དྲ་ཐོག་བགྲོ་གླེང་གི་གསལ་བསྒྲགས།

གུས་པར་འོས་པའི་གསེར་རྟ་ཚུལ་ཁྲིམས་འོད་ཟེར་ལགས།བསམ་ཆར་བྲིས་ས་ནོར་འདུག།ངོ་མ་བསམ་ཆར་བྲིས་ས་ནོར་འདུག།ཁྱེད་རང་གི་ལུང་ལྡན་འདི་ཁྱེད་རང་གིས་ངོ་མ་ཡིན་བསམ་ན་འགྲིགས་འདུག།
གཞན་ལ་ཨུ་ཚུགས་བརྒྱབ་ན་དངོས་ཡོད་གནས་ཚུལ་གྱིས་བཤད་གསལ་བྱེད་ཀྱི་རེད།རྗེས་སུ་ཁྱེད་ཀྱིས་བསམ་ཆར་བྲིས་ས་མི་ནོར་བ་གནང་རོགས།ཁྱེད་རང་དང་ང་ཕོད་ངག་དབང་འཇིགས་མེད་གཉིས་སུས་བོད་མི་རིགས་ལ་ཕན་ཐོགས་ཆེ་བ་བྱས་ཡོད་དམ།

ཆེས་ཤིན་ཏུ་བཀུར་འོས་མཁྱེན་ལྡན་གཟུར་གནས་དྲ་གྲོགས་ལྷན་རྒྱས་ལགས།
ཕྲན་ལ་བྲེལ་ཟིང་ཆེ་སྟབས་མི་ཁོམ་པ་སྣ་དགུས་འཁྱུག་རེ་ཙམ་ལས་བཅར་ཁོམ་མི་འདུག་ན་དགོངས་དག་ཞུ།
གོང་དུ་ཕྲན་གྱིས་དེ་ཡང་རྒྱལ་བ་ཀརྨ་མ་པ་སྐུ་འཕྲེང་ལྔ་བ་ཀརྨ་དེ་བཞིན་གཤེགས་པའི་ལུང་བསྟན་དུ།
བདུད་སྤུལ་བླུན་པོ་ཀོང་ནས་འབྱུང། །
དབུས་དཀྲུགས་དབུས་ཀྱི་ཆབ་སྲིད་འཇིག།
ཅེས་གསུངས་ཡོད་འདུག
ཀོང་ཞེས་པ་དེ་ཀོང་པོའི་ཡུལ་ནས་འབྱུང་བར་ལུང་བསྟན་པ་རེད། ཟེར་ཞེས་བཀོད་ཡོད་པ་ལས་ང་ཕོད་སྐྱེས་ཡུལ་ཀོང་པོ་རེད། ཅེས་ཞུས་མེད།

༡ དྲ་གྲོགས་རེ་ཟུང་གིས་ང་ཕོད་ཀོང་ཡུལ་དུ་མ་སྐྱེས་པའི་ཕྱིར་ཕྲན་གྱིས་ལུང་རྫུན་བཟོས་པ་རེད། ཅེས་དང། ད་ཡིན་ན་ལུང་ཚིག་དེ་རྫུན་མ་རང་ཆགས་སོང་། ཞེས་དང།

༢ གལ་སྲིད་དེ་དག་ལུང་བསྟན་ངོ་མ་ཡིན་ན་ལུང་བསྟན་གསུང་མཁན་ཁོང་ཚོས་མཁྱེན་བཞིན་རྐྱེན་ངན་དེ་ཚོ་ཅིའི་ཕྱིར་སྔོན་དུ་འགོག་ཐབས་མ་གནང་བ་རེད་དམ། ཞེས་དང།
༣ ཡང་རེ་ཟུང་གིས་སྤྱིར་ལུང་བསྟན་ཟེར་བ་དེ་རྩ་བ་ནས་ངོས་ལེན་མེད། ཁྱེད་ཀྱིས་འདི་འདྲའི་ལུང་དྲངས་པ་དེ་དག་བོད་མི་མང་སྤྱི་འཐུས་གྲོས་ཚོགས་ནང་གི་འགན་ཁུར་མེད་པའི་གཏམ་གཤད་དང་གཅིག་མཚུངས་ཡིན་ཕྱིར་ཁྱོད་ངོ་ཚ་གིན་མི་འདུག་གམ། ང་ཚོ་ངོ་ཚ་བཞིན་ཡོད་སྐོར་དང།

༤ ཡང་རེ་ཟུང་གིས་རང་ཉིད་མདོ་སྨད་པ་ཡིན་ཁུལ་གྱིས་ཁྱོད་ཀྱིས་བླ་རྒན་རེས་བཤད་བསྡད་པ་དེ་ཚོར་ཁུངས་བཅོལ་བ་ཁྱོད་རང་གིས་ལྐུག་རྟགས་བླ་མེད་རེད། ཅེས་སོགས་སོ་སོའི་རང་འདོད་ཀྱི་བསམ་འཆར་རེ་ཟུང་བྱུང་བ་དེ་དག་ལ་ཕྲན་གྱིས་ལྟ་ཐུབ་སོང་བས་ཁྱེད་ཚོས་དགོངས་འཆར་གསལ་བོ་གསུངས་བར་ངས་བཀའ་དྲིན་ཆེ་ཞུ་བ་དང་འབྲེལ་ལན་སྙིང་བསྡུས་ཙམ་རེ་འབུལ་འཐུས།

༡ ལན། ལུང་དེ་ཀརྨ་དེ་བཞིན་གཤེགས་པའི་གསུང་ནང་བཞུགས་ཡོད་པ་རེད། རྗེ་ཀརྨ་པ་དེ་བཞིན་གཤེགས་པའི་སྐུ་དུས་སུ་ཁོང་གིས་ལུང་བསྟན་གནང་བ་ཞིག་ཡིན་པ་ལས་ཕྲན་གྱི་རྫུན་བཟོ་བྱས་པ་ཞིག་མིན།

གོང་དུ་ཕྲན་གྱིས་༼༼དེ་ཡང་རྒྱལ་བ་ཀརྨ་མ་པ་སྐུ་འཕྲེང་ལྔ་བ་ཀརྨ་དེ་བཞིན་གཤེགས་པའི་ལུང་བསྟན་དུ།
བདུད་སྤུལ་བླུན་པོ་ཀོང་ནས་འབྱུང། །
དབུས་དཀྲུགས་དབུས་ཀྱི་ཆབ་སྲིད་འཇིག།
ཅེས་གསུངས་ཡོད་འདུག
ཀོང་ཞེས་པ་དེ་ཀོང་པོའི་ཡུལ་ནས་འབྱུང་བར་ལུང་བསྟན་པ་རེད། ཟེར།༽༽
ཞེས་བཤད་པ་ཙམ་ལས་ང་ཕོད་ཀོང་ཡུལ་དུ་སྐྱེས་པ་རེད་ཅེས་བཤད་མེད། གལ་སྲིད་ཡོད་ན་འདི་རེད། ཅེས་སྟོན་རོགས་ཞུ། ང་ཕོད་རང་ཉིད་དང་པོ་ནས་ང་ཕོད་ཁྱིམ་རྒྱུད་དུ་སྐྱེས་པ་མིན་ཡང་ཀོང་ཡུལ་དུ་ང་ཕོད་ཁྱིམ་རྒྱུད་དུ་མག་པར་སོང་བ་ཡིན་པ་ངས་ཤེས་ཀྱིན་ཡོད་ལ་ཀོང་ཡུལ་གྱི་ང་ཕོད་ཁྱིམ་རྒྱུད་ཆེན་པོ་དེར་མག་པར་བསྡད་རྗེས་དེའི་མིང་གནས་རྗེས་འབྲེལ་གྱིས་གཞི་ནས་ས་དབང་ཆེན་མོ་ཆགས་པར་ཤེས་ཀྱིན་ཡོད། ང་ཕོད་ཀྱི་གཞིས་ཀ་ཆ་ཚང་ཀོང་ཡུལ་དུ་ཡོད་པ་ཀུན་ཀྱིས་ལོས་མཁྱེན།
ཀོང་ཡུལ་གྱི་ང་ཕོད་ཟམ་ཆེན་ཟེར་བ་སོགས་སུས་བརྒྱབས་ཕྲན་གྱིས་ཀྱང་ཤེས་ཀྱིན་ཡོད། དེའི་ཕྱིར་གོང་གི་ལུང་དེས་ང་ཕོད་ལུང་གིས་བསྟན་པ་རེད། ཅེས་དབུས་ཕྱོགས་ཀྱི་གནའ་དེང་གཉིས་ལ་རྒྱུས་མངའ་ཆེ་བའི་རྒན་རིམ་པ་ཤེས་ལྡན་མི་སྣ་གང་མང་གིས་གསུང་གིན་འདུག
དེའི་ཕྱིར་ད་དུང་ལུང་ཚིག་དེ་རྫུན་མ་ཆགས་སོང་བ་རེད། ཅེས་རང་འདོད་ཀྱི་ཕྱོགས་ལྷུང་ཅན་གྱི་བསམ་ཚུལ་ཉིན་གྲངས་བརྒྱ་ཕྲག་ལ་ཁྱབ་བསྒྲགས་བྱས་ཀྱང་དེ་ཙམ་གྱིས་ཅི་ཡང་ཕན་མ་སོང་བས་དབུས་ཕྱོགས་རྒན་རིམ་པས་གསུངས་པ་ལྟར་སོ་ན་གནས་མིན་ལ་ཕྲན་གྱིས་ཞིབ་སྐབས་བརྒྱ་ཆ་༩༨དེ་ག་རང་ཡིན་ས་རེད། སྙམ་པ་ཞིག་བྱུང་སོང་བས་ཁྱེད་ཀྱིས་ཀྱང་ད་དུང་ཞིབ་འཇུག་གནོངས་ཤིག་ཞུ་རྒྱུ་ཡིན།

༢ ལན།

ལུང་བསྟན་གནང་མཁན་ཚོས་འབྱུང་འགྱུར་ཚབས་ཆེའི་ཉེན་ཁ་སྔོན་འགོགས་ཆེད་ལུང་གིས་བསྟན་གནང་བ་རེད། དཔེར་ན་སློབ་དཔོན་རིན་པོ་ཆེས། རང་གིས་རང་ཉིད་མ་བསླུ་རྗེ་འབངས་རྣམས། །ཞེས་བོད་ནས་ཕྱིར་ཁེབས་ཁར་བོད་རྗེ་འབངས་ལ་འབྱུང་འགྱུར་རྐྱེན་ངན་གོད་ཆགས་རིགས་སྔོན་འགོག་གི་ཐབས་ལམ་ཡག་ཤོས་དེ་བསྟན་པ་ལྟ་བུ་རེད།

༣ ལན།

ལུང་བསྟན་དང་མཁྱེན་པ་སོགས་རྩ་བ་ནས་ཁས་མ་བླངས་ཀྱང་སོ་སོར་རང་དབང་ཆ་ཚང་ཡོད་རེད།
འོན་ཀྱང་ལུང་བསྟན་ཚང་མ་རྫུན་མ་རང་ཨེ་འགྲུབ་སྙམ།
དཔེར་ན། སློབ་དཔོན་ཆེན་པོས།

སྤྱི་གཅེས་དཀོན་མཆོག་མི་རོ་བཞིན་ཏུ་བོར།།
དགོས་གཅེས་ཕ་མ་གྲི་མདུང་རྩེ་ལ་བསྐྱོན།།
སྤྱོད་ངན་རང་གིས་བྱས་ནས་དུས་ངན་ཟེར།།
དུས་ནི་མི་འགྱུར་མི་རྣམས་འགྱུར་བ་ཡིན། །
ཞེས་དང།

མི་ལོ་བཅོ་བརྒྱད་བར་དུ་བརྟན་པར་འགྱུར།།

ཞེས་གསུངས་པ་སོགས་རང་རེས་མཐོང་བཞིན་པ་དེ་དག་ཚང་མ་རྫུན་མ་རེད། ཅེས་ཕྲན་གྱིས་ཞུ་ནུས་མ་སོང་ཡང་ཅིག་བྱས་ན་ཕྲན་རྨོངས་དད་ཆེ་བས་དེ་ཡང་ལྐུག་རྟགས་བསྟན་པ་ཡིན་ཤས་ཆེ།

དེ་བཞིན་བོད་མི་མང་སྤྱི་འཐུས་གྲོས་ཚོགས་ནང་འགན་ཁུར་མེད་པའི་གཏམ་བཤད་སུ་ཞིག་གིས་གནང་གིན་འདུག་གམ། གལ་སྲིད་དེ་ལྟར་གནང་མཁན་ཤེས་ཀྱིན་ཡོད་ན་ངེས་པར་མི་མང་གིས་འགན་བཞེས་ནས་འཁྱོག་པོ་ཡོ་བསྲེངས་བྱེད་དགོས་ངེས་རེད། གྲོས་ཚོགས་ནི་མང་ཚོགས་ལ་བརྟེན་ནས་བྱུང་བ་རེད་ལ་དེ་གང་ཞིག་བྱེད་མིན་གྱི་དབང་ཚད་ཆ་ཚང་མི་མང་རང་ཉིད་ལ་ཡོད་ཕྱིར་བོད་སྣོད་བཅུད་ཆགས་འཇིག་གི་དུས་ཚོད་ཉག་ཕྲའི་སྐབས་འདིར་རང་རེའི་ཤེས་ལྡན་པ་ཚོས་ལས་འགུལ་གྱི་སྣེ་ཁྲིད་དེ། ངེས་པར་འགན་ལེན་དགོས་ངེས་རེད་ལ་དེ་ལྟར་གནང་རོགས་ཞུ། ཞེས་འབོད་སྐུལ་ཞུ་གིན་ཡོད་ལགས། དེ་མིན་ངོ་ཚ་བསྡད་པས་ཅི་ཕན།

༤ ལན།

མཁས་གྲུབ་གསེར་རིའི་འཕྲེང་བ་ལྟ་བུའི་རྗེ་ཀརྨ་པ་རིམ་བྱོན་སྤྱི་དང། ལྷག་ཏུ་ཀརྨ་དེ་བཞིན་གཤེགས་པ་ལྟ་བུའི་སྐྱེས་ཆེན་ཚོའི་རྡོ་རྗེའི་བཀའི་ལུང་བསྟན་ལ་ཁུངས་གཏུག གནའ་དེང་གཉིས་ཀྱི་ལོ་རྒྱུས་ལ་རྒྱུས་མངའ་ཆེ་བའི་ཤེས་ལྡན་རྒན་རིམ་པའི་ཉམས་སུ་མྱོང་སྟོབས་ཀྱི་འཇིག་རྟེན་གྲགས་ཚོད་ཀྱི་ཀུན་རྫོབ་ཀྱི་རྣམ་བཞག་མ་བརླགས་པར་རང་ཉིད་ཀྱི་བསམ་ཚུལ་བཤད་རྒྱུ་བྱུང་བ་འདི་ཕྲན་གྱིས་རང་ཉིད་སྐལ་བ་བཟང་པོ་ཡིན་པར་ངོས་འཛིན་བཞིན་ཡོད་པ་ལས་རང་གི་ལྐུག་རྟགས་སུ་ངོས་འཛིན་ཞུ་དགོས་མ་མཆིས་པས་འབྲེལ་ཡོད་ཚོ་ངོ་ཚ་དགོས་དོན་གང་ཡང་མེད་ལགས། ང་ཕོད་ཀྱིས་བོད་དུ་ཛ་དྲག་ཚབ་ཆེའི་སྐབས་ལྷ་ཀླུ་དང་མཉམ་ལས་མ་གནང་བར་མི་འཇོན་འཇོན་མདོག་བྱས་པ་དེས་གང་ཞིག་མཚོན་ཡོད་དམ།

ང་ཕོད་ཀྱིས་མགོ་ཚེས་གཅིག་ནས་མཇུག་གནམ་གང་བར་དུ་འཆུག་ས་གཙོ་བོ་དེ་ཕྱི་ལོ་༡༩༥༠ལོར་མདོ་སྤྱི་གནང་སྐབས་ནས་མ་བྱུང་བ་ཡིན་པར་ཕྲན་གྱིས་ངོས་འཛིན་ཞུ་རྒྱུ་ཡིན།
དེ་ཡང་དཔལ་ལྡན་སྐུ་སྒེར་ཡིག་ཚང་གི་བཀའ་འབྲེལ་བཞིན་བོད་གཞུང་ཤེས་རིག་པར་ཁང་གིས་ཕྱི་ལོ་༢༠༠༤ལོར་དཔར་བའི་༧གོང་ས་མཆོག་གི་མཛད་རྣམ་ལེའུ་ལྔ་པ། བཙན་འཛུལ། ཞེས་པའི་སྐབས་ཀྱི་ཤོག་གྲངས་༡༠༥བའི་སྒང་ནས་མར་བརྩིས་པའི་ཐིག་འཕྲེང་༩པར།

༡༩༥༠ལོར་ཞབས་པད་ལྷ་ཀླུ་བ་བོད་ཤར་ཕྱོགས་སྤྱི་ཁྱབ་པའི་ལོ་དུས་རྫོགས་ཤིང་། གནས་ཚུལ་ཛ་དྲག་ཅན་དེ་འདྲའི་སྐབས་ལྷ་ཀླུའི་ཚབ་ཏུ་ཞབས་པད་ང་ཕོད་ངག་དབང་འཇིགས་མེད་བཏང་སྟེ་ང་ཕོད་ལྷ་ས་ནས་བོད་ཤར་ཕྱོགས་སུ་ཐོན་པ་དང། བཀའ་ཤག་ནས་གནས་ཚུལ་ཛ་དྲག་ཅན་ལ་བརྟེན་ལྷ་ཀླུ་ཡང་ང་ཕོད་དང་ཁུར་མཉམ་ལེན་གྱིས་སྡོད་དགོས་གནས་ཚུལ་བཏང་ཞིང། རིང་པོར་མ་སོང་བར་ང་ཕོད་ནས་འགན་འཁུར་ཚང་མ་ཐུབ་ཚུལ་བརྗོད་པར་བརྟེན་ལྷ་ཀླུ་ཕྱིར་ལོག་བྱས། དེ་རྗེས་ང་ཚོར་བརྡ་སྤྲོད་གང་ཡང་མ་བྱས་པར་གློ་བུར་ཞིག་ལ་རྒྱ་དམར་གྱི་དཔུང་དམག་བོད་དུ་བཙན་འཛུལ་བྱས་པ་རེད། ཅེས་གསུངས་འདུག་པས་དོན་གྱི་བདག་པོས་བསྡོམས་ཆ་ཚང་བརྒྱབ་མི་འདུག་གམ།

ཤེས་ལྡན་དྲ་གྲོགས་ཚོས་གཟིགས་དང་ད་དུང་རང་རེ་རྣམས་ཆེས་བློ་ཕམ་སྐྱེ་གཞི་མདོ་སྤྱི་ལྷ་ཀླུས་སྐབས་རྒྱ་དམག་འགོག་ཆེད་ལས་འཆར་གང་ཞིག་བཀོད་བསྒྲིགས་ཀྱིས་བོད་གཞུང་ལ་སྙན་ཞུ་ཕུལ་མིན་དང། གལ་ཆེའི་དུས་སྐབས་དེར་བོད་གཞུང་བཀའ་ཤག་གིས་གཡས་ཁག་གཡོན་དཀྲིའི་བཀའ་ལན་གང་ཞིག་བསྩལ་འབྱོར་གནང་མིན་དང། དེར་བརྟེན་ཞབས་པད་ལྷ་ཀླུས་གཡུལ་འཁྲུགས་ཀྱི་འཆར་འགོད་ཕྱིར་འཐེན་བྱེད་དགོས་བྱུང་རབས་དང། དེ་རྗེས་ང་ཕོད་མདོ་སྤྱིར་ཕེབས་ནས་གང་ཞིག་བྱས་རབས་སོགས་བོད་ཀྱི་སྲིད་དོན་རྒྱལ་རབས་སྨད་ཆའི་ཤོག་ངོས་༤༣༠ཐམ་པའི་སྒང་ནས་མར་བརྩིས་པའི་ཐིག་ཕྲེང་༡༡པ་ནས་མར་རིམ་བཞིན་ཤོག་ངོས་གཉིས་ཙམ་གཟིགས་དང་དབུས་པ་ཚོས་གོང་གི་ལུང་བསྟན་དེས་ང་ཕོད་བསྟན་པ་རེད། ཅེས་དང། སྐབས་དེའི་དབུས་པའི་དམངས་གཞས་སུ་ཡོངས་གྲགས་ལ། ང་ཕོད་ངར་ནས་ཕྱིན་སོང་།། ཆབ་མདོ་བསྐྱལ་ནས་སླེབས་བྱུང།། ཆབ་མདོའི་གོ་མཛོད་ནང་ལ།། སྐྱག་པའི་དྲི་མ་ཁ་སོང།།
ཞེས་པ་དེ་ཚོའི་ཚིག་རེ་རེ་བཞིན་དངོས་ཡོད་དོན་དག་གལ་ཆེན་རེ་ཡོད་ཚོད་འདུག་པ་ལས་དེ་དག་རྒྱུ་མཚན་རྩ་ནས་མེད་པ་ཞིག་ཨེ་ཡིན་སྙམ་པ་མི་འདུག་གམ། འོན་ཀྱང་གོང་ཞུས་ལྟར་ཕྲན་རང་ཉིད་ལ་ང་ཕོད་ལྷ་འདྲེ་གང་ཡིན་ཁྱད་པར་གང་ཡང་མེད། ལྷག་ཏུ་བོད་སྤྱི་དོན་ལ་ཕན་ཐོགས་མཁན་ཞིག་ཡིན་ཚེ་བདུད་ཡིན་ཡང་ང་ཚོས་ལྷ་བཞིན་བཀུར་བར་འོས་པར་སྙམ།།དེའི་ཕྱིར་ང་ཕོད་གྲོངས་པར་ཕྲན་གྱིས་མྱ་ངན་ཞུ་ཐུབ་མ་སོང་ལ་ཁོང་གི་མཛད་རྗེས་ལ་རྗེས་དྲན་ཞུས་པ་ནི་གོང་གསལ་ལྟར་ཡིན་ནོ།།

དེ་ནི་ཕལ་ཆེར་སང་གི་ཉིན་གང་པོར་ཡིན་རྒྱུ་རེད།

བརྩེ་བའི་དྲ་གྲོགས་དག་གི་བསམ་ཚུལ་ལམ་སྟོན་དུ་རུང་བ་ཁ་ཤས་གསུང་འདུག་པར་ང་ཚོས་སེམས་གཏིང་ནས་ཐུགས་རྗེ་ཆེ་ཞུ་བ་དང་མཉམ་དུ་སང་ཉིན་ཕེབས་པར་བསྒུག་གི་ཡིན།

དང་ཐོག་ངས་བརྗོད་གཞི་ཁག་གསུམ་ལ་བགྲོ་གླེང་བྱེད་དེ་པཎ་ཆེན་རིན་པོ་ཆེ་མཆོག་རྗེས་དྲན་གནང་བར་དགའ་བསུ་དང་འཚམས་འདྲི་སླད་མེད་ཡོད།
དེ་དང་དྲ་གྲོགས་འགས་བགྲོ་གླེང་བྱེད་ཡུལ་གྱི་ས་གནས་སྐོར་བསམ་ཚུལ་མང་པོ་བྲིས་འདུག་ རེད་དེ་ ངས་བལྟས་ན་ས་གནས་གང་དུ་གྲ་སྒྲིགས་བྱེད་ཀྱང་གཙོ་བོ་གོང་བཀོད་ཀྱི་བརྗོད་གཞི་གསུམ་ལ་དཔྱད་ཞིབ་དང་གོ་བསྡུ་ནན་ཏན་བྱེད་དེ་སྤྱན་མིག་ཆུང་བ་ཚོས་སྔར་ཤེས་རྟོགས་མེད་པའི་རླབས་ཆེའི་མཛད་འཕྲིན་ཇི་ཡོད་རིམ་བཞིན་ཁ་བརྡ་དང་འཛུབ་སྟོན་ལམ་ནས་གོ་སྟོབས་སྤེལ་དགོས་རྒྱུ་དང་།
བཀུར་འོས་པཎ་ཆེན་རིན་པོ་ཆེས་ཤུལ་བཞག་གི་མཛད་རྗེས་དག་ ད་ལྟར་ང་ཚོས་གཅེས་སྐྱོང་སྤེལ་གསུམ་གང་དགོས་དང་ མ་འོངས་མི་རབས་རྗེས་མ་ཚོའི་ཕྱག་ཏུ་ཉམས་མེད་ཇི་ལྟར་འབུལ་ཚུལ་སྐོར་ཁ་གསལ་གོ་བདེའི་ལམ་སྟོན་རེ་གནང་དགོས་པ་ནི་ སྐབས་འདིའི་ལས་འགན་གཙོ་ཆེ་ཞིག་ཡིན་པ་སེམས།
དེས་ན་ང་ཚོས་འདིའི་གནད་དོན་ཇི་ཡིན་སྐོར་བསམ་ཞིབ་ཡང་ཡང་གནང་རོགས་
བདེ་མོ་བྱས་
སང་ཉིན་མཇལ་ཡོང་།

དང་ཐོག་ངས་བརྗོད་གཞི་ཁག་གསུམ་ལ་བགྲོ་གླེང་བྱེད་དེ་པཎ་ཆེན་རིན་པོ་ཆེ་མཆོག་རྗེས་དྲན་གནང་བར་དགའ་བསུ་དང་འཚམས་འདྲི་སླད་མེད་ཡོད།
དེ་དང་དྲ་གྲོགས་འགས་བགྲོ་གླེང་བྱེད་ཡུལ་གྱི་ས་གནས་སྐོར་བསམ་ཚུལ་མང་པོ་བྲིས་འདུག་ རེད་དེ་ ངས་བལྟས་ན་ས་གནས་གང་དུ་གྲ་སྒྲིགས་བྱེད་ཀྱང་གཙོ་བོ་གོང་བཀོད་ཀྱི་བརྗོད་གཞི་གསུམ་ལ་དཔྱད་ཞིབ་དང་གོ་བསྡུ་ནན་ཏན་བྱེད་དེ་སྤྱན་མིག་ཆུང་བ་ཚོས་སྔར་ཤེས་རྟོགས་མེད་པའི་རླབས་ཆེའི་མཛད་འཕྲིན་ཇི་ཡོད་རིམ་བཞིན་ཁ་བརྡ་དང་འཛུབ་སྟོན་ལམ་ནས་གོ་སྟོབས་སྤེལ་དགོས་རྒྱུ་དང་།
བཀུར་འོས་པཎ་ཆེན་རིན་པོ་ཆེས་ཤུལ་བཞག་གི་མཛད་རྗེས་དག་ ད་ལྟར་ང་ཚོས་གཅེས་སྐྱོང་སྤེལ་གསུམ་གང་དགོས་དང་ མ་འོངས་མི་རབས་རྗེས་མ་ཚོའི་ཕྱག་ཏུ་ཉམས་མེད་ཇི་ལྟར་འབུལ་ཚུལ་སྐོར་ཁ་གསལ་གོ་བདེའི་ལམ་སྟོན་རེ་གནང་དགོས་པ་ནི་ སྐབས་འདིའི་ལས་འགན་གཙོ་ཆེ་ཞིག་ཡིན་པ་སེམས།
དེས་ན་ང་ཚོས་འདིའི་གནད་དོན་ཇི་ཡིན་སྐོར་བསམ་ཞིབ་ཡང་ཡང་གནང་རོགས་
བདེ་མོ་བྱས་
སང་ཉིན་མཇལ་ཡོང་།

དྲ་གྲོགས་སྟོབས་ལགས་ཀྱིས་བསམ་ཚུལ་ལྷུག་པོ་བཤད་པ་དྲ་གྲོགས་ཚང་མས་གོ་སོང་ངམ། སང་ཉིན་ཁོང་ལ་མཛད་བྲེལ་མང་བ་དང་ང་ཚོའི་བཀོད་སྒྲིག་འཆར་གཞིས་འདོད་པ་ཚིམས་ནས་བགྲོ་གླེང་འཚོགས་ཡུལ་སྔར་མུས་བཞག་ན་འགྲིག་པར་གསུངས་འདུག ཡིན་ནའང། མཉམ་ཞུགས་ཀྱི་འདོད་པ་ཆེན་པོ་ཡོད་པར་ཁས་བླངས་པ་ལ་བཀོད་སྒྲིག་པ་ང་ཚོ་དགའ་ཡོད།

ཚེ་རིང་སྐྱིེད་ཀྱི་བསམ་ཕྱོགས་ལ་རྒྱབ་སྐྱོར་ཡོད་ལ། དེ་མིན་དང་ཐོག་ནས་གཙོ་སྐྱོང་བ་རྣམ་པའི་ཐུགས་སྣང་ཆེན་པོའི་སྒོ་ནས། བཏང་འཛིན་དང་མཐའ་སྡོམ་གནད་ལ་འཁེལ་བ་རེ་རྒྱག་རྒྱུའི་རེ་འདུན་ཞུ། གཞན་ཡང་མཉམ་ཞུགས་གནང་མཁན་རྣམ་པའི་ངོས་ནས་ཀྱང་། བརྗོད་གཞི་དང་འབྲེལ་བ་ཡོད་པའི་སྒོ་ནས་དཔྱད་གཞིགས་ཀྱིས། དགོངས་ཚུལ་དང་བསམ་སྟངས་ཅི་བས་ཀྱང་མང་པོ་སྤེལ་ཕྱོགས་ལ་ཐུགས་ཉམས་བཞེས་རྒྱུ། ལྷག་པར་དུ་ང་རང་ལ་ཆུ་ཚོད་ཀྱིས་འཁོམ་ལོངས་བྱུང་ན། འགན་ལེན་མཉམ་འཁུར་བྱེད་རྒྱུའི་འདུན་པ་ཆེའོ།།

ཟིན་བྲིས་ཁག་གསུན་གྱི་ནང་དུ་བརྗོད་གཞི་སྤེལ་ན་སྐོར་སོ་སོར་ཆགས་འགྲོ་གིན་མ་རེད་དམ། འཚོགས་ཡུལ་གཅིག་བྱེད་ན་གང་འདྲ་འདུག

ཨ་ཁ་དེ་རིང་མ་ཏོག་མཐོང་མ་སོང་ཡིན་ན་ཡང་སང་ཉིན་ངེས་པར་དུ་ང་རང་ཡང་འཛུལ་ཞུག་ཐུབ་ན་ཇི་འདྲའི་སྐལ་བ་བཟང་།

དྲ་གྲོགས་ལྷན་རྒྱས་ལགས།
འདི་གར་མཚམས་སྦྱོར་གྱི་ཚུལ་དུ་ཞུ་རྒྱུ་ལ།
གདན་ས་བཀྲ་ཤིས་ལྷུན་པོའི་༸པཎ་ཆེན་ཨེར་ཏེ་ནི་ཞབས་ཞུ་ཁང་གིས་འདི་ལོ་༸པཎ་ཆེན་རིན་པོ་ཆེ་སྐུ་ཕྲེང་བཅུ་པ་སྐུ་གཤེགས
ནས་མི་ལོ་ཉི་ཤུ་བའི་རྗེས་དྲན་ཆེད
༸གོང་ས་མཆོག་དབུ་བཞུགས་ཀྱིས་རྗེས་དྲན་མཛད་སྒོ་དང།་གནང་རྒྱུ་དང།
༸པཎ་ཆེན་ཨེར་ཏེ་ནི་གླེང་བ་ཞེས་པའི་ཆེད་རྩོམ་དང།
༸པཎ་ཆེན་སྐུ་ཕྲེང་བཅུ་པའི་རྟོགས་བརྗོད་
༸པཎ་ཆེན་སྐུ་ཕྲེང་བཅུ་པའི་མཛད་རྣམ་དབུ་འབྱེད་གནང་རྒྱུ་རེད།
ཚེས་ཉེར་བདུན་ཉིོན་ནས་ཉིན་ལྔའི་རིང་༸པཎ་ཆེན་རིན་པོ་ཆེ་དང་འབྲེལ་བའི་གོས་ཐང་རྙིང་པ་དང།་
༸པཎ་ཆེན་བཅུ་པ་ཆེན་པོའི་སྐུ་པར་འདྲ་མིན་གྲངས་ཉིས་བརྒྱ་ལྷག་གི་འགྲམེ་སྟོན་ཞིག་ཐེག་ཆེན་གཙུག་ལག་ཁང
གི་ཉེ་འགྲམ་དུ་གནང་རྒྱུ་རེད།
དོན་གཉེར་ཅན་ཚོས་ངེས་པར་དུ་གཟིགས་པ་ཕེབས་དང་༸པཎ་ཆེན་སྐུ་ཕྲེང་བཅུ་པའི་སྐུ་པར་འགའ་ཞིག་ནི་ཁྱེད་རྣམ་པས་རྩ་བ་ནས་
མཐོང་མྱོང་མེད་པའི་་ཁ་ཚོན་བཅོད་ཐུབ།
དངོས་གནས་ལོ་རྒྱུས་ཀྱི་རིན་ཐང་ཆེན་པོ་ལྡན་འདུག

དྲ་གྲོགས་རྣམ་པ་དགོངས་དག
༸པཎ་ཆེན་སྐུ་ཕྲེང་བཅུ་པ་སྐུ་མྱ་ངན་ལས་འདས་ེ་མི་ལོ་ཉི་ཤུ་འཁོར་བའི་རྗེས་དྲན་གྲ་སྒྲིག་དང་༸གོང་ས་མཆོག་ལ་བརྟན་བཞུགས་
འབུལ་རྒྱུའི་ལས་འབྲེལ་གྱི་རྐྱེན་པས་ཉིན་ཤས་ཟིན་བྲིས་ནང་ཞུགས་ཐུབ་མ་སོང།་
དེ་རིང་གཞུང་དོན་གྱི་བཀའ་ཤག་ལ་བཅར་སྐབས་ཀྱི་ལམ་ཞོར་དུ་དྲ་གྲོགས་བོན་རྒྱ་ལགས་ནས་ཞལ་པར་འབྱོར་བ་དང་
གནས་ཚུལ་དེའི་སྐོར་གསུང་བྱུང།
ལས་འབྲེལ་གྱི་རྐྱེན་པས་རྗེས་སུ་ཞལ་པར་ཕུལ་ཆོག་ཞུས་པ་ཡིན།
ཞིབ་ཕྲའི་བཀའ་མོལ་སྐབས་ངེས་པར་དུ་དྲ་ཚིགས་ལ་བལྟ་དགོས་པའི་སྐུལ་མ་གནང་བ་ལྟར་ལྟ་སྐབས་ཁྱེད་རྣམ་པས་དོ་
ཁུར་ཆེ་བཞེས་ཀྱི་བསམ་ཚུལ་ཇི་སྙེད་གནང་འདུག་པ་ཐུགས་རྗེ་ཆེ།
སང་ཉིན་ལས་འབྲེལ་ཆེ་ཡང་ངེས་པར་དུ་མཉམ་ཞུགས་ཐུབ་པའི་འབད་བརྩོན་ཞུ་རྒྱུ་ཡིན།
བོན་རྒྱ་ལ་རྗེས་སུ་ཞལ་པར་ཐོག་འའབྲེལ་བ་ཞུས་ཆོག་པ།

དྲ་གྲོགས་ཚོའི་བསམ་ཚུལ་ལ་དགའ་བསུ་ཡོད་མོད། སྟོབས་ལགས་སུ་སྔ་ཕྱིར་འབྲེལ་བ་ཐེངས་ཁ་ཤས་བྱས་ན་ཡང་ཁོང་ལ་དམིགས་བསལ་གྱི་གྲ་སྒྲིག་གང་ཡང་མི་འདུག ཁོང་གིས་ང་ཚོའི་གསལ་བསྒྲགས་འདི་དག་མཐོང་ཡང་མི་འདུག་ལ་གལ་སྲིད་ཁོང་གིས་ལོ་མང་རིང་ཞིབ་འཇུག་གནང་བའི་རྩོམ་གསར་དང་གཏམ་གསར་ཅི་ཡོད་ལ་ང་ཚོས་རེ་བས་བསྒུག་ཡོད། སང་ཉིན་ང་ཚོར་འདི་འདྲའི་ཉམས་ཞིབ་པ་མང་བོ་ཞིག་ཡོད་ན་ཅི་མ་རུང་། སྟོབས་ལགས་གཙོས་པའི་དྲ་གྲོགས་ཚོ་སང་ཉིན་གྱི་བགྲོ་གླེང་དུ་ཕེབས་པར་དགའ་བསུ་ཞུ།

གུས་པར་འོས་པའི་དྲ་གྲོགས་གསུམ་གྱིས་ཀུན་གཟིགས་པཎ་ཆེན་སྐུ་ཕྲེང་བཅུ་པ་མཆོག་གི་མཛད་འཕྲིན་སྐོར་ལ་བགྲོ་གླེང་གོ་སྒྲིག་གནང་བར་ཐུགས་རྗེ་ཆེ་ཞུ་རྒྱུ་ཡིན།
བརྗོད་གཞི་ཁག་བགོད་བྱས་པ་འདི་དག་ཀྱང་ཧ་ཅང་གི་ལེགས་པོ་གནང་འདུག།གོང་དུ་དྲ་གྲོགས་དབུ་ཕྲུག་ལགས་ཀྱིས་གསུངས་པ་བཞིན་དུ་པཎ་ཆེན་ཞབས་ཞུ་ལས་དོན་བསྟེ་ཁང་གི་ཉམས་ཞིབ་པ་གཙང་ཕྲུག་སྟོབས་ལགས་ཀྱི་ཟིན་བྲིས་སུ་གོ་སྒྲིག་གནང་བདེ་ཡོད་ན་ཡག་པོ་འདུག་སྙམ།
གང་ཡིན་བརྗོད་ན་གཙང་ཕྲུག་སྟོབས་ལགས་ནི་དམིགས་བསལ་གྱི་པཎ་ཆེན་སྐུ་ཕྲེང་བཅུ་པ་མཆོག་གི་མཛད་འཕྲིན་སྐོར་ལ་ཉམས་ཞིབ་གནང་ནས་མི་ལོ་ལྔ་དྲུག་ཞིག་འདས་ཡོད།ཁངོ་གི་་ལས་ཁུངས་འདི་ནས་ཀུན་གཟིགས་མཆོག་གི་མཛད་འཕྲིན་སྐོར་གྱི་ཡིག་ཆ་དང་པར་རིས་གཟུགས་མཐོང་བརྙན་འཕྲིན་སོགས་མང་པོ་འཚོ་བསྡུ་གནང་བཞིན་ཡོད།
དེར་བརྟེན་ང་ཚོས་མ་ཐོས་པ་དང་མ་མཐོང་པ་མང་པོ་ཞིག་ཁངོ་ལ་ཡོད་ངེས།ལྷག་པར་དུ་གཙང་ཕྲུག་སྟོབས་ལགས་སྒེར་ངོས་ནས་ཀུན་གཟིགས་བཅུ་པ་མཆོག་གི་སྐོར་ལ་དེབ་གཅིག་ཀྱང་བྲིས་ཡོད་པ་གོ་་ཐོས་བྱུང།གཙང་ཕྲུག་ལགས་དེང་སང་བརྟན་བཞུགས་ཀྱི་གོ་སྒྲིག་བྱེད་ཀྱི་ཡོད་སྟབས་ལས་བྲེལ་ཡང་ཡོད་སྲིད།གལ་ཏེ་ཁངོ་ཁོམ་པ་མེད་ན་ཐབས་ཤེས་ཅི་ཡོད།
ཁྱེད་རྣམས་ཀྱིས་ཁོང་འབྲེལ་ཞུ་ཡོད་སྲིད་གལ་ཏེ་ཁོང་གི་ཟིན་བྲིས་ནང་བྱུང་ན་ཡག་པོ་འདུག་སྙམ།བགྲོ་གླེང་ཕྱག་ཚོད་ག་དུས་དབུ་བཙུགས་ཞུ་ཡི་ཡོད་དམ།

དྲ་ཐོག་བགྲོ་གླེང་ཐེངས་གཉིས་པའི་བརྗོད་གཞི་རྣམས་འདི་ལྟར་ཁག་བགོས་བྱས་ཡོད།
བརྗོད་གཞི་དང་པོ། (བོད་འབངས་སྡུག་བསྔལ་ལས་སྐྱོབས་པའི་འབོད་སྒྲ་ཡིག་འབྲུ་ཁྲི་བདུན་གྱི་སྙན་ཞུ་དང་འབྲེལ་ནས་ཀུན་གཟིགས་པཎ་ཆེན་རིན་པོ་ཆེ་གླེང་བ་)ཞེས་པ་བོན་རྒྱ་བསྟན་འཛིན་རབ་རྒྱས་ཀྱི་<< གྲྭ་སྨྱོན་བསྟན་རབ་ཀྱི་སྦྲ་རྒན་ནག་ལྡང་>>ཞེས་པའི་བོད་ཀྱི་དུས་བབ་ཟིན་བྲིས་ནང་བགྲོ་གླེང་བྱེད་རྒྱུ།
བརྗོད་གཞི་གཉིས་པ། (རྒྱ་ནག་རང་སྐྱོང་བཅའ་ཁྲིམས་བསྟུན་ནས་བོད་མི་རིགས་ཀྱི་སྐད་ཡིག་གོམས་སྲོལ་དང་བཅས་པ་རྒྱུན་འཛིན་དར་རྒྱས་གཏོང་ཐད་ལ་བཞག་པའི་བླ་མེད་མཛད་རྗེས་དང་འབྲེལ་ནས་ཀུན་གཟིགས་པཎ་ཆེན་རིན་པོ་ཆེ་གླེང་བ་)ཞེས་པ་རས་པའི་<<ཁེར་རྐྱང་གི་འགྲུལ་བཞུད་>>ཅེས་པའི་བོད་ཀྱི་དུས་བབ་ཟིན་བྲིས་ནང་བགྲོ་གླེང་བྱེད་རྒྱུ།
བརྗོད་གཞི་གསུམ་པ། (ཀུན་གཟིགས་པཎ་ཆེན་རིན་པོ་ཆེ་གཤེགས་ནས་ལོ་འཁོར་ཉི་ཤུ་འཁོར་བར་སྒྱུ་རྩལ་རྩོམ་རིག་གི་ལམ་ནས་རྗེས་དྲན་ཞུ་བ་)ཞེས་པ་གཉན་པོའི<<གཉན་པོའི་སེམས་ལྗོངས་>>ཞེས་པའི་བོད་ཀྱི་དུས་བབ་དྲ་བའི་ཟིན་བྲིས་ནང་བགྲོ་གླེང་བྱེད་རྒྱུ།

ཨོ་ཡ། དབུས་ཕྲུག་ལགས་ཐུགས་རྗེ་ཆེ།

༩༨༡༦༢༢༦༥༧༧ ཨ་ཁུ་བོན་རྒྱ་ལགས། ཁོང་གི་འབྲེལ་གཏུགས་ཁ་པར་ཨང་འདི་རེད། ཕལ་ཆེར་ཁོང་གཅིག་བྱས་ན་གཏན་བཞུགས་ཀྱི་ལས་བྲེལ་ངེས་རེད། གང་ལྟར་འབྲེལ་གཏུགས་ཤིག་བྱེད་ཐུབ་ན་ཡག་པོ་འདུག

སྔོན་ལ་༼ བྱང་བདག་རིག་ལྡན། ༽ ཟིན་བྲིས་ཀྱི་བདག་པོ་གཙང་ཕྲུག་སྟོབས་ལགས་ལ་བཀའ་འདྲི་ཞིག་ཞུས་དང་། གོང་གི་དྲ་གྲོགས་ཚོའི་རྩོད་གླེང་རང་འགགས་སུ་བུད་འགྲོ་བ་རེད།

གནས་ཚུལ་ལ་གོ་འཛོལ་ཤོར་མི་ཉན། ཐེངས་འདིའི་བགྲོ་གླེང་གནང་ཡུལ། མ་འདྲིས་པའི་མཛའ་བཤེས་སྙན་ངག་པ་རས་པ་དང་གཉན་པོ། ཨ་ཁུ་བོན་རྒྱ་གསུམ་ལ་ཡིད་ཆེས་མེད་པ་མ་རེད། ཡིན་ནའང་མི་ཞིག་ཆེད་དུ་གཉེར་ནས་ལོ་ནས་ལོ་བསྟུན་ཉམས་ཞིབ་བྱས་ནས་བསྡད་ཡོད་དུས། བགྲོ་གླེང་བ་མང་པོས་གསན་མ་མྱོང་བའི་གནས་ཚུལ་དམིགས་བསལ་བ་འགའ་བཤད་རྒྱུ་ཡོད་པར་ཡིད་ཆེས་ཀྱང་ལོས་ཡོད། དེའི་ཤེས་བྱེད་ཀྱང་། ཁོ་པས་ཆེད་གཉེར་གྱིས་དེ་རིང་བར་བོད་མདོ་དབུས་ཁམས་གསུམ་ནང་གི་ཀུན་གཟིགས་མཆོག་གི་གསུང་ཅི་མཆིས། འཚོལ་ཞིབ་དང་ལས་ཁུར་ཞུ་མྱོང་བས་རེད།

ཁམས་བཟང་། ༸ པཎ་ཆེན་སྐུ་ཕྲེང་བཅུ་པ་ཨི་ཏི་ནི་ཆོས་ཀྱི་རྒྱལ་མཚན་མཆོག་གི་མཛད་འཕྲིན་སྐོར་ལ་དྲ་ཐོག་བགྲོ་གླེང་ཞིག་གནང་བར་སྙིང་དབུས་ནས་རྗེས་སུ་ཡི་རངས་ཞུ།

དབུས་ཕྲུག་ལགས་ནས་གསུངས་པ་ལྟར་༸ པཎ་ཆེན་ཨི་ཏི་ནི་ཞབས་ཞུ་ལས་ཁང་ལྟེ་གནས་ཞིག་ཡོད་སྟབས་ལས་ཁུངས་འདི་ནང་བགྲོ་གླེང་ཞིག་གནང་དགོས་རྒྱུ་དེ་གལ་ཆེན་པོ་རེད།

ང་ཚོ་ཚང་མར་བོད་རྒྱལ་ཁབ་དང་། བོད་མི་རིགས། བོད་ཀྱི་ཆོས་དང་རིག་གཞུང་། བོད་མིའི་བདེ་སྡུག་བཅས་ཀྱི་ལས་དབང་ལ་བོད་མི་མི་རེ་ངོ་རེར་ལས་འགན་དང་འགན་འཁྲི་ལྕི་མོ་ཞིག་ཡོད་སྟབས་ད་ལྟའི་ཆར་ང་ཚོས་བློ་རྒྱ་ཡངས་བའི་སྒོ་ནས་ཕན་ཚུན་མཉམ་ལས་གནང་ཏེ་བོད་སྤྱི་ལ་ཕན་པའི་བྱ་བ་ཞིག་ངེས་པར་དུ་བསྒྲུབ་ཐུབ་ཞིག་དགོས།
ལྷན་རྒྱས་ཚང་མར་ཐུགས་རྗེ་ཆེ་ཞུ།

ད་ཐེངས་ཀྱི་བགྲོ་གླེང་འདི་དོན་སྙིང་ལྡན་པ་ཞིག་ཡོང་བར་ཡིད་ཆེས་ཡོད།རྒྱུ་མཚན་ནི་བགྲོ་གླེང་འདི་ལ་གྲ་སྒྲིག་དང་སྔོན་དཔག་གི་ལས་འཆར་མང་དུ་བཀོལ་ཡོད་པ་ཁོ་བོར་གསལ།དེའི་སྟབས་ཀྱིས་དྲ་གྲོགས་ལྷན་རྒྱས་སང་ཉིན་ཐུགས་བློ་བདེ་བོས་ཕེབས་པར་ཞུ།

གོ་སྒྲིག་པ་རྣམས་ལ་ཡིད་ཆེས་ཞུ་ཆོག་པ་ཞིག་ལ།ཁོང་ཚོའི་མི་གསུམ་སུ་ཡིན་ཡང་པཎ་ཆེན་རིན་པོ་ཆེར་རྒྱུས་མངའ་མེད་པ་དང་ཅལ་འདྲོགས་ཀྱི་རྣམ་པས་སླེབས་པ་གང་ཡང་མ་ཡིན་པ་ང་རང་གིས་ཁས་ལེན་ཆོག

ད་རེའི་བགྲོ་གླེང་འདི་རྒྱབ་སྐྱོར་བྱེད་རྒྱུ་ཡིན།

གོང་དུ་བསམ་ཚུལ་འགའ་ལ་གཞིགས་ན་དེ་རིང་གི་བགྲོ་གླེང་འདི་ཆར་གཞི་དང་མི་ལྡན་པ་ལྟ་བུ་རེད་ཟེར། ཡིནའང་། སོ་སོས་ཆར་གཞི་དང་ལྡན་པའི་སྤྱི་ཚོགས་ཀྱི་ཞབས་ཞུ་གང་ཞིག་ཞུས་ཡོད་པ་གསུང་རོགས་གནང་ཞུ་ཡ་དང་། ང་རང་གིས་ལས་རིམ་འདི་ལ་རྒྱབ་སྐྱོར་བླ་མེད་ཞུ་རྒྱུ་མ་ཟད། རང་གིས་བསམ་ཚུལ་ཀྱང་གང་མང་འབུལ་ཐུབ་པར་འབད་བརྩོན་བྱེད་བྱེ་བཞིན་ཡོད། ཐུགས་རྗེ་ཆེ།

ཕྲན་གྱི་བསམ་ཚུལ་འདི་གླེང་དགོས་དོན་ནི། ལོ་མང་རིང་བཙང་ཕྲུག་སྟོབས་ཀྱིས་ལས་ཁང་དེའི་ནང་ཀུན་གཟིགས་མཆོག་གི་སྐུ་ཚེའི་ལོ་རྒྱུས་དང་འབྲེལ་བའི་ཉམས་ཞིབ་བྱས་ཡོད་རྐྱེན། གནས་ཚུལ་འདིའི་ཐོག་དམིགས་བསལ་གྱི་གླེང་སློང་དང་། བགྲོ་གླེང་བ་ཡོངས་ལ་ཕན་པའི་རེ་བ་ཞིག་གིས་བསྐུལ་སོང་བ་རེད།

དང་པོ། བྱ་འགུལ་འདི་འདྲའི་རིགས་ལ་རྒྱབ་སྐྱོར་ཡོད་པའི་བསམ་པ་སྟོན་རྒྱུ་ཡིན་ལ།
གཉིས་པ། གོང་གི་དབུས་ཕྲུག་ཚེ་རིང་ལགས་ཀྱི་བསམ་འཆར་དེ་ལ་མོས་མཐུན་བྱ་རྒྱུ་ཡིན། གསུམ་པ། བགྲོ་གླེང་སྐབས་སྟངས་འཛིན་ནན་ཏན་བྱ་རྒྱུར་འབོད་སྐུལ་ཞུ་རྒྱུ་ཡིན།