འགོག་ཁབ་ལ་བློ་དོགས།
རྒྱ་ནག་དུ་མི་ཉིས་སྟོང་ལྷག་ལ་ H1N1 གྱི་རིམས་ནད་ཀ་བའི་འགོག་སྨན་སྐོར་མང་ཚོགས་ནང་བསམ་འཆར་བསྡུ་ལེན་བྱས་པར། མི་གྲངས་བརྒྱ་ཆའི་ ༧༦ གིས་འགོག་ནད་སྨན་ཁབ་བརྒྱག་པར་མོས་མཐུན་བྱས་མི་འདུག དེ་ནི་མང་ཚོགས་ཕལ་ཆེ་བས་འགོག་སྨན་དེར་ཡིད་ཆེས་ཡོང་གི་མེད་པར་མ་ཟད། འགོག་སྨད་དེས་ལྡོག་ཕྱོགས་ཀྱི་ནུས་པ་བསྐྱེད་སྲིད་པའི་བློ་འཚབ་ཀྱང་སྐྱེས་བཞིན་ཡོད་པ་རེད། པེ་ཅིན་དུ་ལས་ཀ་སྒྲུབ་བཞིན་པའི་རང་ལོ་ ༣༦ ཅན་གྱི་བུད་མེད་ཅིག་གིས་དེའི་ཐད་བཤད་དོན། འགོག་སྨན་དེའི་ཞིབ་འཇུག་གི་དུས་ཡུན་ཐུང་ལ་བཟོ་འགྲེམས་ཀྱི་མྱུར་ཚད་མགྱོགས་རྐྱེན། འགོག་སྨན་དེའི་སྡེབ་བཟོའི་སྤུས་ཚད་ལ་ཡིད་ཆེས་དཀའ་བ་དང་། དེ་མིན་འགོག་སྨན་དེའི་ནུས་པའི་ཐད་ལའང་བློ་དོགས་འདུག དེར་བརྟེན་ངས་ལོ་ 8 ལ་སོན་པའི་རང་གི་བུ་ལ་སྨན་ཁབ་དེ་བརྒྱག་ཏུ་བཅུག་མེད་ཅེས་བརྗོད་ཡོད་པ་རེད། རྒྱ་ནག་གི་འཕྲོད་བསྟེན་ཆེད་ལས་བ་དག་གིས། གལ་སྲིད་རིམས་ནད་སྔོན་འགོག་གི་བྱ་བ་མྱུར་ཏུ་མ་སྒྲུབ་ཚེ་མི་མང་ཁྲི་ཚོ་སྟོང་ཕྲག་བརྒལ་བར་འགོས་ཁྱབ་འགྲོ་རྒྱུ་ཡིན་པ་དང་། རིམས་ནད་ཀྱི་ཤི་ཚད་ཀྱང་འཕར་ངེས་པའི་ཉེན་བརྡ་བཏང་ཡོད་འདུག ཡིན་ནའང་། མང་ཚོགས་ཀྱིས་སྔར་བཞིན་འགོག་སྨན་དེར་བློ་འགེལ་མ་ཐུབ་པར་རིམས་འགོག་ནད་བཅོས་དང་ལེན་བྱེད་ཀྱིན་མེད་པ་རེད། ཉེ་སྔོན་རྒྱ་ནག་ཏུ་མི་གྲངས་ ༣༣༠༠༠ ལྷག་ལ་རིམས་ནད་བྱུང་ཡོད་པ་དང་། ཟླ་འདིའི་ནང་མི་ ༤ རིམས་ནད་ཀྱིས་ཤི་ཡོད་འདུག
ཨོ་བྷ་མར་ཞུ་ཡིག་ཕུལ་བ།
ཕྱི་ཟླ་ ༡༠ པའི་ཚེས་ ༢༣ ཉིན། ཕྱི་སྡོད་རྒྱ་རིགས་ཀྱི་བཙོན་པའི་ཐེབས་རྩ་ཚོགས་པ་དང་། རང་དབང་རྩོམ་པ་པོའི་ལྷན་ཚོགས། ཧོང་ཀོང་གསར་འགོད་མཐུན་ཚོགས། རྒྱ་རིགས་འགྲོ་བ་མིའི་ཐོབ་ཐང་ཁྲིམས་རྩོད་པའི་ལྟ་རྟོག་ཚོགས་པ། ཧོང་ཀོང་ཡི་ཤུ་ཆོས་ལུགས་གཅེས་སྐྱོང་ཚོགས་པ། ཧོང་ཀོང་གནམ་བདག་ཆོས་ལུགས་ཞི་བདེ་བདེན་དོན་འཐུས་ཚོགས། ཉི་ཧོང་རྩོམ་པ་པོའི་མཐུན་ཚོགས་བཅས་མཚོ་འགག་ཕྱི་ནང་གི་ཚོགས་པ་འདྲ་མིན་ ༧༠ ལྷག་གི་འཐུས་མིས་ཨ་རིར་བཅའ་སྡོད་ཧོང་ཀོང་དོན་གཅོད་ཁང་བརྒྱུད་ནས་ད་ལོར་ནོ་སྦེལ་ཞི་བདེ་གཟེངས་རྟགས་ཐོབ་མཁན་ཨ་རིའི་སྲིད་འཛིན་ཨོ་བྷ་མར་ཞུ་ཡིག་ཅིག་ཕུལ་ཏེ། ཟླ་རྗེས་མར་ཁོང་རྒྱ་ནག་ཏུ་འཚམས་གཟིགས་ལ་ཕེབས་སྐབས་རྒྱ་ནག་སྲིད་གཞུང་ལ་ལིག་ཞའོ་པའོ་གཙོས། ཧའོ་ཀཱ། ཁྲིན་ཆོན། ཀྲུག་ཡོང་ཅོན་ལ་སོགས་པའི་ཉེས་མེད་བཙོན་འཇུག་བྱས་པའི་རྩོམ་པ་པོ་དང་ཆབ་སྲིད་བཙོན་པ་རྣམས་གློད་དགོས་པའི་བཀའ་མོལ་ཡོང་བར་རེ་སྐུལ་ཞུས་ཡོད་པ་རེད།
རྒྱ་ནག་གི་གསར་འགོད་རང་དབང་།
ཉེ་སྔོན་རྒྱལ་མཚམས་མེད་པའི་གསར་འགོད་མཐུན་ཚོགས་ཀྱིས་ ༢༠༠༨ ལོའི་ཟླ་ ༩ པའི་ཚེས་ ༡ ནས་ ༢༠༠༩ ལོའི་ཟླ་ ༩ པའི་ཚེས་ ༡ བར། འཛམ་གླིང་རྒྱལ་ཁབ་འདྲ་མིན་དུ་ཡོད་པའི་གསར་འགོད་པ་ ༡༣༠ ཡིས་གསར་འགོད་པར་འཇིགས་སྐུལ་དང་། གསར་ཁང་གི་སྒྲིག་གཞིར་བཀག་སྡོམ། གསར་འགོད་རང་དབང་གི་ཚད་ཐིག་སོགས་གཞི་རྩར་བཟུང་སྟེ། རྒྱལ་ཁབ་སོ་སོའི་ནང་གི་གསར་འགོད་རང་དབང་གི་གནས་ཚུལ་ཐད་ཞིབ་འཇུག་བརྒྱུད་རྒྱལ་སྤྱིའི་གསར་འགོད་རང་དབང་གི་ལོ་ཧྲིལ་བོ་གཅིག་གི་གནས་སྟངས་སྙན་ཐོ་ཞིག་བཏོན་ཡོད་པ་རེད། ཞིབ་འཇུག་སྙན་ཐོ་དེའི་ནང་རྒྱ་ནག་ནི་མཇུག་མཐའི་ཨང་བརྒྱད་པ་དེ་ཆགས་ཡོད་པ་དང་། ལོ་སྔོན་མ་དང་བསྡུར་ན་ཨང་རིམ་བཅུ་མར་ལྷུང་ཡོད་འདུག དེ་བཞིན་ཐའེ་ཝན་ཡང་ཨང་རིམ་བཅུ་མར་ཆགས་ཏེ་ཨང་ ༥༩ པར་ལྷུང་ཡོད། ཧོང་ཀོང་ལོ་སྔོན་མ་ལས་ཨང་རིམ་བཅུ་འཕར་ཏེ་ཨང་ ༤༨ པ་ཆགས་ཡོད་འདུག
དངུལ་ཁང་ལས་བཟོ་བའི་ངོ་རྒོལ།
ཕྱི་ཚེས་ ༢༧ ཉིན་གྱི་ཞོགས་པར། རྒྱ་ནག་གི་ས་ཁུལ་སོ་སོའི་བཟོ་ཚོང་དངུལ་ཁང་དང་། འཛུགས་སྐྲུན་དངུལ་ཁང་སོགས་དངུལ་ཁང་ཆེན་པོ་བཞིའི་ལས་བཟོ་བ་ ༥༠༠ ལྷག་པེ་ཅིན་གྱི་ནུབ་གྲོང་ཁུལ་གྱི་རྒྱལ་སྤྱིའི་དངུལ་རྩའི་ལས་རིགས་ལྟེ་བའི་སྲང་ལམ་དུ་འདུ་འཛོམས་གྱིས་ངོ་རྒོལ་ཁྲོམ་སྐོར་བྱས་ཏེ། རྒྱལ་ཁབ་ཀྱི་འབྲེལ་ཡོད་རྩ་ཁྲིམས་ལམ་ལུགས་གཞིར་བཟུང་ད་ལྟའི་དངུལ་ཁང་ལས་བཟོ་བའི་འཚོ་བའི་དཀའ་ངལ་ཐག་གཅོད་བྱེད་དགོས་པའི་སྐད་འབོད་བྱས་ཡོད་པ་རེད། ༡༩༩༥ ལོ་ནས་བཟུང་རྒྱ་ནག་གི་ས་ཁུལ་སོ་སོའི་དངུལ་ཁང་གིས་རྒྱལ་ཁབ་ཀྱི་རྩ་ཁྲིམས་དང་འགལ་བའི་སྒོ་ནས་གཡོ་ཇུས་སྣ་ཚོགས་དང་། བཙན་དབང་སྣ་ཚོགས་སྤྱད་དེ་ལས་བཟོ་བའི་ལས་ཞུགས་ཞབས་ལོའི་ཡོང་འབབ་ཚོང་འཕྲོག་བྱས་པར་བརྟེན། ད་ལོའི་ཟླ་ ༢ དང་ ༣ པའི་ནང་རྒྱ་ནག་རྒྱལ་ཡོངས་ཀྱི་དངུལ་ཁང་ཆེན་པོ་ལྔའི་ལས་བཟོ་བ་པེ་ཅིན་དུ་འཛོམས་ནས་ལོ་ངོ་དུ་མའི་ཡར་སྔོན་ནས་ཞུ་གཏུགས་བྱས་པའི་གནད་དོན་དེ་ཐག་གཅོད་ཡོང་བར་རེ་སྐུལ་ཞུས་མོད་དོན་འབྲས་བྱུང་མེད་པ་རེད། ངོ་རྒོལ་དུ་ཞུགས་མཁན་བུད་མེད་ཞིག་གིས་བརྗོད་དོན། སྲང་ལམ་ཧྲིལ་བོར་ཉེན་རྟོག་དམག་མི་འབོར་ཆེན་བཀྲམས་ཏེ་བཀག་སྡོམ་ནན་མོ་བྱེད་ཀྱིན་འདུག ཡིན་ནའང་། ང་ཚོ་ཚང་མ་འཚོ་དགོས་པ་རེད། གནད་དོན་ཐག་གཅོད་མ་བྱས་ན་ང་ཚོས་མུ་མཐུད་ནས་ངོ་རྒོལ་བྱེད་ཀྱི་ཡིན་ཚུལ་བརྗོད་ཡོད་པ་རེད།
བཅིངས་འགྲོལ་དམག་མིའི་ངོ་རྒོལ།
ཟླ་འདིའི་ཚེས་ ༢༥ ཉིན། ཧྲན་ཏུང་དང་ཧི་ནན། ནང་སོག ཧེ་ལུང་ཅང་། ཀན་སུའུ་སོགས་ཞིང་ཆེན་ས་ཁུལ་ ༡༠ ལྷག་ནས་ཐོན་པའི་དམག་ཞབས་ཟིན་ནས་ཕྱིར་ལོག་པའི་དམག་དཔོན་ ༡༠༠ ལྷག་གིས་པེ་ཅིན་གྱི་མི་དམངས་བཅིངས་འགྲོལ་དམག་ཆབ་སྲིད་སྤྱི་ཁྱབ་ལྷན་ཁང་གི་སྒོ་ཁར་འདུ་འཛོམས་ཀྱིས་ཞུ་གཏུགས་བྱས་ཏེ་གླ་ཕོགས་དང་ལས་གནས་གོ་སྒྲིག་མ་བྱས་པར་ངོ་རྒོལ་བྱས་ཡོད་པ་དང་། དེ་བཞིན་དམག་དཔོན་ ༡༠ ལྷག་གིས་ས་གནས་ཁུལ་དུ་ཟས་བཅད་ངོ་རྒོལ་གྱི་ལས་འགུལ་སྤེལ་ཡོད། རྒྱ་ནག་རྒྱལ་ཡོངས་སུ་དམག་ཞབས་ཟིན་རྗེས་ལས་གནས་མ་ཐོབ་པར་ལུས་ཡོད་པའི་དམག་མི་ཁྲི་ཚོ་སྟོང་ཕྲག་འགའ་ཡོད་འདུག ངོ་རྒོལ་བྱེད་མཁན་དམག་མི་དག་གིས་གནད་དོན་དེ་དྲང་བདེན་གྱིས་ཐག་གཅོད་བྱུང་བ་ཡིན་ན་རྗེས་ཕྱོགས་གནས་ཚུལ་དེའི་རིགས་འབྱུང་མི་སྲིད་པ་དང་། དེ་ལྟར་མ་བྱས་ཚེ་མ་འོངས་པར་སྔར་ལས་རྣོ་ངར་ཇེ་ཆེར་འགྱུར་ངེས་ལ། གནད་དོན་ཐག་གཅོད་དཀའ་བའི་གནས་སྟངས་འོག་ལྷུང་སྲིད་པ་ཞིག་རེད་ཅེས་བརྗོད་ཡོད་པ་རེད།
རྒྱའི་རིག་གཞུང་གི་ཁ་ཕྱོགས།
༢༠༠༩ ལོའི་རྒྱ་ནག་གི་མཐོ་རིམ་སློབ་གསོའི་དཔྱད་གླེང་ཚོགས་འདུ་དེ་ཕྱི་ཚེས་ ༢༦ ཉིན་ཧང་ཀྲིག་དུ་ཚོགས་ཡོད་པ་རེད། ཚོགས་འདུའི་སྟེང་སྲིད་འཛིན་སློབ་གསོའི་མགོ་ཁྲིད་དང་། མཐོ་རིམ་སློབ་གྲྭའི་སློབ་གཙོ། དེ་བཞིན་ཕྱི་ནང་གི་སློབ་གསོའི་ཆེད་མཁས་པ་དང་། རིག་གནས་པ་བཅས་མི་གྲངས་ ༥༠ གིས་ལྟ་ཚུལ་བཏོན་ཡོད་པ་རེད། རྒྱ་ནག་མི་དམངས་སློབ་གྲྭ་ཆེན་མོའི་སློབ་གཙོ་ཅིས་པའོ་ཁྲིན་གྱིས། རྒྱ་ནག་གི་མཐོ་རིམ་སློབ་གྲྭའི་རིག་གཞུང་གི་ནུས་ཤུགས་བེད་སྤྱོད་དེ་ནོར་འཁྲུལ་ཆེན་པོ་གསུམ་གྱི་ཕྱོགས་སུ་བསྐྱོད་ཡོད་འདུག རིག་གཞུང་གི་དབང་ཚད་དང་ཆབ་སྲིད་ཀྱི་དབང་ཚད་གཉིས་གཤིབ་བསྡུར་བྱས་ཏེ། རིག་གཞུང་གི་དབང་ཚད་དེ་རིག་གནས་པའི་དབང་ཚད་དུ་ངོས་འཛིན་གྱིས་སྲིད་དོན་གྱི་དབང་ཚད་ལ་འབྲེལ་བ་མེད་པ་བྱེད་དགོས་མོད། རྒྱ་གཞུང་གིས་རིག་གཞུང་གི་དབང་ཚད་དེ་ཆབ་སྲིད་ཅན་དུ་བསྒྱུར་ནས་མཐོ་རིམ་སློབ་གྲྭ་ཕལ་ཆེ་བར་རིག་གཞུང་གི་རིན་ཐང་དེ་རིག་གཞུང་འཕེལ་རྒྱས་ཀྱི་ཁ་ཕྱོགས་དང་ཁ་བྲལ་ཏུ་གྱུར་ཡོད། སློབ་གྲྭའི་སློབ་མའི་ཡོང་ཁུངས་ཀྱང་སྲིད་དོན་རང་བཞིན་ཅན་དུ་གྱུར་ཡོད། འབྲེལ་ཡོད་སྲིད་འཛིན་དཔོན་རིགས་ཚོ་རིག་གཞུང་གི་ལམ་ལུགས་ལ་རྒྱུས་མངའ་མེད་པར་བརྟེན། སྟབས་བདེ་ལ་ཞིབ་ཆ་མེད་པའི་སྲིད་དོན་གྱི་དབང་ཆ་ཁོ་ནས་རིག་གཞུང་གི་གནད་དོན་ཐག་གཅོད་བྱེད་བཞིན་ཡོད། ངས་དེ་སྔོན་ན་གཞོན་ཁྲུའུ་ཀྲང་ཞིག་གིས་དགེ་རྒན་ཆེན་མོ་རྒན་པ་ཞིག་ལ་སྡུག་ར་སྐུལ་ནས་ངག་ཀྱང་ཁྲོལ་དཀའ་བའི་གནས་སུ་བསྐྱལ་བ་མིག་མཐོང་ལག་ཟིན་བྱུང་། དེར་བརྟེན། དེང་སྐབས་སློབ་ཆེན་དགེ་རྒན་དག་གིས་གོ་གནས་ཀྱི་དབང་ཤུགས་རྩོད་ལེན་གྱི་ཕྱོགས་ལ་འབད་དེ་སློབ་གསོའི་རྒྱུ་སྤུས་ལ་མཐོང་ཆེན་མི་བྱེད་པར་གྱུར་ཡོད། ད་ལྟ་རྒྱ་ནག་གི་འབུམ་རམས་པའི་དཔུང་སྡེ་ཁྱབ་ཆེ་ཤོས་དེ་མཐོ་རིམ་སློབ་གྲྭ་ཁག་ན་མེད་པར། སྲིད་འཛིན་དཔོན་རིགས་པའི་དཔུང་སྡེ་རུ་ཡོད་པ་རེད་ཅེས་འགྲེལ་བརྗོད་གནང་ཡོད་འདུག
རྒྱུ་དང་དབང་གི་ལུས་རྩལ།
ཉེ་ལམ་རྒྱ་ནག་ཧྲན་ཏུང་ན་འཚོགས་བཞིན་པའི་རྒྱ་ནག་རྒྱལ་ཡོངས་ལུས་རྩལ་འགྲན་ཚོགས་ཐེངས་བཅུ་གཅིག་པའི་སྟེང་། ལས་རྩལ་བ་དག་གིས་ངར་ལངས་བྱེད་ཀྱི་སྨན་རྫས་ལ་བརྟེན་ནས་གསེར་གྱི་རྟགས་མ་རྩོད་ལེན་བྱ་བཞིན་པའི་གནས་ཚུལ་སྔ་རྗེས་སུ་ཐོན་ཡོད་པ་རེད། ཕྱི་ཟླ་ ༡༠ ཚེས་ ༢༢ ཉིན། རྨིས་ ༡༠༠ ཅན་གྱི་བུད་མེད་རྐང་རྒྱུགས་འགྲན་སྡུར་གྱི་གསེར་གྱི་རྟགས་མ་ཐོབ་མཁན་ ཝང་ཅིན་ཞིན་ ཟེར་བས་རང་གི་ལུས་སྟེང་དུ་ངར་ལངས་བྱེད་ཀྱི་སྨན་རྫས་བརྒྱབས་ཡོད་པ་དང་། ཕྱི་ཚེས་ ༢༤ ཉིན། ཧྲང་ཧེ་དང་ཧའོ་པེ་ལག་སྤོལ་རུ་ཁག་གཉིས་ཀྱིས་ལུས་རྩལ་པ་བསླུ་ཉོ་བྱས་ཡོད་པའི་དོགས་སློང་བྱུང་ཡོད། ཕྱི་ཚེས་ ༢༦ ཉིན་པེ་ཅིན་དང་ཐེན་ཅིན་རྐང་སྤོལ་རུ་ཁག་གཉིས་ཀྱི་ཤན་འབྱེད་པའི་ཕྱོགས་རེས་བྱས་པ་ལ་བརྟེན་ནས་རྒྱག་རེ་ཤོར་ཏེ་ཤན་འབྱེད་པ་སྨན་ཁང་དུ་བསྐྱལ་བ། ཆུ་འཛུལ་ལུས་རྩལ་རྣམ་གྲངས་ཀྱི་ཤན་འབྱེད་པས་ཤན་འབྱེད་ལས་ཀ་ཕྱིར་འཐེན་གྱིས་ཆུ་འཛུལ་ལུས་རྩལ་རྣམ་གྲངས་ཀྱི་གསེར་གྱི་རྟགས་མ་དག་སྔ་ས་ནས་གཏན་འབེབ་གྲུབ་ཟིན་པ་ཕྱིར་བསྒྲགས་བྱས་པ་བཅས་ལ་བརྟེན་ནས། རྒྱལ་ཁབ་ཕྱི་ནང་ཀུན་ཏུ་སྔར་ལོའི་ཨོ་རྩལ་འགྲན་བསྡུར་ཁྲོད་གསེར་གྱི་རྟགས་མ་མང་ཤོས་ཐོབ་མཁན་གྱི་རྒྱ་ནག་གི་ལུས་རྩལ་རུ་ཚོགས་དེ་ནི། མ་གཞི་ཤོག་སྒོར་གྱི་འགྲན་ཚོགས་དང་། སྨན་རྫས་ཀྱི་འགྲན་ཚོགས། ཁྲམ་པའི་འགྲན་ཚོགས། དབང་ཤུགས་ཀྱི་འགྲན་ཚོགས་ཞིག་རེད་ཅེས་པའི་གླེང་ཕྱོགས་གང་སར་ཁྱབ་བཞིན་ཡོད་པ་རེད།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
གུས་པའི་ལྟ་གཏང་བྱས་ན་ཨ་རིའི་སྲིད་འཛིན་མཆོག་་་་ནད་པ་ལྗི་པོ་་་་ཁྱེ་ད་ཀྱིས་གསུངས་པ་ལྟར་ཡིན་རྒྱུ་མ་རེད་སམས་ཀྱི་འདུག་་་།
http://www.youtube.com/watch?v=8cKLwtEZzlA&feature=related
འབྲེལ་ཐག་འདི་ལ་ཚང་མས་གཟིགས་རོགས་ཞུ།
རྒྱ་ནག་སྲིད་གཞུང་གིས་བོད་རིགས་ཡོངས་རྫོགས་དུད་འགྲོར་བསྒྱུར་རྒྱུ་ཞིག་ཡོད་ན་སྔོན་མ་ནས་བསྒྱུར་ཚར། དེ་མེད་ནས་རྒྱ་ནག་ལ་དཀའ་ངལ་ཕྲད་ཀྱི་འདུག ད་ཡིན་ན་བོད་རིགས་ཡོངས་རྫོགས་བསད་ན་ད་གཟོད་རྒྱ་ནག་སྲིད་གཞུང་གཙང་མ་ཆགས་སྲིད། དེ་མིན་ན་དཀའ་མོ་རེད།
དཀའ་མོ་ལ་
ཨ་རིའི་སྲིད་འཛིན་ཨོ་བྷ་མ་མཆོག་རྒྱ་ནག་ལ་མ་ཕེབས་པའི་སྔོན་དུ་སེམས་ཤུགས་གང་ཙམ་ཡོད་རྒྱུ་རེད་མོད་རྒྱ་ནག་ཏུ་སླེབས་རྗེས་རྒྱ་ཟས་ལེའོ་བཅོ་བརྒྱད་ཞལ་དུ་དྲངས་མ་ཐག་ངར་སློང་ཚང་མ་མར་ཞི་འགྲོ་རྒྱུར་དཀའ་ཚེགས་ཅང་མེད།
མི་ལོ་ལྔ་སྟོང་དང་དྲུག་སྟོང་གི་ལོ་རྒྱུས་ཡོད་པའི་རྒྱ་ནག་གི་རྒྱ་ཟས་ལེའོ་བཅོ་བརྒྱད་དེ་ལས་སླ་པོ་ཞིག་གཏན་ནས་མ་རེད་དྲན་ཞིང་ཡོད། འཇིག་རྟེན་འདིའི་ནང་འཚོ་གནས་དངོས་ཀྱི་སྐབས་སུ་ཞིག་ཡིན་ཀྱང་མཐར་མར་སོ་སོའི་ཁེ་ཕན་དེ་རྩ་ཆེན་པོར་བརྩ་ངེས་རེད།
ཆབ་སྲིད་པའམ་སྲིད་དོན་པ་ཟེར་བ་དེ་ཁེ་གྲགས་ཁོ་ནའི་ཆེད་དུ་འཚོ་དགོས་པ་ཞིག་རེད། དེ་འདྲ་སོང་ཙང་སྟོབས་དང་དཔུང་ངོམ་པའི་སྐབས་སུ་ཐ་མ་དེ་འགྲོ་ས་གཅིག་ལས་མེད་པ་རེད། དེ་ནི་སོ་སོའི་ཁེ་ཕན་གཙོར་བཞག་སྟེ་ཞོར་དུ་སྙན་གྲགསལ་བརྔམ་ནས་སྐད་ཆ་སྙན་པོ་ཚིག་ཁ་ཤས་ཤིག་བཤད་རྒྱུ་དང་འབོད་སྐུལ་ཞུ་རྒྱུ་དེ་རེད།
རྒྱང་རིང་ལགས།
ངས་དུས་རྒྱུན་ངོ་ཤེས་ཚོ་དང་ནང་གཏམ་རེ་ཤོད་དུས་ཉིས་སྟོང་བཞི་བཅུ་ལྔ་བཅུའི་དུས་སྐབས་ཀྱི་འཇིག་རྟེན་ལ་བསམ་གཏོང་ཉན་ཞིག་མི་འདུག་ཅེས་བརྗོད་ཀྱི་ཡོད། གནས་ཚུལ་འདི་ཚོ་བློ་ལ་འཁོར་དུས་རང་གི་ཉེ་ཁོར་ན་རྒྱུ་བའི་བྱིས་གོག་འགྲོ་བ་འདི་ཚོར་སྙིང་རྗེ་རེ་སྐྱེ་ཡིན་འདུག
དངོས་གནས་ཁོང་ཚོར་མདུན་ལམ་མི་འདུག
ལྷོ་ཕྲུག་ལགས་དངོས་གནས་རེདའདི་ཚོས་བྱ་སྤྱོད་ལ་བལྟ་ན་མི་རིངབ་གོ་ལ་ཟླུམ་པོ་འདི་གཏོར་ས་རེད།
དངོས་གནས་འཇིག་རྟེན་འདི་ཕྱིའི་སྣང་ཚུལ་དང་མཐོང་ཚུལ་ཇི་བྱུང་དེ་ག་ལ་ཡིད་རྟོན་རེ་བྱས་ནས་བསྡད་ན་སྐྱིད་ཤོས་རེད།
ནང་ལོགས་ལ་བསྔོག་འགྲོ་དུས་རྒྱ་ནག་དང་ཨ་རི་ཟེར་རྒྱུ་མི་འདུག བོད་དང་རྒྱ་གར་ཟེར་རྒྱུ་མི་འདུག་ཚང་མ་ཕྲ་ལ་ཕྲུལ་ལེ། ཆ་ལ་ཆོལ་ལེ། ཉག་ག་ཉོག་གེ། འབར་ར་འབུར་རེ། རྡག་ག་རྡོག་གེ དངོས་གནས་མིའི་སྤྱི་ཚོགས་འདི་སུན་སྐྱེ་དགོས་ཡག་རང་རེད།