་་་་་་་་་དངོས་སྒྲུང་འདི་བདག་ལ་རྒྱུས་མངའ་ཡོད་མཁན་གྱི་གྲྭ་བ་ཞིག་གི་ལོ་རྒྱུས་ཡིན།
རྒན་པོ་ཚེ་རིང་དོན་འགྲུབ་ཀྱིས་ཁ་པར་མར་འཇོག་ཞོར་དུ། ངོ་འདོག་ཀྱང་ལོག་ནས། འཚོ་མོ་ད་འགྲིག་མི་འདུག བློ་བཟང་ལམ་ཁ་ནས་འཛིན་བཟུང་བྱས་འདུག ཁ་པར་འདི་ཁ་ལོ་བའི་ང་རང་ལ་ས་ཁུལ་དེ་ནས་བཏང་བ་རེད། ད་ནངས་བློ་བཟང་ལ་རྒྱབ་ཁུག་ནང་གི་དཔེ་ཆ་དེ་ཚོ་འདི་ནས་སྐྱུར་དེ་སོང་། རྗེས་ཕྱོགས་མི་བརྟན་པོ་རེ་ཡོང་ནི་ཡོད་དུས་སྐུར་ཆོག་ཞེས་བཤད་ཀྱང་། ཉན་མ་སོང་། ད་དེབ་དེ་དག་ལ་ཁག་བཞག་ནས་བཟུང་འདུག མགྱོགས་པོ་འཇིགས་གྲོལ་ཚང་གི་ཁ་པར་ཨང་གྲངས་དེ་འཚོལ། ང་སོང་ནས་ཁ་པར་ཞིག་རྒྱག མགྱོགས་པོ་ཐབས་ཤེས་ཤིག་བྱས་པ་ཡིན་ན་ཐབས་ཤེས་འདྲ་ཡོད་སྲིད་ངེས་ཡིན།
ཡིན།
ང་འཚོ་མའི་རྒན་པོ་ཚེ་རིང་དོན་འགྲུབ་ཡིན།
ཨོ་རེད། དྲིན་ཆེན་ཁྱེད་གཉིས་ཀྱིས་ངའི་བུ་ལ་ཤུ་རེ་བྱོས་པ་ཐུགས་རྗེ་ཆེ།
དེ་ཟེར་དགོས་པ་མ་རེད།
དབུགས་རིང་ཞིག་འཕུད་ཞོར་དུ། འཇིགས་གྲོལ་ད་འགྲིག་མ་སོང་། ད་ནངས་ལམ་དུ་ཆས་ཁར་ཟེར་ནས་གཏམ་ངན་དེ་དག་བློ་བཟང་གི་ཕ་རྒན་འཇིགས་གྲོལ་ལ་སྔ་གཞུག་གི་བྱུང་རིམ་དག་ཞིབ་དུ་བཤད་དུས། འཇིགས་གྲོལ་གྱིས་ད་དངོས་ནས་མ་འགྲིག་པ་རེད། ང་རང་གིས་འདི་ནས་གང་བྱེད་དགོས་མིན་བསྐོར་ལ་ཉེན་རྟོག་བདེ་འཇག་ལས་ཁུངས་དུ་ང་ཚོའི་སྡེ་བ་གཅིག་པའི་མི་ཞིག་ཡོད་ནི་རེད། ང་རང་མགྱོགས་པོ་སོང་དེ་ཁོ་རང་ལ་སྐད་ཆ་དྲིས་པ་ཡིན་ན་ཐབས་ཤེས་འདྲ་རྙེད་སྲིད་ངེས་ཡིན་ཟེར་ནས་ཁོ་གཉིས་ཀྱིས་བཤད་མཚམས་བཞག
བློ་བཟང་གི་ཕ་རྒན་འཇིགས་གྲོལ་གྱིས་གཏམ་ངན་དེ། རང་གི་རྒན་མོ་སྒྲོལ་མ་འཚོ་ལ་་བཤད་དུས། བློ་བཟང་གི་ཨ་མ་སྒྲོལ་མ་འཚོས་སྐད་ཆ་དེ་གོ་བ་དང་མིག་མཐའ་མཆི་མས་བཟུང་དེ། ངུས་པ་དང་མཉམ་དུ། འདི་ང་ལན་ནི་ཡིན། ཡིན་གཅིག་མིན་གཅིག་བོད་དུ་ཡོང་རོགས་ཟེར་ནས་ཁ་པར་སླེབས་ཐེངས་རེར་དེ་ལྟར་བཤད་པ་ཡིན་ཟེར་ནས་ངུས་དུས། བློ་བཟང་གི་ཕ་རྒན་བདེ་གྲོལ་གྱིས་ངུས་ནས་ཡོང་རྒྱུ་འདྲ་ཡོད་ནི་མ་རེད། དེ་ལས་ཁྱེད་རང་གིས་ངའི་སྤག་སྤག་གི་ལྡེ་མིག་འཁྱེར་ནས་ཤོག་དང་། ངའི་གོན་རྒྱུ་འདི་བརྗེ་བོ་ཞིག་བརྒྱབ་དེ། རྫོང་ཐོག་དུ་སོང་དེ་ང་ཚོའི་སྡེ་བའི་ནང་གི་ཉེན་རྟོག་བདེ་འཇག་ལས་ཁུངས་སུ་ལས་ཀ་བྱེད་བཞིན་པའི་ཚོགས་གཞོན་འཕགས་པ་སྐྱབས་ལ་དེའི་བསྐོར་ལ་ཐབས་ཤེས་འདྲ་ཡོད་མེད་ཅིག་གསལ་བོ་ཞིག་དྲིས་དེ་འོང་།
བློ་བཟང་གི་ཨ་མས་ངུ་མཚམས་བཞག་མེད་ཀྱང་། བློ་བཟང་གི་ཕ་རྒན་གྱིས་བུད་མེད་ཚོའི་གསེང་ན་ངུ་རྒྱུ་མ་གཏོགས་མེད། དངོས་ནས་གང་བྱེད། རྣམ་དོག་བླངས་བྱེད་དེ་འདྲ་བྱེད་ཀི་མ་འདུག ཤི་སོང་ནི་མ་རེད། འཛིན་བཟུང་བྱས་པ་དེ་ཙམ་ལ་ངུས་ནས་ཡོང་རྒྱུ་གང་ཡོད། ངུ་མ་ཡོང་། སྡེ་བའི་ནང་གི་མི་ཚོས་གོ་ན་རྣམ་དོག་ཟ་ངེས་ཡིན་ཟེར་ཞོར་སྤག་སྤག་གི་དུ་བ་སྔོ་ཤུར་རེ་རྫོང་ཐོག་ལ་ཕྱིན་རྗེས་སུ། ཨ་མ་སྒྲོལ་མ་འཚོས་མཆོད་ཁང་དུ་སོང་ནས། སྟོན་པའི་ཐང་ག་དེའི་མདུན་དུ་མཆོད་མེ་རྐང་གཅིག་སྒྲོན་ནས། དཀོན་མཆོག་གསུམ་པོ་མཁྱེན། ངའི་བུ་བློ་བཟང་ལ་བར་ཆད་མེད་པར་ཤོག་ཟེར་ནས་ངུ་ཞོར་དུ་སྨོན་ལམ་བཏབ།
རྫོགས་སོ།
ཁྱེད་ཀྱི་བློས་གཏོང་དང་
ངང་རིང་གི་སྒྲུང་འདིའི་འགོ་འཇུག་སྐྱོང་གནང་བར་དགའ་བསུ་དང་
མི་རིགས་ཤིག་གི་ངོས་ནས་གལ་ཆེན་དུ་མཐོང་སྟེ་ཐུགས་རྗེ་ཆེ་ཞཱུ
སྐར་ཁྲི་བཙན་ལགས། བཀའ་སློབ་དང་འདྲ་མིན་ཞིག་འཁྱེར་ཡོད་མཁན་དེ་ནི་བློ་བཟང་ཡིན་མིན་ཤེས་ཚོད་མི་འདུག ངས་ག་ལེར་རྩར་གཅོད་ཞིབ་མི་བྱེད་ཀྱི་ཡོད། རྩར་གཅོད་སོང་བ་ཡིན་ན། རྗེས་སུ་འབྲི་ངེས་ཡིན།
བསྟན་པ་ཡར་འཕེལ་ལགས། ཉིད་ཀྱིས་རྩོམ་སྐུལ་གསལ་བརྡ་ཁྱེད་ཚང་ནས་ཀྱང་ཀློག་ཟིན་པ་ཡིན་ལ། འདི་ནས་ཀྱང་ཀློག་ཟིན་པ་ཡིན། ང་རང་གི་ཟིན་བྲིས་ནང་དུ་བློ་ལ་འབབ་པའི་རྩོམ་ཡིག་རེ་ཡོད་ན་འཁུར་ནས་སོང་ན་འགྲིག
གཅན་བཟོད་རྒྱམ་ལགས། ཉིད་ཀྱིས་དགོངས་ཚུལ་དང་སྐུལ་མ་གནང་བ་སེམས་སུ་བཟུང་ཡོད།
དྲ་གྲོགས་ཤ་ཁྲག་རུས་གསུམ་ལགས་དངོས་སྒྲུང་ཚན་པ་ཞེ་གཉིས་པོ་ཡོངས་རྫོགས་པར་སྙིང་ནས་ཐུགས་རྗེ་ཆེ་ཞུ།
ད་ནི་ཁྱོད་ཀྱིས་ཀྱང་བརྗོད་གཞི་གསར་པའང་ཡང་ན་གཞན་གི་སྟེང་ནས་རྩོམ་ཡིག་མུ་མཐུད་ནས་འབྲི་རྒྱུ་དང་། གཞན་བདག་གི་རེ་བར་ཁྱེད་ཀྱིས་བྲིས་ཚར་བའི་གོང་གི་དངོས་སྒྲུང་འདི་མགོ་ནས་མཇུག་པར་དུ་ཞིབ་ཚགས་ཐེངས་གཅིག་ཀློགས་ཤིག་ཅེས་ཀྱང་སྐུལ་བར་འདོད་དོ།།
མཁྱེན་ཡངས་རྩོམ་པ་པོ་རྣམས་ལ་ཕུལ་བའི་ཞུ་མཆིད།
མཁྱེན་ཡངས་རྩོམ་པ་པོ་རྣམས་ལ་གསོལ་དོན། འཛུམ་རྩོམ་སྒྲིག་ཚོགས་ཆུང་ནས་རྒྱུན་སྤེལ་ཞུས་པའི་༼འཛུམ།༽ དུས་དེབ་༢༠༡༠ ལོ་འགོར་སྤེལ་རྩིས་ཡོད་པས་ཕྱོགས་དང་ཕྱོགས་སུ་བཞུགས་པའི་མཁྱེན་ལྡན་རྣམས་ཀྱིས། རྩམ་སྒྲུང༌། དཔྱད་རྩོམ། ལྷུག་རྩོམ། བཅད་རྩོམ། གསར་རྩོམ། ནང་ཆོས། ཚན་རིག རིག་གནས། ལོ་རྒྱུས་བཅས་དོན་སྙིང་ལྡན་པའི་རྩམ་ཆོས་ཇི་སྙེད་ཅིག་ལྷུག་སྩོལ་ཡོད་པ་མཁྱེན།
རྩོམ་པ་པོ་རྣམས་ཀྱིས་ཐུགས་སྣང་འོས་པའི་གནད་དོན་ཁག་ཅིག
༡ རྩོམ་ཡིག་གི་བརྗོད་བྱེད་ཚིག་རྣམས་ཡོངས་གྲགས་ཀྱི་བརྡ་སྤྲོད་དང་མཐུན་པར་དག་བཅོས་
བྱེད་ངེས་པས་གལ་ཏེ་དམིགས་བསལ་གྱི་དགོས་པ་ཅན་ཡོད་ན་ཟུར་མཆན་འགོད་རོགས།
༢ རྩོམ་ཡིག་གི་ཁ་བྱང་དང་འབྲེལ་བའི་མཛེས་དཔྱོད་རིན་ཐང་ཅན་གྱི་བརྙན་རིས་འགོད་འདོད་ཡོད་ན་
བརྙན་རིས་དེ་ཉིད་ཐད་ཀར་བསྐུར་བའམ། ཡང་ན་འོད་སྡེར་ནང་དུ་བཅུགས་ཏེ་བསྐུར་རོགས།
༣ རྩོམ་ཡིག་རྣམས་གཤམ་གསལ་གྱི་གློག་འཕྲིན་ཁ་བྱང་བརྒྱུད་སྨོམ་ལམ་ཡིག་གཟུགས་སུ་བསྐུར་རོགས།
ཡང་ན་གཤམ་གྱི་ཁ་བྱང་ཐོག་སྦྲག་བརྒྱུད་ནས་བསྐུར་དགོས།
༤ འདིར་བསྐུར་བའི་རྩོམ་ཡིག་གི་མ་ཕྱི་འདིར་ཉར་ངེས་ཡིན་པས་དེ་ལུགས་ཐུགས་འཇགས་འཚལ།
Lobpon Choeying (shedra)
Sherabling P.O upper Bhattu
Bajnath Distt Kangra H.P
Pin no: 176125
phone: 09418350696/09418420288
E-mail: zum25ec@yahoo.com
ཨོ་ད་མ་བཟང་། ཁོས་བཀའ་སློབ་དང་འདྲ་མིན་ཁྱེར་ཡོད་རྒྱུ་རེད།