སྤུན་ཟླ་ཚོ། སེམས་པ་བོད་དུ་ཕྱོགས་ནས། བསམ་བློ་བོད་དུ་ཕྱོགས་ནས། དམིགས་ཡུལ་བོད་དུ་འཁོར་ནས། སྐད་ཆ་བོད་དོན་དུ་བཤད་དེ། རང་གི་ལུས་ངག་ཡིད་གསུམ་འདིའི་འབྱུང་ཁུངས་ལ་མ་ནོར་བའི་ལམ་ཁ་ཞིག་བཙལ་ནས། ཁྲག་དང་མིག་ཆུ། མནར་གཅོད་དང་གདུང་འབོད། མྱ་ངན་དང་གཉོས་བཅོས་ཁྲོད་དུ། ཕྱིར་མིག་གི་བལྟས་དེ་བཞུད་ཟིན་པའི་སྤུན་ཟླ་དག་གི་བསམ་པའི་རེ་བ་དང་། སྒུག་པའི་རྨི་ལམ་དེ་དག་ལ་བསམ་ནས་རྒྱ་ནག་པོའི་སྲིད་གཞུང་ལ་གཏན་ནས་ཡིད་ཆེས་མ་བྱེད་ཅིག
ད་ནས་་བཟུང་། འུ་ཅག་གིས་བོད་ནི་བསྐལ་བའི་བར་དུ་བོད་ལ་དབང་བ་ལས་རྒྱའི་སྲིད་གཞུང་ལ་མི་དབང་བའི་བདེན་པ་དེ་དག་ར་སྤྲོད་བྱེད་རྒྱུའི་ལས་སུ་འབད་རོགས་ཞུ། ས་མཐའ་གང་ཞིག་ཡོད་ཀྱང་ཆོག ལས་གནས་གང་ཞིག་དུ་ཡོད་ཀྱང་འགྲིག ང་བོད་ཡིན། ངས་བོད་པའི་བདེན་དོན་ཆེད་དུ་འགན་ཞིག་ལེན་དགོས། ང་རང་ལ་རང་གི་ཕ་ཡུལ་གྱི་བདེ་སྡུག་སྲུང་བའི་འགན་ཡོད། ང་རང་ལ་བོད་མི་གཅིག་གི་ཚེ་སྲོག་ཡིན་ཡང་། རང་གི་ཚེ་སྲོག་ལས་ཀྱང་གལ་ཆེ་བ་ཡིན་སྙམ་ནས། སྡུག་ན་སྡུག་རོགས། གསོན་ན་གསོན་རོགས། འཆི་ན་འཆི་རོགས་ཟེར་ནས་བློ་གཅིག་སེམས་གཅིག་གི་ལས་འགུལ་སྤེལ་མ་ཐུབ་ཀྱང་། བློ་གཅིག་སེམས་གཅིག་གིས་རང་ཉིད་བོད་ཡིན་པ་བརྗེད་མི་རུང་ལ། རང་ཉིད་བོད་ཀྱི་མགྲིན་ཚབ་པ་ཞིག་དང་། རང་ཉིད་ལ་ཡང་བོད་ཀྱི་ལུས་ཤིག་ཡོད་པ་སེམས་ཁོང་རུས་པའི་གཏིང་ནས་དྲན་ཐུབ་དགོས་ཀྱི་འདུག
དེ་ལྟར་དྲན་ནས་རྒྱའི་སྲིད་གཞུང་གི་རྒྱུགས་ཁྱི་བོད་རྒྱ་སུ་ཡིན་ཡང་། བོད་མི་རིགས་ཀྱི་དགྲ་བོ་དངོས་ཀྱི་དང་མར་བཟུང་དེ། དེའི་རིགས་ལ་འབྲེལ་ལམ་གཅོད་པ་དང་། མི་ངན་དེ་དག་གི་ལག་འོག་གི་རྩེད་ཆས་སུ་མི་གྱུར་བའི་ཐབས་ཤེས་གང་ཡོད་ཅིག་རང་གི་ཉེ་འབྲེལ་དང་ངོ་ཤེས། གཞན་མི་སོགས་བརྒྱུད་དེ། མི་གཅིག་གི་སྲོག་ཡིན་ཡང་། ལྟས་ངན་མི་སེམས་མེད་པའི་གདོན་འདྲེ་དེ་དག་གི་ངན་ཇུས་འོག་དུ་མི་འགྲོ་བའི་ལམ་ཁ་འཚོལ་བ་དང་ཞོར་དུ། རང་ས་ནས་རང་ཉིད་འཚོ་བའི་ཐབས་ལམ་བཙལ་ནས། རང་མི་ལ་རང་གིས་སྲོག་ལས་ཀྱང་། ཡིད་ཆེས་དང་བརྩེ་ཞེན་བྱེད་རྒྱུར་ཐག་ཇེ་ཉེར་གཏོང་རོགས་ཞུ།
ད་ལྟའི་འཆར་འུ་ཅག་ལ་བརྡ་འཕྲིན་གྱི་རྒྱུད་ལམ་མི་ཉུང་བ་ཞིག་ཡོད་པ་འདི་དམ་འཛིན་བྱས་དེ། བོད་མི་སྲུང་སྐྱོབས་ཀྱི་ཐབས་ཤེས་གང་ཡོད་པ་དག མི་ཁ་ནས་གཏམ་ཁ། འཕྲིན་ལམ་ནས་དྲ་ལམ། གློག་ལམ་ནས་ཁ་པར་གྱི་ལམ། བརྒྱུད་ལམ་གང་ན་ཡོད་ན་དེ་ནས་དུས་ཚོད་དམ་འཛིན་བྱེད་པའི་དུས་ཡིན་པ་ལས། རྒྱའི་སྲིད་གཞུང་གི་འདོད་ཐོག་ལ་འགྲོ་རུ་འཇུག་པའི་དུས་ཤིག་གཏན་ནས་མིན། བོད་མི་གཅིག་གི་ཚེ་སྲོག་ནི་བོད་ལ་མཚོན་ན་ཆེས་རིན་ཐང་གཞལ་དུ་མེད་པ་ཞིག་ཡིན་པ་ཤེས་སུ་འཇུག་དགོས་པ་དང་རང་ཉིད་ཀྱིས་ཀྱང་དེ་ལྟར་དྲན་ནས། ཤི་བ་ལས་གསོན་ན་ཐབས་ལམ་མང་བ་ངེས་སུ་འཛམ་གླིང་མི་མང་ལ་བདེན་དབུང་བྱེད་པ་དང་། གཞན་ལས་རང་གི་བྱེད་ཐུབ་པའི་ནུས་པ་དེ་དག་སྟོན་རན་རེད།
སྤུན་ཟླ་ཁྱེད་ཅག་ཕེབས་ནས་ཐུགས་འཁུར་ཆེན་པོའི་ངང་དུ་བསམ་ཚུལ་རེ་གསུངས་དེ་ཕེབས་ཟིན་པ་དེར་དགའ་ནི་ཡིན། དེ་རིང་ང་རང་དྲ་ཐོག་དུ་འདུག་མི་ཐུབ། དེའི་སྐོར་ཚུར་སླེབས་དུས་སུ་ཞུ་ཆོག
དྲ་གྲོགས་ལགས། ཤ་ཁྲག་ལགས་ལ་བསམ་ཚུལ་བྲིས་པ་བཟང་ཡང་དེང་གི་”ང་ཚོ་བོད་གཞིས་བྱེས་གཉིས་ཀྱི་བོད་མི་རྣམས་དེང་སྐབས་གཏད་སོ་གང་ཡང་མེད་པའི་གནས་ཞིག་ཏུ་གྱར་འདུག”ཅེས་དང་། ཡང་”དྲང་མོར་ཞུས་ན་འདི་ནི་ཅོལ་ཆུང་གི་བྱས་སྟངས་ཤིག་ཀྱང་རེད། “ཅེས་པ་སོགས་ནི་རང་ཚོད་མ་ཟིན་སྐད་ཆ་ཅིག་ལོས་ཡིན་སྙམ་པས་རྗེས་ཕྱོགས་”སྤྱི”ཞིག་ལ་སྐད་ཆ་བཤད་དུས་ཅུང་གཟབ་གཟབ་གནང་རོགས་ཞུ། ཤ་ཆ་བའི་གཏམ་ཡིན་ནོ།།
བོད་ཤ་ཁྲག་ལགས། སྔོན་མ་མི་མང་པོས་ཁྱེད་ཀྱི་ཡིག་ནོར་ལ་སྐྱོན་བརྗོད་བྱེད་ཀྱི་འདུག དེ་སང་ཁྱེད་ཀྱི་དཔེ་ཡག་པོ་བྲིས་འདུག དུས་ཡུན་ཐུང་ངུ་ཞིག་གི་ནང༌ཡར་རྒྱས་དེ་ཙམ་ཕྱིན་པ་ཡིན་ནམ། དངོས་གནས་དཔེ་རང་རེད། དགའ་པོ་ཡོད། བསེ་རུས་ཀྱང་བསྟོད་པ་བྱེད་ངེས།
ང་ཚོ་བོད་པ་ཚོས་ཤེས་དགོས་པ་དེ་རང་ཉིད་རྗེས་ལུས་ཡིན་པ་དེ་རེད། རྩ་བ་དེ་ནས་བཙུགས་དགོས་པ་འདྲ། གཉེན་ཤུལ་མཁྱེན་རབ་འོད་ཟེར་གྱི་གསུང་བཤད་ཅིག་ནང་དེ་འདྲ་ཞིག་འདུག་བསམ་པ་བྱུང༌།
བོད། ཤ་ཁྲག་ལགས། བོད་མི་ཡིན་པ་ཤེས་རན་རེད་ཞེས་པའི་བསམ་ཚུལ་དེ་ད་ལྟའི་སྤྱི་ཚོགས་འདི་ཐོག་ལ་ཐད་གར་འབྲེལ་བ་ཆགས་འདུག
ང་ཚོ་བོད་གཞིས་བྱེས་གཉིས་ཀྱི་བོད་མི་རྣམས་དེང་སྐབས་གཏད་སོ་གང་ཡང་མེད་པའི་གནས་ཞིག་ཏུ་གྱར་འདུག
འདི་ལྟར་ལོ་ངོ་དུ་མ་ཞིག་ཕྱིན་ན་དཔལ་འབྱོར་འགྲན་རྩོད་ཀྱི་དུས་རབས་འདིའི་ནང་། ང་ཚོ་སྨུག་ལུང་དུ་མགོ་འཁོར་བའི་བྱིས་པ་བཞིན་སྤྱི་ཚོགས་འདིའི་རྗེས་ལ་སྙེགས་ཁུལ་བྱས་སྟབས། མི་རིགས་དང་སྐད་ཡིག་གི་དུང་ཤ་བརླག་བཞིན་འདུག
དྲང་མོར་ཞུས་ན་འདི་ནི་ཅོལ་ཆུང་གི་བྱས་སྟངས་ཤིག་ཀྱང་རེད། ང་ཚོས་འདིའི་སྐོར་ལ་བགྲོ་གླེང་དང་ཡིད་གཟབ་གང་མང་བྱེད་དགོས་པ་འདུག
གྲོགས་ཤ་ཁྲག་ལགས།ཁྱོད་ཀྱི་ལྷག་བསམ་ལ་ཡི་རངས་ཡོད།
ད་ལྟའི་དུས་འདིར་བོད་རིགས་སྤུན་ཟླ།།
ད་ནས་ཟུང་སྟེ་ཆོད་སེམས་བཞག་ཏེ།།
ད་ཡོད་ལག་ལེན་འཁུར་ཆེན་སྣབས་ནས།།
ད་རེས་བོད་དོན་སྙིང་ནས་སྒྲུབས་ཤོག།
ན་ཚོད་སོན་པའི་ཆོལ་གསུམ་བོད་མི།།
ན་ནིང་འདྲ་བའི་སྒྱུ་ལུག་དོར་ནས།།
ན་ཟུག་ལྕི་མོ་བོད་ཀྱི་ལས་སྐལ།།
ན་ནས་ཤི་ཡང་བརྗེད་དུ་མ་འཇུག
ཁྱེད་ཀྱི་རྩོམ་ཡིག་འདི་ཁ་བརྡ་ཚང་ན་ཨ་ཁུ་ཀླུ་སྨྱོན་སྙན་ངག་པ་ཚོར་སྡིགས་བཞག་ཡོད་པ་དེའི་མཆན་བུ་རུ་བཏབ་འདུག ངས་དེ་ནས་བཀླགས་པ་ཡིན། ཡང་སུ་ཞིག་གིས་ཁྱོད་འདུག་གི་མ་བཅུག་ཐལ། ཚོད་ཚོད་ལ་ཅིག་ག་སྡིགས་ཀིན་ཡོད་པ་འདྲ་ཞིག་རེད་ལ། ཚོད་ཚོད་ལ་སྤོ་མ་ལངས་ཨེ་གོ