ཟླ་སྔོན་མའི་ཚེས་ ༢༩ ཉིན་མདོ་སྨད་མཚོ་སྔོན་གཅན་ཚ་རྫོང་མི་རིགས་སློབ་འབྲིང་གཉིས་པ་རུ་༼ སྐབས་གཉིས་པའི་གཅན་ཚ་ཁུལ་གྱི་སྐད་ཡིག་སྐོར་གྱི་བགྲོ་གླེང་ཚོགས་འདུ ༽ ཞེས་པ་དེ་སྐོང་ཚོགས་གནང་ཡོད་པ་དང་། ཐེངས་འདིའི་ཚོགས་ཐོག་ཏུ་ཆེད་མཁས་པ་དང་གཅན་ཚ་ས་ཁུལ་གྱི་སྐད་ཡིག་དགེ་རྒན་བརྒྱ་ ༡༠༠ ལྷག་མཉམ་ཞུགས་གནང་ཡོད་འདུག ཉིན་དེའི་སྔ་དྲོ་དེང་རབས་སློབ་གསོ་བ་གྲགས་ཆེན་གཅན་རོང་བསྟན་འཛིན་ལགས་ཀྱིས་བོད་སྐད་ཡིག་སློབ་གསོའི་རིག་པ་གསར་པའི་སྐོར་ནས་འཆད་ཁྲིད་བྱས་ཡོད་པ་དང་། མཚོ་སྔོན་དགེ་ཐོན་སློབ་ཆེན་གྱི་སློབ་དཔོན་ཆེན་མོ་ལྕགས་ཐར་རྒྱལ་ལགས་ཀྱིས་བོད་ཀྱི་སྐད་ཡིག་གི་ཁྱད་ཆོས་དང་། དེ་སྦྱང་དགོས་པའི་གལ་ཆེའི་རང་བཞིན་སྐོར་ནས་འཆད་ཁྲིད་བྱས་ཡོད། དེ་བཞིན་མཚོ་སྔོན་སློབ་གསོ་སྡེ་ཁག་གི་བསླབ་གཞི་རྩོམ་སྒྱུར་ཁང་གི་སྐད་ཡིག་ཆེད་མཁས་པ་རྒན་ཚེ་འབར་ལགས་ཀྱིས་སློབ་གྲྭ་ཆུང་འབྲིང་གི་སྐད་ཡིག་སློབ་དེབ་རྩོམ་སྒྲིག་དང་། སློབ་ཁྲིད་བྱེད་ཐབས་སྐོར་ནས་འཆད་ཁྲིད་བཅས་དགེ་རྒན་རྣམ་པས་བོད་སྐད་ཡིག་སློབ་གསོ་འཕེལ་རྒྱས་གཏོང་ཐབས་སྐོར་ནས་ཟབ་གསལ་གྱི་གསུང་བཤད་གནང་ཡོད་འདུག
ཉིན་དེའི་ཕྱི་དྲོ་ཆེད་མཁས་པ་དང་དགེ་རྒན་རྣམས་ཀྱིས་བཞུགས་མོལ་ཚོགས་འདུ་ཚོགས་ཏེ། གཅན་ཚ་ས་ཁུལ་གྱི་སྐད་ཡིག་གི་གནས་བབ་དང་། སློབ་ཁྲིད་གོ་རིམ་ཁྲོད་ཀྱི་དཀའ་ངལ་བཅས་ལ་བགྲོ་གླེང་གནང་ཡོད་པ་མ་ཟད། ད་ལྟའི་བསླབ་གཞི་བཅོས་སྒྱུར་གྱི་གནད་དོན་གཙོ་བོ་གསུམ་གྱི་ཐད་བགྲོ་གླེང་ཞིབ་མོ་གནང་མཐར་དགེ་རྒན་གྱི་བཅོས་སྒྱུར་དང་། སློབ་ཁྲིད་དཔྱད་འཇོག་གི་བཅོས་སྒྱུར་གཉིས་ཀྱི་སྟེང་ཐག་གཅོད་བྱུང་ཡོད་པ་དང་། གཞན། བོད་ཀྱི་བརྡ་སྤྲོད་རིག་པའི་ཆེད་མཁས་པ་རྒན་ལྕགས་བྷེ་ལགས་ཀྱིས། རང་ཉིད་ནས་མགོ་བརྩམ་དགོས། དུས་ད་ལྟ་ནས་མགོ་བརྩམ་དགོས། བྱ་བ་ཆུང་ངུ་ནས་མགོ་བརྩམ་དགོས། ཞེས་པ་སྲོག་ཤིང་དུ་བཟུང་སྟེ་གཅན་ཚའི་སྐད་ཡིག་འཕེལ་རྒྱས་སུ་གཏོང་ཕྱོགས་སྐོར་དང་། རྩ་དོན་དེ་གསུམ་གཞི་རྩར་འཛིན་པར་ཚོགས་ཞུགས་པ་མི་རེ་ངོ་རེ་ནས་ནས་འགན་འཁྲུ་འཁྱེར་དགོས་པའི་རེ་འདུན་བཏོན་ཡོད་འདུག
རྒན་རྣམ་པར་བཀྲ་ཤིས་བདེ་ལེགས་ཞུ།
དབྱངས་གསལ་སུམ་ཅུ་སོ་བཞི།།
གངས་ཅན་བོད་ཀྱི་སྐད་རེད།།
ཆོལ་གསུམ་སྐྱིད་སྡུག་གཅིག་རེད།།
ཤ་ཁྲག་གཅིག་པའི་སྤུན་རེད།།
གངས་ཅན་ས་ལྰའི་སྨན་ལྗོངས།།
ཡབ་མེས་བཟང་པོའི་གནས་རེད།།
ཆོས་རིག་ནོར་བུའི་གཏེར་རེད།།
འཛམ་གླིང་ཞི་བདེའི་གཞི་རེད།།
སྐུ་ཞབས་བཀྲ་ཤིས་དོན་གྲུབ་ལགས། ༼དཀར་པོ་ཆིག་ཐུབ་ལྟ་བུ་ཡིིན་༽ཞེས་པར་ཚིག་དོན་ཇི་ལྟར་འགྲེལ་དགོས་པ་ཡིན་ནམ་ ཁོམ་པ་བྱུང་ན་གཅིག་གསུང་རོགས།
ཐུགས་རྗེ་ཆེ།
སྐུ་ཞབས་ལྕགས་བྷེ་ལགས་ཀྱི་གསུངས་པ་དེ་འགྲུབ་དགོས་ན་ཐོག་མར་ང་ཚོ་ང་ཚོ་རང་ལུགས་ཀྱི་སློབ་གསོ་ལ་བརྟེན་ནས་རང་ཉིད་གཞན་ལ་མགོ་སྒུར་རྒྱུར་མ་་མཐའ་ཡང་ངོ་གནོང་མཁན་ཞིག་བཟོ་དགོས། ང་ཚོ་རང་ལུགས་ཀྱི་སློབ་གསོ་་
ནི་མིའི་རིགས་ཡར་འགྲང་བྱེད་ཀྱི་དཀར་པོ་ཆིག་ཐུབ་ལྟ་བུ་ཡིིན། འདི་ནི་ཧར་་
གྱི་སྐད་ཆ་ཞིག་མ་ཡིན་པར་མི་རིགས་གཞན་པས་བདེན་དཔང་བྱས་པའི་དངོས་
མྱོང་གི་ལོས་རྒྱུ་ཡིན་པ་མ་ཟད། ད་ལྟ་གཞན་རིགས་ཀྱི་དཔེ་བརྗོད་ཀྱང་འཇོག་་
བཞིན་འདུག
དངོས་གནས་ཁྱེད་ཅག་གིས་མི་རིགས་ཤིག་གི་མདུན་ལམ་ལ་བསུབ་ཏུ་མེད་་་
༷པའི་ལོ་རྒྱུས་ཀྱི་རྡོ་རིང་ཞིག་བཞེངས་པ་རེད། སྙིང་ཐག་པ་ནས་ཐུགས་རྗེ་བླ་་་
མེད་དུ་ཆེ་ཞེས་བཀའ་དྲིན་ཞུ་རྒྱུ་ཡིན། ཞར་བྱུང་དུ་དེ་འཚོགས་ཐོག་གི་སྐད་་
ཆ་ཙམ་དུ་མི་འཇོག་པའི་རེ་བའང་འབུལ་རྒྱུ་ཡིན།