མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

སྤྱིན་བདག་མི་དགོས། གྲྭ་བ་མི་བྱེད། {དངོས་སྒྲུང་།} བཅོ་ལྔ།

བོད། ཤ་ཁྲག་རུས་གསུམ།
༢༠༠༩/༡༠/༢༢
Share on FacebookShare on TwitterShare on EmailShare on Whatsapp

་་་་་་་་་དངོས་སྒྲུང་འདི་བདག་ལ་རྒྱུས་མངའ་ཡོད་མཁན་གྱི་གྲྭ་བ་ཞིག་གི་ལོ་རྒྱུས་ཡིན།


བཅོ་ལྔ།


ཁོ་གཉིས་དངོས་ནས་ཁ་ཁུ་སིམ་པོ་ཞིག་དང་སེམས་ཐག་ཉེ་ས་ནས་ཉེ་སར་འགྲོ་བཞིན་ཡོད། དེ་ནི་ཉིན་འགའི་གོང་དུ་བློ་བཟང་གིས་ཉི་མ་ལྷ་སྒྲོན་ལ་དྲི་བ་དེ་བཏང་རྗེས་ནས་བཟུང་དེ་བྱུང་བ་རེད་ཟེར་ན་ཆོག

ད་ནི་བློ་བཟང་གིས་དགོང་མོ་རྟག་པར་དུ་ལས་ཀ་གྲོལ་ནས་ཉི་མ་ལྷ་སྒྲོན་བསྐྱེལ་བཞིན་ཡོད། དུས་གང་ཞིག་ནས་སུས་མགོ་བརྩམས་པ་མ་ཤེས་པར་ཁོ་གཉིས་ནི་ཕོ་མོའི་བར་གྱི་བརྩེ་དུང་གི་བརྒྱུད་རིམ་གླེང་རྒྱུར་དགའ་བ་ནས་ལག་རྩེད་བྱེད་པ་དང་། འཐམ་རེ་བྱེད་པ་སོགས་མང་དུ་ཕྱིན་པ་དང་འབྲེལ། མཚན་མོ་ཞིག་ལ་ལས་མཚམས་མ་བཞག་སྔོན་དུ་ལས་རོགས་ཕོ་གསར་དེ་ནི་རོགས་པ་ཞིག་དང་འགྲོག་ནས་སྔོན་དུ་སོང་ཤུལ་དུ། ཁོ་གཉིས་ནི་སུས་ཀྱང་བཀག་རྒྱ་མེད་པ་ལྟ་བུ་ཞིག་ཆགས་དེ། བློ་བཟང་གིས་ཉི་མ་ལྷ་སྒྲོན་ལ་འོ་ཞིག་བསྐྱལ། དེ་དུས་ཉི་མ་ལྷ་སྒྲོན་ཡང་འདོད་ཐོག་དུ་སོང་བ་ལྟར་ཁ་རོག་གེར་བསྡད།

བློ་བཟང་ནི་བཙོན་ལས་ཐར་བའི་བཙོན་མ་ཞིག་དང་འདྲ་བར་ཉི་མ་ལྷ་སྒྲོན་གྱི་ཁ་ནང་གི་ལྕེ་དེ་ཡང་འབབ་གྲབས་བྱས་དེ་ཤུགས་ཆེན་པོ་ནུས། དེ་དུས་ཉི་མ་ལྷ་སྒྲོན་ཡང་རང་དབང་མེད་པར་འདོད་པ་གཅིག་གི་བཟུང་བའི་ཕོ་མོ་གཉིས་ལྷན་དུ་འདུས་པའི་ངང་ཚུལ་དེས་བློ་བཟང་གི་སྐེ་རུ་འཐམ་ནས་དམ་པོར་བསྡམས།

མགོ་ཡང་དེ་ལྟར་བཙུགས། རེད་དེ། བློ་བཟང་གིས་ཉི་མ་ལྷ་སྒྲོན་ལ་འོ་བསྐྱལ་བ་ལས། ཉི་མ་ལྷ་སྒྲོན་དང་ལྷན་དུ་ལུས་འབྲེལ་བཞག་མེད། དེ་ལྟར་ཁོ་གཉིས་ཉིན་ཞག་མཐུད་དེ་སོང་དུས། ལས་མཚམས་བཞག་ནས་ཉི་མ་ལྷ་སྒྲོན་ནང་གི་སྒོ་འགྲམ་དུ་སླེབས་གྲབས་ཡོད་དུས། བློ་བཟང་གི་སྐེ་རུ་འཐམ་ནས་འོ་རེ་བྱེད་རྒྱུ་དེ་ནི་རྒྱུན་ལྡན་ལྟ་བུ་ཞིག་དུ་ཆགས་པ་མ་ཟད། གསར་དུ་དགའ་རོགས་སྒྲིག་བཞིན་པའི་གཞོན་ནུ་ཕོ་མོ་གཉིས་དང་འདྲ་བོ་ཞིག་ཆགས་ཡོད་པ་རེད།

བློ་བཟང་གིས་མི་ཚེ་ནང་ད་ལྟའི་བར་དུ་བུད་མེད་ཅིག་ལ་ཁ་བསྐྱེལ་བ་དེ་ཡང་ཐོག་མ་ཡིན་དུས། དེ་ཡང་མ་འདྲ་བའི་ཚོར་བ་ཞིག་ངང་གིས་སྐྱེ་ན་ཡང་། ཉི་མ་ལྷ་སྒྲོན་གྱིས་ཁོ་ལ་བཤད་པའི་སྐད་ཆ་དེ་ལས་བློ་བཟང་ཡང་བརྒལ་མ་ཐུབ་པར་བསྡད་ཡོད།

བློ་བཟང་། ཁྱེད་རང་ནི་ད་ལྟ་གཞི་ནས་དགའ་རོགས་གསར་བ་ཞིག་སྒྲིག་དགོས་པ་མ་ཟད། རང་ཉིད་ལ་དགའ་ས་ཞིག་ཀྱང་ཡོད་ངེས་དུས། དེ་ལ་རང་གི་ཐོག་མའི་བརྩེ་བ་སྤྲོད་དགོས་པ་ལས། ང་རང་ལྟ་བུ་བྱིས་པ་གཉིས་ཀྱི་ཨ་མ་ཞིག་ལ་ཁྱེད་རང་གི་ཐོག་མའི་བརྩེ་བ་དེ་ནི་གཏན་ནས་སྤྲོད་མི་རུང་། ནམ་ཞིག ཁྱེད་ཀྱིས་རང་གི་དགའ་ས་ཞིག་དང་ལྷན་དུ་བརྩེ་བ་དེ་སྤྲད་རྗེས་སུ། ངས་ཁྱེད་རང་ལ་ད་ལྟ་ནས་ཁས་ལེན་བྱས་པ་ཡིན། འུ་གཉིས་ལྷན་དུ་ཉལ་ནས་རང་རང་གི་འདོད་པ་དེ་དང་ལེན་བྱེད་ཆོག དེ་མིན་དངོས་ནས་ང་རང་ལྟ་བུ་ཞིག་གི་ཁྱེད་ཀྱི་ཐོག་མའི་བརྩེ་བ་དེ་དང་ལེན་བྱེད་འཕོད་ཀྱི་མི་འདུག་ཟེར་ནས་རྒྱུན་དུ་བཤད།

བློ་བཟང་གིས་ཀྱང་ཉི་མ་ལྷ་སྒྲོན་ནི་བྱིས་པ་གཉིས་ཀྱི་ཨ་མ་ཡིན་ཡང་། འདི་འདྲའི་བསམ་ཤེས་ཤིག་རེད་འདུག་སྙམ་ནས་ཁོས་ཀྱང་ཉི་མ་ལྷ་སྒྲོན་ལ་བདེན་ཁ་སྤྲད་དེ། ཁ་རེ་བསྐྱེལ་དུས་མཇེ་ངན་བླངས་དེ་ཆག་གྲབས་བྱས་ཀྱང་། ཨུ་ཚུགས་བྱས་དེ་བསྡད་ཡོད་པ་མ་ཟད། ནམ་ཞིག་ཁོ་གཉིས་ལ་རང་དབང་གི་གོ་སྐབས་ཤིག་ཡོད་ངེས་ཡིན་སྙམ་བཞིན་ཡོད་ལ། ཉི་མ་ལྷ་སྒྲོན་ནི་ཁོ་རང་གི་མི་སྐྱའི་ལམ་ཁ་བདམས་དེ་སེམས་གཏམ་ཆེས་མང་ས་བཤད་སའི་བུད་མེད་དེ་ཆགས་ཡོད། ཉི་མ་ལྷ་སྒྲོན་ཡང་དེ་མཚུངས་ཀྱིས་རང་གི་ཁྱོ་ག་དང་འབྲེལ་བ་བྱུང་བ་ནས་བཟུང་དེ་ད་ལྟའི་བར་གྱི་གནས་ཚུལ་མི་ཉུང་བ་ཞིག་གསང་བ་མེད་པར་རྟག་དུ་གླེང་བཞིན་ཡོད།

གང་ལྟར། མིའི་འཚོ་བ་ནི་སྐད་ཅིག་ཀྱང་མི་སྡོད་པར་འགྲོ་བཞིན་ཡོད་དུས། བློ་བཟང་གིས་སྤྱིན་བདག་གིས་བཤད་ན། མི་རིང་བར་ཟ་ཁང་མི་གཞན་ཞིག་ལ་བཙོང་རྒྱུ་བྱས་ཡོད་ཟེར་བ་དེ་ནི་ཁོ་གཉིས་ལ་མཚོན་ན་དངོས་ནས་གོ་མི་འདོད་པའི་སྐད་ཆ་ཞིག་རེད་ཟེར་ཀྱང་ཅིས་མི་ཆོག

དེ་ནས་བཟུང་དེ། ཉི་མ་ལྷ་སྒྲོན་གྱིས་ལས་་མཚམས་བཞག་ན་ཡང་། སྐབས་རེར་བློ་བཟང་ལ་ཐུག་འཕྲད་བྱེད་དུ་ཡོང་བ་མ་ཟད། ཉིན་ཞིག་བློ་བཟང་གི་ལྷམ་མགོ་རལ་བ་དེ་མཐོང་ནས་ཁོ་རང་ལ་མོས་ལྷམ་མགོ་ཞིག་ཉོ་རྒྱུུ་ཡིན་ཞེས་བཤད་དུས། བློ་བཟང་གིས་དེ་འདྲ་མ་བྱེད། ང་རང་ལ་དངོས་ནས་ལྷམ་མགོ་གསར་བ་ཞིག་དགོས་དོན་མི་འདུག འདི་ཡང་བསྐྱར་བཟོ་བཅོས་བརྒྱབ་དེ་གོན་བསྡད་ན་འགྲིག་གི་རེད་ཅེས་ཨུ་ཚུགས་བརྒྱབ།

ཉི་མ་ལྷ་སྒྲོན་གྱིས་དེ་འདྲ་མ་བྱེད། ངས་ཁྱེད་རང་གིས་དེ་ལྟར་འཚོ་བ་བསྐྱལ་ན་མི་འགྲིག་གི་ཟེར་ནི་མིན། ངས་ཁྱེད་རང་ལ་དངོས་ནས་ལག་རྟགས་ཤིག་ཉོ་འདོད་ཡོད། དེ་ཡིན་གཅིག་མིན་གཅིག་ཁས་ལེན་བྱེད་རོགས་ཞེས་ཞུ་བ་ཞུས་དུས། བློ་བཟང་གིས་ཀྱང་ངོ་གནོང་ཞོར་དུ་དེ་ན་འགྲིག་གི་རེད། ཁྱེད་རང་གིས་བསམ་ནི་ཞིག་ཉོས། གོང་ཆེན་དེ་འདྲ་ཉོ་མི་དགོས་ཟེར་ནས་བཤད།

ཉི་མ་ལྷ་སྒྲོན་གྱིས་འདང་ཞིག་བརྒྱབ་དེ། ངས་བསམ་ན་ང་རང་གིས་ཕོ་གསར་ཞིག་གི་ལྷམ་མགོ་ཉོས་པ་ཡིན་ན། འདི་ཁུལ་གྱི་ཚོང་ཁང་མི་ཉུང་བ་ཞིག་གིས་ང་རང་ངོ་ཤེས་སྟབས། ཁྱོ་གའི་ཤེས་པ་ཡིན་ན་ཡག་པོ་མེད་པ་རེད། དེ་ལས་ཁྱེད་རང་གི་ངའི་ཚབ་དུ་ཉོ་རོགས་ཟེར་ནས་ཧིན་སྒོར་ཆིག་སྟོང་ལྷག་ཞིག་བློ་བཟང་གི་ལག་པར་བཞག བློ་བཟང་གིས་དེ་འདྲ་དངོས་ནས་ཡག་པོ་མི་འདུག རྗེས་མ་ཞིག་ལ་ཁྱེད་རང་གིས་བསམ་ནས་ལག་རྟགས་ཆུང་ཆུང་ཞིག་ཉོས་ན་འགྲིག་གི་རེད་ཟེར་ནས་ལག་པ་ནང་དུ་བཀུམ་རྩིས་བྱས་དུས། ཉི་མ་ལྷ་སྒྲོན་གྱིས་བློ་བཟང་གི་ལག་མགོ་ནས་བཟུང་དེ་ལག་དུ་བཙན་པོ་བྱས་དེ་བཞག

བློ་བཟང་གི་སྤྱིན་བདག་གིས་ཟ་ཁང་ཡང་བོད་པ་གཞན་ཞིག་ལ་བཙོང་བ་དང་། བློ་བཟང་གི་ལས་ཀ་ལ་ཡང་འགྱུར་བ་མ་སོང་བ་མ་ཟད། གླ་ཆ་ཡང་སྔོན་ཆད་ལས་ཧིན་སྒོར་སུམ་བརྒྱ་འཕར་བ་དང་། ལྕགས་ཤོག་ཁང་བ་དེ་ཡང་གནས་སྐབས་ཤིག་ལ་སྤྱིན་བདག་གིས་ཁོ་རང་གི་ལས་ཀ་འདི་མུ་མཐུད་དུ་བྱས་བསྡད་པ་ཡིན་ན་དེའི་ནང་དུ་བསྡད་ན་འགྲིག་པར་བཤད།

ཉིན་ཞིག་བློ་བཟང་ལ་ཉི་མ་ལྷ་སྒྲོན་ཀྱིས་འཁྲིས་ཀྱི་ཚོང་ཁང་ནང་དུ་ཁ་པར་ཞིག་འབྱོར། བློ་བཟང་ཁྱེད་རང་ཁོམ་པ་ཡོད་དམ། ཡོད་ན། ད་ལྟ་སྐར་མ་ཁ་ཤས་ཤིག་གི་རིང་དུ་འུ་གཉིས་ནམ་རྒྱུན་འདུག་སའི་གྲོ་ཤི་ཐའི་ལམ་ཁའི་འགྲམ་གྱི་ཟ་ཁང་དེར་ཤོག་དང་ངས་ཁྱེད་རང་ལ་སྒུག་ནས་འདུག ངས་ཁྱེད་རང་ལ་ཁ་བརྡ་གལ་ཆེན་ཁ་ཤས་ཤིག་བྱེད་འདོད་འདུག་ཟེར་ནས་བཤད།

མུ་འགོད།

འབྲེལ་ཡོད་གསར་འགྱུར།

དྷ་ས་ཐེག་ཆེན་གཙུག་ལག་ཁང་དུ་གཞོན་སྐྱེས་ཚོར་ནང་ཆོས་ངོ་སྤྲོད་དབུ་འཛུགས་མཛད་པ། ༢༠༢༣།༠༥།༣༠ དུས་བབ་ཀྱི་པར།
༸གོང་ས་མཆོག གསར་འགྱུར།

གཞོན་སྐྱེས་རྣམས་ལ་ནང་ཆོས་ངོ་སྤྲོད་དབུ་འཛུགས་མཛད།

ཆུ་ཚོད་ ༢ སྔོན་ལ།
ཡུན་ནན་ཐོང་ཧེ་རྫོང་ཁོངས་ཀྱི་ཁ་ཆེའི་ལྷ་ཁང་རྙིང་ཤོས་ནཱ་ཇཱ་ཡེན། དྲ་ལམ་གྱི་པར།
Mobile App

རྒྱ་ནག་གཞུང་གིས་ཁ་ཆེའི་ལྷ་ཁང་རྙིང་ཤོས་ཤིག་གཏོར་རྩིས་བྱས་ཏེ་གདོང་ཐུག་ཆེན་པོ་བྱུང་འདུག 

ཆུ་ཚོད་ ༣ སྔོན་ལ།
བོད་རེབ་གོང་རྫོང་མི་མང་སྲིད་གཞུང་ཟེར་བས་སྡེ་བ་བརྒྱད་ཀྱི་ནང་ནས་ས་ཆ་བསྡུ་རྒྱུ་ཡིན་པའི་བཀའ་བཏང་། ༢༠༢༣།༠༥།༢༩
Mobile App

རེབ་གོང་གི་སྡེ་བ་བརྒྱད་ཀྱི་ནང་ནས་ས་ཆ་གཞུང་བཞེས་གཏོང་རྒྱུ་ཡིན་པའི་བཀའ་བཏང་།

ཆུ་ཚོད་ ༢༤ སྔོན་ལ།
༧གོང་ས་མཆོག་དང་ཏུར་ཀིའི་སྲིད་འཛིན་ཨེར་ཌོ་གྷན། པར་དུས་བབ་ཀྱིས་བསྒྲིགས།
༸གོང་ས་མཆོག གསར་འགྱུར།

ཏུར་ཀིའི་སྲིད་འཛིན་ལ་བསྐྱར་དུ་རྒྱལ་ཁ་ཐོབ་པར་འཚམས་འདྲི་མཛད་འདུག

༢༠༢༣/༠༥/༢༩
Representative image. Credit: DH Photo

Read more at: https://www.deccanherald.com/national/east-and-northeast/all-meat-shops-in-sikkim-to-remain-closed-till-june-4-in-view-of-tibetan-festival-1222433.html
Mobile App

ཧི་མ་ལ་ཡའི་རི་རྒྱུད་པ་ཚོས་གཞུང་འབྲེལ་ཐོག་ནས་ས་ག་ཟླ་བའི་རིང་ཤ་ཁང་སྒོ་བརྒྱབ།

༢༠༢༣/༠༥/༢༩
༸གོང་ས་མཆོག གསར་འགྱུར།

ཕལ་ཆེར་ལོ་ཁ་ཤས་ནང་སྦྱོར་ལམ་གྱི་རྟོགས་པ་སྐྱེ་ཡོང་བསམ་པའི་རེ་བ་བྱེད་བཞིན་ཡོད་ཅེས་གསུངས།

༢༠༢༣/༠༥/༢༧

མཆན། 11

  1. chenten says:
    ལོ་ 14 སྔོན།

    བོད། ཤ་ཁྲག་རུས་གསུམ་ལགས། སྒྲུང་ཡག་པོ་ཞིག་བྲིས་འདུག་པས་དགའ་བོ་བྱུང༌། བསམ་བློ་ཞིབ་ཏུ་བཏང་ན་རྒྱུས་མངའ་ཡོད་པ་འདྲ་བོ་སེམས་ལ་ཤར་སོང༌། རང་གི་ཡིན་མིན་ནི་གང་ཤེས། ཁྱེད་ལ་བརྩོན་འགྲུས་ཧ་ཅང་ཆེན་པོ་འདུག་དུས་བབ་ཟིན་བྲིས་ཀྱི་སྐུ་བསོད་དང་ང་ཚོ་ཀློག་པ་པོ་རྣམས་ཀྱི་སྤྲོ་སྣང་ཞིག་རེད། མུ་མཐུད་ནས་སྤེལ་བའི་རེ་བ་ཧ་ཅང་ཆེ།

    Reply
  2. sha tak ri sim says:
    ལོ་ 14 སྔོན།

    སྤུན་ཟླ་ཁྱེད་ཅག་རྒྱུན་དུ་ཕེབས་ནས་བློ་བཟང་ལས་ངན་པོ་འདི་ལ་སེམས་འཁུར་བྱས་པ་དགའ་ནི་ཡིན། བློ་བཟང་གིས་གཏམ་རྒྱུད་འདི་ལྟར་བྲིས་དེ་འོང་དུས། དགའ་སྐྱོ་ཆགས་སྡང་གི་བསྐོར་ཡང་མི་ཉུང་བ་ཞིག་ཡོད་ངེས་པ་ཡིན་དུས། སྤུན་ཟླ་དག་གིས་ཡིད་ཚོད་རེ་ཡང་བྱེད་ཞོར་དུ་ཕེབས་ཤོག་དང་། བློ་བཟང་གིས་གཏམ་རྒྱུད་འབྲི་མཁན་ངས་ཀྱང་རང་གི་གྲོགས་པོའི་སྔ་གཞུག་ཚང་མ་ག་ལེར་འབྲི་ཆོག

    Reply
  3. དགོ་རྭ says:
    ལོ་ 14 སྔོན།

    ད་ཅང་བཤད་གི་མ་འདུག། བྱིས་པ་གཉིས་གསུམ་ཅན་གྱི་ཨ་མ་ཚོར་སྒྱུ་རྩལ་ཕྱོགས་ནས་ཉམས་མྱོང་མང་ནས་རེད།

    Reply
  4. kkalsang says:
    ལོ་ 14 སྔོན།

    མུ་མཐུད་དུ་ཤུགས་རྒྱོབས།ཀློག་གི་ཡོད།

    Reply
  5. free sopu says:
    ལོ་ 14 སྔོན།

    ཉི་མ་ལྷ་སྒྲོན་ཡང་ས་ཐག་རིང་པོ་ཞིག་ལ་འཕུར་འགྲོ་མེད་དམ།
    མུ་མཐུད་དུ་ཕྲིས་དང་ཀློག་གི་ཡོད།

    Reply
  6. chentsasopa says:
    ལོ་ 14 སྔོན།

    ཨ་རོད་ཤ་ཁྲག གྲོ་ཤི་ཐའི་ལམ་ཁའི་འགྲམ་གྱི་ཟ་ཁང་ཟེར་བ་ཞིག་གང་ཡིན་མི་ཤེས་མོད། ཟློས་གར་ལམ་གྱི་ཟ་ཁང་དེ་ངས་བཟུང་ནས་ལོ་གཅིག་ཏག་ཏག་འགོར་གི་ཡོད། ཁོ་གཉིས་ཀྱི་ངའི་ཟ་ཁང་ནང་ནས་འདྲ་མི་འདྲ་ལས་ཀི་ཆུག་ར་བཀའ་འགྱུར་ངས་ཁྱོད་རང་ང་གཅིག་འཇོག་གི་ན། ཧ་ཧ་ཧ་ཧ
    ཉི་མ་ལྷ་སྒྲོན་ཟེར་བ་དེ་སུ་ཡིན་ནམ། བརྩེ་ཐོག་མ་མི་དགོས་ཟེར་མཁན་གྱི་བུ་མོ་ཞིག་ཨེ་ཡོད་ན། བཟང་གི མུ་མཐུད་ནས་ཕྲིས་དང་། བློ་བཟང་དང་ཉི་མ་ལྷ་སྒྲོན་གཉིས་ཅི་བྱེད་ང་ཚོས་ཡང་གིས་མཐོང་གི་རེད།

    Reply
  7. Baichung says:
    ལོ་ 14 སྔོན།

    ངོ་མིག་གིས་མི་རིག་རྒྱུ་བློ་བཟང་ཡིན་ན་དེ་ཅི་འདྲའི་བླུན་པོ་ཞིག་རེད། མོ་གསར་བསྟན་འཛིན་ཚེ་སྐྱིད་ཀྱི་སྟེང་དུ་ལངས་རྒྱུ་ཡོད་ནི་མ་རེད། མ་རྒན་མ་ཞིག་གི་སྟེང་ཀ་ར་འདྲ་རྩངས་ནས། ཞི་ལི་བཟང་ང་ཞིག་རེད་བསམ་མོད་ད་བྱས་དུས་བཟའ་གཉིས་བར་ཞིག་ལ་སེམས་ཆགས་འདུག་ཁ་བྱས་ཡོད་ག ངོ་རྫོག་རྒྱུ་བོ།

    Reply
  8. samkhar says:
    ལོ་ 14 སྔོན།

    ཁ་བརྡ་ཅི་ཞིག་བྱེད་རྩིས་ཡོད་དམ། སྐུ་མཁྱེན་ཉི་མ་ལྷ་སྒྲོན་ལ་ཁྱོ་གས་ཁ་བྲལ་བྱེད་དགོས་ཡོད་ཅེས་པའི་ཚིག་དེ་མིན་པར་སྨོན།
    ཁོང་གཉིས་བརྡ་ཁའི་ཁྲོད་ནས་བློ་བཟང་ལ་བསླབ་བྱ་ཐེངས་ཤིག་ཐོབ་པར་སྨོན།

    Reply
  9. l.yonten says:
    ལོ་ 14 སྔོན།

    ད་་་དཔེ་བསགས་སོང་གྲྭ་རྒན་ངས་འདོད་པའི་སྟན་བཅོས་ཚར་གཅིག་ཀླགས་ཤོར་སོང་། ཨོ་ཧུ་ལ་བླ་མ་རྡོ་རྗེ་འཛིན་པ་ཆེན་པོ་་་་་་་་་་་་་་ཡིན་ནའང་་ངའི་སེམས་ཐག་ཉེ་བའི་དྲ་གྲོགས་ཤ་ཁྲག་རུས་གསུམ་གྱིས་དངོས་གཞི་དེ་བཀག་འགོག་བྱས་ཙམ་སྐྱོན་དེ་ཙམ་མི་ཆེ་སྙམ་་་་ཨ་ལ་རྩེད་འཚར་ཡིན་་་་ཁྱོད་རང་གི་ལག་རྩལ་དང་སེམས་ཚོར་གང་གི་ཆ་ནས་ཡིད་སྨོན་དགོས་ཡ་རེད།

    Reply
  10. Baichung says:
    ལོ་ 14 སྔོན།

    ok

    Reply
  11. kawakarpo says:
    ལོ་ 14 སྔོན།

    མཇེ་ངན་ལངས་ནས་ཆག་གྲབ། མཚམས་འདི་ནས་ང་གད་མོ་ཤོར་ནས་ཤི་གྲབ་བྱས་སོང་། ཨ་རོགས་འདི་མོ་འདི་ཟོ་ཁྱོའི་སེམས་ལ་གང་ཟིག་ནས་དྲན་སོང་། བྱིས་པ་གཉིས་གསུམ་གྱི་ཨ་མ་འདི་ཚོར་ལས་རྒྱུ་མང་ག ཉེ་སྔོན་ངའི་ངོ་ཤེས་གྲྭ་ཟུར་ཞིག་་གིས་ཨ་རི་ནས་རང་གི་བྱིས་པ་གཉིས་པོ་རྡ་སའི་བོད་ཁྱིམ་སློབ་གྲྭར་བསྐྱལ་ནས་ཚུར་ལོག་དུས་སྐྱེས་དམན་བོར་སོང་འདུག ཡར་རྒྱུགས་མར་རྒྱུགས་ཀྱིས་རྩད་ཅིག་ཆོད་དུས་ཨ་རི་བ་མགོ་སེར་མཇེ་སྦོམ་ཞིག་དང་མཉམ་དུ་བྲོས་ཚར་འདུག་ཟེར།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist