བོད་ལ་རྒྱལ་དར་དགོས་དང་མི་དགོས།

དེ་རིང་ང་འདིར་ཐོག་མ་ཡིན་པས་བཀྲ་ཤིས་བདེ་ལེགས་ཞུ།
1 ང་ལ་རྒྱལ་དར་དགོས། 2 ང་ལ་རྒྱལ་ཁབ་དགོས། 3 ང་ལ་རང་དབང་དགོས།
ང་ཚོར་རྒྱལ་ཁབ་དང་རྒྱལ་དར་དགོས་ཀྱང་སུ་སྤྲད་ཀྱིས་རེད་སུ་ལེན་ཐུབ་ཀྱིས་རེད་ཇི་ལྟར་བྱེད་ན་ལེན་ཐུབ་བམ།
ང་རང་ཚོའི་རྒྱལ་ཁབ་དང་རྒྱལ་དར་དེ་སུ་ལག་ཡོད་མེད་ཀྱི་བསལ་ཚུལ་ཞིག་ཞུ་པ་ཡིན་
རྒྱ་གར་སྲིད་བློན་ནིས་རོ་ཡིས་གསུངས་པ་ལྟར་ཨ་རི་སྲིད་འཛིན་ཀན་ལན་དན་གྱིས་ཀྱང་༡༩༩༧་ལོར་དབྱིན་ལན་གྱིས་ཧོང་ཀོང་དེ་ཕར་རྒྱ་ནག་ལ་སྤྲོད་པའི་ལོ་དང་སྐབས་ཁེལ་ཡོད་སྟབས་བོད་མི་རྣམས་ཀྱིས་དེར་དུས་རྒྱ་ནག་གི་ཆབ་སྲིད་ལ་འགྱུར་བ་ཆེན་པོ་འགྲོ་བའི་རེ་བ་དང།
སྲིད་འཛིན་ཀན་ལན་དན་རྒྱ་ནག་ལ་མཚམས་གཟིགས་ཕེབས་སྐབས་སུ་བོད་དོན་གླེང་མོ་དང་བཟང་ཕྱོགས་ཤིག་གླེང་པས་རེ་བ་དང་རང་བཙན་རྒྱལ་ཁབ་ཤིག་ངོས་ལེན་ཡོད་པའི་ཐོག་ནས་གླེང་པས་རེ་བ་བྱ་ཁུ་ཡི་གནམ་ཆུ་དགུག་པ་བཞིན་དུ་སྡོད་ཡོད།
ཡིན་ཡང་ཨ་རི་སྲིད་ཀས་ལན་དན་གྱིས་བོད་དེ་རྒྱ་ཁུངས་ཡིན་པ་ངོས་ལེན་ཡོད་པའི་ཐོག་ནས་བོད་དོན་ཚོང་ལ་བསྒྱུར་ནས་གླེང་ཁུལ་བྱས་མྱོང་ཡོད་རེད།
སུད་སི་ཡིས་ཀྱང་བོད་པའི་སྐྱབས་བའི་ལག་ཁྱེར་ཐོག་ཏུ་ང་ཚོ་རྒྱ་ནག་མི་སེར་ཡིན་པ་ངོས་ལེན་ཡོད་པས་ཐོག་ནས་སྐྱབས་བཅོལ་ལག་ཁྱེར་ཐོག་ཏུ་རྒྱ་ནག་ཞེས་པའི་མིང་ཚིག་བཀོད་ཡོད།
༢༠༠༠ལོར་ངས་སུད་སི་སྐྱབས་བཅོལ་ལས་ཁུངས་དུ་ང་ཚོའི་ལག་ཁྱེར་ཐོག་ཏུ་རྒྱ་ནག་ཞེས་པའི་མིང་ཚིག་འདི་འགྲིག་གི་མི་འདུག་ཞེས་དང་བོད་རྒྱལ་ཁབ་འདི་ལམ་རྒྱུས་ཐོག་ནས་རང་བཙན་རྒྱལ་ཁབ་ཤིག་ཡིན་ཞེས་ཨུ་ཚུགས་ཀྱིས་ཞུ་བ་ཡང་ཡང་ཕུལ་བ་ཡིན།
དེར་དུས་སུད་སི་ལས་བྱེད་པ་དེས་ང་ལ་གསུངས་དོན་དུ་བོད་རྒྱ་ནག་གིས་ཟས་པ་རེད་ང་ཚོ་ལ་ཐབས་ཤེས་མི་འདུག་དེ་ལས་ཕོ་གསར་ཁྱེད་རང་ཨུ་ཚུགས་མ་བྱེད་ཕེབས་རྒྱུག་གསུངས་བྱུང།
འཛམ་གླིང་འདིའི་སྟེང་གི་རྒྱལ་ཁབ་མང་ཆེ་བས་བོད་དེ་རྒྱ་ཁུངས་མིན་པ་ཤེས་བཞིན་དུ་ཨུ་ཚུགས་ཀྱིས་ཐོག་ནས་བོད་རྒྱ་ཁུངས་ངོས་ལེན་བྱས་པར་གཞི་ན།
ང་རང་ཚོའི་བདེན་མཐའ་གསལ་ཐུབ་མིན་དང་བདེན་པ་ཡིན་མིན་ཐག་བཅད་བྱེད་པས་བྱེད་པ་པོ་དེ་སུ་ཡིན་མིན་ཞིག་བཙལ་དུས།
མཁས་དབང་དགེ་ཆོས་ཀྱི་གསུངས་ལས།
ཡོད་མེད་ཡིན་མིན་བདེན་རྫུན་ལ་སོགས་པ། རྩོད་པས་འུ་སྒྲ་སྒྲོག་པའི་འཇིག་རྟེན་འདིར།
མི་མང་གང་ལ་དགའ་དེ་བདེན་པ་དང། ཁ་མང་གང་ལ་མཐུན་དེ་གྲུབ་མཐའ་སྣང།
ཞེས་གསུངས་པར་གཞི་ན་རྒྱལ་ཁབ་མང་ཆེ་བས་རྒྱ་ཁུངས་རེད་ཟེར་ན་རྒྱ་ཁུངས་དང་མང་ཆེ་བས་བོད་ཁུངས་རེད་ཟེར་ན་བོད་ཁུངས་མིན་འགྲོ་སྙམ། མ་རེད་དམ།

གཅན་བཟོད་རྒྱམ་ལགས། སྐུ་ཉིད་ཀྱིས་དྲ་བྱང་ངོ་སྤྲོད་བྱས་པ་དེར་ཐུགས་ཆེ་ལགས། འདིས་སྔོན་དེར་ང་རང་ཁ་བརྡ་ཚང་དུ་སོང་མོད། རེག་མ་སོང་། ཕྱིར་སླེབས་དུས་འདི་རུ་ཉིད་ཀྱིས་དྲ་བྱང་འདྲེན་བཀོད་བྱས་འདུག་པ་དེར་དགའ་བོ་བྱུང་ལགས།

སྐར་མ་ཁྲི་བཙན་ལགས། སྐོར་ཉུལ་ཞིག་བྱས་དེ་ཕེབས་འདུག རྗེས་སུ་ཕེབས་ནས་བསམ་ཚུལ་རེ་གསུངས་རོགས་ཞུ།

འཇམ་མགོན་ལགས། ཉིད་ཀྱིས་གསུངས་པ་དེ་ཡི་ནང་དུ་དངོས་ནས་གོ་རྒྱུ་མང་བོ་ཞིག་འདུག་ལགས། རེད་དེ། བདག་གི་ད་ལྟ་བཤད་བཞིན་པ་འདི་ནི་བོད་པ་ཚང་ལ་རྒྱལ་དར་དགོས་དང་མི་དགོས་པའི་སྐོར་ཡིན་ལགས། རྒྱལ་དར་དགོས་ན་དགོས་པའི་བསམ་ཚུལ་དང་མི་དགོས་པ་ཡིན་ན་མི་དགོས་པའི་བསམ་ཚུལ་ཞིག་ཞུ་རྒྱུ་དེ་ཡིན་ལགས།

དཀོན་མཆོག་ལགས། ཉིད་ཀྱིས་ཁག་དེ་ལྟར་འདྲི་བ་ཙམ་ལས་རང་ཉིད་ཀྱི་བསམ་ཚུལ་ཐད་ཀར་རྒྱལ་དར་དགོས་དང་མི་དགོས་སྐོར་ལ་བསམ་ཚུལ་ཞིབ་མོ་ཞིག་གསུང་ཐུབ་པ་ཡིན་ན་ཡག་པོ་འདུག་ལགས།

དུག་ཚེར་ལགས། བསམ་ཚུལ་ཞིག་ཅིས་ཀྱང་འབྲི་རོགས་ཞུ།

གཉན་མདང་ཕོ་ཉ་ལགས། བསམ་ཚུལ་རྒྱས་ཙམ་ཞིག་གསུང་རོགས་ཞུ། དེ་ཙམ་གྱི་རྒྱལ་དར་དགོས་དང་མི་དགོས་དེ་མཚོན་ཐུབ་ཀྱི་མི་འདུག་ལགས།

ཁྲ་གླག་སྤྱང་གསུམ་ལགས། སྐུ་ཉིད་ལ་རང་ངོས་ནས་བསམ་ཚུལ་ཞིག་གསུང་རྒྱུ་མེད་དམ་ལགས།

བསེ་རུ་ལགས། ངས་ད་ལྟ་ཞུ་བཞིན་པ་དེ་ནི་བོད་ལ་རྒྱལ་དར་དགོས་མིན་དེ་གླེང་གི་ཡོད་ལགས། དེ་ཡིན་དུས་རྒྱལ་དར་འབྲི་ཐུབ་མིན་སྐོར་ལ་བཀའ་འདྲི་ཞུས་མེད་པ་ཡིན་དུས། སྐུ་ཉིད་ཀྱིས་རྒྱལ་དར་དགོས་མིན་སྐོར་ལ་བསམ་ཚུལ་རེ་གསུང་རོགས་ཞུ་ལགས།

རྨེ་རུ་ལགས། ངས་སྤུན་ཟླ་ཁྱེད་ཅག་ལ་བཀའ་འདྲི་ཞུས་པ་ནི། བོད་ལ་རྒྱལ་དར་དགོས་མིན་གྱི་སྐོར་ཡིན་དུས། དེའི་ཐད་དུ་བསམ་ཚུལ་རེ་གསུང་རོགས་ཞུ་ལགས།

ལྷ་ཆབ་སྤྱིན་པ་ལགས། སྐུ་ཉིད་ཀྱི་ཐུགས་དགོང་ཡིན་ན་བོད་ལ་རྒྱལ་དར་དགོས་དང་མི་དགོས་ལགས། དགོས་ན་དགོས་སྟངས་ཤིག་གསུང་རོགས། མི་དགོས་པ་ཡིན་ན་མི་དགོས་ཚུལ་གྱི་བསམ་ཚུལ་ཞིག་གསུང་རོགས་ཞུ་ལགས།

གཅན་བཟོད་རྒྱམ་ལགས། སྐུ་ཉིད་ཀྱི་རྒྱལ་དར་སྐོར་གང་ཞིག་བྲིས་ཡོད་མེད་དེ་ནི་ད་ལྟ་བདག་གི་མཐོང་མ་སོང་། ཡིན་ཡང་། ང་རང་ད་ལྟ་རང་བལྟ་རུ་འགྲོ་ཆོག འོན་ཀྱང་། ངས་ཞུ་བཞིན་པ་བོད་ལ་རྒྱལ་དར་དགོས་མིན་དེ་ཡིན་དུས། དེའི་སྐོར་ཞིག་གསུང་རོགས་ཞུ་ལགས།

རྒན་འཇམ་མགོན་གྱིས་གསུངས་པ་བདེན་པར་འདུགབོད་ཀྱི་རྒྱལ་གླུ་དང་རྒྱལ་དར་གྱི་འགྲེལ་བཤད་གཏིང་ཟབ་དྲགས་པ་རེད།དེང་སང་རང་རེའི་བཙན་བྱོལ་ནང་དུ་རྒྱལ་དར་ལ་རིན་ཐང་དམན་པོ་འདུག་པ་འདྲ།རྒྱུ་མཚན་ནི་རྒྱལ་དར་ནི་སྣ་ཕྱི་བཞིན་ག་སར་གཡུགས་ཡོད་པའང་མཐོང་སོང་།འདི་གོང་དུ་བཀུར་དགོས་པ་ཞིག་ཡིན།དགྱ་ནག་གིས་ལས་ཁུངས་ཤིག་དང་སློབ་གྲྭ་ལྟ་བུ་མགོ་འཛུགས་སྐབས་རྒྱལ་དར་བསྒྲེང་སྟེ་རྒྱལ་གླུ་ལེན་པར་བཤད་ལ།རྒྱལ་དར་ཞིག་བཙུགས་ཚུན་ཆད་ནས་ར་བ་ཙམ་ལས་མེད་ནའང་ལས་ཁུངས་སམ་སློབ་གྲྭ་རུ་ཆགས་ཚར་བའི་སྣང་བ་འཛིན་གྱི་ཡོད།

“གྲབས”ཚིག་འདི་ཅི་འདྲའི་མཁོ་བ་ལ་ཨང་།

གསོད་གྲབས།
འཆི་གྲབས།
འགྲོ་གྲབས།
སྡོད་གྲབས།
བསྐུར་གྲབས།
འབྲི་གྲབས།
བཤུ་གྲབས།
རྒྱུག་གྲབས།
གཡུག་གྲབས།
ཉལ་གྲབས།
འདི་རིགས་ངས་མི་ཚེ་གཅིག་བྲིས་ཀྱང་ཕལ་ཆེར་རྫོགས་ཀྱི་མེད་པ་འདྲ།

འཇམ་མགོན་གྱིས་གསུང་པ་དེ་ལ་རྒྱུ་མཚན་འདུག འདི་ལ་སྐྱོན་བརྗོད་བྱེད་མཁན་ཚང་མའི་ནང་ནས་འདི་ལ་བསམ་བློ་གཏོང་དགོས་པ་ཞིག་འདུག

ཆ་ཚང་བཀླགས་ཟིན་དུས་ཚོད་ཀྱིས་རྐྱེན་པས་བསམ་འཆར་འབྲི་མ་ཐུབ་ཐལ

བོད། ཤ་ཁྲག་རུས་གསུམ་ལགས། ཉིད་ཀྱིས་འདི་ལྟར་གྲོས་གཞི་ཞིག་གླེང་དུས་ངས་མི་ཤེས་ཀྱང་ཤེས་ཁུལ་བྱས་ནས་ཚིག་འགའ་བཤད་འདོད་འདོད་བྱུང་།
ང་ཚོའི་རྒྱལ་དང་རྒྱལ་གླུ་གཉིས་བརླག་ཉེན་འདུག གང་ལ་ཟེར་ང་ཚོའི་རྒྱལ་གླུ་ནི་དགེ་བཤེས་བཤེས་ཤིག་མིན་ན་ལས་སླ་བའི་ངང་འགྲེལ་བཤད་ཞིག་རྒྱག་མི་ཐུབ་ལ།
དེ་ཉན་མཁན་ཡང་དེ་མཚུངས་ཀྱི་མི་ཞིག་མེད་ན་གོ་བ་ལེན་ཁག སློབ་གྲྭ་བའི་ཚོས་སྤྱིར་བཏང་གི་སྒྲུང་ཞིག་གི་མགོ་སྔ་ཙམ་ཞིག་རྟོགས་རྒྱུ་ལས་ཆོས་དང་འགྲེལ་བའི་འགྲེལ་བ་ཞིག་རྒྱག་དགོས་ཚེ་དོ་སྣང་མེད་ལ།
ཤེས་རྟོགས་མ་ཐུབ་པ་དེ་ལ་དེ་བས་ཀྱང་སུན་སྣང་ཉན་འདོད་མི་བྱེད་པར་ཡུན་གྱིས་རྒྱལ་གླུག་བརླག་ཉེན་འདུག
རྒྱལ་གླུ་ནི་ལོ་ཆུང་བྱིས་པ་དག་གིས་རྟོགས་ཐུབ་པ་དང་གོ་སླ་བ་ཞིག་ཡིན་ན་གཞི་ནས་རྒྱལ་ཞེན་དང་དོ་སྣང་ཅན་ཞིག་འགྱུར་ཐུབ།
ད་དུང་བོད་ཀྱི་རྒྱལ་དར་ཡང་དེ་ལྟ་བུ་ཞིག་འདུག མི་རིགས་གང་ཞིག་གི་སོན་རྩ་རྣམས་རྒྱལ་ཞེན་ཅན་དུ་བསྒྱུར་དགོས་ན་རྒྱལ་དར་དེའི་རི་མི་འབྲི་སླ་བ་དང་།
འབྲི་བདེ་བ་ཞིག་ཡོད་ན་ཚང་མའི་དོ་སྣང་དང་དགའ་མོས་བྱེད་ལ། དེའི་འགྲེལ་བཤད་ཀྱང་གང་སླ་སླ་ཞིག་དང་གང་བདེ་བདེ་ཞིག་ཡིན་ན་བཟང་། ང་ཚོའི་རྒྱལ་དར་ནི་དེ་ལས་ལྡོག་སྟེ་འགྲེལ་ཆོས་ཚིག་དང་བསྟུན་དགོས་ལ། རྒྱལ་དར་ངོས་ཀྱི་རི་མོ་སེང་གེ་གཉིས་ཀྱང་འབྲི་རྒྱུ་ཧ་ཅང་ཁག་པོ་ཞིག་ཡོད་སྟབས་ཕྲུ་གུ་ཚོའི་དེ་ལའང་དོ་སྣང་བྱེད་ཀྱི་མེད།
དེ་བས་འདིའི་འང་བོད་ཀྱི་རྒྱལ་ཞེན་བརླག་ཉེན་འདུག མདོར་བསྡུས་ཙམ་ཡིན་རྗེས་སུ་ཡུན་གྱི་གླེང་བར་བྱ།