ང་མི་ཞིག་ལས་གང་ཡང་རེད་མི་འདུག

ཁ་བ་དཀར་པོ་ལགས། སྐུ་ཉིད་ཀྱིས་ཐུགས་འཁུར་ཆེན་པོའི་འོག་ནས་བདག་ལ་བསམ་སྐུལ་གནང་བ་དེར་བཀའ་དྲིན་ཆེ་ལགས། དེང་སང་ལས་བྲེལ་གྱི་དབང་གིས་སྒྲུང་རིང་དེའི་མཇུག་འབྲི་ཁོམ་མ་བྱུང་མོད། ཕྱིས་སུ་དུས་ཚོད་ངེས་ཅན་ཞིག་བཏང་ནས་སྒྲུང་དེའི་མཇུག་འཕུད་ངེས་ཡིན་ལགས། བློ་བཟང་གི་རེ་འདོད་ཀྱང་དེ་ཡིན་པས་ངས་ཁོ་རང་ལ་དམ་བཅའ་བཞག་ཡོད།

སྐར་ཆེན་འོད་བཞག་འཁྱིལ་བའི་རིན་ཆེན་ནོར།།
ཁྲི་འབུམ་བསྟར་ལ་བརྒྱུས་པའི་མུ་ཏུག་བཞིན།།
བཙན་པོའི་གདུང་རྒྱུད་ཅིག་གི་གཏམ་རྒྱུད་ལ།།
རུས་ཞེན་བརྩེ་འདང་ཟབ་པའི་སྤུན་ཟླ་ཡིན།།

བློ་རིག་ཧ་ཅང་བསྐྲུན་པའི་སྤུན་ཟླ་ལགས།།
ས་ཐོ་བྷ་བྷེ་མང་སའི་ཡུལ་གྲོང་ནས།།
རིགས་ཞེན་སྙིང་ལ་བཅིངས་པའི་གངས་ཅན་བུ།།
དུས་ཚོད་ཅི་ཡོད་འདི་རུ་ཕེབས་རོགས་ཞུ།།

གངས་ཅན་ཕ་ཡུལ་གཅིག་པའི་རུས་འདིས།།
ཆུ་དང་བྲག་རིའི་བར་ཐག་རིང་ན་ཡང་།།
གླིང་རྗེ་གེ་སེར་རྒྱལ་བོའི་མཛད་རྗེས་དེ།།
བུ་ངའི་ནམ་ཡང་མི་བརྗེད་སེམས་སུ་འཛིན།།

ཇིང་གི་སྲས་ཤིག་ཡིན་པ་སྔ་ནས་ཤེས།།
མིག་གི་རིག་ས་ཞིག་མེད་ན་ཡང་།།
སེམས་ཀྱི་བརྡ་གསུམ་བདག་ལ་སྐུར་བ་དེ།།
པ་མགོ་གྱུར་ཡང་ཡིད་ཀྱི་གཏིང་སར་འཇོག།།

འབྲོང་གི་ཕ་ས་ཞིག་ནས་སྐྱེ་བ་ཡིས།།
བུ་རྒོད་སྟོང་གི་སྤྲོད་ཀྱི་དབའ་བོ་ཞིག།།
དགོས་པའི་ཚིག་གི་ནང་དོན་ཞིབ་མོ་འདིས།།
སྤུན་ཟླ་བདག་གི་སེམས་ལ་དྲན་ཞིག་བསླེང་།།

སྙན་མོ་ཞིག་བྲིས་འདུག

མཚན་རེ་འཁྲུགས་པ་སྤྱོད་པའི་མཇེ་ཤུགས་མེད།།
ཉིན་རེ་ཆོ་འཕྲུལ་སྟོན་པའི་གཡོ་སྒྱུ་མེད།།
ཡོད་ཚད་གཞན་ལ་རེ་བའི་འདུན་པ་མེད།།
མེད་མུག་ཡི་ག་ལོག་པའི་གཅེར་བུ་ཡིན།།

བོད་ཀྱི་ལ་རྒྱ་འཛིན་པའི་སྙིང་སྟོབས་ཡོད།།
རིགས་ལ་སེམས་པ་དཀར་བའི་རང་གཤིས་ཡོད།།
ཀུན་དང་མཐུན་ལམ་ལེགས་པའི་བཟང་སྤྱོད་ཡོད།།
ཡོད་པ་གསུམ་འདི་ཁྱོད་ཀྱི་ནོར་དུ་སྣང་།།

སྒྲུང་རྩོམ་རིང་བོ་འབྲི་བའི་སྨྱུག་རྩལ་ཡོད།།
དྲང་བདེན་སྐད་ཆ་བཤད་པའི་བློ་སྟོབས་ཡོད།།
ཞེན་ངན་དྲི་མས་མ་གོས་བཟང་ཆ་ཡོད།།
ཡོད་པ་གསུམ་འདི་ཁྱོད་རྒྱན་ཆ་ཉིད།།

མཐོན་པོར་ལྕེ་ནར་མེད་པའི་གོམས་སྲོལ་ཡོད།།
དམན་ལ་ཐུབ་ཚོད་མེད་པའི་བྱམས་སེམས་ཡོད།།
བར་ལ་ལྐོག་གཡོ་མེད་པའི་དམ་བཅའ་ཡོད།།
ཡོད་པ་འདི་གསུམ་ཁྱོད་གཟི་བརྗིད་ལགས།།
ད་རུང་ཡོད་དང་། མི་ཁོམ་གྱི་ལོ་བརྒྱ་མ་ལོན་རུང་དྲུག་བཅུ་ལ་སེམས་འཁྲལ་མེད་པའི་སྨོན་ལམ། ད་ང་འགྲོ་རན་སོང་།

ཨ་རོ་མེད་མུག་མ་རྩི་མ་གཏོགས། རྡོ་སྦིས་དགེ་བཤེས་ཟེར་བའི་བླ་རྒན་མན་ཚར་ཅན་དེས་ཀྱང་རྗེ་ཙོང་ཁ་པར་བསྟོད་པ་བྱེད་དུས་སྨད་པའི་ཟོལ་གྱིས་བསྟོད་ཀི་ཡིན་ཟེར་ནས། གྲུབ་རྟགས་སྤྱི་བོར་སྤུངས་པའི་རལ་བ་མེད། །སོགས་མེད་མུག་ལུང་བ་གང་བྲིས་པས། རིག་གསར་སྐབས་དམར་སྲུང་དམག་གསར་བུ་འགས་བླ་རྒན་གསོན་པོར་བརྡུངས་ནས་བསད་བཏང་བ་རེད། རྟགས་རྟེན་འབྲེལ་འདི་ལ་གཟབ་དགོས་ཡ། འཇིགས་སྣང་བསྐུལ་ནི་ཡིན་ན་ངའི་མཇེ།