྲེལ་ཐག་འདི་གོང་གི་ཁ་བྱང་འགོད་སར་འགོད་རྗེས། གཅིག་གནུན་པ་ཡིན་ན། ཐད་ཀར་གཅན་བཟོད་རྒྱམ་ལགས་ཉིད་ཀྱིས་རྩོམ་ཡིག་དེ་ཀློག་ཐུབ་པ་རེད་ལགས། ཨོ་རེད། སྤུན་ཟླ་དག་ལ་ཞུས་པ་ཡིན་ཟེར་བ་ལས་སྐུ་ཉིད་ཀྱིས་རང་གི་རྩོམ་ཡིག་གང་དུ་ཡོད་མེད་ལོས་ཤེས་ལགས།
https://tibettimes.net/wordpress/blogs.php?id=115&post_id=1842&&comment_mode=done
གཅན་བཟོད་རྒྱམ་ལགས། ཁྱེད་ཚང་ཏན་ཏན་འགྲོ་ངེས་ཡིན། རེད་དེ། སྐུ་ཉིད་ཀྱིས་ཁ་བྱང་འདི་འདྲ་ཞིག་ངས་སྔོན་ཆད་ཅིག་ལ་གང་དུ་རིག་མྱོང་འདྲ་ཞིག་རེད་མོད་ད་ལྟ་དྲན་ཡུལ་དུ་མི་འདུག སུས་བྲིས་པ་ཡིན་མིན།
མི་ཞུན་ལགས། རང་ཡུལ་སྐྱུར་ནས་འོང་བའི་འུ་ཅག་གིས་རང་གི་༧བླ་མ་འདི་ཕྱིར་བོད་ཡུལ་དུ་གདན་འདྲེན་བྱེད་ཀྱི་ཡོད་མེད་ཐད་དུ་སེམས་འཁུར་བྱེད་མཁན་གྱི་བོད་མི་གང་ན་སུ་ཡོད་པ་དག་གིས་རང་རང་གི་བསམ་ཚུལ་ལྷུག་པོར་སྨྲ་རན་རེད། དེ་མ་གཏོགས་ཉིན་མ་ཞིག་ལ་འགྱོད་པ་རྟས་མི་ཟིན་པ་ཞིག་སྐྱེ་ཁོ་ཐག་རེད་ལགས།
གངས་སྒྲ་ལགས། ཕ་ཡུལ་ནི་རང་གི་ལྟེ་ཁྲག་འཕོ་ས་ཡིན་པ་ཙམ་གྱིས་ཞེན་ཆགས་ལྕི་མོ་ཞིག་ཡོད་སྲིད་ཀྱང་། དེ་ལས་ཀྱང་ཞེན་ཆགས་ལྕི་མོ་ཞིག་ཡོད་པ་དེ་ནི་༧རྩ་བའི་བླ་མ་ས་མཐའ་ནས་གྲོངས་ཉིན་གཞི་ནས་ཞེན་ཆགས་ཙམ་གྱིས་གཏན་ནས་ཚད་ཀྱི་མ་རེད་ལགས།
ངོ་མ་་་་་ཕ་ཡུལ་དྲན་ན་ཁག་མེད་ཀི།
ཞེ་འདང་གི་མར་ལོ་དེ་ནས་ལྷུང།
ལྟེ་ཁྲག་གི་མེ་ཏོག་དེ་ནས་བཞད།
ཆུང་ཆུང་གི་ལང་ཚོ་དེ་ནས་བཞུར།
དེ་བས་་་་་་་་་་་་་་་་་་ཞེན་པ་དཀར་པོའི་བླ་སྲོག་གིས་ཁྱོད་ལ་ཐེངས་གཅིག་སྒུལ་པས་ལོས་ཡིན།
རང་ཡུལ་ལྷ་ཡུལ་འདྲ་བོ་རྒྱབ་ལ་བསྐྱུར་ནས།། གཞན་ཡུལ་དམྱལ་བ་འདྲ་བོ་བང་ལ་བཟུང་ནས།།
ལར་ཞེན་ངར་སྟག་འདྲ་བོ་ཁོག་ལ་བཅུག་ནས།། དྲན་པའི་གདུང་བ་ཟབ་མོ་སྙིང་ལ་ལྕི་དུས།།
དོ་ཤེལ་མུ་ཏིག་འདྲ་བའི་མཆི་ཐིགས་འགའ་ཞིག། ཡ་ཐོད་དཔྲལ་བའི་མིག་ལས་དྲག་ཏུ་མཆེད་བྱུང༌།། ངོ་མ་དྲན་གི་ཡཱ། རང་ཡུལ་དྲན་བཞིན་པའི་རང་མི་ག་ཚོད་ཅིག་གིས་འདི་ལྟར་ཕ་ས་ཕ་ཡུལ་དྲན་ནས་བསྡད་ཡོད་ཨང༌།
དྲ་གྲོགས་ཤ་ཁྲག་ལགས། ཁ་སྔོན་འགུ་ལོག་པ་ཨ་ཁུ་རིན་ཆེན་བཟང་པོས་ཕ་ཡུལ་འགུ་ལོག་གི་བོད་མི་རྒན་པ་སྐོར་ཞིག་ལ་བཅར་འདྲི་བྱས་པའི་བརྙན་སྡེར་དེར་བལྟས་རྗེས། ཚོད་ཚོད་ལ་ཁོང་ཁྲོ་ཟ་ཡོང་གི བོད་མི་རྒན་ཚོ་རེ་རེ་བཞིན་དེ་ལྟར་རེ་སྒུག་གི་གསེང་ནས་ཤི་དང་འཆི་བཞིན་པ་རེད། ༸གོང་ས་མཆོག་གི་ཞལ་ཁ་ཕ་ཡུལ་དུ་བསྒྱུར་དང་ཞེས་ངའི་ཟིན་བྲིས་སུ་སྙན་ནག་ཡིན་ན་སྙན་ངག་ཡིན་ན་དེ་མོ་ཟིག་བྲིས་ཡོད། ཁ་བྱང་ལ(ལྷ་སྲས་ལགས། པོ་ཏ་ལའི་གསེར་ཁྲི་ལ་ས་རྡུལ་ཆགས་འདུག)ཅེས་བྲིས་ཡོད། དེར་མ་བལྟས་ན་ལྟ་རོགས། བལྟས་ཟིན་ཀྱང་ཁོམ་པ་རེ་ཡོད་བསྐྱར་བལྟ་ཞིག་བྱེད་རོགས། ངའི་རེ་བ་དང་བསམ་འདུན་ཟུར་ཙམ་ཞིག་དེ་ནས་མངོན་ཡོང་།
གཅན་བཟོད་རྒྱམ་ལགས། ཉིད་ཀྱིས་ཀྱང་རེ་བཞག་ཞིག་བཞག་པ་དེར་བཀའ་དྲིན་ཆེ། དངོས་ནས་སེམས་བསམ་པའི་གཏིང་ནས་༧གོང་ས་མཆོག་མྱུར་དུ་བོད་ཡུལ་དུ་ཕེབས་ཐུབ་ཞིག་བྱུང་ན་བསམ་པའི་ཚོར་བ་དེ་ནི་ཁ་སང་དེ་རིང་ལྕི་རུ་འགྲོ་བཞིན་འདུག འདིའི་ཐད་སྐུ་ཉིད་ལ་ཚོར་བ་གང་ཞིག་ཡོང་གི་འདུག་ལགས།
སྐར་ཁྲི་བཙན་ལགས། ཀློག་དུ་ཕེབས་པ་དངོས་ནས་ཡག་པོ་འདུག་ལགས། བསམ་ཚུལ་མེད་པར་དེ་རིང་ཁུ་སིམ་མེར་ཕེབས་ཟིན་འདུག ནང་དུ་རྒན་མོའི་བསྡིག་དམོད་བྱེད་ཀྱི་ཡོད་ནི་མིན་ན། དེ་རིང་ཁྱེད་རང་གི་འཁྲིས་སུ་སྲིང་མོ་ཡོད་ཀྱང་དངོས་ནས་མི་སྐྱོན་ཡ་་་
འབའ་པ་སྐལ་བཟང་འཕྲིན་ལས་ལགས། རེད་འུ་ཅག་གིས་སེམས་པ་འདི་ལྟར་གྲང་ཤུར་ཤུར་བྱེད་དུས་ཀྱི་སྐབས་སུ། རང་གིས་རང་ལ་ཚུགས་པ་ཟ་བའི་ཚོར་བ་རེ་ཡང་ཡོང་མི་སྲིད་པ་མིན་དུས། དེའི་བསྐོར་ལ་བསམ་བློ་གཏོང་འཕོད་ཀྱི་འདུག་གམ་ལགས།
རས་པ་ལགས། ཕ་ཡུལ་དྲན། དངོས་ནས་རེད། ཚང་མས་དྲན་བཞིན་ཡོད་པ་རེད། བྱེས་པ་ཚང་གི་བརྒྱ་ཆའི་གོ་ལྔའི་དྲན་བཞིན་ཡོད་པ་རེད། འོན་ཀྱང་། དྲན་སྟངས་ལ་ཁྱད་པར་ཤོར་འདུག་པ་ལྟ་བུ་ཞིག་མཐོང་གི་མི་འདུག་གམ་ལགས།
བསྟན་འཛིན་ཚེ་འཚོ་ལགས། གཞིས་བྱེས་གང་དུ་སྐྱེ་མིན་དེ་ནི་གཙོ་བོ་མ་ཡིན་པར། འུ་ཅག་ཚང་མ་བོད་པ་ཡིན་པ་ནམ་ཡང་མ་བརྗེད་པར། བོད་ཟེར་བའི་ཡིག་གཅིག་འདིའི་འོག་ནས་རང་ཉིད་མ་ཤི་བར་ཐུབ་ཚོད་ཅིག་འདིའི་ཆེད་དུ་བྱེད་དགོས་ལ། རང་ཡུལ་ཟེར་ན་མིང་ཚིག་འདི་ལས་མེད་ལ། ཕ་ཡུལ་ཟེར་ན་མིང་འདི་ལས་མེད་པར་བསམ་རྒྱུར་འབད་པར་འཚལ་ལགས། སྐུ་ཉིད་དུས་རྒྱུན་དུ་ང་རང་གི་ཁྱིམ་དུ་སེམས་གསོ་བྱེད་དུ་ཡོང་བ་དགའ་ནི་ཡིན། དམིགས་བསལ་གྱིས་བུད་མེད་ཀྱི་མིང་ཞིག་ཡོད་པས་དགའ་ནི་ཞིག་རེད། དེང་སང་དངོས་ནས་དྲ་ཐོག་སྤུན་ཟླ་རེ་ཟུང་གིས་བུད་མེད་ཀྱི་མིང་འོག་ནས་ཡོང་གི་འདུག་སྟབས། མཚམས་རེར་བདག་གིས་ཁྱེད་ཉིད་ཀྱང་དེ་འདྲ་མིན་འགྲོ་བསམ་པའི་དོགས་པ་སྐྱེ་ཞོར་དུ་བུད་མེད་མཛེས་མ་ཞིག་མིག་ལམ་དུ་བསྒོམ་ཞོར་ལན་བྲིས་པ་ཡིན། ཨ་ལ་ཀུ་རེ་ཡིན། ཁྱེད་ཉིད་དེ་འདྲ་མིན་པར་བུད་མེད་ཅིག་ཡིན་པར་ཤོག
གྲོགས་བོད། ཤ་ཁྲག་རུས་གསུམ་ལགས། འདི་ལྟར་ལྷུག་མའི་སྙན་ངག་ཞིག་བྲིས་ན། ངའི་ཚོར་སྣང་མིན་ང་ཡང་རང་བཞིན་གྱིས་ཁྱེད་ལྟར་སྙན་ངག་ཞིག་གི་ལམ་ལ་ཞུགས་ནས་ཚོར་སྣང་ཡོད་ཚད་འབྲི་བཞིན་པ་དང་འདྲ། ཕ་ཡུལ་མ་མཐོང་མོད་ཕ་ཡུལ་གླེང་འདོད་དང་། རང་ཉིད་ཀྱང་དེ་ལ་ངང་ངམ་གྱིས་བགྲོད་འདོད་ཆེ།
དེ་བས། ཨ་ཇོ་ལགས། ལར་མོར་རང་ཡུལ་ལ་ལོག་འགྲོ།
རང་ས་ན་ཇི་ཡང་མེད་ཀྱང་རུང་།
རང་ཡུལ་ན་ཇི་ཡང་དབེན་ན་དབེན།
ཕ་ཡུལ་ན་ཅིས་ཀྱང་ང་ཚོ་སྡོད་ས་ཞིག་ཡོད།
ཕ་ཡུལ་ན་གང་ལྟར་ང་ཚོ་འཚོ་ས་ཞིག་ཡོད།
རང་ཡུལ་གྱིས་ང་ཚོ་བསླུ་བྲིད་མི་གཏོང་ལ།
རང་ཡུལ་གྱིས་ནམ་ཡང་ང་ཚོ་སྒོ་བརྡུང་མི་བྱེད།
གནས་དེ་ན་མཐོང་ཆུང་མེད་ལ།
གནས་དེ་ན་འཇིགས་སྣང་མེད།
ལོག་འགྲོ། ཨ་ཇོ་ལགས། ལར་མོར་ལོག་འགྲོ།
ངས་ཀྱང་ཕ་ཡུལ་ཧ་ཅང་དྲན ཕ་ཡུལ་ཕ་ཡུལ་ཏུ་དྲན
ཉིན་མཚན་གཉིས་ཀར་དྲན རི་ཆུ་ནགས་གསུམ་དྲན རྩ་ཐང་ཡངས་པོ་དྲན
སྙན་ངག་འདི་བཀླགས་རྗེས་སེམས་ཡོད་ཚད་གྲང་ཐིང་ཐིང་འགྱུར་སོང་།ད་ང་ཚོས་རེ་བ་རྐྱང་རྐྱང་བྱས་ནས་ལོ་ག་ཚོད་སྒུག་དགོས་ལེ་རེད
བཀླགས་ཟིན
ཨ་ལ་ལ་ལ། ངའི་དྲ་གྲོགས་བཟང་པོ་འདི་ད་འདི་མོ་ཟིག་ཡིན་མོ། ད་ལྷུག་རྩོམ་སྙན་ནག་འབྲི ཨོ་མ་རེད། ལྷུག་རྩོམ་སྙན་ངག་ཡང་འབྲི་བཞིན་འདུག ཏག་ཏག་རེད། ཡར་རྒྱས་ཟེར་བ་འདི་འདྲ་ལ་ཟེར་བ་ལོས་ཡིན། བྲིས་པ་བློར་བབས་སོང་། ཡིག་ནོར་འགའ་འདུག་ཀྱང་བསེ་རུ་ཡོང་གི་རེད། དུས་ཚོད་ནམ་ཡོད་ལ་འདི་མོ་འདི་འབྲི་གི་སྡོད་དང་ཡར་རྒྱས་ལ་དགའ་རབས་སོང་འདུག མུ་མཐུད་ནས་ཡིན་དཱ།