ཕུགས་ན་སྲོལ་རྒྱུན་ཐག་ནག་སྲ་མོ་ཞིག།
གཞུག་ན་སྒྱིད་ལུག་ངན་པའི་གོམས་གཤིས་ཤིག།
བར་ན་ཕྲག་དོག་ཁྲག་གི་གླེན་རྟགས་ཤིག།
མི་རིགས་འདི་ཉིད་བསམ་ན་སེམས་པ་སྐྱོ།།
མགོ་ནས་བླངས་རྩིས་བྱས་ན་སྡུག་དམོད་བྱེད།།
གཞུག་ནས་འགྲོ་ལུགས་སྒྲུབ་ན་མཐོང་ཆུང་བྱེད།།
བར་མ་བར་ནས་ལུས་ན་བརྙོས་བཅོས་མྱོང་།།
མི་རིགས་འདི་སོ་མཐོང་དུས་སྙིང་ཁ་གཟེར།།
༧བླ་མའི་བཀའ་གསུང་རྣ་ཡི་རྒྱབ་ཏུ་བསྐྱུར།།
ཕ་མའི་དྲིན་ལན་གྱང་ཁའི་རྩྭ་བཞིན་དོར།།
སྤུན་ཉེ་འབྲེལ་ཐག་སྒོར་གྱི་བམ་ཁས་བསླུས།།
མི་རིགས་འདི་འདྲ་ད་ནི་རེ་བ་དཀའ།།
ཆོས་དང་ཆོལ་ཁའི་བར་གྱི་སྣང་བ་མཐོ།།
ལུང་དང་ཕྱོགས་པའི་་ན་ཟུག་ཉིན་རེར་རྒྱས།།
ནང་གི་དུག་ཚེར་འདི་ཉིད་མ་བཅད་ན།།
གངས་ཅན་བོད་ལ་རེ་བ་ཡོད་རེ་སྐན།།
གཅན་བཟོད་རྒྱམ་དང་ཤ་ཁྲག་རུས་གསུམ་གཉིས་ཀས་ཡིག་ནོར་འགྲན་བསྡུར་བྱེད་བཞིན་ཡོད་པའི་བཟོ་ཞིག་བསྟན་འདུག ད་དུང་ཁ་ནང་ན་མི་རིགས་དང་རིག་གནས་ཞེས་རང་ལ་མི་འོས་བའི་མིང་ཚིག་ཆེ་ཆེ་རེ། རིག་གནས་སྲུང་སྐྱོབ་བྱེད་འདོད་ཡོད་པ་བདེན་ན་ཡིག་ནོར་འདི་དག་རྩ་མེད་ལ་གཏོང་རོགས། དེ་མིན་ཨ་ཕ་ན་བཞིན་འདུག་ཅེས་གཅར་བརྡུང་བྱས་བ་དང་གཅིག་པ་རེད།
གཅན་བཟོད་རྒྱམ་ལགས། ཞི་བདེ་ནི་མིག་ལ་སྟོན་ནས་རིག་པ་ཞིག་ཡིན་རྒྱུ་ན། དང་བོ་བྱས་དེ་མཐོང་མཁན་ནི་ཁྱེད་རང་ཡིན་ངེས་ཡིན་ལགས། ད་ཨེ་ཆོག་གི
མི་རིགས་འདི་འཛམ་གླིང་འདིར་གནས་པ་ཇི་སྲིད་དུ་ཞི་བདེ་གནས་ཟེར་བའི་ཞི་བདེ་གནས་ས་དེ་ཡུལ་ལོང་ས་ཆ་གང་ཞིག་ཡིན་ནམ། བོད་ནི་མིན་མ་ང་ཚོས་ཤེས་གསལ་རེད། རྒྱལ་ཁབ་གཞན་ཞིག་ལ་ནི་ང་ཚོས་ཞེ་བདེ་སྟེར་མི་བཏུབ། ད་གང་ཡིན་མི་ཤེས་སོ།།
ཚེ་རིང་བཀྲ་ཤིས་ལགས། བསྟོད་བསྔགས་བྱས་པ་ཐུགས་རྗེ་ཆེ་ལགས། རེད་དེ། ང་ལ་བསྟོད་བསྔགས་དེ་འདྲ་ཞིག་གཏན་ནས་འོས་པ་མ་རེད་ལགས། སྐུ་ཉིད་འདི་རུ་ཕེབས་པ་དེར་དགའ་ནི་ཡིན།
བསེ་རུ་ལགས། སྐུ་ཉིད་འདི་རུ་ཕེབས་ནས་དག་བཅོས་བྱས་པ་ཐུགས་རྗེ་ཆེ་ལགས། སྔར་རྒྱུན་བཞིན་དུ་ཕེབས་རྒྱུར་དགའ་བསུ་ཡོད་ལགས།
ཁྲ་གླག་སྤྱང་གསུམ་ལགས། ཁྱེད་ཀྱིས་བཤད་པ་བདེན་པ་རེད། རང་མི་ལ་རང་གིས་སྐྱོན་མཐོང་བ་རང་གིས་བཤད་རྒྱུ་གལ་ཆེན་དུ་རྩིས་པ་ཡིན་ལ། ཉིད་ཀྱིས་གསུངས་པ་ལྟར་བཟང་ཆ་ཡང་དངོས་ནས་མང་བོ་ཡོད་དང་ཡོད།
ལས་དང་རྒྱུ་འབྲས་ཅན་གྱི་གངས་ཅན་པ།།
རྩ་བའི་བླ་མར་དད་པ་དག་སྣང་ཅན།།
མི་རིགས་འདི་ཉིད་འཛམ་གླིང་གོ་ལ་འདིར།།
ཇི་སྲིད་གནས་པ་དེ་སྲིད་ཞི་བདེ་ཡོད།།
དང་པོ་སྲོལ་རྒྱུན་རྣམ་དག་ཆོས་དང་འདྲེས༎
བར་དུ་ལས་ལ་བརྩོན་ཞིང་དཔའ་ངར་ཆེ༎
ཐ་ན་ཆེ་བཀུར་ཆུང་བྱམས་ལ་སོགས་པའི།།
ཡ་རབ་མི་རིགས་འདི་ཉིད་སེམས་པ་དགའ༎
ཕྱོགས་གཉིས་ཀ་བརྗོད་དགོས་པ་བརྟེན་སྟོང་ཆ་དེ་ཁ་གསབ་བྱས་པ་ལས། ཁྱེད་ཀྱི་དེ་མ་རེད་ཟེར་བ་མིན་ལགས། ད་ངོ་མ་རྩོམ་ཟེར་བ་དེ་མི་ཤེས་གི
གཉོས་བཅོས། བརྙས་བཅོས།
རྒྱབ་དུ་སྒྱུར། རྒྱབ་ཏུ་བསྐྱུར།
རྩ་བཞིན། རྩྭ་བཞིན།
ཡོད་རེ་དཀན། ཡོད་རེ་སྐན།
ལུང་དང་ཕྱོགས་པའི་་ན་ཟུག་ཉིན་རེར་རྒྱས།།
ལུང་དང་ཕྱོགས་ཞེན་ན་ཟུག་ཉིན་རེར་རྒྱས།།
ཡག་པོ་བྲིས་འདུག