་་་་་་་་་དངོས་སྒྲུང་འདི་བདག་ལ་རྒྱུས་མངའ་ཡོད་མཁན་གྱི་གྲྭ་བ་ཞིག་གི་ལོ་རྒྱུས་ཡིན།
བློ་བཟང་གིས་སྤྱིན་བདག་མས་གསུངས་པ་ལྟར་དུ་ལས་མཚམས་མི་འཇོག་ཐབས་མེད་བྱུང་བ་རེད། སྤྱིན་བདག་མས་བཤད་ན། དེང་སང་ངེད་ཅག་ལ་ཚོང་ཡག་པོ་མེད་པ་མ་ཟད། མི་རིང་བར་ཟ་ཁང་ཡང་སྒོ་རྒྱག་རྩིས་ཡོད། ཁྱེད་རང་གིས་ད་ལྟ་ནས་ལས་ཀ་ཞིག་བཙལ་ན་རེད། ཉིན་མ་བཅོ་ལྔའི་རྗེས་སུ་ཁྱེད་རང་གིས་ལས་ཀ་ཞིག་རེག་སོང་བ་ཡིན་ན་ཡག་པོ་རེད། མ་རེག་ན་ངས་ཁྱེད་རང་ལ་ལས་ཀ་གཞན་ནས་རེག་གི་འདུག་མིན་ལ་ལྟ་རོགས་བྱེད་ཆོག་ཟེར་ནས་ཁ་ཡག་ཞིག་དང་བཅས་བཤད།
བློ་བཟང་གིས་ལགས་སོ། ང་རང་གིས་ཐབས་ཤེས་རེག་ངེས་ཡིན་ཟེར་ནས་ཕོར་བ་མུ་མཐུད་དུ་འཁྲུ་བཞིན་བསྡད། ཉིན་གུང་གི་གུང་གསེང་གི་བར་གསེང་ལ་ཐུག་ཡོད་པ་ལྟར། བློ་བཟང་གི་སེམས་ནང་དུ་འདྲ་མིན་ཞིག་དྲན་ཞོར་དུ་ཐ་མག་རྐང་གཅིག་ལ་མེ་བསྒོས་དེ་སེམས་པ་ཅུང་སྐྱོ་ཞོར་དུ་རང་གི་བསྡོད་གནས་སུ་འབྱོར་ནས། ཁོ་རང་གིས་ཁ་ལག་ཟོས་ཟིན་ན་ཡང་། དབྱིན་དགེ་མ་ལེས་ན་ལ་སྔོ་ཚལ་ཞིག་དང་འབྲས་ཤིག་བཙོས་དེ་སྒུག་ནས་བསྡད།
ཐག་ཐག་ཐག སྒོ་བརྡུང་བའི་སྒྲ་གོ་བ་དང་ལྷན་དུ་བློ་བཟང་གིས་སྒོ་ཕྱེ་དུས། དེ་ནི་དབྱིན་དགེ་མ་ལེས་ན་མ་ཡིན་པར། ཁོ་རང་གི་འདུག་རོགས་གྲོགས་པོ་དེ་རེད། རྒྱུ་མཚན་ནི་གྲོགས་པོ་དེ་ནི་དེ་རིང་ལས་ཀའི་གུང་གསེང་ལ་འཁེལ་ཡོད་སྟབས། ནང་དུ་ངལ་གསོ་བྱེད་དུ་ཡོང་བ་ཡིན་པ་བློ་བཟང་གིས་ཤེས་དེ། ཡ་ཨ་རོགས་ཁ་ལག་ཟོས་ཨེ་ཡོད། མེད་ན་འདི་ན་སྔོ་ཚལ་ཞིག་དང་འབྲས་ཤིག་བཙོས་ཡོད་ཅེས་བཤད།
བློ་བཟང་གི་འདུག་རོགས་ཀྱིས། ཁྱེད་རང་གིས་ཟ་ཁང་ནང་དུ་ཁ་ལག་ཟོས་ཡོད་རྒྱུ་རེད། དེ་ཡིན་ན་ཁ་ལག་འདི་ང་རང་ཡོང་བར་ཤེས་དེ་ཟོས་པ་ཡིན་ནམ་ཟེར་ནས་དྲིས་དུས། བློ་བཟང་གིས་མགོ་ཕུར་ཕུར་བྱེད་ཞོར་དུ། དེ་མིན། ངས་ཁྱེད་རང་དེ་རིང་གུང་གསེང་ཡིན་པ་བརྗེད་འདུག དེ་དུས་ཁོས་འདུག་རོགས་ཧ་ལས་པའི་ངང་དུ་དེ་ན་སུ་ལ་བཟོས་པ་ཡིན། དམྱལ་བ་བོ་དགའ་རོགས་འདྲ་ཡོང་རྒྱུ་ཡོད་པ་མིན་འགྲོ་ཟེར་ནས་དགོད་ཞོར་དུ་དྲིས།
བློ་བཟང་གིས། མིན་མིན། ང་ལ་དགའ་རོགས་ཤིག་གང་ན་ཡོད། དེ་ཡོད་ན་ཁྱེད་རང་གིས་མི་ཤེས་པ་ག་ལ་སྲིད། ང་རང་ལ་དབྱིན་དགེ་མ་ཞིག་ཡོད་པ་དེ་ཁྱེད་རང་གི་བརྗེད་སོང་ངམ། ཁོ་མོ་ངས་བཟོས་པའི་ཁ་ལག་ཟ་རྒྱུར་དངོས་ནས་དགའ་བོ་འདུག དེའི་སྟབས་ཀྱིས་ངས་མོ་རང་ལ་ཁ་ལག་སྟབས་བདེ་ཞིག་བཟོས་པ་ཡིན་ཞེས་བཤད།
བློ་བཟང་གི་འདུག་རོགས་ཀྱིས། ཡ་ཡ་། མ་རབས་ཁྱོས་ཟ་ལེ་རྒྱལ་འཁྲབ་ན་འདོད་པ་ཡིན་ནམ། དེ་ཡང་མི་བཟང་རྒྱུ་མེད་ཀི རེད་དེ། ཁྱེད་རང་ལ་རྨི་ལམ་ནང་གི་དགའ་ས་ཞིག་ཡོད་པ་མ་ཡིན་ནམ་ཟེར་ནས་དོགས་འདྲི་ཞིག་བྱས།
བློ་བཟང་གིས་ད་འདྲ་མི་འདྲ་མ་བཤད། དངོས་ནས་ང་རང་གི་དབྱིན་དགེ་མ་དེ་ནི་རང་གི་དགེ་རྒན་ཞིག་གི་ཚད་དུ་བཟུང་ཡོད་པ་ལས་རང་གི་དགའ་རོགས་ཤིག་ལ་བསམ་མྱོང་མེད་པ་མ་ཟད། ད་ལྟའི་བར་དུ་ངེད་གཉིས་ཀྱི་བར་དུ་ཁ་བཙོག་ཞིག་ཀྱང་བཤད་མྱོང་མེད་ལ། ང་རང་གིས་ཟ་ལེ་རྒྱལ་འཁྲབ་འདོད་ཅིག་གཏན་ནས་མེད། ཡོད་ན་ཟ་ཁང་ནང་དུ་ལས་ཀ་བྱེད་དུ་འགྲོ་དགོས་དོན་མེད་པར་སྲང་བར་དུ་འཁྱམ་ནས་འཁྲབ་བསྡད་ན་འགྲིག་གི་རེད་ཅེས་ལན་བཏབ།
འདུག་རོགས་ཀྱིས་བློ་བཟང་གིས་དེ་ལྟར་བཤད་པ་ཐོས་མ་ཐག རེད་རེད། ངས་ཁྱེད་རང་ལ་ཀུ་རེ་རྩེ་བ་ཡིན། དངོས་ནས་རེད། ཁྱེད་རང་གི་བསམ་བློ་གཏོང་སྟངས་མི་ཉུང་བ་ཞིག་ངས་ཤེས་ཀྱི་ཡོད། ད་ང་གྲོགས་པོ་ཞིག་གི་ས་རུ་འགྲོ་རྒྱུ་ཡིན། ཁྱེད་རང་གི་དགེ་རྒན་མ་ཡོང་གྲབས་ཡོད་ངེས་རེད། ཁྱེད་གཉིས་ལ་བར་ཆད་མི་གཏོང་ཟེར་ནས་ཕྱིར་འགྲོ་གྲབས་བྱེད་ཀྱི་ཡོད་པའི་སྐབས་ཏག་ཏག་དེར། སྒོ་ཡང་བརྒྱབ་མེད་པའི་དབྱིན་དགེ་མ་ལེས་ན་ཡིས་ཧ་ལོ་ཟེར་ནས་སྒོ་སྲུབས་ནས་འཚམས་འདྲི་བྱས།
བློ་བཟང་གིས་འདུག་རོགས་ཀྱིས་ཁོ་གཉིས་ལ་བདེ་མོ་བྱོས་ཟེར་ནས་བུད་སོང་བའི་ཤུལ་དུ། བློ་བཟང་གི་རྣམ་འགྱུར་སྐྱོ་ཉམས་ཤིག་དང་བཅས་དེ། དབྱིན་དགེ་མ་ལེས་ན་ལགས་ལ་སྔོ་ཚལ་ཉུང་ཉུང་ཞིག་དང་འབྲས་རླུང་བཙོས་ཉུང་ཉུང་ཞིག་ལྕགས་སྡེར་ཞིག་གི་ནང་དུ་བླུགས་དེ་སྤྲད་དུས། དབྱིན་དགེ་མ་ལེས་ན་ཡིས་བློ་བཟང་གི་གདོང་དུ་ལྟ་ཞོར་དུ། བློ་བཟང་ཁྱེད་རང་ལ་སེམས་འཁྲལ་ཞིག་ཡོད་པ་འདྲ། དེ་རིང་ཁྱེད་ཀྱི་གདོང་གཤིས་ཡག་པོ་མི་འདུག ན་ཡི་ཡོད་དམ་ཟེར་ནས་དྲིས།
དེས་ན་ཁྱེད་རང་གི་ལས་ཀ་ལ་འགྱུར་ལྡོག་འདྲ་བྱུང་བ་རེད་དམ།
བློ་བཟང་གིས་ད་ནི་དྲང་མོ་ལན་འདེབས་མི་བྱེད་ཐུ་མེད་ཡིན་པས། རེད། ངས་ལས་ཀ་གསར་བ་ཞིག་འཚོལ་དགོས་ཀྱི་འདུག སྤྱིན་བདག་མས་ད་ནི་ཚོང་ཡང་ཡག་པོ་མེད་པའི་ལས་མི་དེ་འདྲའི་མང་བོ་ཞིག་མི་དགོས་སྟབས། གསར་བ་སུ་ཡིན་ན་དེ་ལས་གནས་ནས་དགོངས་པ་སྤྲོད་ཀྱི་འདུག་ཟེར་ནས་བཤད།
དབྱིན་དགེ་མ་ལེས་ན་ཡིས། དེ་ན་ཁྱེད་རང་གི་གང་ཞིག་བྱེད་རྩིས་ཡོད། ལས་ཀ་གཞན་པ་འདྲ་རེག་གི་རེད་དམ་ཟེར་ནས་དྲིས་དུས། རེག་གི་རེད། ཡིན་ཡང་། ད་ལྟ་ནང་བཞིན་སློབ་སྤྱོང་གི་གོ་སྐབས་རེག་ས་དེ་འདྲ་རེག་ཁག་པོ་རེད་ལ། གླ་ཆ་ཡང་ཡག་པོ་ཡོད་པ་མ་རེད། འོན་ཀྱང་། སྐྱོན་མེད་ཀི་ཟེར་ནས་བཤད།
དབྱིན་དགེ་མས་ངས་ཁྱེད་རང་ལ་དངོས་ནས་རོགས་རམ་འདྲ་བྱེད་ཐུབ་ས་དེ་འདྲ་འདུག་གམ་ཟེར་ནས་དྲིས། བློ་བཟང་དེ་བས་ཀྱང་དོགས་མི་བདེ་བར་གྱུར་ནས། གང་ང་གང་ང་། ང་རང་མི་གཅིག་གི་འཚོ་བ་ལ་དེ་འདྲའི་སེམས་འཁྲལ་བྱེད་དགོས་དོན་ཡོད་པ་མ་རེད་ལ། ང་རང་ལས་ཀ་བྱེད་རྒྱུར་དགའ་བོ་ཡོད། ཐུགས་རྗེ་ཆེ་རོགས་རམ་འདྲ་དངོས་ནས་བྱེད་དགོས་ས་མེད་ཅེས་བཤད།
སློབ་ཁྲིད་ཀྱི་སྐབས་སུ་བློ་བཟང་གིས་འཛུབ་དཀྲིས་་དང་ཨ་ལོང་གི་མིང་སོགས་ཡང་ཡང་བློ་རུ་སྐྱོར་ནས་ཨ་ལོང་དང་འབྲེལ་བའི་མི་རིགས་སོ་སོའི་ཁྱད་ཆོས་སོགས་གླེང་དེ་འོང་དུས། དབྱིན་དགེ་མས་དེང་སང་མི་འདི་ཚོས་ཨ་ལོང་འདོག་ས་མགོ་ནས་རྐང་འཐུལ་བར་དུ་ཁྱད་པར་མེད་པར་བྱེད་ཀྱི་ཡོད་པ་རེད་ལ། ཐ་ན་འདི་རུ་ཡང་འདོག་མཁན་ཡོད་པ་རེད་ཅེས་མོ་རང་གི་མོ་མཚན་ཐད་དུ་འཛུབ་མོ་བཙུགས་དུས། བློ་བཟང་གིས་ཤ་གསེང་རུས་གསེང་དུ་ཚ་ཚག་ཞིག་རྒྱག་ཞོར་དུ་ངོ་གདོང་ཡང་འགྱུར་བ་ལེས་ན་ཡིས་མཐོང་མ་ཐག
མོ་རང་གིས་བཤད་པ་འགྲིག་མ་སོང་བསམ་ཞོར་དུ། དགོངས་དག ང་རང་ལ་དེ་འདྲའི་ཨ་ལོང་མེད་ཀྱང་། དེང་སང་དེ་འདྲའི་འདོག་མཁན་ཡོད་པ་རེད་ཟེར་ནས་གསལ་བཤད་བསྐྱར་མ་ཞིག་བྱས་དུས། བློ་བཟང་དེ་ལས་ཀྱང་ངོ་ཚ་ནས་ཁ་རོག་གེར་ལན་གང་ཡང་མ་བཏབ་པར་མགོ་སྒུར་ནས་ཀློག་དེབ་སྟེང་ནས་གང་ཞིག་མ་རྙེད་པ་ལྟར་བསྡད།
མུ་འགོད།
སྤུན་ཟླ་ཁྱེད་ཅག་ལ་འགྱུར་བ་མེད་པར་ཉིན་རྒྱུན་དུ་བློ་བཟང་ལས་ངན་པོ་འདི་ལ་སེམས་འཁུར་དང་བཅས་དེ་མི་རིགས་ཤིག་གི་འགན་ཁྲིའི་བསྐོར་ལ་ཡང་སེམས་འཁྲལ་གནང་བཞིན་འདུག་པ་དེ་ནི་དངོས་ནས་ཧ་ལས་པའི་ཡག་པོ་རེད། ཡིན་ཡང་། ལོ་རྒྱུས་ཤིག་ལ་འགྱུར་བ་གཏོང་ཐུབ་མེད་ལ། བཟང་ངན་གང་དུ་ཐུག་ཀྱང་ངས་འབད་བརྩོན་བྱེད་ཀྱི་ཡོད་ན། སྤུན་ཟླ་དག་གིས་མུ་མཐུད་དུ་རང་རང་གི་བསམ་ཚུལ་རེ་གསུང་རྒྱུར་རེ་བ་ཡོད་ལགས།
བཀླགས་ཟིན། སྒྲུང་གི་བྱུང་རིམ་ཇེ་ལེགས་སུ་ཕྱིན་པའི་སྣང་བ་བྱུང་།
བཀླགས་ཟིན་སང་ཉིན་མཇལ།
ཤ་ཁྲག་རུས་གསུམ་གཙོས་དྲ་གྲོགས་བདེ་མོ་ཡིན་ནམ། ང་ཕྱིར་སྤེབས་ནས་ཡོད།
ཨ་ཨ་ཨ་ངས་བློ་བཟང་ལས་ངན་དེ་བརྗེད་གྲབས་འདུག ཁྱོད་ཀྱི་སྒྲུང་རྩོམ་གྱི་ཁ་བྱང་མཐོང་མ་ཐག་གཞི་ནས་དྲན་གསོལ་བྱུང་། དགོངས་དག་རྗེ་ལུས་ཅུང་ཐེབས་སོང་།
འཁྲབ་གཞུང་རྒྱུན་མཐུད་འཁྲབ་ཚན་གློག་བཞིན་ཡོད།
འཁྲབ་ཁྲིད་པ་གཅིག་དང་། མི་སྣ་ཆ་ཚང་བ་ཞིག་བྱུང་ན་གློག་བརྙན་ཞིག་འཁྲབ་ན་ཨེ་རེད།
ཧ་ཧ་ཧ་བོད་པར་དེ་འདྲའི་དཔལ་འབྱོར་གྱི་འགྲོ་སོང་་་་
ཨ་རོགས་དམྱལ་བ་པོ་ཡུམ་དུམ་པ་དངོས་སྒྲུང་ཡག་པོ་ཞིག་མ་རེད་ན། མུ་འགོད་བྱོས་ཨ ངའི་རེ་བ་ཡིན སྐར་ཁྲི་ལགས་ཕྱི་མོ་ཁ་ཤས་ལ་གཞན་དང་མ་འདྲ་བའི་སྒྱུ་རྩལ་འདུག་པས་དངོས་གནས་སྐྱིད་པོ་འདུག བོད་མོ་ཚོ་ལ་དེའི་ཕྱོགས་ཙམ་ཡང་མི་འདུག་་ བོད་མོ་ཚོ་གཡག་ཉར་ཉར་བྱེད་པ་ལས་ཅི་ཡང་མེད རང་ཉིད་ཁོ་ནའི་ཤུགས་ལ་བརྟེན་དགོས་པས་མཚམས་རེར་ཉོབ་སྣང་ཡང་ཡོང་གི་འདུག ཧཧཧཧཧཧཧཧཧཧཧཧ
ལས་ཟད་ནི་མིན་ན་ཕྱི་མོ་ཞིག་ལས་བོད་མོ་དགའ་ནི་རེད། མ་འོངས་བར་ཕྲུ་གུ་ཞིག་ཡོད་ན་བོད་རིགས་གཙང་མ་རེད་མོ གོ་ཐོས་ལ་ཕྱི་མོ་ཚོ་སྐྱིད་པོ་ཡོད་རེད་ལབ་ཀྱི་འདུག་ད།