དེ་རིང་ཉིན་གུང་ངྷ་སར་གནས་བཞུགས་འཇམ་དབྱངས་ལགས་ཀྱིས་གནས་ཚུལ་མཁོ་སྤྲོད་བྱས་དོན་ལྟར་ན། ཟླ་འདིའི་ཕྱི་ཚེས་ ༨ ཉིན་མགོ་ལོག་རྨ་ཆེན་རྫོང་མི་དམངས་ཁྲིམས་ཁང་གིས་ར་རྒྱ་དགོན་པའི་དགེ་འདུན་པ་བློ་དར་ལགས་སུ་ལོ་ ༡ དང་། མན་ངག་རྡོ་རྗེ་ལགས་སུ་ལོ་ ༣ བཅས་ཀྱི་བཙོན་འཇུག་ཁྲིམས་ཐག་བཅད་ཡོད་འདུག་ཅིང་། ཁོང་གཉིས་ཟླ་གཅིག་གི་གོང་ཙམ་ལ་རྒྱའི་ཉེན་རྟོག་པས་འཛིན་བཟུང་བྱས་པ་ཞིག་ཡིན་འདུག ཐེངས་འདིར་ད་ལོའི་ལོ་མགོར་མགོ་ལོག་ར་རྒྱ་ས་ཁུལ་གྱི་བོད་རིགས་མི་མང་གིས་རྒྱ་གཞུང་ལ་ཞི་བའི་ངོ་རྒོལ་གྱེན་ལངས་བྱས་སྐབས། ལས་འགུལ་སྣེ་ཁྲིད་པའི་གྲས་ཡིན་ཚུལ་གྱི་ཉེས་འཛུགས་བྱས་ཡོད་འདུག དགེ་འདུན་པ་དེ་གཉིས་ཀྱི་སྐྱེས་ཡུལ་མགོ་ལོག་ར་རྒྱ་ཆུ་བ་དང་། དེ་སྔ་ར་རྒྱ་དགོན་པར་སློབ་གཉེར་གནང་མུས་ཡིན་འདུག གཞན། ཁོང་གཉིས་ཀྱི་ལོ་ཚོད་དང་པར་སོགས་ཞིབ་ཕྲའི་གནས་ཚུལ་ད་དུང་རག་སོན་མ་བྱུང་ཟེར།
བོད་པའི་གྲྭ་བ་ནི་ཆོས་སྲིད་གང་གི་ཐད་ནས་ཞུས་ཀྱང་དཔའ་བོ་ངོ་མ་རེད་མི་འདུག་གམ།
གཟིགས་དང་དྲ་གྲོགས་རྣམ་པ་ནད་པ་ཡི་གེའང་ནད་པ་རེད་གོང་གི་འབྲེལ་སྒྲ་དེ་ག་འདྲ་ཞིག་བྲིས་འདུག་
ལྷག་བསམ་ལ་བཅོས་རོགས
གངས་ཅན་ཞིང་གི་ཆོས་སྲིད་བྱ་བའི་གདུགས། །འདེགས་པའི་སྲི་ཞུར་གཏོགས་པའི་སྐྱེ་བོ་ཀུན། །ལྷ་བསམ་རྣམ་དཔྱོད་དཔུང་པ་རབ་བརྟན་ཅིང་། །སྐྱེ་ཀུན་ཕྱག་ན་པདྨོས་རྗེས་བཟུང་ཤོག །
༸ གོང་ས་ཡིད་བཞིན་ནོར་བུའིའི་ཐུགས་སྨོན།
ཨ་ལ་ལ་ལ། ཡང་མགོ་ལོག་ཆུ་བའི་དཔའ་བོ་གཉིས་ཀྱི་མཚན་ཏོས་སོང་། རྡུང་ལེན་མཁན་ནམ་མཁའ་བཙན་པོའི་ཕོ་ཉ་ནང་ན་ཡང་མགོ་ལོག་ཆུ་བའི་དཔའ་བོ་འདས་པོ་ཞིག་གླེང་གི་མེད་ནས། ལོ་གཅིག་ལོ་གཉིས་ཟེར་ན་ད་བུད་འགྲོ་ནི་ཞིག གཙོ་བོ་སེམས་ཤུགས་མ་ཆགས་པ་བྱེད་དགོས་ནི་རེད།